غاضتني منو خلاني في الحالة هاكي و خرج ، غفيت شوي و فقت متفرهدة بدلت حواجي خاتر تمسخو و لبست robe de chambre
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و قعدت نكلم في ماما نطمن فيها عليا كملت و هبطت طيبت العشاء و نضف في الدار حليت التلفزة و قعدت نشطح على الغناء ، حتى حضرت الماكلة ، عبيت كريشتي و رجعت نشطح و نغني و نسيت روحي حتى سمعت صوت تقربيع، قلبي دق و قعدت نتبع في الصوت حتى دخلت الكوجينة ياخي لقيتو تاليفوني هههه هزيتو اما لقيت نومرو منعرفوش سوار: الو ... ايمن:سيلين ايمن معاك سوار:اهلا سمحني معقلتش صوتك ايمن:نشالله مقلقتكش سوار:لا لا pas de tout ايمن:نجم نراك نتقابلو ناكلو حاجة سوار: اممممم اه ليوم نجمش عندي خرجة في ليل مع صحبتي امممم كان تحب تو غدوة نكلمك ايمن:باهي سايس روحك و متبطاش عليا نحب نشوفك اكيد .. سوار:مممم باهي اي بنوي ايمن: باي علقت و منيش مصدقة قلبي يضرب خايفة كان يطلع شلق بحاجة يربي شنوا بش نعمل وينو انس ، لا لا منضنش كان شلق راو قلب الدنيا يا ربي راني حايرة ، هزيت التاليفون و كلمت انس ميهزش مرة و ثنين و ثلاثة حتى ايست جيت باش نطفي التلفزة و نطلع لبيتي ياخي ضوء قص ، ترعبت و انا نخاف مالضلمة شعلت تاليفوني و بقيت نكلم فيه و نبكي شي ميجاوبش و تاليفون باش يتسكر منيش مشرجيتو تكيت على كربي و بقيت نرعش مالخوف فجأة تاليفون سكت يخي تطرشقت بالبكاء حضنت روحي و رقدت على الارض قعدت للصباح عنيا محلولة و انا نبكي ضوات الدنيا شوي ياخي خذاتني عيني و رقدت و انا مرمية على الارض ...
راقد و نحس في صوابع على وجهي حليت عيني بشوية لقيتها ميرال تتبسملي هبطلها يديها و قمت لبست حوايجي ميرال: مزال بكري زيد شوي انس:لازمني نروح ميرال هوكا خذيت بخاطرك و جيتك ميرال:ايجاني ديما تغيبش عليا .. مجاوبتهاش و هزيت روحي و خرجت نسيت سوار وحدها ركبت في الكرهبة و روحت نجري وصلت و قلبي يدق متحير عليها خاصتاً بعد محليت تاليفون و لقيت برشا مكالمات من عندها ، لمحت لباب محلول شوي دزيتو و دخلت طلعت لبيتها مفماش فركست لبيوت لكل مفماش ريحتها هبطت في الدروج نكلم فيها تاليفونها مصكر دخلت لصالة لقيتها طايحة على الارض قلبي تقبض كي ريتها هكاك جريت حملتها و نفيق فيها فيسع مقامت مفجوعة و تصيح سوار:علاه خليتني وحدي دنيا ضلام نخاف 😭 معادش تمشي و تخليني مخيبككك حرام عليك قتلي باش نبطا موش باش نهرب ..😭 ملقيت منجاوبها حسيت بذنب تضرب فيا على صدري و تبكي و عويناتها منفوخين جبدتها في حضني و هديتها انس:اششششش كهو تشديت فالخدمة نوعدك معادش تتعاود متخافش انا معاك حسيتها هدات و حسيت قلبي طمان خفت ليجيها ايمن و يطلع عمللها حاجة نجمتش نقاوم كل منراها في الحالة كيما هاذي قلبي يحن و يلين شنوا لي قاعد يصير معايا علاه ديما نحبش حد يقربلها غيري شنوا لي قاعد يصير في داخلي .... قومتها و مشيت للبيرو و هزيتها معايا قعدتها و قعدت وراها حليت Pc و تكلمت انس: ايمن و ارتحنا منو توا ركزلي معا هاذا انا دخلت للتصويرة و هيا بدات تصيح، سوار: لا لا لا بدل لا... ،شبيها شفما ، قامت تنطرت تجري و سكرت على روحها لباب مخلتنيش ندخل اما قلبي ما قيلي خير لازم نشوف شبيها ناديت عليها مجاوبتش ياخي تلزيت باش نضرب الباب ، حليتو و دخلت نلقاها حاضنة روحها و تمتم بكلمت لا قربتلها ياخي ولات تضرب فيا و تخبش و تصيح سوار:امان متهزنيش ليه امان 😭😭😭نعملك لي تحب عليه والله اما مترجعنيش ليه😭 ....
