شهرين و انا نفركس عليها ملقيتهاش ، ايمن يلوج معايا و ملقينالها حتى اثر ، مزلت مأيستش لازم نلقاها خاطرها مزالت في لبلاد وصيت اسماعيل باش يبحثلي في المطار على اسمها كان خرجت مالبلاد اما ملقا شئ يخصها يعني مزالت في ايطاليا ، وليت كل ليلة نمشي للبار نشرب حتى ندوخ يروحو بيا رجالي قعدت على اكا لحال حتى الخدمة هملتها قعد ايمن و مكرم شادينها في غيابي و انا تصويرتها محبتش تتنحى من مخيلتي كل ليلة نحلم بيها وصلت نسمع صوتها في دار و في ليل مخر ، توحشتها توحشت عينيها لي كي موج لبحر و خزرتها و تذبيلت عينيها ، توحشت خيالها لي ديما يدور قدامي ، توحشت ريحتها لي من خشمي متنحاتش ، و شفايفها لي اسروني بسخانتهم و طعمهم لي كيما لعسل ، زعمى ويني ، متغطيا؟ شبعانة؟ فرحانة؟نساتني؟!!؟؟؟؟💔 هاكي حالي كل يوم من غيابها حتى يهزني نوم و انا هايم نفكر فيها ....💔
حسيت بحاجة عاودت تزرعت في قلبي يدق بصيفة غير عادية، فرحت اما خايفة مالي جاي في المستقبل عايلتي و انس كان يسمع موش باش يخليني رايضة ، انا حبلة ، صدمني لخبر وقت ريت تاست اما حسيت بحاجة فيا فرحانة ، فرحانة الي حاجة منو في وسطي ، مننكرش لي قلبي مزال معلق فيه 💔 رغم لي عملهولي لكل 💔 اما هاكي لحقيقة ولدو و الا بنتو في وسطي ، قطعة مني ... زينة:مبروكككككك مبرووووككككك لبنتي ، باش نولي جدة ، موش هكا؟🥺 سوار:اي خالتي زينة اما خايفة كيفاه باش نواجه لعباد و عايلتي و خاصتا انس ، منحب حد يسمع ، باش نستحفض عليه و نربيه اما ... اما كي يكبر و يسألني على بوه 😭 شنوا باش نجاوبو ؟ نقلو لي بوك اغتصبني و انا هربت منو و راو بوك ميعرفكش 💔 زينة:سبقي لخير بنيتي تعرفيش على الدنيا خليه يوصل سالم ولباس صحتو و انا هاني معاك تو نلقاو حل لكل شي زينة متخليهاش بيك ☺️ طمنتني بكلامها عندها حق خلي يوصل بعد تو نخمم في كل شي ... لايام تجري تعدا شهر ٱخر و انا بين شهاوي و لوجايع و ردان و حالة حليلة و لحق خالتي زينة عاملة معايا لمليح موش مخليتني ناقصة حتى شي تطيبلي و تشريلي و انا حاشمة منها فلوسها لي عندها لكل تخبيلي فيهم للولادة تحبني نولد في كلينيك حشمت على روحي وليت نقصت مالشهاوي نحبش نكثر عليها ، دللتني و حسبتني بنتها و مرة في الجمعة نمشو نحوسو و نشوفو حوانت الصغار و هيا فرحانة كينها هيا لي باش تولد هههه .... ليوم باش تههزني نشوفو جنس المولود قامت صباح بكري مسكينة جابتلي فطوري لفرشي و توكل فيا بيدها هيا زينة:صحا لبنتي اي قوم البس و هاني حاضرة نستنا فيك لوطة نحضر لكرهبة متاع لمرحوم و اخلطي عليا هههه سوار:ههههه حاضر زينونتي هاني قمت هههه متوفا لحبالة الا منولي قد برميل ههههه .. قمت حليت لgarde جبدت حوايج ياخي حلات في عيني روبة حبيت نلبسها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جاتني هابطة مع بدني و عطات فورمة لكرشي لبدات تتكعبر هههه كملت شديت شعري ذيل حصان ، و عملت روج و خرجت لقيتها تستنى فيا ركبت معاها و مشينا للكلينيك ....
قمت الصباح على حس دقان قوي على لباب فقت مترهوج حليت لقيتها ميرال وجها مقلوب و عينيها يطايرو بشر😡 ميرال:لوقتاه باش تبقى تجري في جرتها ، شوف حالتك هملت روحك و خدمتك ، انا ضحيت بكل شي على خاطرك و انت مكسح راسك فيق على وضعك راك وليت حالتك تسخف 😡 شبيني نكلم فيك مطفيني و تسكر عليا التاليفون ، هذا كفويا معاك مبدلني بوحدة شوليقة كلامها كرزني و زاد على ما بيا خاصة كي حكات على سوار بالخايب محملتش فيها و مفقتش بروحي حتى كيفاه عطيتها كف جات طايحة راسها على العتبة متع الدروج ، طاحت و عينيها تغمضو ، فقت على روحي شعملت و طبست عليها هزيتلها راسها لقيتو بدم ، حملتها و جريت ركبتها في الكرهبة و طرت بيها لاقرب كلينيك باش ننقذها ....
وصلنا و دخلت قابلت الطبيب طلعت فوق الفرش و بدا يحطلي في الجال و عملي إيكو و انا نخزر نتفرج في حاجة صغييرة في كرشي قلبي بدا يدق مالفرحة و انا نرا فالحاجة لي تزرعت في كرشي ، قطعة منو 🥰 حسيت بالحنان و الضحكة مفارقتش وجهي ، طبيب:مدام عندك شهرين و نص قريب التلاثة شهور و bébé حالتو مستقرة حمد لله ، ضاهر فيه طفل قوي برشا... هوا قال طفل و خالتي زينة قلبت الدنيا بالزغاريت ، عينيا تملاو بالدموع ، دموع الفرحة ، كملت و قمت عطاني فيتامينات باش تقويني و خرجنا و انا الدنيا موش سايعتني باش نولي ام لطفل ، خرجت نساعد في روحي انا و خالتي زينة شادة كرشي لي بدات تضهر و نضحك وصلت للباب اما فرحتي مدامتش ... جات لعين فالعين ... قلبي ضرب ويدي رعشت ... جاني احساس غريب خاصة بعد المضهر لي ريتو عليه قدامي ... 💔 ... جمعنا لقدر مرة اخرى ... معندي وين نهرب تكشف امري ...💔
