سوار:انس ايجا لولدك يبكي انا ندوش انس:وانا نلبس اخرجلو انت سوار:باهي توا نتفاهمو فيه لموضوع استناني نخرج لفيت روحي بمنشفا و خرجت لقيتو فاحم بالبكاء حضنتو نسكت فيه حطيت لبستو حوايجو و لبست انا حتى جاني انس انس:حاضرة سوار:حاسة روحي خايفة انس:انا معاك و كان تحس بقلق مغير منمشو سوار:لا لا هيا طلعت معاه في الكرهبة و مخبيا لخوف متاعي حبيت نبدل جو قعدت نعمل في تصاور لايمن
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كبر على قبل و توا عمرو عام جاء يشبهلي في لعينين اما لباقي لبوه خاصة تصرفاتو و نومو و ماكلتو نسخة من بوه وصلنا للمطار شوي وقت دفع انس اوراقنا و طلعنا في الطيارة في طريقنا لتونس 😖 خايفة مالمواجهة 💔 شهر لتالي جاني ميساج من عند ايات صاحبتي خبرتني فيها لي امي و بابا خلولي ورقة و امانة عندها و قتلي لازم نرجع لتونس 😖 خايفة ملي جاي و شنوا باش يصير قعد مخي يهز فيا و يجيب بالتخمام حتى حسيت الطيارة هبطت ثنيا كاملة نخمم طول ها الوقت ؟؟؟### حاصيلو هبط و ركايبي يرعشو حمل انس ولدو خاطر حسو بش يطيح من يدي عطاني ماء شربت و مشينا لدار امي و بابا لقديمة متفاهمين باش نتقابلو غادي وصلت لقيت لباب محلول دخلت و ورايا انس نمشي و عينيا مدمعين نتفكر في ذكرياتي مع عايلتي تفكرت صغري و اياماتي لحلوة لي عشتهم بين اهلي دزيت لباب و دخلت للصالة لقيت ٱيات قاعدة كي راتني وقفت و قعدت تخزرلي مفهمتش نضرتها اما في لحضة حلت ايديها مشيتلها نجري عنقتها و تطرشقت بالبكاء نشم عليها في ريحت عايلتي خاطرها كيف اختي هيا كهو لي قعدتلي بعد عايلتي قعدنا برشا و احنا معنقين بعضنا و نبكو خزرتلي و بعد تكلمت ٱيات:سامحني سوار كان جرحتك قبل محبيتش نبعد عليك اما امك ربي يرحمها هيا جبرتني نبعد عليك قتلي خاطر في مصلحتك 😭 سوار:اششششش عيش اختي كهو لي فات مات لكلو ماضي و تعدا على روحو ، شوف نعرفك على راجلي انس و ولدي ايمون صغرون ٱيات:نتشرفو ، يااااا محلاه روح خالتو ايجا عندي هيا حملتو و قتلتو بالبوس و هوا يجبدلها في خشمها و يخبش فيها😹 خرج انس قال ماشي للشريكة تونسية عندو شوي خدمة و خلانا على راحتنا حتى تكلمت ٱيات ٱيات:امك خلات عندي لورقة هاذي قبل متموت و قتلي كان صرتلي حاجة وصلها لسوار خذيتها و حليتها نقراء فيها و دموعي شلال على خدي كتبتلي لي هيا مسامحتني و بابا كتبلي دار باسمي و الي هوما يحبوني و عمرهم مكانو قاصدين يجرحوني نجمتش نتحمل و وليت نبكي بصوت توحشتهم يليتهم كانو جنبي توا راو خير محبيتش نبعد والا يصير هكا علاه انا يصير معايا هكا علاه انا .... هدتني ٱيات و خرجتني باش نبدلو جو مشينا لانس للخدمة دخلنا لقيت ايوب صاحبو معاه جريت عنقت انس و هوا حاوطني بايديه حس بيا و خزرلي انس:ديما معاك و عمري منخليك ... ❤️ ضحكت و نسيت همومي برغم ربي حرمني من اهلي اما عوضني بولدي و راجل لي بش يصوني و يكمل معايا الطريق صحيح صارو اغلاط في الماضي اما هاكا فات و مشا على روحو كان وقت و تعدا و توا نخزر لي جاي نربي ولدي و نفرح راجلي و نحاول ننسا همومي عايلتي جاء وقت عشت معاهم اما توا لازم نعيش و ناقف للمستقبل لي جاي لروحي و لولدي و لراجلي تعلمت دروس خلاتني نفيق و نعرف برشا حاجات على الدنيا الي ياما بكاتني و قاصيت منها و وكلتني لمر اما كلو يتعدا و حمد لله توا عايشة .... هاذي كانت قصتي سوار في لماذا انا ...🔥 نشاءلله تكون عجبتكم حكايتي و ستمتعتو بيها ❤️🇹🇳
