لماذا انا 💔

12

لاحداث صارو في لحضة ملقيت روحي كان بين يديه نرقصو ،ملمس يديه محملتوش فوق من قلبي نتمايل معاه باش ميحسش عليا اما من داخل متقززة منو خيتتتت ، طفا الضو و جات لحظة رومنسية ضو خااافت نخزر كان لعينيه خفت و رعشت وقت بدا يقرب ، لا يا ربي لا نشالله ميعمل شي في الثواني هاكي ربي استجابلي و وفات الموسيقة جبدت روحي منو و مشيت للطاولة رجعت اما ملقيتش انس بقيت نلوج بعينيا حتى لمحتووو و يليتني مريت اكا لمشهد حسيت بنغسة في قلبي .... يبوس في ميرال 💔 .... جاني ايمن قعد يحكي و انا نتبسم عقلي موش معاه جملا قعدت نراقب في انس حتى ريتو خرج هوا وياها ، معقول خلاني و مشا ... شديت روحي بسيف باش منبكيش جانا serveur عطانا كيسان و غمزني و مشا مفهمتش شبيه اما مكنتش مركزة حاسة قلبي يوجع بعد لي ريتو انا هكاكا نشرب و اول مرة نحط خمج في فمي مالغزول كملتو لكل و ايمن كيف كيف كمل كاس و خزرلي جا قربلي و وشوشلي
ايمن:شقولك نطلعو للبيت لهنا برشا عينين👀
خزرت للوقت لقيتو 11:30 مزالت ربع ساعة و يطعطلو الكميراوات بديت نقربلو بدلال و انا في قلبي كان نلقا نقتلو
سوار:امممممم علا شرط
ايمن:اشرط كلي ليك🤤👀
زدت قربتلو نعرفش كيفاه جاتني الشجاعة اما نحب نكمل فيسع حاسة روحي تخنقت
سوار:تهزني لبيتك 🙄
ايمن:غالي و طلب على الرخيص هيا نطلعو مغير منزيدو نظيعو الوقت 🤤
شدني من يدي و مشا بيا جيهت الدروج طلعنا و بعدنا على العينين مفما حد مشينا حتى قريب نوصلو خزرتلو كيفاه شد راسو و بدا يطايح ، اه توا فهمت علاه غمزني serveur شفت الوقت نلقاه 11:43 و هوا عينيه بدات تتسكر ...
سوار:ايمن شبيك لاباس اناهيا بيتك خالي ندخلك ترتاح
ايمن:ٱخر وحدة على الليسار 😵
سوار:إتكاء عليا تو نوصلك هاني معاك منخليكش 🤞🤭
مشيت زربت خاترو بدا يترخى عليا و منجمتش نقاوم وزنو دخلت رميتو على الفرش و هوا موش واعي ناديت عليه و مجاوبنيش هزيت راسي شفت الوقت déjà 11:50 في ايدي درجين دخلت بعضي فركست البيت ملقيت شي فليتها لكل و نافع ربي حتى فقدت الامل تكيت على كواترو ياخي تحرك و تحل باب صغير مصدقتش عيني دخلت نلقاه شبه بيرو فركست و كيف كيف ملقيت شي شديت vase à fleurs باش نرميه ياخي حسيت حاجة فيه دخلت يدي و جبدت اوراق قريتهم لقيتهم هوماااا 😃😃😃 هزيتهم و رجعت في بلاصتهم اخرين عطاهملي انس في الكرهبة و رجعت كل شي كيما كان و خرجت كتبتلو ورقة اعتذرت منو الي لازم نروح خليتها في يدو و خرجت نجري مشيت لتولات نرعش بردت حالتي حليت التاليفون نلقا الوقت 11:58 و ميساج مكتوب فيه "اخرج اجري توا تو تلقاني نستنا فيك قدام الدار " خرجت و زربت في خطواتي لقيت كرهبة واقفة اما موش هاكي لي جيت فيها بقيت النلوج ياخي تالفوني نوقز حليت و قريت "تتبهلل اطلع ر****"  مشيت نجري ركبت عرفت الي هوا انس محبيتش نغزرلو في عينيه مديتلو الاوراق و اتكيت على الشباك و بقينا ساكتين ثنيا كاملة ....

ريتو كيفاه يقربلها و انا نغلي دخلاني جات ميرال لصقت فيا تحاول باش نشطحو ياخي هزيتها شطحنا و محسيتش بالوقت حتى كملت الموسيقى و ختمتها ميرال بوسة محبيتهاش ملول اما تفاعلت كي ريت سوار تغزر خلي تحس لي حسيتو و بعد هزيتها و خرجت ،روحت بيها باش متعمليش مشاكل ياخي كبشت باش نعدي ليلة معاها ، موش وقتو بالكل مسيبتني الا موعدتها باش نرجع و خرجت نزرب معادش بكري ثنيا حرقتها و صلت لقيت deja  الوقت وفا لي عطيتهولها بعثتلها ميساج و جات ركبت مغير حتى كلمة عطاتني الاوراق مصدقتش نجحت و عملتها توا نجم نعمل عليها اما مضهرتش فرحتي مكرز عليها ثنيا كامة و متكلم فينا حد وصلت خرجت مالكرهبة و ستنيتها تهبط و مهبطتش حليت عليها الباب و انا اعصابي تلفت ياخي لقيتها راقدة منظرها هداني شوي اما موش بش تمنع مالعقاب يا سوار ، حملتها هزيتها لبيتها نحيتلها صباطها و تكيتها و هيا موش لهنا جملا خليتها و مشيت للبيرو باش نتلها بالاوراق و نكمل مختطاتي حتى خذاتني عيني فوق البيرو مالتعب محسيت بشي ....