لماذا انا 💔

28

طلعنا في الكرهبا و مشينا لبلاصت العرس مالي الا ساعة و وصلنا هبط حلي لباب و ساعدني باش نهبط لبلاصة لكلها مزينة و مكتوب اسمي في كل تركينة قداه عزت بيا الفازة ، شدلي يدي و دخلنا نتمشاو بالشوية و العينين لكل علينا فيهم لي يصفقلنا و فيهم لي حاسدنا وصلنا وين طاولة متاع كتبان الصداق قعدنا و بدا العدل يحكي حتى جات اللحضة و سألني و جاوبت ب"موافقة " بعد سأل انس و جاوب مواقف ياخي ختمها ب "انتما زوجا و زوجة على سنة الله و رسوله" فرحة دخلت لقلبي خالتي زينة جات تبوس فيا و صحابو يباركولو حتى تحطت موسيقا و هبطنا نرقصو ياخي جاء ايمن تشوكيت مالاول
ايمن:انس تسمحلي برقصة معاها عندي منقوللها و نوعدك معادش ندور بيها بعد
انس:خف روحك
جاء ايمن حاوطني و قعدنا نتمايلو بشويا و هوا يخزرلي و عينيه مدمعين
ايمن:سوار انس حكالي كل شي لي انت ماكش سيلين و خبرني لي هوا يحبك صحيح قبل كنت باش نضرك اما نتمنا تسامحني خاطر ... خاطر حبيتك يا سوار انت موش ليا نعرف اما اتأكد معادش باش نأذيك و باش نكون سند متاعك تستحقني ايجاني و انا معاك سوار معادش باش نقلقك و نتمنى ربي يهنيك مع انس
عينيه مدمعين غاضني انا مسامحتو و هكا لي كتبو ربي لازم نرضو بيه
سوار:ايمن انا مسامحتك توا معندي حد في الدنيا هاذي غير انس و امي زينة مذابيا تبقا ديما جنبي و تنسا لي فات
ايمن:تدلل يا عيون ايمن اي نخليك مع انس من بكري يڨحرلي هههه
سوار:ههه باهي باي
هوا مشا و جاني انس
انس:اي مالا ليلة كيفاه😏
سوار:ههههه ارقد
قعدنا نفذلكو و نضحكو و موش حاسين بشي بخلاف الحب الصادق لي خارج من قلوبنا و الفرحة لي تعبر من عينينا ، تعدات سهريا عسل تفرهدت و كان احسن عرس تعملفي التاريخ ، جاء وقت المرواح انس باش يطير بالفرحة و انا نخبي في خوفي بالسيف ههه ركبنا و روحنا و ورانا كراهب تزمر و فرحانيلنا و الالعاب الناريا ملات السماء حتى وصلنا للدار حملني و هبط بيا صكر لباب و طلعني للبيت و صكر باب لبيت حطني على الفرش و بدا ينحي في حوايجو و يقربلي هوا كمل حوايجو و جاء باش ينحيلي ياخي تكلمت
سوار:يا حبيبي نفكرك لي انا حبلة موش باهي للصغير تحبو يسمعنا ياخي🙄
انس:سوار تقليش دغفتني
سوار:هههههههههههههههههه يا ناري عليك هههههههههههههههه صار جدت عليك كي قتلك نهارت لعرس ياخي نسيت لي انا حبلة
انس:اسمع انا باش نرقد ابقى فيها 😠
سوار:ههههه رتحنا
حسيتو جمد مالغش ههههه لبست حاجو مرتاحة و تكيت رقدت ههه ....

قمت الصباح دجاج لكحل داير بيا حظرت دبش و طيبتلها حاجة تاكلها و طلعتهالها لبيتها طيارتنا قريب تخرج قومتها فطرت و خليتها تلبس و هبطت نستنا فيها في الكرهبة نص ساعة و جات و طرت بيها للمطار دفعت الاوراق و طلعنا لالمانيا ....

بعد 5 سوايع حسيت بوجيعة في كرشي هبطنا الطيارة و ركب في كرهبا ياسر مزيانا و مشينا لدار خالتو ، وصلنا لقينا عايلة كاملة تستنا فينا فرحانين ، اما هبطت و خالتو جاتني تجري تعنق و تبوس و تهني فينا فرحت بيها باين عليها مرا باهية سلمت على ولادها و بناتها و راجلها و دخلونا للدار (قصر على حالو) عطاتنا بيت طلعت باش نرتاح و خليتهم لوطة يحكو مع انس و انا طلعت رقدت مالتعب و الوجيعة متاع كرشي ....

يتبع...