لماذا انا 💔

23

بديت نفيق و راسي ثقيييل لبيت ضلام و باردة حاسة اطرافي باردين ، ركبني لخوف اما شكون لي ينجم يخطفني منعرف حد و حد ميعرفني ديمة من مصيبة لمصيبة ، نعرفش قداه قعدت على اكا لحالة حتى تحل لباب من العتمة منجمتش نرا وجهو ، قربلي و حل الضوء فما وين يبست مالصدمة شمزال يحب مني هذا مصدق لربي رتحت منو وقت هددو انس
نذير:ههه شنوا طايحة حبك درباني انتي و ولد عمي هههه ، خصارة معلمتوش لي انت ضيفة عندي اما تو يعرف لي اميرتو حذايا
سوار:شحاجتك عندي شتحب يا مسخ
نذير:اوووو لقطوسة عندها لسان وتكلمت ، عينيك فاضحينك يزي مالتمثيل
سوار:زايد نذل و مسخ كيفك م...
محسيت كان بكف طرشقلي خشمي بدم
سوار:ااه كيفاه تنجم تحط يدك المسخة عليا يا حيوان ماكش راجل و متكسابش طرف رجولية
نذير:شكون موش راجل اه ق***  كيفك تعلي صوتها عليا تو نوريك رجوليتي كيفاه
شد يضرب فيا بالكفوف و الركلة حتى طحت نجمتش نقاوم ياخي عطاني ضربة في كرشي  صحت اثرها صيحة تنشق عليها لجبال وجيعة قوية رهوجتني و الدنيا ضببت في عينيا بدى الدم يهبط مبين ساقيا و هوا مزال يضرب و انا شادة كرشي خايفة على الصغير و الدم يمشي و يزيد حتى وليت نعوم في بركة حمرة كي را حالتي هكاك هز روحو و خرج ، وخلاني مرمية مطيشة نحارب في الموت ....💔
  

جهامت نذير نعرفها هوا لي خطفها و ضاهر موش ناوي على الخير ، هبلت في مخي مجرد تخمام قتلني بالحياء اما ميكون كان في بلاصة وحدة لي ديمة يعمل فيها الخمج متاعو في السبيطار المهجور جمعت رجالي و ايمن كلم رجالو هزيت اكثر سلاحات و هبطت ليوم قاتلو مهما صار ، ركبنا و شدينا طريقنا ، 4 سوايع و مزلنا موصلناش بلاصة معزولة و بعيدة كي قربنا هبطنا الكراهب باش ميشلق بينا حد مشينا شوي حتى وصلنا للصبيطار و الدنيا ليل، رجالو مالين لبلاصة تجهزنا و عطيت للقناص اشارة و هجمنا عليه ....

دم يمشي و يزيد و انا معادش نجم نقاوم لوجيعة ، حاسة لي لموت قربتلي نادمة على برشة حجات اولهم اني بعدت على عايلتي انا هكاك و سمعت حس كرتوش قوي ، قلبي غم عليا اكثر ، خفت و زادت الوجيعة  وليت نصيح و نتسكك ، لموت ارحملي مالعذاب هذا تحل الباب و دخل نذير حاول يحملني اما منجمش وجيعتي قوية قعدت ندز فيه و هوا يكركر فيا من شعري يحب يخرجني حتي في لحضة ريتو طاح فوقي و فيسع حاجة جبدتو ، انس ، منيش مصدقة عينيا فرحة رجعتلي رغم وجيعتي و خوفي على ولدي، هجم عليه بالضرب و نذير يقاوم حتى ريت انس جبد مسدس و ضربو في راسو هبطو ساكت نجمتش نرا اكا لمشهد جاني يجري حملني و يحاول يخليني فايقة اما خلط عليا مخر خاطر دخلت في عالم الاحلام و معاد حاسة بشي ....

لقيتها تنزف دم هابط بين ساقيها و وجهها مورم ط*** ضربها و مرحمهاش ، محبيتش توصل بيا نقتلو اما هوا تعدا على حاجة تخصني ، مفكرتش جملة خسرت عليه رصاصة بين عينيه و جريتلها لقيتها تحاول باش تحل عينيها اما منجمتش ركايبي رعشو مالفجعة خرجت لقيت برشا ماتو من رجالي و شطر رجال نذير هربو ، مركزتش برشا في مخي حاجة وحدة اني نوصل للكلينيك في اسرع وقت ركبت و شديت الطريق باقصى سرعتي ، مالي الا سوايع تعدو عليا كأنهم اعوام وصلت هبطتها نجري خذاوها ما بين يديا اطباء و دخلوها لبيت لعمليات و انا نستنا على احر من الجمر وصل ايمن و مكرم و درة و زينة و انا ماشي جاي قدام لبيت و كل مرة يدخلو يجرو و يخرجو لعبولي باعصابي حتى خرجت فرملية تجري
الفرملية:المريضة خسرت دم لازمنا متبرع في اسرع وقت قبل منخسرو الصغير
زينة:شنيا زمرت الدم
الفرملية:O-
انس:انا O- نجم نتبرع
الفرملية:معندك حتى مرض ؟
انس:لا
الفرملية: تفضل معايا فيسع
دخلت معاها جبدتلي برشة دم حسيت بدوخة علقتلي سيروم و خرجت ، في لحضتها دمعتي هبطت هاذي ثاني مرة نعيش شعور هذا اول مرة مع امي نهارت لي ماتت و ثاني مرة توا خايف كان نخسرهم لزوز 💔 دخلتلي زينة و قعدت على الكرسي تحكي
زينة:ملي جاتني و عرفت لي هيا حبلة كانت خايفة منك ، اما في نفس الوقت متوحشتك صحيح مقتليش اما حسيت عليها قداه من مرة نسمعها تبكي في ليل و تنادي عليك ، توجعت منك كي اغتصبتها اما قلبها حن ليك انت ، سوار مستحقتك جنيها امشي حذاهة متخليهاش وفي لوقت هذا بالذات..
كملت كلامها و خرجت و انا كلامها يدور في مخي هزيت السيروم و خرجت رجعت قدام بيت لعمليات شوي وقت و نخزر لطبيب جايب شوك الكتريك و داخل بيه ، و انا تقول شكون صب عليا سطل ماء بارد
انس:شنوا هاكا علاه مدخلينو؟
طبيب:المريضة قلبها ضعف لازم نخدموها باش الصغير ينجم يقاوم و منفقدو حتى واحد فيهم ، دزيتو و دخلت قدامو حاولو يمنعوني اما دخلت بالغصب عليهم نخزر كان لمشهد واحد خلاني ندخل في حالت رعب سوار فوق الفرش و يضربو فيها بالصدمات الكهربائية ، شديتلها يديها و دموعي لقاو طريقهم على خدي
انس:سوار قوم على خاطري ، قوم لولدنا ،قوم خلي نربوه بيناتنا نوعدك منخليكش و مستحيل نخلي حد يمسك ،متخلينيش نعيش لفراق مرة اخرى ، قوم على خاطري سوار ، سوااااااااااار
انا صحت باسمها و حس لماكينة رجع ، قلبها رجع يدق ... ربي كتبلها عمر جديد ... لقدر عندو طريق ٱخر زعمة يجمعني بيها انا و هيا و الصغير لي نستناو فيه ... و الا باش يعاود يفرقنا ....💔🔥