لماذا انا 💔

31

مشيت نجري لايمن لي غارق في دمو رمى روحو قدام سوار ياخي جات فيه الضربة هزيتو و خرجت نجري بيه عطيتو للرجال هزوه طول للكلينيك و رجعت لسوار نلقاها تعيط بالوجيعة حليتلها ايديها و سقيها و حملتها و خلطت على ايمن للكلينيك ملي دخلت لقيتهم دخلوه للعملية هزيت سوار للطبيب ياخي طلب مني نخرج بقيت نستنى على احر مالجمر شوي وقت و ريتهم مخرجينها شبه عريانة كي سألت الطبيب جاوبني الي لازم تولد توا خاطر الجنين حالتو مطمنش يعني ولادة مبكرة في شهر السابع دخلت قعدت لبرا نستنى اعصابي تحرقت مكرم يمشي و يجي قدام لباب وترني و تعداو سوايع و لفما خبر على سوار و لا على ايمن بعد قريت 5 سوايع خرج طبيب من العملية متاع ايمن وجهو شاحب 
طبيب:للاسف المريض خسر برشا دم و منجمناش ننقضوه لبركة فيكم
لخبر هبط عليا كي الصاعقة برغم عداوتنا قبل اما هوا حمالي مرتي و ولدي مالموت انهرت نبكي و مكرم مكانتش حالتو بعيدة عليا ، خرجوه و حطوح في بيت لموتا سالت على سوار قالو لي هيا مزالت باش تزيد تبطا وليت تكفلت بوفات ايمن و خرجتو انا و مكرم و هزينا جنازتو لاهلو حضرنا على مراسيم الدفن كملناها و رجعنا للكلينيك سالت على سوار قالولي لي هيا خرجت من عمليتها مشيتلها لبيتها لقيتها تبكي
سوار:انس ولدنا باش يموت انقذو امان محبوش يدخلوني ليه شوف ولدنا و طمني عليه راني باش نهبل
خرجت كي لملسوع نجري سالت عليه ياخي دخلني طبيب يهدي فيا
طبيب:اسمعني ولدي راو الرضيع ضعيف برشا منجموش نخرجوه كان بعد شهرين كانش يموت توا حالتو مستقرة مبدئيا
انس:نجم نشوفو من بعيد
طبيب:اي تنجم و تفضل للفرملية للاجرٱت الازمة لاسمو و اسم عايلتو و اوراقو
تبعت الطبيب مشينة قدام بلارة كبيرة وراني ولدي قد الطرف مزال احمر داير بيه برشا خيوط و دوايات خفت عليه بعد تعديت باش نسميه و رجعت لسوار طمنتها عليه
سوار:وينو لباس عليه
انس:صحتو جيدة مشاء الله على ولدي ايمن
سوار:سميتو ايمن ؟؟؟؟ لحضة علاه و ايمن وينو عمل عملية؟
انس:ايمن خلطنا عليه مخر و توفى على هاكة سميت ولدي على اسمو 😔
ولات تبكي سوار و تتحسر عليه حضنتها و بقيت نسكت فيها حتى رقدت خرجت لقيت زينة لبرا تلوج خليتها بحذاها و رجعت لدار رستم حلفت الي جثتو باش نرميها للكلاب و ماشي نفذ في عهدي دخلت بين الجثث لقيت جثتو هوا و ميرال كركرتهم و هزيتهم بالكرهبة للغابة و طيشتهم و شعلت فيهم النار قعدت نتفرج فيهم حطى طفاو ياخي الكلاب جات تجري من بعيد و هجمو ياكلو فيهم هزيت تاليفوني و خذيتلهم تصويرة و رجعت و قلبي تهنا الي خذيت بثار كل ضحية مشات في جرتهم هبطت دمعة يتيمة من عيني كي تفكرت امي
انس:ارتاح في قبرك يا امي ولدك خلصلك حقك
كملت طريقي و رجعت لسوار و ولدي نطمن عليهم ....