لماذا انا 💔

29

بعد شهرين
سوار:انس نحب نرجعو راجل خالتك خزرتو موش عادية امان هيا انس معادش فيا كرشي كبرت نحب نرجع حذا خالتي زينة تتلهى بيا خوذ بخاطري
انس:باهي ارقد توا و الصباح نحضر اوراقنا و نروحو و راجل خالتي خليه عليا
سوار:لاااا اوعدني متعملو شي راني منسامحكش
انس:غير ارضى عليا انت برك اي ارقد معادش بكري راو
حاولت نرقد اما منجمتش حاجة فيا تقلي صارت حاجة نحب نروح معاد شنجم نبقى مخنوقة موش مطمانة جملة غفيت شوي حتى طلعت الشمس ...

فقت الصباح كلمت اسماعيل باش يحضرلي اوراقي و هبطت باش نخبر خالتي لي احنا  مروحين ، و طلعت قومتها لبست حوايجها و هبطنا يدي في يدها ودعنا الجماعة و شدينا طريقنا للمطار سوايع و كنا في ايطاليا هبطت و قلبي مقبوض حاس حاجة غريبة كبست على يد سوار و طمنتها بعينيا ركبت كرهبتي لي خليتها في المطار و شديت ثنية للدار اما في الطريق حاس حركة موش عادية كرهبة تبع فينا ربطت عزام سوار و بعدها زدت في السرعة و الكرهبة تمشي و تقدم تحب تفوتنا مالي الا دقايق و حسيت بطلقة متاع نار على العجلة خلات الكرهبة تميل و تتقلب بينا ترميت طول فوق سوار نحمي فيها و الكرهبة تدحرج حتى فقدت الوعي من كثر الضرب لي كليتو على راسي ...

صحت باعلا جهدي كرهبة تقلبت بينا و انس حماني مخلاش حتى ڨزازة تتعدالي خفت عليه خاصة بعد مطاح فوقي جثة هامدة قلبي ضرب و انا نفيق فيه كرشي عصرت عليا ركبني رعب و حسيت بدوخة قوية خاطر الكرهبة مقلوبة لتالي بديت نغمض في عنيا و انا شادة يد انس نحب نفيقو و بعد معاد حسيت بشي...

وصلني تاليفون من انس لي هوا راجع للبلاد ليوم سبقتو لدارو نستنا فيه توحشت سوار برشا اما بطا ياسر هزيت التاليفون باش نكلمو لقيتو مسكر شوي و كلمني واحد من رجالي وصيتو باش يجيبلي قضيات للدار
ايمن:وي كمال شفما
كمال:سيدي كرهبت سي انس مقلوبة على الطريق ***** و سي انس مضروب حالتو خطيرة
ايمن:كلم الحماية و هاني جايك تواااا
خرجت نجري كي الملسوع خذيت طريق اخر يوصلني اقرب للمنطقة لي فيها لحادث ، شوي دقايق و وصلت هبطت لقيت انس لكلو دم قربت للكرهبة اما سوار مفماش
ايمن:ويني سواااااررر تكلم
كمال:سيدي كي وصلت ليتو وحدو
ايمن:لا لا حكاية فيها إنّا مستحيل طفلة وين مشات و شنوا صارلها ، جات لحماية و هزو انس طلعت معاه وصلنا دخلوه لبيت لعمليات قعدت نستنا 6 سوايع و هوا مزال خرجلي الطبيب مشيتلو نجري
طبيب:صارلو نزيف حاد من قوة الضربة اما حمد لله بدنو قوي منع منها شوي ٱخر و نخرجوه لبيتو تنجم تزوره اما متطولش لازمو راحة عينايا خاصة
ايمن:ععيشك دكتور
قعدت نخمم في سوار معقول جاء وحدو في التاليفون قال باش يجاو لثنين اعصابي تلفت حتى لمحتهم خرجوه و هوا شبه واعي
انس:طمني عل.ى سوا.ر و ول.دي وين.هم لباس
في اللحضة هاكي ستوعبت لي سوار كانت معاه و هيا توا مفقودة 😱....

بديت نحل في عينيا و راسي ثقيل كرشي توووجع خايفة على ولدي درت جنبي ياخي الدم حبس في عروقي مالصدمة .... هوا عاودها و خطفني .... حاستو كابوس و نحب نقوم منو .... دموعي لقاو طريقهم على خدي .... منيش مصدقة لي نرا فيه هوا رستم بشحمو و لحمو ....💔