Unicode
~~~~~~~
အမေထုတ်ပေးထားတဲ့
လည်ကတုံးအင်္ကျီလေးကို အညိုရောင်ယောပုဆိုး
လေးနဲ့တွဲဝတ်လိုက်ပြီးတော့ ဗီဒိုနဲ့တွဲလျက်ပါလာတဲ့ ကိုယ်လုံးပေါ်မှန်ကြီးရှေ့မှာ ငါသွားရပ်လိုက်တယ်။
ဒီနေ့ကတော့ 'ကျော်ဇေယျာနိုင်'ဆိုတဲ့ငါ
ဗိုက်ခွေးနမ်းမဲ့ နေ့ပေါ့ကွာ။
အားပါးပါး...မှန်ထဲမှာမြင်နေရတဲ့လူက
ချောလိုက်တာဆိုတာလေ ယောက်ျားပီသတဲ့မျက်နှာသွယ်သွယ်လေးမှာ အမေ့ဆီကအမွေရထားတဲ့ မျက်ခုံးလေးကထင်းပြီးတန်းနေရော။ပြီးတော့
အမေကိုယ်တိုင်ညှပ်ပေးထားတဲ့ ဆံပင်ကတိုတိုကပ်ကပ်လေးနဲ့ ဘယ်သူကများအသက်သုံးဆယ်လို့
ထင်ရက်မှာလဲ။ ငါ့မှာအပြစ်ပြောစရာဆိုလို့
အရပ်ပုတာလေးပဲရှိတာ။
မဟုတ်လို့ကတော့ အခုလောက်ဆိုမိန်းမရပြီး
သားနဲ့သမီးနဲ့ ဖြစ်နေလောက်ပြီ။
ဒီနေ့ ငါဒီလိုဝတ်စားထားရတဲ့အကြောင်းအရင်းက
ငါတို့ရပ်ကွက်မှာ ဓမ္မာရုံလူကြီးရဲ့အလှူရှိလို့လေ။
ဒန်ပေါက်နဲ့ရေခဲမုန့်ကျွေးမှာတဲ့။
နေ့ဆွမ်းဆိုတော့ နေ့လည်စာလဲလွတ်တာပေါ့။
ဒီလိုနဲ့ငါလဲပြင်ဆင်ပြီးတဲ့နောက်မှာ
အခန်းအပြင်ကိုပြန်ထွက်လာလိုက်ပြီး
ဘုရာစင်အောက်မှာ ရေနွေးကြမ်းထိုင်သောက်
နေတဲ့ အဖေ့ကိုပြောလိုက်တယ်။
"အဖေ အဆင်သင့်ဖြစ်ပြီမလား
သွားရအောင်လေ။"
"အေး အေး ။"
ငါ ထဖို့နည်းနည်းခက်နေတဲ့အဖေ့ကို
တွဲထူလိုက်ပြီးတော့ အနောက်မှာဟင်းချက်နေတဲ့
အမေ့ကိုလှမ်းအော်လိုက်ရတယ်။
"အမေသားတို့သွားပြီနော်။ "
"ဟဲ့...ကျော်ဇေယျာနိုင် နင်တို့သူများအလှူသွား
တာနော် သားအဖနှစ်ယောက်လုံး က္ကန္ဒြေရရ
စားကြသောက်ကြ ပါးဖြဲနားဖြဲသွပ်မလာကြနဲ့။"
အမေက ဟင်းချက်နေရင်းကနေ အသံကျယ်ကြီးနဲ့
အော်လာတာမို့ ငါတို့သားအဖလဲ
တစ်ယောက်မျက်နှာတစ်ယောက်ကြည့်ပြီး
ပြုံးမိလိုက်ကြတယ်။ ကျန်တဲ့နေရာမှာသာ
အမေ့ရဲ့စကားကို နားထောင်ကောင်း နားထောင်
လိမ့်မယ်။ ဒီလိုနေရာမျိုးကတော့ နိုးပါပဲ။
YOU ARE READING
"လခွမ်း အုပ်ကြီးဖြစ်ရတာလွယ်ကူမနေဘူးဟ"(Completed )
Short StoryFluff,BL,Short story. "အေး..အေးကွာ..ချစ်တယ်ကွာဘာဖြစ်လဲ။ မင်းကလူမိုက်..ငါကအုပ်ကြီး ဘယ်ကောင်က လှန်ရဲမှာလဲ။" အသုံးအနှုန်းအချို့အတွက် ၁၅ နှစ်အောက်ကလေးငယ်တွေမဖတ်သင့်ပါ။ ~~~~~~~~~~~~~~~~~~~~~~~~~~~~ Fluff,BL,Short story. "ေအး..ေအးကြာ..ခ်စ္တယ္ကြာဘာျဖစ္လဲ။...
