Unicode
~~~~~~~
"ရီးကြန်...အိုက်ယား...ရီးကြန်
အရစ်ချမ်းတယ်ဟေ့!။"
အလုပ်များတဲ့ရက်သတ္တပတ်ကိုကျော်လွန်ပြီးတဲ့နောက်မှာတော့ ငါအရမ်းမျှော်လင့်ခဲ့ရတဲ့တနင်္ဂနွေနေ့လေးကိုရောက်ရှိလာခဲ့တယ်။ဒါပေမဲ့လဲ
စောစောထ၊မျက်နှာသစ်၊သွားတိုက်၊မနက်စာစားပြီး ပြန်အိပ်မဲ့အချိန်မှာတော့ ချက်ချင်းဆိုသလို ငါ့ပျော်ရွှင်မှုတွေအကုန်ပျက်သုဥ်းသွားပါလေရော။
"အမေကလဲ..နားရက်လေးတစ်ရက်ရတာကို
ခိုင်းဖို့ချည်းပဲ။"
ငါစိတ်ညစ်ညစ်နဲ့ခေါင်းကုတ်ပြီး ပြောလိုက်တော့
အမေကရေနွေးကြမ်းသောက်နေရာကနေ မျက်စောင်းလှမ်းထိုးလာတယ်။
"မသွားလဲရတယ်လေ အငတ်နေလိုက်။
ငါ့ယောက်ျားကိုအပြင်က ဝယ်ကျွေးလိုက်မယ်။"
တွေ့လား..တကယ်တော့ငါကဒီအိမ်ရဲ့
တရားမဝင်သားပဲ။သိပ်ဝမ်းနည်းစရာကောင်းတယ်။
"ဘာမှမပြောတော့ဘူး...ဒီအိမ်မှာကျော်ဇေယျာနိုင်ဆိုတဲ့ကျွန်တော်က ဘောင်မဝင်ဘူးဆိုတာသိပြီးသားပါဗျာ။"
ငါလဲစားပွဲဝိုင်းကနေထပြီး အိမ်နောက်ဖေးမီးဖိုချောင်ကဆွဲခြင်းတောင်းလေးကိုဝင်ယူလိုက်တယ်။သွားဆိုတော့လဲသွားရတော့မှာပေါ့ ငါမှအငတ်မနေနိုင်တာ။ ဒီလိုအချိန်မျိုးဆို ငါ့ရည်းစားကိုသိပ်သတိရတာပဲ..သူနဲ့သာဆိုရင် အဟမ်း..ပြောနေစရာကိုမလိုဘူး။ မင်းတို့အသိဆုံးဖြစ်မှာပါ။
ငါအိမ်ရှေ့ကိုပြန်ရောက်လာတော့အမေက စားလက်စဟာတွေကိုတောင် ကုန်သိမ်းပြီးသွားပြီ ငါ့ကိုမနက်စာလေးတောင်ဝအောင်မကျွေးချင်ဘူးလားမသိပါဘူးကွာ စျေးဖိုးဆိုပြီးငွေနှစ်ထောင် တန်းပေးလာပါရော။
"ဝက်သား တစ်ဆယ်သား
ဝယ်နေကျ ဒေါ်ညိုတို့ဆီမှာဝယ်။
ဆန်သုံးလုံးတစ်ထုပ်၊ ငါးပိရည်ကျိုတစ်ထုပ်၊
ငရုတ်သီးအပုတောင့်ငါးကျပ်သား၊ ကန်စွန်းရွက်တစ်စည်း။"
"မှတ်မိလား..!။"
"မှတ်မိတယ်..သွားပြီ။"
"ဟဲ့နေအုံး..စွပ်ကျယ်လေးဘာလေးလဲသွားစမ်းပါ၊
နင်နို့ပေါက်ကြီးနဲ့စျေးပတ်အုံးမလို့လား။"
BINABASA MO ANG
"လခွမ်း အုပ်ကြီးဖြစ်ရတာလွယ်ကူမနေဘူးဟ"(Completed )
Short StoryFluff,BL,Short story. "အေး..အေးကွာ..ချစ်တယ်ကွာဘာဖြစ်လဲ။ မင်းကလူမိုက်..ငါကအုပ်ကြီး ဘယ်ကောင်က လှန်ရဲမှာလဲ။" အသုံးအနှုန်းအချို့အတွက် ၁၅ နှစ်အောက်ကလေးငယ်တွေမဖတ်သင့်ပါ။ ~~~~~~~~~~~~~~~~~~~~~~~~~~~~ Fluff,BL,Short story. "ေအး..ေအးကြာ..ခ်စ္တယ္ကြာဘာျဖစ္လဲ။...
