ظلمت لكونها أُنثي "الجزء الاول " من سلسله "ظُلمت"

الفصل الرابع والعشرون❤🌼

#ممنوع_تمام_مشاركه_الفصل_ومن_يفعل_ذالك_سيتعرض_للمسائله_القانونيه
#الفصل_الرابع_والعشرون
#ظلمت_لكونها_انثي
#حصري
#عفاف_شريف
#ممنوع_النقل_او_النسخ_او_النشر_نهائي
..................................
إهداء الي الجميله رشا
..................................
هل تظن أن من حقي السعاده
أنا لا اظن
فانا لم اشعر بها يومآ
ولم اذق طعمها
.................................

تلك اللحظه بألف لحظه
وكأن الدقائق تحولت لساعات طويله
عقارب الساعه تتحرك ببطئ
تكاد لا تتحرك من الأساس
ببطئ شديد
حتي ظنت أن الزمن توقف
سكون وصمت ابتلعها
تكاد تسمع صوت أنفاسها المضطربه بوضوح
كبؤره سوداء تبتلعها ولا فرار منها سوا المكوث بها حتي الموت
تشعر تشعر
بآلاف الإبر تدخل بجسدها الواهن
لم تعد تشعر سوا بالألم
الألم فقط
سُحب البساط من تحت قدمها
لتسقط من أعلي سماء
إلى أسفل بقاع الأرض
كشف ما حرصت على إخفائه
كُشف وانتهي الأمر
وانتهت تلك الاحلام والاماني
كُشف وانتهت هي
إنتهت هبه !
...................................
#ظلمت_لكونها_انثي
#عفاف_شريف
...................................
سكون شديد خيم علي الغرفه
سكون مميت
تبعه خروج الطبيبه بهدوء
كأن شي لم يكن
غافله أنها ستكون السبب في هلاك أحدهم
نقلت عيناها برعب يكاد يفتت كل عظمه بجسدها
وهي تنظر لذالك الواقف بالقرب منها
متسع العينين غير مصدق
يحدق بها في ذهول
يحاول النطق ولم ينطق
إلى أن اسعفته كلماته وهو يردد: حامل ؟!
أغمضت عيناها رافضه ناقمه علي تلك اللحظه
رافضه أن تراها
أن تسمع صوته
الم يرحل من حياتها
الم ينتهي ذلك الألم
شددت علي يدها بقوه متمنيه أن يتضح أنها تحيا فقط مجرد كابوس بشع لا حقيقه مخزيه
مرهقه مضطره أن تتعامل معها في تلك اللحظه القاتله
لم ترد عليه
لتسمعه يكمل بذهول أكبر:حامل؟!
لولا بشاعه الموقف لضحكت ساخره :الشريط سف
لكنها لن تضحك بل ستصرخ باعلي صوت لعلها تستريح
لعله يرحل كما أتى فجأه
لماذا أتى أصلا
قالتها بداخلها بتعب فاق كل تعب
فاق كل تلك العثرات والسقطات
تشعر أنها لم تعد تحتمل
مصيبه ورا أخري
وتهلك هي دايما
وفي كل مره تظن أنها نجت
تاتي موجه ضخمه تغرقها
ابتسمت ساخره وهي تنظر لحالها الهذيل
إمرأه
حامل
مطلقه
واطفالها بين الحياه والموت
لم يكفها هذا
لياتي ذلك القذر البغيض
لماذا هي
لماذا هي من تقف دايما لتتلقى كل صفعه واخرى لتسقط في وهن
سمعته يردد مره أخري بعدم تصديق :يعني أنتي حامل مني
غبي
نعم والله هو غبي
ممن تحمل هي أن لم يكن منه
لسوء حظها التعيس
قدر لها أن ترزق بطفلها الثالث ومن مَن !؟
محمود ....
خائب الرجاء وشبيه الرجال هذا
محمود بإبتسامه حالمه:كنتِ مخبيه عليا
هنت عليكي يا هبه هنت عليكي
تخبي عليا أنك حامل بإبننا
ثمره حبنا
ردت بإستنكار متعب : حبنا
اي حب
اي حب
كاد أن يقترب منها
لكنها منعته وهي ترفع كفها بحزم رغم وجهها الشاحب
وهي ترد بقوه متعبه: بس كفايه
أنت بتقول ايه
حب ايه الي أنت بتتكلم عليه
مفيش حب
أنت اصلا متعرفش يعني ايه حب
أنسان اناني زيك اتعود ياخد وبس
فكره العطاء مش موجوده
حب ايه بقي الي بتتكلم عليه
مفيش اي حاجه بينا يا محمود
ولو فيه
هيكون مشاعر كره وقرف واشمزاز وبس
لو فاكر ان حملي هيغير حاجه فانت غلطان
سواء حامل او لا
انا بكرهك وبكره كل يوم سمحتلك تهني فيه
عارف يعني ايه بكرهك
حتي الكره قليل علي الي ف قلبي ليك
اخرج بره
انساني وانسي ولادي
ابعد عن حياتي ومتورنيش وشك تاني
لأن الي كان بينا انتهي من زمان اوي
ظل ينظر لها بانفاس ثائره
كانها أزاحت القناع المزيف عنه
وكشفت حقيقته المخزيه فقط
ليصرخ بها بنفاذ صبر طال كثير:فوقي لنفسك يا هبه
انتي لسه مراتي وهتفضلي طول العمر
حطي ده حلقه ف ودنك
انا هردك وقت ما يجيلي مزاج يا هبه
قدامي شهور اقدر اعمل فيهم الي انا عايزه
هترجعي تحت رجلي تاني
مش بمزاجك
تؤ تؤ لا غصب عنك
والجزمه فوق دماغك
ومتفكريش إن محضر التعرض ولا التنازل عن الحضانه هيحميكي مني ولا هتحمي عيالك
بعدي عنك كان بمزاجي
لا محضر هيمنعني ولا رفضك كمان
متختبريش صبري لحسرك علي نفسك
واكمل بشر: وعلي عيالك
انتي فاهمه
قالها بعصبيه مفرطه مؤكده انه لن يتركها
وهو يتوجه نحو الباب يفتحه
ليري امامه إمرأه لا يعرفها تود دخول الغرفه
دفشها بغباء
ورحل
نظرت له اسماء بقرف وهي تردد:قليل الزوق
دلفت للغرفه وهي تري ملامح هبه الشاحبه وشفتاها الزرقاء
اندفعت نحوها تتلقفها بقلق وهي تسألها بلهفه:هبه
هبه ردي عليا
واكملت صارخه :دكتور هنا بسرعه
لتسمتع الي هبه تهمس بضياع وهي تشعر ان قوتها تلاشت وتبخرت: عرف اني حامل
عرف خلاص
هيردني يا اسماء
انا هقتل نفسي لو ردني
مش هقدر
مش هقدر اعيش العذاب ده تاني
قالتها بنحيب مزق قلب الاخري
وهي تضمها الي صدرها لعلها تستريح
واغمضت عيناها هي الاخري
متحسره علي إمرأه لا حول لها ولا قوه
وناقمه علي ذكر لم ولن يستحق لقب رجل
...................................
#ظلمت_لكونها_انثي
#عفاف_شريف
...................................
في منزل محمود
دخل للمنزل يصفر بسعاده
شاعرا بنشوه تجتاحه
سعاده غامره
ابتسم بانتصار وفرحه
هبه حامل
حامل
رابط جديد
رابط وهبهُ له القدر
ليربط بِه (هبه) من جديد
ليمسكها من رقبتها
وتعود تحت طوعه
اخيرا هبه تحت قبضته مره اخرى
ستعود رغم انفها
سيمتلكها من جديد
وتلك المره لن تفلت من بين يديه مهما حدث
جلس بجوار والدته المتعجبه من حالته
وهي ترد بفرحه:ايه الرواقان ده
يا رب دايما فرحا
ايه الي مخليك مبسوط كده
ما تفرحني معاك
نقل عيناه لها يرد بنتصار : باركيلي يا امي
ابتسمت الاخري بفرحه وهي ترد: يا حبيبي الف الف مليون مبروك
بس علي ايه
رد بقوه وفخر: هبه حامل
تلاشت ابتسامتها تدريجا وهي تنظر له بغير تصديق
الى ان قالت بتاكيد:واحنا مالنا
نظر لها بستغراب:انتي بتقولي ايه
هبه مراتي
وهردها عشان ابني الي في بطنها
ردت بقوه جعلت عيناه تتسع :ومين قالك انه ابنك
...................................
#ظلمت_لكونها_انثي
#عفاف_شريف
..................................
انتفض بسرعه وهو ينظر لها بشر وعدم تصديق وهو يردف :ايه
انتي بتقولي ايه
طبعا ابني
هبه حامل مني
وقفت تصرخ هي الاخري بغضب لم تستطع تمالكه:كل مره بتثبتلي قد ايه انت عبيط وبتاخد علي قفاك
فوق يا اهبل
فوق هتفضل لحد امتي متسرع وماشي وراها زي العيل
انت صدقت
معقول تصدق انها حامل منك
دي بتسغفلك عشان تلبسك عيل مش ابنك
ابن حرام
معقول طلعت غبي اوي كده
وماشي وراها زي العبيط
هبه الي كرهاك هتخلف منك تاني
ليه من سواد عيونك
هي بس ملقتش حد يلم فضحتها
غير حضرتك
وطبعا انت وقعت علطول
روح اجري لم وساخه غيرك
زي ما لمتها قبل كده
نظر لها وهو ينطق بعدم فهم: قصدك ايه
هتفت بقوه :قصدي حسن وحسين
انت متاكد انهم عيالك
واحده بتكرهك هتخلف منك ليه
مفكرتش ولا مره
انهم مش شبهك ابدا
روح اجري وراها زي الكلب
زي كل مره
اتفو
وتركته
وهو يقف ينظر في اثرها بوجه أحمر غاضب
فقط زرعت بداخله نيران
ستحرق الأخضر واليابس
او ستحرق هبه
.................................
#ظلمت_لكونها_انثي
#عفاف_شريف
.................................
في المشفي
كانت أسماء تربت علي خصلات هبه النائمه بعد ان سقطت مغشي عليها
وياكد الطبيب للمره العاشره تقريبا ان وضع هبه سئ للغايه
الجنين ف خطر
وصحه هبه النفسيه ف تدهور مستمر
وان استمر الحال هكذا
من المؤكد وللاسف انها ستخسر الجنين
أغمضت اسماء عيناها بخوف
هبه لن تتحمل
لن تسطتيع العيش بعد تلك الخساره
لكن ما يحدث لا يدعمها ابدا
لا يخلو يومها من الاحداث المؤلمه
الصغار
وحملها
حتي ظهور هذا الحقير وفكره ردها لعصمته الامر اصبح سي بل اسوء من السي بمراحل
نظرت لملامح هبه المتعبه
امن الطبيعي ان يكون ذالك وضعها
اليس من المفترض ان تكون تلك اهم لحظات بحياتها وهي تحضر لاستقبال مولودها
وها هي ترقد عاجزه في المشفي لا حول لها ولا قوه
وهي الاخري عاجزه عن مد يد العون لها
وما في يديها غير الدعاء
يا رب رفقا بقلبها
ابعدت يدها وهي تسمتع الي صوت الباب
وضعت علي راسها الحجاب بحرص وهي تفتحه لتقابل وجه يحيى القلق الذي نطق بسرعه :مالها هبه حصلها حاجه
دفعته برفق وهي تشير له بالخروج لكي لا تستيقظ
خرجت من الغرفه وأغلقت الباب خلفها
ووقفت امامها تقص له ما حدث اليوم
يحيى بعصبيه:ابن .....
بيستغل انه يقدر يردها
اشباه رجال بصحيح
اسماء بخفوت:اهدي يا يحيى
احنا لازم نلاقي حل هبه نفسيتها ف الارض
من ناحيه وضع الولاد ومن ناحيه طليقها الحقير ده
الدكتور النهارده قالي انه حذرنا كتير ولو حصل للجنين حاجه هو مش مسؤؤل
لان حالتها النفسيه عامل مهمه
وللاسف الجنين وضعه مش مستقر ابدا
هبه لو خسرته هيحصلها حاجه
يحيى بتاكيد:ربك كبير باذن الله نقدر نحافظ علي الجنين وهبه
اسماء بهدوء :يا رب يا رب يا يحيى
وكمان الدكتور قال ممكن تقدر تروح البيت بعد يومين يمكن نفسيتها تتحسن بس هيكون معاها ممرضه
يحيى :تمام كويس جدا
وكمان اكيد دخول رمضان واجوائه هتخليها احسن كثير
اسماء:يسمع منك ربنا يا حبيبي
ايه رايك نشوف الولاد وحشوني اوي
يحيى بإبتسامه: يلا
قالها وهو يحتضنها
وقبل أن يذهب
نظر بعينيه لغرفتها داعيا من الله ان يحفظها
لأولادها
وان يحفظها له
................................
#ظلمت_لكونها_انثي
#عفاف_شريف
...............................
وقفت بجانبه امام غرفه الصغار
مليكه والصغار بخير الى حد ما وتتمني من قلبها ان يظلو هكذا
لكن الطبيب اخبرهم بضروره ان يظلو تحت المراقبه
الي حين استقرار الوضع نهائي
سمعته يهتف بحب: كل يوم مليكه بتبقي شبه ايمان خدتي بالك
اسماء بإبتسامه:فعلا
الله يرحمها يا رب
ردد يحيى بخفوت حزين:يا رب
تعرف لما شفت طليق هبه النهارده
لقيت ان الولاد تقريبا مش وخدين منه حاجه خالص
نسخه من هبه
يحيى بشرود :فعلا شبه هبه اوي
وخدين كل حاجه حلوه فيها
انتبه الي حديثه وهو يردد بارتباك :يلا عشان نطمن عليها
اومأت له بخبث وهي تراه يتحاشي النظر لها
وبداخلها فرحه كبير
وامل ينمو يوما بعد يوما
............................
#ظلمت_لكونها_انثي
#عفاف_شريف
.............................
في منزل سحر
وقفت فيروزة تنظر لأمها بندم حقيقي
وهي تسمتع الي سحر وهي تروي لهم ما حدث ذلك اليوم
احمد بهدوء:انا من خوفي نسيت اسألك وقعتي إزاي
سحر بهدوء:كنت دخله اخد دش و معرفش مين دالق مايه اتزحلقت
نقلت فيروزه عيناها الي امها بخوف
لتأتيها الاجابه واحمد يردف بغضب متذكرا : الغلط غلطي
انا الي كنت باخد دش ومن سرعتي عشان نخرج نسيت امسحها
سحر بهدوء وهي تربت علي كتفه :متزعلش يا حبيبي كله مقدر و مكتوب الحمد لله علي كل حال
انا بخير والولاد كمان
ضمها احمد وهو يؤنب نفسه لعدم حرصه الذي كان من الممكن ان يقتل صغاره
نقلت فيروزة عيناها الي امها التي اطرقت راسها بحزن
وكادت ان تذهب لها تضمها الي صدرها
لكن قاطعها صوت احمد وهو يرد: مفيش حد هيمشي يا فيروزة البيت ده بيتكم
انا النهارده هبدأ اجراءات شرا شقه ف العماره هنا عشان تخدو راحتكم اكثر
كادت فيروزة ان تعارض لتسمعه يكمل: انا بقولك انا خدت قراري
انتي بنتي وحنان اختي
وانا مستحيل اسيبكم ابدا
ترقرقت الدموع في عيناها وهي تقترب منه تدس نفسها بين احضانه
متمنيه من الله ان يحفظه لزوجته وأطفاله
ولهم
وهناك كانت تقف تنظر لابنتها بحسره
نادمه علي البقاء كل تلك السنوات
مع رجل لم يستطع حتي ان يكون اب
.......................................
#ظلمت_لكونها_انثي
#عفاف_شريف
.......................................
في منزل ادم
كان يجلس يفكر في طريقه للحديث مع العم احمد
تحديدا بعد ان سمع من حارس البنايه ان زوجته نقلت للمشفي
فقرر انه لابد ان يزوره
وفي نفس الوقت يخبره برغبته في معرفه الرد علي طلبه
هل من الممكن ان يكون مرفوص
واحرج ان يبلغه
دار في عقله الكثير من الردود
الى ان زفر بغضب
قطعه دلوف امه للغرفه
ادم بإبتسامه:تعالي يا ام ادم
جلست بجانبه تربت علي ساقه وهي تقول بحنان :مش عايز تقولي بردو بتخطط ل ايه
ادم بمشاكسه:قوليلي عايزه تعرفي ايه وانا اقولك
وكزته غاضبه وهي ترد :يا واد قول انت هتذلني
قول بقي
امسك يدها يقبلها بحب وهو يرد:ما عاش ولا كان الي يذلك يا ست الكل
هحكيلك
وقص لها ما حدث الي حين طلب يد فيروزة من عمها
لتسرع امه ترد بحماس:حلوه يا واد
ضحك بقوه وهو يرد: عيب عليكي
قمر
ابتسمت بحالميه وهي تردد:يا رب يا حبيبي يجعلها من نصيبك يا رب
واشوف عيالك يا ابني
ضحك بقوه اكبر حتي سعل وهو يردد:خلاص جوزتيني وكمان خلفت
واكمل بهدوء وتمني:ادعيلي يا ست الكل
ادعيلي تكون من نصيبي
قالها وهي تضمه لاحضانها
داعيه من قلبها ان تصبح فيروزة من نصيب ابنها
....................................
#ظلمت_لكونها_انثي
#عفاف_شريف
.....................................
في منزل زينب
كانت مسطحه علي فراشها تزفر بضيق من وقت خروجها من المشفي وهي مقيده ف الفراش تكاد لا تري بناتها
فهم يتركوها بمفردها لكي يذهبوا لتحضير الزفاف وتظل هي مكانها لا تسطتيع الحراك
رفعت صوتها تنادي ابنتها : فاطمه انت يا بت
حد يجي منكم كتكم الاقرف
اتتها فاطمه تسير بهدوء ترتدي ملابسها تبدو علي استعداد للخروج:نعم
زينب بعصبيه: اي نعم دي
فاطمه بهدوء مستفز: اقول ايه
اتفضلي افندم
زينب بغضب:بت قليله الادب صحيح
رايحه فين
فاطمه بهدوء:مش رايحه
زينب بستغراب :اومال لابسه ليه
فاطمه بإبتسامه: طنط رشا
وولادها جاين كمان شويه
انتفضت زينب وهي ترد: ليه
وازي محدش يكلمني يقولي
ازاي انتو اصلا متقولوليش
فاطمه بقوه:كلمتني انا
وانا وانتي واحد يا
يا ماما
اتفضلي قومي البسي
هم علي وصول
قالتها وهي تخرج من الغرف
ونظرات زينب تلاحقها بكره وحقد