ظلمت لكونها أُنثي "الجزء الاول " من سلسله "ظُلمت"

الخاتمه الجزء الأول 🦋

#ممنوع_تمام_مشاركه_الفصل_ومن_يفعل_ذالك_سيتعرض_للمسائله_القانونيه
#الخاتمه_الجزء_الاول
#حصري
#عفاف_شريف_فله
#ممنوع_النقل_او_النسخ_او_النشر_نهائي
.............................................
إهداء الى الجميله sheren omran
.............................................
أتدري
تلك اللحظه وذلك الشعور
كان من الصعب حتى أن أحلم بهم
كان مجرد خيال 
ولا يحق لي حتى الخيال
لكن اترى
ها انا وانت هنا
ها هي
تحققت الاماني الخفيه
تحققت دعوه لحوحه بكل صلاه
والان أستطيع ان اخبرك
أن قلبي وقلبك اصبحا واحد
إتحدا معاً
كما فعلنا نحن
احبك وكفى
............................................
#ظلمت_لكونها_انثي
#عفاف_شريف_فله
.........................................
ابتلع ريقه وهو يحاول ان يستجمع شتات نفسه
وهو يردد بشوق ولهفه وتردد : حامل
انتي حامل
هزت راسها بسرعه ودموعها تأبى ان تتوقف للحظه
وهي ترد بصوت مرتعش فرح مشتاق وبشده : حامل يا عبد الرحمن
حامل
اخيرا انا حامل
لمعت عيناه وهو يبتعد عنها سريعا
يسجد لله شاكرا علي تلك الهبه
حامدا علي تلك السعاده
سامحا لتلك الدموع بالهبوط دون خجل
فاخيرا
اخيرا بعد كل هذا الدعاء والبكاء
بعد كل تلك الاماني
بعد كل ما حدث
ها هي تحققت
وقف سريعا
يضمها بسرعه ولهفه وسعاده غامره لاحضانه
يستنشق عبيرها ويقربها لقلبه
يشدد من احتضانها
يريد ان يدثها بداخله ان استطاع
ولم تتوقف دموعه عن الهبوط
ف اخيرا
و بين يديه المعجزه الاجمل علي الاطلاق فيروزة زوجته وحبيبته وحلم طال انتظاره
تحمل بداخلها صغيرهم
وثمره صبرهم
فيروزة حامل
وكانت الجمله تزن أطنان من السعاده
لا يظن ان هناك ما يفوق شعوره في تلك اللحظه
واخيرا
اغمض عيناه وهو يتنهد براحه وسكينة  وهو يردد:الحمد لله الحمد لله
أحمدك يا رب
....................................
#ظلمت_لكونها_انثي
#عفاف_شريف_فله
...................................
أخرجها من احضانه
ينظر اليها بحب وهو يهمس: حامل
اومئت له سريعا وهي تبكي
وردت: حامل
عارف انا كنت بحلم باللحظه دي قد ايه
عارف انا بقالي قد ايه مستنيه اللحظه دي
كام مره تخيلتها
وكل مره كان المشهد بيكون جميل اوي
حتى كلمه جميل قليله
بس اكتشفت اني فاشله ف التخيل
وان روعه الحقيقه احلى مليون مره من مجرد خيال
ضمها لاحضانه مره اخرى ولم يتوقف لسانه عن الحمد للحظه
ليسمعها تكمل:كل ما كنت بعمل الاختبار كنت بكون مرعوبه خايفه حتي اعمله
وكانت النتجيه كل مره ان مفيش حمل
كنت بموت
بموت الف مره
بموت وانا بتخيل ان مليش نصيب في طفل
طفل منك
كنت عندي هاجس ورعب مستمر
وحسيت اني دخلت في دايره حسابات وانتظار
بس
بس النهارده  انا عملت الاختبار وانا صابره
راضيه
وخدت عهد علي نفسي اني مهما كانت النتجيه مش هزعل
هصبر
هصبر مهما عدي شهور او حتي سنين
مش لاني مش عايزه
بس لاني واثقه
واثقه ان بعد العسر يسرا
وثقه ان ربنا مش هيخذلني
واني هحصل علي السعاده مهما مرت السنين
وان لو ليا نصيب في حاجه هتحصل مهما حصل
ضمها لصدرة مره الاخري
ليسمعها تكمل بشرود:عارف
علي مدار سنين حياتي
انا شفت كثير
كثير اوي يا عبد الرحمن
اكثر حتي من اني احكي
ولو قعدت احكي هاخد عمر بحاله
حتي ان الكلام بنسبه للواقع ميجيش حاجه
بس ف كل مره صبرت
كان العوض اجمل
العوض الي يخليك تسجد لله تبكي
ناسي كل لحظه وجع
متمني ترجع بالزمن عشان تصبر اكثر
فتستقبل عوض اكبر وأكبر
عرفت وقتها
ان الصبر علي البلاء هو مفتاح باب العوض
هتصبر هتٌجبر
اكتشفت ان هو ده مفتاح الحياه
ابعدها عن احضانه
ياخذها ليجلسا سويا علي الاريكه
قربها منه اكثر حتي صارت تلتصق به
رفع يده يمسد علي وجنتها
وهو يقول بصوت مبحوح:كانك وصفتي شعوري
شعوري سنين بعافر واحارب
وكانت النتجيه بتكون صفر
سنين خايف تضيعي من ايدي
وبين يوم وليله ضيعتي فعلا
انتي مش متخيله احساسي
همست بضعف : متخيله
متخيله
تنهد وهو يكمل مشيرا بيده للمنزل: بس
بس شوفي احنا كنا فين وبقينا فين
كل ده مكنتش اتخيل احصل علي ربعه
بيت واسره وزوجه وطفل
انا مكنتش عايز دول
انا مكنتش عايز اي حاجه من دول
انا كنت عايزك انتي 
عايز بيتنا وعيالنا
كنت مستعد احارب سنين
ومكنتش همل للحظه
لاني ببساطه  بحبك
وكان ده كافي اني احارب عشانك
دمعت عيناها مره اخري وهي تدس نفسها بين احضانه
مؤكده لنفسها انها اليوم رابحه بكل تاكيد
......................................
#ظلمت_لكونها_انثي
#عفاف_شريف_فله
.......................................
ظلو هكذا حتي انتفض وهو يقول بلهفه: البسي بسرعه
قطبت حاجبها وهي ترد باستغراب : هنروح فين
عبد الرحمن بسرعه وهو يعطيها الاسدال
لازم ننشر الخبر
ضحكت بخجل وهي تردد: انت اتجننت انت عارف الساعه كام
الساعه ١٢ ونص
قاطعها وهو يقول: مش مهم
الخبر ده مينفعش نبيت عليه
انهي جملته وهو يلبسها الاسدال
يلتقط مفاتيحه يجرها خلفه علي منزل أمه
وضحكاتها تعلو وتعلو
وقف امام منزل امه
يدق علي الباب بقوه وهي يردد: افتحي يا ام عبد الرحمن
افتحي الباب
فتح الباب فجأه خلفه امه تنظر لهم بملامح مرتعبه
وهي تقول:في ايه
حصل ايه
انتو كويسين
اقترب منها عبدالرحمن يحاول تهدئتها وهو يقول:بخير يخير اهدي
نظرت له امه بغضب وهي تضرب علي صدره بقوه وهي تقول:اومال في ايه
خضتني
ضحك عبد الرحمن وهو يقرب فيروزة منه وهو يردد بفرح وسعاده وصوت عالي: فيروزة حامل
ضحكت فيروزة وهو تدس نفسها في احضانه بخجل
واتسعت عينا امه بقوه
لترفع يدها سريعا تطلق زغروطه عاليه
جعلت عبد الرحمن ينتفض بخضه ضاحكا
وهو يقول: يا حاجه كده هيكون الاول والاخير خضتيني
دفشته وهي تسحب فيروزة لاحضانها بقوه
تضمها وتقبلها وهي تقول بسعاده وفرحه حقيقه ودموعها تهبط بقوه : بسم الله ما شاء الله
مبروك يا بنتي
الف الف مبروك
دعتلك بيها في كل فجر والله
الحمد لله الحمد لله
دمعت فيروزة وهي تضمها هي الاخري
وخلفهم
كان يقف عبد الرحمن بعيون دامعه
يشاهد المشهد الاجمل بل الاجمل  الاجمل علي الاطلاق
ليردد بصوت متحشرج: وانا مليش مكان في الحضن ده
ضحكت امه وهي تمسح دموعها تفتح يدها
لينضم لهم عبد الرحمن
يضمهم الى صدره
يضم اهم واحب امرأتين في حياته
حامدا وشاكرا الله
انه في تلك اللحظه
كان الاكثر حظا ورزقا بكل تاكيد
...................................
#ظلمت_لكونها_انثي
#عفاف_شريف_فله
...................................
في منزل سحر واحمد
في غرفه المعيشه تحديدا
كانت سحر تحمل الصغير ريان تحاول اسكاته بشتى الطرق
بجانبها حنان تحمل ليان
فقد انتقلت حنان مره اخري معهم
منذ عوده الصغار من يومين
والصغار لا يكفو عن البكاء
وسحر ستنهار وحدها وسط صراخ الصغار ليلا نهار
خرج احمد من غرفته وهو يقول بنعاس:مالهم بيعيطو كده ليه
سحر بتعب :مش عارفه يا احمد
نسكت ريان تعيط ليان وهكذا
ودلوقتي اهو الاثنين علي صرخه وحده
حنان بقلق :انا مش فاهمه
انا غيرتلهم وحمتهم
وسحر رضعتهم
احمد بقلق وهو يقترب منها  :طيب قومو البسو نروح المستشفي
تنهدت سحر بتعب وهي تعطيه الصغير ليضمه الي صدرة يهمس له
لكن ما اوقف سحر محلها
هو ان الصغير توقف عن البكاء
اقتربت سحر بذهول وعيون متسعه تنظر للصغير
وهي تقول بتلعثم:ايه ده
سكت
ازاي
اقتربت حنان تضع الصغيره في يده الاخرى بهدوء
ليقربها احمد يهمس لها هي الاخري بصوت خافت لم تسمعه سحر
وكانت الصدمه ايضا انها توقفت عن البكاء
ضيقت سحر عيناها بغيظ وهي تكز اسنانها وتقول: انت قولتلهم ايه
ازاي سكتو كده
احمد ببساطة:قرآن
حنان بهدوء: فهمت
هم بيرتاحو علي صوت القران
لتكمل بتفكير:تعالي يا احمد
حطهم في السراير وانا هشغل جمبهم قران ونشوف هيحصل ايه
اومأ لها وهو يتبعها
يضع الصغار بحرص
وبجانبهم وضعت حنان القرآن
وتلك المره لم يبكو
بل غفو بهدوء وسكينة
ضحكت سحر بحنان وهي تقول:عرفنا السر
حنان بهدوء: نوم الهنا علي قلبهم
انا هروح اعملك حاجه تكليها
وخرجت
وقفت سحر بجانب احمد تنظر الي السريرين
الي طفلاها
تلك المعجزه المتمثله امامها
صغيران بعد طول انتظار
صغيران ينيرا حياتهم
ضمها احمد لصدرة وهو يقول: شفتي كرم ربنا
اومئت له سحر وهي تقول:شفت
شفت معجزه
سنين
سنين وانا مشتاقه لطفل
طفل واحد يقر عيني
كنت بتمني واحد جبر قلبي باثنين
وزي كل مره كان عوض ربنا اكبر مما احنا بنتمني
احمد بحب:فعلا
تطلعت سحر للغرفه  بحنان
غرفه منقسمه للونان
نصفها زهري والاخر ازرق
شهران منذ ولاده الصغار
واحمد يجهز الغرفه بحماس وطاقه وحب
غيرها بشكل كامل
من  مجرد غرفه عاديه
لاخرى رائعه الجمال
قسمها للزهري والازرق في كل شئ
فراش كبير يحمل اللونان
والكثير من الالعاب
والملابس
وكل ما قد يحتاجه الصغار
ابتسمت متذكره حماسه
كان يسعي بكل حب ان تكون علي اكمل وجهه
استقبلا لصغاره
وفعلها
التفتت له تطلع لعيناه وهي تقول:انا بحبك
يمكن مش اول مره هقولها
ومش اخر مره اكيد
بس انا بحبك
بحبك لانك جمبي في الوحش قبل الحلو
لانك دايما الزوج والاب الاجمل مهما كانت الظروف
ضمها احمد لصدره وهو يردد:ربنا يباركلي فيكي
لكنها انتفضت علي صوت جرس الباب
احمد باستغراب:مين هيجي في ساعه زي دي
انتي طلبتي حاجه من الصيدليه
سحر بنفي :لا
واكملت بقلق:شوف مين بسرعه يا احمد
خرج احمد
ليجد حنان تفتح الباب وهي تقول بذهول:فيروزة
في اي انتو كويسين
احمد بقلق وهو يري فيروزة وعبد الرحمن: في اي يا  ولاد انتو كويسن
عبد الرحمن  بحرج وهو يحك خلف راسه:لا لا احنا كويسن
سحر بقلق : ادخلو انت  واقفين علي الباب ليه
لكزته فيروزة وهي تدلف تحتضن الجميع بشتياق
سحر بحنان: وحشتني يا روزة
احتضنتها فيروزة وهي تقول:وانتي كمان
وكلكم مع اني لسه كنت معاكم من يومين بس وحشتوني
تنحنح عبد الرحمن وهو يقول بإبتسامه: عندنا ليكم خبر حلو
اقترب من فيروزة وقربها منه يحتضنها
لينطق بعدها والسعاده تنبض من عيناها:فيروزة حامل
اتسعت اعين الجميع
وما لبث ان انتفضت حنان وسحر يطلقا الزغاريط بسعاده
لينتفض احمد بخضه تبعه خروج الصغار من غرفه بسرعه
واستيقاظ الصغيرين الرضع
ضحك احمد وهو يقول: الله يسامحكم
صحيتو العماره كلها
واشار لمروه وحبيبه ليحضرا الصغار
لياخذ هو فيروزة يضمها لصدره يبارك لها من كل قلبه
احمد بحنان:مبروك با قلب عمك
الف الف مبروك
احتضنته بقوه وهي تقول:الله يبارك فيك يا عمو
ربنا يباركلنا فيك يا رب
وانتقلت من صدر عمها الي امها وزوجه عمها
واقترب احمد من عبد الرحمن يبارك له
حنان بدموع: مبروك الف الف مليون مبروك
سحر بسعاده: عيلتنا بتكبر يا حنان
وهزيدها فرد جديد
وهنبقى تيته
واكملت بغيظ: كبرتوني يا ولاد
هبقي ماما وتيته في نفس ذات الوقت
ضحك الجميع
ليقطعهم صوت بكاء الصغار بيد حبيبه ومروه
حملت فيروزة
الصغيره
وحمل عبد الرحمن الصغير
يضماهم بحنان واشتياق
مترقبين حمل طفلهم
تلك المعجزه المنتظرة
....................................
#ظلمت_لكونها_انثي
#عفاف_شريف_فله
.....................................
في المطبخ
كانت حنان تعد عشاء خفيف
لكنها توقفت عن العمل وهي تصرخ في مروه قليله الادب
مروه بزهق:جعانه
جعانه يا ناس
حنان بعيون متسعه:يا بنتي حرام عليكي
اناخايفه اصحي في يوم الاقيكي واكله دراع حد من اخواتك
في إيه
مانتي لسه واكله ست سندوتشات
انا كل ما اعمل سندوتش الف القيه في بوقك
حرام عليكي مش كده يعني
مروه بعيون متسعه: انتي بتعدي عليا يا ماما
كادت حنان ان توبخها
لكن فصلت بينهم سحر وهي تقول: بس يا مروه
يلا خدي اخواتك وعلي الاوضه شغلو فيلم كرتون
وانا هجبلكم اكل وعصير
يلا يا حبيبه معاهم
اؤمت لها حبيبه وهي تدلف للغرفه معهم
حنان بغيظ: دلعي فيهم دلعي
ضحكت سحر وهي تقول:لو احنا مدلعناش مين يدلع يا بنتي
لازم ندلعهم عشان يطلعو مرتاحين
وثم يا حنان قلتلك سبيها
وهي بتنزل جيم مع حبيبه عشان يحافظو علي جسمهم
انا عارفه انك قلقانه بس مفيش حاجه تستحق القلق
كله بخير
عشان خاطري بلاش تزعليها
انتي عارفه انها بتحب الاكل
تنهدت حنان وهي تقول: حاضر
واكملت بإبتسامه :مش عارفه من غيرك كنت هعمل ايه
سحر بتاكيد:ولا اي حاجه
انتي ام رائعه بيا او من غيري
واكملت وهي تعطيها الطعام  العصائر
خدي انتي بقي دخلي للولاد الاكل
وادي اهم حاجه الاكل بايدك لمروه
عشان متزعلش وتأكل براحتها
اومئت لها وهي تخرج
وحملت هي الاخري الطعام لهم في الغرفه الاخري
...................................
#ظلمت_لكونها_انثي
#عفاف_شريف_فله
...................................
دلفت تحمل الطعام والعصير
ليساعدها احمد وهو يقول: جه ف وقته
انا جعان
فيروزة بجوع:والله وانا
وناولت لعبد الرحمن هو الاخر لياكل
سحر بهدوء:كويس والله انكم جيتم
انا كنت محتاره احدد معاد العقيقه
اهو اخد رايكم
احمد بهدوء: اي يوم مش فارقه
عبد الرحمن بإبتسامه: اظن انسب يوم يكون الجمعه
بيكون الكل اجازه
ويقدرو يجو
سحر : عندك حق انا كمان كنت بفكر كده
خلاص يا احمد يبقي الجمعه الجايه
ند بح ونعمل العقيقه
فيروزة بتسأل :هتد بحو ايه
احمد بهدوء: ان شاء الله خروفين
واحد لليان والثاني لريان
وهجيب طباخ يعمل الاكل للناس
عبد الرحمن بتاكيد:احسن عشان البهدله
وجبات وتتوزع علي الناس
فيروزة:خلاص هاجي من الخميس الصبح
عشان اساعدكم في ترويق الشقه
ونشيل السجاجيد عشان ميتبهدلوش
قاطعتها حنان وهي تقف علي الباب :انتي مش هتعملي حاجه
انتي لازم ترتاحي انتي في بدايه حملك مينفعش اجهاد خالص
اومئت لها سحر مؤكده وهي تقول: امك عندها حق
حتي احنا مش هنعمل
في حد هيجي يوضب الشقه
واكملت بحنان :يلا يا احمد أدخل انت نام
بسبب الولاد صحيت
و عندك سفر بكرا الصبح بدري
فيروزة باستغراب: رايح فين يا عمو
تردد احمد قليلا الا انه رد بهدوء: بكرا معاد زياره ابوكي
شحبت ملامح فيروزة
واطرقت حنان رأسها بصمت
ليكمل:انا عارف انكم مش حابين تسمعو حاجه تخصه
بس ده اخويا برغم من كل الي عمله وابوكم
فيروزة بتعب: انا مش بلومك ابدا يا عمو
بالعكس
انتي طول عمرك بتثبتلي قد ايه انتي شخص نقي
لكن انا مش هقدر اشوفه
علي الأقل دلوقتي
سبها للزمن
هو كفيل يشفي الي في قلوبنا
وأكملت: احنا لازم نمشي الوقت اتاخر
احمد :باتو النهارده
عبد الرحمن برفض: معلش يا عمي
خليها مره ثانيه
يلا سلام عليكم
وغادرا
لتغادر حنان لغرفتها سريعا
ويظل احمد ينظر لسحر
بتعب
الكثير من التعب
.................................
#ظلمت_لكونها_انثي
#عفاف_شريف_فله
..................................
وقف احمد يساعد زوجته في تنظيف المطبخ وهو يقول:الوضع بقي حساس اوي
انا مش عارف اعمل ايه
سحر بتعب: عندك حق
اخوك مهما طول في السجن هيخرج
وقتها هتعمل ايه
وحنان
أحمد بحيره:انا مستحيل اتخلي عن حنان
ده بيت حنان
هي وعيالها جزء من عيلتنا
سحر بحنان:عارفه يا حبيبي
بس انت بتفكر في ايه
تنهد احمد وهو يقول:مش عارف
بجد انا بين نارين
مش عارف حتي افكر
الحلول كلها فيها ظلم لطرف من الاثنين
علي قد ما هو وحش ودمر عياله ومراته
ودمر نفسه
بس مقدرش اتخلي عنه
الحاجه  الي اعرفها ومتاكد منها
ان حنان هتفضل هنا لاخر العمر
اما بالنسبه ل احمد
فانا هحاول ادبر الوضع
بفكر اخليه في مستشفي بحيث يكون الرعايه احسن اما لو في بيت مين هيرعاه
سحر :بس المستشفيات دي اكيد هتكون غاليه
احمد :هعمل ايه
اديكي شايفه الوضع
بايدي ايه
قاطعهم صوت حنان من خلفهم: انا اقولك
التفت ينظر الي حنان
لتكمل هي:مهما حصل ده اخوك من لحمك ودمك
وانامقبلش عشان خاطري تدفع كل ده
انا هشتغل
وعقبال اما يخرج اكون جمعت فلوس ناخد شقه ايجار و
قاطعها احمد برفض تام :اوعي تكملي
اوعي
الي بتقوليه ده مستحيل يحصل
لولا صله الدم بيني وبين محمد انا مكنتش ساعدته
بس نصيبي يكون اخويا
انتي هتفضلي في بيتك
ده بيتك
انتي جزء من العيله دي يا حنان
اوعي تشكي في ده للحظه
ابتسمت حنان بحزن وهي تقول: بس
احمد برفض: مفيش بس
لوقتها ربك يحلها
مش هنفكر في اي حاجه من هنا ورايح
اقتربت منها سحر تحتضنها وهي تقول:معقول عايزه تسبيني
اعمل ايه انا من غيرك
انتي اختي يا حنان
احتضنتها حنان هي الاخري
فربما السعاده ليست فقط في زوج محب
بل في عائله دافئه كتلك
.................................
#ظلمت_لكونها_انثي
#عفاف_شريف_فله
..................................
دلفت فيروزة تمسك بيد عبد الرحمن وهي تقول بسعاده: انا فرحانه اوي
برقت عيناه وهو يقول مؤكد:انا اكثر
واكمل وهو يقول بعبث: لسه ماحتفلناش
ضحكت فيروزة وكادت ان ترد لكن توقفت وهي تسمتع الى اذان الفجر
ابتمست بهدوء وهي تردد خلفه
وما ان انتهي حتي قالت بهدوء: يلا انزل صلي الفجر
ولما تطلع نحتفل سوا
قبلها من وجنتاها
وهو يسرع يتوضأ
يهرع للمسجد
للتحرك هي تتوضا هي الاخري
تقف بين يدي الله
تصلي بخشوع وسكينة وراحه تنمو بداخلها
تحمد الله في كل ركعه
شاكره اياه علي تلك الهبه
دامعه فرحه بل ستطير فرحا
وما ان انتهت
حتي بدات تجهز نفسها استقابلا لحبيبها ورفيق دربها وروحها
.................................
#ظلمت_لكونها_انثي
#عفاف_شريف_فله
..................................
دلف عبد الرحمن للمنزل بلهفه
ليجدها تقف امامه بطلتها الخاطفه للانفاس
بقميصها الابيض الطويل
وخصلاتها المصففه بعنايه
ووجها الرقيق للغايه
كانت جميله بل الاجمل
اقترب منها ببطي
ولم تفارق عيناه عيناها للحظه
الا ان وقف امامها
يجذبها من خصرها يضمها الى صدرة
وهو يهمس بصوت اجش: هتفضلي تحلوي لامتي
ردت بخجل: لحد ما تبطل تحبني
عبد الرحمن بتأكيد: مش هيحصل ابدا
فيروزة بحب : بحبك
وقبلها من وجنتها بالكثير من الحب
حب يكفيها ل سنوات طويله
حب لن ولم ينتهي يوما
كعشقهم المخلد
........................................
#ظلمت_لكونها_انثي
#عفاف_شريف_فله
........................................
صباح يوم جديد
تتسلل الشمس داخل البيوت
تنيرها وتغمرها بدفئها
تنير قلوبهم وأرواحهم وليس فقد حياتهم