ظلمت لكونها أُنثي "الجزء الاول " من سلسله "ظُلمت"

الفصل الثاني والثلاثون والاخير الجزء الاول♥️

#ممنوع_تمام_مشاركه_الفصل_ومن_يفعل_ذالك_سيتعرض_للمسائله_القانونيه
#الفصل_الثاني_والثلاثون_والاخير_الجزء_الاول
#حصري
#ظلمت_لكونها_انثي
#عفاف_شريف
#ممنوع_النقل_او_النسخ_او_النشر_نهائي
.................................................
اهداء الي الجميله فاطمه الزهراء
..................................................
بعد كل تلك الأمواج والعواصف
بعد ان ظننتُ اني اقتربت من الغرق
انتهى كل شئ بغمضه عين
انتهى فجأه وبدون اي مقدمات
ورست سفينتي أخيرا
.................................................
عوده بالوقت احد عشر يوما
تحديدا العشرون من رمضان
.................................................
في منزل هبه
كانت تقف تساعد امها في تحضير الافطار
وكالعاده تعد كل ما لذ وطاب
من حلو وحادق
ولم تنسى طبعا العصائر
هبه بهدوء:ناقص ايه كده تاني
ولاء بتفكير:طاجن الباميه باللحمه في الفرن
والرز اهو قرب يستوي
وانتي خللتي البتنجان
فاضل طبق السلطه
والخضار مغسول وواقف علي التقطيع
وهعمل الشوربه قبل الفطار علطول عشان متعجنش
هبه بشهيه :ما تعمليلي شويه طماطم مخلله
ولاء بإستغراب:ما في بتنجان
هبه بنفي:نفسي ف الطماطم
وزودي الفلفل الحامي والتوم
هزت ولاء رأسها بصبر
وهي تخرج الأدوات لصنع الطماطم المخلله
نقلت هبه نظرها لطبق القطايف وهي تقول بجوع وشهيه:انتي هتقليها امتي نفسي راحتلها اوي
ولاء بدهشه: اكيد مش دلوقتي يا هبه
بعد الفطار يا حبيبتي
ايه معقول هقليها دلوقتي لسه بدري
لما يحيى يجي من التراويح ابدأ اقليها
بيحبها سخنه
هبه بإعتراض: بس انا عايزه اكل منها علي الفطار
نفسي فيها
ولاء برفض : يا لهوي عليا
يا بنتي مينفعش
تسد نفسك ولازم تاكلي كويس عشان الي في بطنك
وثم قلتلك خفي حلويات وحوادق مش كده
واكملت بحنان:مبقولكيش متاكليش
بس براحه كتر الحوادق وحش يا حبيبتي
هبه بقنوط: طيب اعمل ايه يا ماما
ولاء بحنان: طيب متزعليش
هحمرلك شويه
يلا روحي ارتاحي
بس اتأكدي إن يحيى جاي يفطر معانا
اومئت لها وتحركت تخرج وهي تقول:جاي اكيد جاي
فيحيى يداوم علي الافطار معهم
لم يخلف معهم سوا ايام معودوه لظروف عمله الطارئه
وللافطار مع اسماء
دلفت لغرفتها بهدوء
اطمئنت علي الصغار
مليكه النائمه في فراشها بهدوء وسكينة
وحسن وحسين ارضاً يلعبون بالعابهم
توجهت نحو خزانتها
تقلب فيها بضيق شديد
يزداد وزنها يوما بعد يوما
ليس فقط حجم بطنها
بل حجم كل شي
حتي انفها
انفها الصغير الجميل اصبح اكبر حجما
تتذكر عندما مازحتها امها :انتي متأكده انك حامل في بنت
دي مناخير ولد
عبست وقلبت شفتاها بضيق
وهي تفكر
اطفلتها الحبيبه الوديعه السبب في هذا الانفجار
ام فمها الذي لا يكف عن تناول الطعام والحلوى
لكن ماذا تفعل
تشتهي الطعام بكثره
اصبحت تأكله بعشق وشهيه
تسهر ليلا تضم مليكه لصدرها
فهي الوحيده التي تسهر معها لنومها نهارا
فتسهر ليلا
تظل معها تشاهد التلفاز
والطعام حولها
ولا تفيق الا بعد التهام الاخضر واليابس
نقلت عيناها نحو المرآه
تنظر لنفسها بضيق وحزن
حتي ملابس المنزل اصبحت ضيقه
وتظهر بروز بطنها بوضوح
وأصبحت لا ترتدي امام يحيى سوا اسدال الصلاه الفضفاض
فقد ابتاعت لها امها اثنين
غمغمت بقنوط: الله يرحم ايام ما كنت غزال
ده انا كنت مزه اه والله
بقيت شبه سيد قشطه
تنهدت بضيق وهي تقول: لازم انزل اشتري لبس
لسه فاضل كام شهر عقبال ما اولد
الله اعلم الامور هتوصل لحد فين
نظرت لنفسها مره اخرى وهي تؤكد
يجب شراء ملابس حقا
تناسبها الان والى نهايه حملها
فضفاضه مريحه
وجميله
تنهدت وهي تأخذ الإسدال
وتتوجه للإستحمام
فبعد يوم طويل
اخيراً سترتاح بجانب الصغار
تلعب وتضمهم لأحضانها
وهكذا ينتهي يومها بكل سعاده
....................................
#ظلمت_لكونها_انثي
#عفاف_شريف
....................................
خرجت من الحمام بسرعه علي نداء امها بالإسراع
فيحيى على وشك القدوم
دلفت للغرفه لتجد ان مليكه استيقظت اخيرا
اقتربت منها تبتسم لها وتدغدغها بانفها
وهي تغمم:قلب ماما الي واحشني
قلبي انا الي صحي ونور يومي
ضحكت مليكه وهي تستقبل جرعه الحب والحماس التي اعتادت عليها يومياً
وهي تحرك يدها بحماس
التقطتها هبه تضمها الي صدرها وتقبلها وتشم رائحتها بحب
الا انها اردفت ضاحكه:انتي محتاجه تخدي شور علي فكره
وعادت تضعها علي الفراش
تحضر لها ملابسها الخاصه والمنتجات الخاصه
بها واسرعت تجهز لها الحمام
وما ان عادت تحملها لتحممها
حتي هجم عليها اطفالها يتشبثون بساقها
يريدون ان يُحملوا ايضاً
ضحكت هبه
ف حسن وحسين بدأوا يغاروا من مليكه
لكنها حتما ستحتوي ذلك
وضعت مليكه برفق علي الفراش
وحملت حسن قبلته ووضعه بجانب مليكه
وفعلت مع حسين نفس الشئ
وهي تقول بحنان: يختي علي الحلوين
شكلكم انتم كمان هتستحموا
عشان تبقوا حلوين وزي القمر كده
ونادت علي امها بحمل مليكه
حتي تنتهي من الصغار
وتوجهت بالصغار للحمام
فيجب ان تُسرع
فيحيى علي وشك القدوم
....................................
#ظلمت_لكونها_انثي
#عفاف_شريف
....................................
اخرجت حسن وحسين لامها بعد ان انتهت معهم
واخذت مليكه لتنعم بحمام هادئ
وضعتها في بانيو الاطفال برفق
حممتها ودلكت رأسها جيدا
وتوجهت بها للغرفه سريعا
لتلبسها ثيابها بهدوء وراحه
....................................
#ظلمت_لكونها_انثي
#عفاف_شريف
.....................................
في الخارج
وصل يحيى
لتستقبله ولاء بإبتسامه كالمعتاد
فببساطه هي احبته
كإبنها
ولم يخفي عنها
تصرفاته و نظراته لهبه
هي ليست بصغيره
قرأت حبه لهبه من اول يوم
وتصرفاته تضع الاجوبه امام عيناها دون الحاجه للسؤال
جلس يلعب مع الصغار بحب واشتياق وهو يقول: اومال فين مليكه
ولاء بإبتسامه: هبه بتديها شور
اومأ لها بإبتسامه