كَنت أتمنى يجي ويقوُل وش ذنّبي ؟

بارت ١

غيث بنبره مرتفعه : وشتسوين هنا؟
نجد : اص اص بشويش فضحتنا
غيث : وش تسوين؟
نجد : اشم هوا حرام؟
غيث : تشمين هوا الساعه ٢ الليل ؟
نجد : اي ؟
غيث : امشي قدامي
نجد : لا شبتسوي
غيث : اسمعي الكلام يانجد لا يجي جدي ويشوفك
نجد : وانا وين قاعده ؟ عند باب العماره حرام!
غيث : تستهبلين؟ ذحين يجون عيال الحاره ويشوفونك
نجد : محد درى عني نايمين
غيث : نجد امشي لا تعاندين
نجد : يوه ياغيث تراك نشبه
غيث : منهو النشبه ؟
نجد : انت
غسان : وش تسون ؟
نجد : يمه وش مصحيك
غيث : ذي مدري وش جابها هنا
نجد : حرام اشم هوا؟؟
غسان : شمي هوا بالسطح مب عند الباب كنك تتشحذين ههههه
جنان : شتسونن
نجد : يمه شمصحيكم انتم ؟
جنان : شفتك وانتي طالعه من الغرفه وصحيتني
غسان : جنيه ذي
جنان : شرايكم نسوي شي
غيث : شي زي وش
جنان : نغامر شي
نجد : يوه غامري عند النياق
غسان : هههههه مغامره وشو
جنان : وجع محطمين كنت بسوي زي الافلام
غيث : ههههه يبنت الحلال انتي مو شايفه ديرتنا؟ تسد النفس
صهيب : اقول وش زينها بس
غيث : عمي ؟
نجد : العيله كلها صاحيه طلعت
صهيب : شتسوون
جنان : والله ولاشي طفشانين
غيث : ذا موعد يصحى جدي يلا نسوي نفسنا راقدين
صهيب : ايه ايه تمقلبون ابوي اجل ههههه

البنات رجعو غرفتهم والعيال بغرفتهم

الساعه ٥:٣٠

الجد : صلاه صلاه قومو قومو صلااه
الجده : انا بنادي البنات
نجد وهي نازله من الدرج : جده وشوله تنادينهم ؟ انا موجوده افا عليك
الجده : كفو ذي بنتي الشاطره صاحيه من بدري
غيث : وانا؟ صاحي من بدري م قلتي لي ولدي الشاطر
الجده : توني اشوفك والله ولدي الشاطر
الجد : يلا يلا قوم العيال نصلي بالمسجد ياغيث  ويانجد قومي البنات
نجد : ابشر ياجد
غيث : سم من عيوني

عند البنات :
نجد : لاصلاه ولا عباده ولا هم يحزنون قومووووو
نجلاء وهي تفرك عينها : الله يشغلك يانجد وش تبين من صبح ربي
نجد : جدتي قالت قوميهم نصلي ونسوي الفطور قومووو يلا
عنود : وش ذا الصوت؟
جنان : كنه صوت ناموسه معفوصه
نجلاء : اي والله
رغد : قومي عني كسرتي ضهري يالقرده
نجد : م شفتك من الضلمه
ضحكو كلهم ع رغد
نجد : يلا نصلي ونسوي الفطور

عند العيال :

غيث : قومو ولا لا اصب عليكم مويه بارده
غسان : صاحي صاحي فكني شرك
سيف : ايا التبن غرفتني بالمويه
غيث : ههههههههه عشان تصحون يلاا ورانا شغلل
رماح : وش شغله
سيف : هو كذا يقول شغل شغل وم عندنا شي
غيث : يلا قومو جدي بيصعب بنروح المسجد

بالمطبخ :
نجد : مين يقطع البصل مقدر عيني تحرقني
عنود : ياي يانجد قطعيه عادي
رغد : هاتي يانجد البصل وانت سوي الشاهي
نجد : تمام
نجد : بنات مافي نعناع؟؟ 
نجلاء : يوهه عاد جدي بيسوي سالفه اذ بالشاهي مافيه نعناع
رغد : وانتي صادقه م يشرب الشاهي بدون نعناع
نجد : والسوات؟
جنان : شوفي العيال رجعو كلمي واحد منهم يجيب بسرعه من البقاله
نجد : طيب بكلم غسان

بالصاله :
نجد : غسان جيب نعناع
غسان : يوه يانجد مافيني مافيني بموت جسمي مكسرر مرا
نجد : م منك فايده صدق ، سي
سيف : قبل م تكملين كلامك مابي اروح
نجد : يوووه ، رماح انت الشاطر جيب
رماح : مقدر مقدر عندي كسر بالجمجمه
نجد : هه غيث ربي جابك جيب نعناع
غيث : لا مفيني والله
نجد : اجل بكلم عدنان
غيث : وشو ؟؟؟ تكلمين الغريب وعيال عمامك عندك
نجد : هذول انتو من اليوم اقول جيبو نعناع كل واحد يقول لا
غيث : خلاص بجيب لك كم حزمه
نجد : ذا ولد العم الكفو جيب حزمتين واذ عندك فلوس ثلاث
رماح : وش غير رايك عشانك م تداني عدنان ههههههههه
جنان : غيثثث كودرد
غيث : كودرد وشو  توك بزر
نجد : معليك منها يلا روح بسرعه ذحين يجي جدي

بالمطبخ
لطيفه : م خلصتو للحين ؟ جدكم جاء وعمانكم
جنان : نستنى النعناع والبيض لسى م ستوى
نجد : دايم كذا غيث يتاخر ويعارض بكلشي تقولين ا يعارضك
نجلاء : احم اي مرا دايم بس
نجد : وانا صادقه دايم كذا يعارض بكلشي ويتاخر تقولين له جيب شي يقعد سنه
رغد : يحلوك ينجد شرايك تلفين
نجد : يمه وشجابك؟
غيث : مين الي دايم يعارض ويقعد سنه
نجد : تحسبني بخاف انت كذا
لطيفه :يلا يانجد سوي الشاهي وافرشو السفره

بالفطور
الجده : في عزيمه اليوم
غروب : حقت ام بدر؟
الجده : ايه
رماح : وشهي ذي والعيال بيجون؟
الجد : اي كلنا بنروح البنات والعيال
غيث : بس بالعاده نصنا يروح مو كلنا
شموخ : اي ياولدي بس ذا عشان ولدها توه طالع من السجن وتبينا كلنا نجي
رغد : نجد لايكون ذيك ام بدر هي ؟ ههههه
عنود : اي اي هييي
نجد : منجد جده ؟
الجده : ايه هي
مهد : ليه وش السالفه
نجلاء : يابوي ذي بالعزيمه الاوله قالت ل نجد بزوجك ولدي الي بالسجن ونجد من يوم جتنا وهي تبكي تحسبه قاتل وبيقتلها ههههههههه
الجد : هههههه لا ونعم فيه هو بس اصحاب سوء خربوه لايبارك فيهم
الجده : اي والله انه زين وولد رجال
غيث : ويعني ؟
رماح : شفيك لازم يمدحون اي ولد
غسان : شرايك تتزوجينه يانجد ؟ هههه
غيث : خلاص شبعت
الجد : ليه يولدي كمل اكلك ؟
غيث : نفسي انسدت مع السلامه بروح اشوف الابل
سيف : جاي معك
غسان : اي حتنا
رماح : خلاص جاي معكم
الجد : اجل بخلص اكلي واجيكم
مزون بهمس ل نجلاء : شفيه قام؟
نجلاء : مدري عنه
غروب : يلا يبنات لمو السفره
كلهم : ابشري

نجد : ابوي بطلب منك طلب ؟