كَنت أتمنى يجي ويقوُل وش ذنّبي ؟

بارت ١٠

جنان : وش تسون؟
رغد : تعالي شوفي عمي خالد والعيال
جنان وهي تناضر لابوها من الدرشه: يجعل يومي قبل يومك يابوي
نجد : بنات خلونا نروح لحد يشوفنا منهم وتصير سالفه
رغد : ايه يلا امشو

-نزلو الصاله
الجده : وينكم
جنان:بالسط
قرصتها نجد وقالت: بغرفتنا نرتبها وكذا
رغد : ايه ايه ، نجلاء صبيلي
نجلاء وهي تصب : قبل شوي خشيتها م شفتكم فيها؟
نجد تغمز لنجلاء: رتبنا غرف العيال بعدها
غروب : بنات ترا بكره بنروح بيت ام صقر
نجد : وليه؟
لطيفه : وش ليه بس كذا زياره ومنها تغيرون جو
نجلاء: ليه انتن م بتجون معنا؟
الجده : لا بس انتن ومزون
مها : ايه محد بيروح الا انتن
رغد : غريبه؟
عنود : يعني وش نسوي عندهم
هنوف : بيجون البنات سوسن و وجد وساره وغير بنتهم رازن
نجد : يقدميي من زمان عنهم
عنود : اي والله منزمان
جنان : يحلوها رازن تجنن بس الباقين مب مرا
نجد : اي حتنا مب مرا عليهم بس لطيفات
نجلاء : وجد مقروصه فيها عله
نجد وهي تضحك : يمه نفس تفكيري ! دايم احس بها عله
الجده : عيب عيب يبنات !
لطيفه : لا والله وش زينها
هنوف : سبحان الله م ارتحت لها احسها مثل امها بس سوسن ماشاءالله نسمه
مها : اي والله ماخذه من امها كثير !
غروب : سوسن و ساره اخوات ولا اني غلطانه؟
هنوف : اي خوات و وجد مب اختهم بنت خالهم
الجده : تسمعون؟
شموخ : شغلو سامري
هنوف : الله يستر عيالنا مهابيل
نجلاء : احس رماح عقل م عاد صار مثل اول
شموخ : بس واحد مهبول م يقدر يمسك عمره اسمه غيث
ضحكو كلهم
الجده : تخافون عليهم؟ ماشاءالله وش كبرهم ،
خليهم يشوفون احفاد مطلق
مزون : مها عادي اكلمك شوي ؟
مها : اي يروحي
مزون : بس لوحدنا
مها : تمام امشي
الجده: وشبلاها؟
لطيفه : مدري يمكن بتقولها عن شي ، عادي دايم كذا يصير بيننا
رغد بهمس لجنان :وشفيه؟
جنان بهمس : مب عشانها امي ، مدري والله
رغد : بنات قومو ننضف الغرفه
الجده : مو نضفتوها؟
نجد بلكلكه : ايي بس بنضف مره ثانيه نحس م نضفنا زين
جنان : اي اي وبقي الفرشه م نضفناها ، نجلاء عنود قومو يلا
عنود : ياربي منكم ابي احش م تخلون الواحد يحش
نجلاء بهمس : وراكم بلوه امشو بس يلا
وهم يطلعون بالدرج ، نجد : وجد ذي ، كل سوالفها عن العيال
نجلاء : م اطيقها خير شر
عنود : منجد م تنبلع
رغد : لا تحشون ياخي
جنان : وهم صادقين

-
رماح : اخ تعبت
سيف : بسم الله! شفيك
رماح : امزح امزح
ليث : يولدي لا تمزح بكذا
صهيب : رماح!
رماح : ابشر
عناد : غيث وينه؟
رماح : هو وغسان طاحو بالزار ههههههههه
سيف : الله يعينهم ههههههههه
الجد : يولد شفيك لا تمزح كذا
رماح : ابشر
عناد : ياخي ماني مصدق اني شفتكم تكفون بضمكم
رماح : ياحلوك حلواه ههههه
عناد : هيه
رماح : وقلبشش ههههه
عناد : ولد ! هههه
خالد : ياليت عندي ولد اشوفه معاهم
كلهم احتواهم الحزن قاطعهم رماح وهو يمسك كتف عمه : نسيت عيالك؟
سيف : حن مو عيالك ياعم!
خالد بابتسامه: انتم عيالي والله ، الله يحفضكم
عناد : جو المهابيل
غيث : كني سمعت مهابيل
عناد : يوه شكلك تسمع غلط صبر اشوف اذنك ، لا فيها شي اكيد
غسان : والزق محد مهبول غيرك
غيث : غسان سمعه صحيح
رماح : عمي ذا خاطب ؟
مهد : اي خاطب الله يبارك له
عناد : اخ متى اتزوج بس
فهد وهو يضحك : ازوجك بنتي ؟
عناد : م اقولك لا
غيث اشتعلت نارر بداخله وقال : لا
فهد : وش لا
غيث : لا
رماح وهو يبتسم بخفيف : لا قصده ع الاغنيه م عجبته
سيف بهمس لرماح : اقرب تصريفه
رماح بهمس : الله يهديه م قدر يسطير
الجد : انتن هنا؟ قومو قهو الرياجيل
غسان : ياجد
الجد : ولاكلمه يلا
ليث : اي اي زين تسوي فيهم
عناد لحق غيث قبل لا يروح يقهوي الرياجيل : غيث وقف
غيث بعصبيه : وشتبي؟
عناد : سامحني وانا اخوك والله مزحت مع عم فهد مب قصدي شي
غيث : وانا شدخلني ؟ قلت لا ع الاغنيه
عناد وهو يضحك : غيث ترا عيونك فاضحتك من قال بنتي عم فهد وعيونك فاضحتك
غيث : يولد وش تقول ، امشي بس