كَنت أتمنى يجي ويقوُل وش ذنّبي ؟

بارت ٢١

بعد اسبوع : بالسطح
رماح : مين؟
رغد : انا قاعده مثل الجنيه لحالي
رماح : شتسوين؟
رغد : اخ افكر
رماح : ب وش
رغد : م عندي هم الا ذا الهم
رماح : عمي ليث صح
رغد : ايه ، وينه وش ياكل وش يشرب كيفه! وين عايش ؟
وغيث ينام ويصحى ويروح ويجي وينام ويصحى وما عاد له حس مثل اول وامي الي انكسرت يدها من كثر م تدق ع ابوي ومطنشها
رماح : م عليه خوف عمي ليث وكلها بعيد الاضحى وتشوفينهم متجمعين !
رغد : وان م تجمعو ؟
رماح : مستحيل ، قلبهم بيحن ع بعضهم وجدي م يصبر ع عياله وع احفاده وان تغيرنا ع بعض نرجع مثل اول وازين!
رغد : وتالي؟ غيث ونجد بيتزوجون صح
رماح وهو يضحك : طلعتي تدرين اني ادري
رغد : ادري ان كلكم تدرون اصلا
رماح : بيتزوجون مو مشكله زي كذا الي تفرق بينهم! الراس اليابس لا حب ! محد ياخذ منه الشي الي حبه
رغد : وغسان وجنان
رماح : اخص! مشبكهم من اول
رغد : غسان يحبها اساساً باين ، زين وش بيصير عليهم؟
رماح : غسان وجنان امرهم سهل جنان يصير عمرها ٢٠ يخطبها غسان وانتهى
رغد : ليت الدنيا كذا سهله
رماح : هي سهله انتم مصعبينها
رغد : وش الشي الي يخليك تحس كذا انها سهله؟
رماح : ايماني بربي ، مثل شي اتمناه من انا صغير
لا بحت فيه ولا علمت عنه بس كل م صليت دعيت ربي اني اخذه
رغد : وشو ؟
رماح : بتعرفين قريب
رغد : غيث !
رماح : وشو؟
رغد : غيث مع فيصل يتهاوش !!
رماح قام ونزل ع طول عندهم
-
غيث : ذا بكم !
البايع : ١٠
فيصل : سمعت ان العيله السعيده تفرقو ؟ ابوك صدق تفل ع اخوه ؟؟ يخساره تربيه مطلق فيه
غيث وهو يحاول يتجنب كلامه : فيصل ابعد عني ولا والله لا تموت ع يدي
فيصل : انت بس تهدد ذي خلقتكم تهددون ! ومسوين فيها العيله السعيده والي عندها فلوس وكل واحد مب طايق الثاني ، شوف ابوك؟ مثل الكلب انطرد برا البيت
غيث : الكلب انت وابوك هيا والله م يفكني احد منك
وقام غيث يضرب بفيصل باقوى م عطاه ربي ورماح يحاول يفك غيث وغيث مب شايف قدامه جاء سيف وحاول معهم ومافيه فايده لمن تجمعو اهل الحاره وفكوه منه
ابو حازم : انتم علامكم ع بعض ! وانت يافيصل بس تحارش !!
ابو صقر : انت وش دخلك فيهم يتهاوشون يموتون يحيون ذي عيلتهم مب عيلتك ! واحترم نفسك تسب ابوه قدامه ؟ تستاهل م يجيك
غيث : والله يافيصل ان عاد جبت طاري اهلي ع لسانك ولا طاري ابوي م يفكني منك الا الموت فاهم!
رماح : غيث خش خش خلاص
سيف : هدي انت ياغيث !
رغد : غيث ؟ ذبحته
غيث : ليتني
رغد : اف ياربي
شموخ : وش ذي الحاله؟ ضربت فيصل صح؟
غيث : اي ولو بيدي اذبحه
شموخ : الله يهديك انا خلاص تعبت ابي اروح بيت اهلي
غيث : صدق ؟
رغد : يمه!
شموخ : خلاص تعبت ابي ارتاح شوي عند اهلي وارجع
غيث : زين انا بوديك انتضري البس
رغد : بترجعين؟
شموخ : ايه ايه بس خليني ارتاح م عاد عندي عقل والله
رغد : بسم الله عليك
غيث : يلا
رماح : غيث
غيث : ها
رماح : انتبه طيب ؟
غيث : من وش
رماح : من عصبيتك ذي
غيث : طيب
سيف : وين عمه مزون؟
رغد : فوق للحين مضايقه مني تدرون؟
سيف : م الومها
جنان : البيت صاير زفت
سيف : منين طلعتي انتي؟
جنان. : مدري ، م اكذب البيت صاير زفت كلنا ساكتين محد يسولف جدي مضايق مزون م م مداها تفرح بخطبتها نجد وعمي فهد وغسان وعمه لطيفه راحو وم عاد مثل اول يدقون كثير وانشغلو بابها وحن ؟ مالت علينا محد خلق الثاني لا نكذب ع بعض البيت مو مثل اول وان هرجو فينا الناس؟ كلامهم صح احفاد مطلق تغيرو وعياله
تنهدو كلهم ، رماح : كلامك صح. بس محد بيتقبل الحقيقه!
مزون وهي نازله من الدرج : مزون تعبت اخوانها تفرقو وخطبتها مالها فرحه هاذي وهي البنت الوحيده كلامك صح ياجنان وكلنا بنتقبله فوق خشمنا
سيف : لا تقولين كذا ! عشان خطبتك جت بوقت غلط ولا كلنا فرحانين لك
مزون : اي زين وش فايده فرحتي؟ اخواني تفرقو وليث مدري وينه وشموخ شوفوها كيف صارت؟ وابوي !! ابوي تغير
جنان : ليه تتكلمين كذا؟ عمتي والله بنفرح فيك بس استني يرجع شملنا