كَنت أتمنى يجي ويقوُل وش ذنّبي ؟

بارت ١٥

رغد : بنات اول م نخش وش بنقول ؟ اول طلعه بدون امهاتنا
نجلاء : احمدي ربك فيه عمه مزون تعرف تتصرف
عنود : عمه مزون للحين تخلي جده تتكلم عنها هههه
جنان : ابوك يالورطه ، صدق شنقول ؟
رغد : عنود هي اكبر وحده هي تتكلم
عنود : شدخلني انا معرف ارد ع احد قلي سلام عليكم
مزون : وش تسولفون فيه
رغد : تكلمي بدالنا
مزون : كيف يعني؟
نجلاء : انتي اكبر وحده وعمتنا لمن يسالونا جاوبي ويرحبون فينا يعني تكلمي بدالنا
مزون : انا ؟ م لقيتو الا انا
جنان : قايله لكم
رغد : خلوها ع الله
نجلاء : نجد يلا!
نجد : طيببب اصبررري شعري م حطيت فيه شامبو
نجلاء : ياليل مااطولك
مزون : الله وش حادنا؟ بتروش بالحمام الي تحت
نجلاء : فكره اذ خلصتي انا بعدك
نجد : طلعت وجع شعري بقي فيه صابون من العجله
نجلاء : اخيراً
جنان :بنات ترا الساعه ٦!
رغد : م تروشت !
جنان : مب لازم خلاص شتسوين زحمه وم فيه وقت
رغد : خلاص عادي

نجد : م بحط ميكب كثير
جنان : محد فايق يحط اصلاً
عنود : جمالنا رباني
نجد : بلبس ذهب !
عنود : البسي طيب
نجد : لا بكثر ذي المره بلبس اليد الجريحه وبلبس بناجر وخرصان كلشي ذهب
جنان : بيصير لونك اصفر
عنود : صدق ههههه
رغد: لا حلو ذهب مع احمر واو
مزون : لقيت الحمام مخلص مويته! تخيلو؟ ع حظي
جنان : اصلاً م فيه وقت يالله نتجهز
نجد : لبست الذهب بقي اللبس وشعري بفكه وروج وانتهينا
جنان : يلا طيب بسرعه
مزون : وانتي؟ متى تجهزتي يمه
جنان : قلت لكم م اطول ، المهم كيف الي براسي حلوه؟
عنود : مره حلوه والله كنك من فلم كرتون
رغد : اول نجد لبستها وقلت كذا ههههه
نجلاء : اف يالله وش احلى ؟
جنان : متى طلعتي انتي ؟ الاسود
مزون : رايحه عزا؟ الابيض اطلق
نجلاء : بلبس الابيض عشان عمتي
نجد : كيف ؟ بقي بس روج
مزون : مره شكلك حلو ، بلبس انا
نجلاء : حلو ؟ الله نجد شكلك حلو
نجد : حتى انتي تهبليين مرا حلو
عنود : وانا؟
نجد : حلو وربي
جنان : حلبتو كلمة حلو
رغد : كيف ؟
جنان : حلو
نجد : وربي اشكالنا حلوه
غروب : خلصتو؟ الله تهبلون ماشاءالله كنكم طالعين من مجله !
مزون : كيف ؟
غروب : ماشاءالله مررره يهبل يهبل
نجد : خقيت عليك ياعميمه
غروب : كلكم خلصتو ؟
نجد : ايه
غروب : يلا البسو عبيكم وامشو
-
مزون : كيف يمه اشكالنا؟
الجده : تهبلون ماشاءالله بسم الله عليكم
غسان : اول مره تعجبوني يعني
غيث : عمه شكلك حلو
جنان : والباقين ياكلون تراب؟
غيث : ايه
رغد : كلزق
مزون : حبيبي شكرا انت الحلو
الجده : يلا غسان وصلهم
غسان : ليه انا
الجده : عشان نحبك
غسان : تم
غسان : اركبو السياره وانا جايكم بغير قميصي بس
رغد : نستناك هنا
الجده : اايه لا تطلعون برا
غسان : يلا امشو
جنان : من يطرد وراك حتى الثوب لسى م وصل بطنك
غسان : اسكتي انتي
- ركبو السياره
نجد :نوافييي
غسان : من متى تعرفينه
نجد : منزمان
غسان : فضحنا قدام العيال قال اسمك هههه
نجد : ادري هههه
غسان : من قلك؟
نجد : اتوقع انت بس شكلك نسيت
غسان : مدري يمكن نسيت
نجد : ذا بيتهم؟
رغد : ايه
جنان : مره قريب
مزون : شفتو يمدينا نروح مشي اصلا
غسان : يلا انزلو
غسان : جنان وجهك
جنان : شفيه!!
غسان : غطيه يحماره
ضحكو كلهم
مزون : طيب رح يلا
غسان : يلا
مزون : رح؟
غسان : رحت ها
مزون : حرك
رغد : عمه دقي
مزون : دقي انتي بعدين ليه انتم وراي؟
عنود : انتي عمتنا
نجد : صح
مزون : دقيت م يفكون!
رغد : يمكن موبيتهم؟
نجلاء : الا ، رازن اخت عناد وغسان يعرف بيت عناد
فكت الباب
رازن : اسفه طولتت واي اشتقت لكم وربي
حضنتهم كلهم
نجلاء : مره اشتقنا لك
رازن : انا اكثر ، ماشاءالله تهبلون
مزون : انتي تهبلين والله
رازن : تفضلو
بدريه ام رازن : نورتو نورتو
مزون : النور نورك والله
سلمو ع بعض بعدين بدو يسولفون
جنان : وين وجد ؟
سوسن : مدري عنها تتكشخ
ساره : ياخي مب مصدقه اني شفتكم هههه اشتقت لكم
رغد : والله حن مشتاقين لكم اكثر
وجد : انا جيت
سلمو عليها
وجد : والله منزمان عنكم ، كيفكم؟
مزون : حن طيبين ، انتي ؟
وجد : وش انتي؟
جنان : انتي وش
وجد : انا وش ؟
ساره : ياربي يالغبيه ، انتي طيبه؟
وجد : يب طيبه انتي طيبه؟
ساره :استغفرالله اي طيبه
رازن : جاكم احلى شاهي وفصفص واقوى حش
وجد : م احب احش استغفرالله
سوسن : لا تحشين
عنود : تسلمي ع الشاهي
رازن : الله يسلمك ، بنات بتجون الزواج؟
نجد : زواج وش ؟
سوسن : يقولون زواج  نهى
نجلاء : مين نهى؟
ساره : حتى حن م نعرفها بس بنجي اذ بتجون
مزون : مدري نشوف
نجد : غريبه اول مره اسمع بنهى باهلنا
رازن : هم كذا يجيبون ويولدون ومحد يدري
رغد : صادقه
جنان : صبي لي رازن
رازن : ابشري ، مين جاء ؟
وجد : بشوف
سوسن : اقعدي يمكن عيال!
ساره : م تسمع الكلام اي شي تروح اعوذ بالله منها
رازن : معليكم بنات ، المهم بنات وربي ذي الايام بردد نفسي نكشت بس محد حولي
نجلاء : اي والله برد ذاك اليوم طلعنا الحوش وبردنا مرا احس الجو حق كشته
سوسن : نكشت؟
مزون : نكلم اهلنا ونكشت معهم ليه لا
رازن : حلوو وربي حماس
وجد جت وهي تضحك : تخيلو فكيت الباب وطلع عناد وغيث ورماح ههههه
سوسن : وايش المضحك؟ انتي شايفه وش لابسه!
ساره : عادي عندك ياوجد
وجد : عادي بالغلط!
سوسن : مو بالغلط؟ قلت يمكن عيال ورحتي ! م تستحين
رغد : غيث اخوي؟
وجد : ايي تخيلي شافني ههههه
رازن : وش الي يضحك
مزون وهي متفشله : عادي عادي بالغلط
وجد وهي تضحك : اقولهم بالغلط م يفهون
رازن : المهم وش كنت اقول
سوسن : الكشته
رازن : ايه
اخذتهم السوالف بس فجاه !
وجد : الصراحه مره تغير غيث اخر مره شفته وهو صغير كنا نلعب بالحاره
رغد : كنتم تتهاوشون بالحاره
جنان : ايه
وجد بدلع: مادري م اتذكر؟ ، بس الصراحه مره صار احلى يابخت الي بتتزوجه
سوسن : يالله
وجد : رغد امك م تدور له عروسه؟
رغد : لا موجوده
وجد : امانه؟ مينن؟
رغد : هو مختارها ويبيها
وجد بدلع : اكيد انا ههههه
نجد وهي متنرفزه: هو يعرفك اصلاً؟
رازن : امسحوها بوجهي ، هي كذا
وجد : وش قلت؟ ايش فيها يعني !
سوسن : وين المسجل ساره؟
ساره : بجيبه
رازن : نشغل اغاني ونتونس
ساره : ذا؟
سوسن : يب
-
عناد : استغفرلله من ذي البنت ، امسحوها بوجهي
غيث : لا اصلاً م شفتها رخيت راسي
رماح : حتى انا مانتبهت
ابوعناد : الله يحيكم والله نور بيتنا
غيث : منور باهله
ابوعناد : كيفكم وكيف جدكم واعماكم
رماح :بخير وصحه وسلامه ، انت كيفك ياعم
ابوعناد: والله بخير دامكم بخير ، استاذنكم انا
راح ابو عناد
غيث : وشو ذا؟
عناد وهو يضحك : اغاني يرقصون
غيث : اخص
بعد مرور ساعتين:
غيث : بروح الحمام وينه؟
عناد : ورا الغرفه
غيث : تمام
رماح : البنات مسكرين الغرفه صح؟
عناد : ايه اكيد معليك
طلع غيث وهو طالع كان باب غرفه البنات مفتوح شوي مب مرا بس كان لامح وحده ترقص لابسه احمر لمن دقق فيها عرف انها نجد وقف مكانه يتاملها! كان لبسها شوي قصير واحمر ولابسه ذهب وشعرها مفتوح كان شكلها حلو لدرجه غيث قعد يتامل خمس دقايق بعدها استوعب ع نفسه وقال يولد شفيك انت؟ البنت مشاركها احد غيرك وم تبيك لا تتامل ! بعدين لابسه قصير؟ شفيني انا ياربي وين الحمام!
رجع الغرفه وقعد ساكت وكل الي يتخيله نجد وكيف رقصها يفتن ولبسها يفتن شعرها الذهب الي بيدها كيف لايق عليها عيونها كل شي فيها فتنه! انقهر قهر كبير انه في احد مشاركني فيها وهي م تبيني ! تعتبرني اخو لازم اشيلها من بالي انا وهي م بنحب بعض ! ولا راح تحبني
رماح : اكلمك انا؟
غيث : هلا
عناد : شفيك مسرح؟
غيث : وش تقولون؟
رماح : كنت اقول بشتررري سياره شرايك
غيث : عالبركه
رماح : وش عالبركه؟ اسالك شرايك
غيث : اشتري
-
صارت الساعه ١٢ ليل والبنات بيروحون
نجد : مع السلامه تونسنا معكم وطولنا والله
رازن : وين طولتو لو قعدتو اكثر
سوسن: م شبعت منكم
سارا : حتى انا
مزون : الجايات اكثر
جنان : بضمكم بنات
نجلاء : حتى انا
ضمو بعض كلهم
نجد : رازن تذكرين لمن عطيتني هديه اسوره؟ ذي لك
رازن : ياروحي والله حضنتها وقالت شكرا عالهديه
-
وجد طلعت راسها من الباب : ذا مين؟
نجد بعصبيه: اخوي تبينه بعد؟
سوسن : بنت ! سلامات انتي م تستحين
وجد : م شافني بس قلت بشوف مين
نجد : ليه تشوفين
مزون : يلا مع السلامة
رازن : مع السلامه يروحي
سكرت الباب
سوسن : وجد ! وبعدين معاك؟ وش حركات البزران ذي !
سارا : منجد اكثر من مره تفشلينا بيقولون م تستحي ذي
رازن : انتي م تستحين صدق
-
نجد : وجد ذي مب طبيعيه
جنان : مراا انهبلت
غسان : ياليل جنان انتي شفيك غطي وجهك في عيال كثير
جنان : انت شعليك
غسان : طيب طيب