كَنت أتمنى يجي ويقوُل وش ذنّبي ؟

بارت ٢٧

-
بعد مرور شهر من عيشتهم مع اهل مطلق وتعايشوا مع بعض وحبو بعض ووجدان لطيفه معهم ومعتبرتهم خواتها ، ومزون علمتهم بحملها وفرحو لها وصار حملها شهرين ، بيوم بالسطح نجد كالعادة ماجها نوم وطلعت السطح تغير جو طولت بالسطح بس حست بيد تلمس كتفها واليد كان ملمسها غريب جداً عليها التفت على الشخص وكان فيصل نجد بلكلكه: ف فيصل؟
فيصل : ايه فيصل وش تسوين
نجد : ولاشي بس ما جاني نوم
جت بتقوم مسك يدها بقوه
فيصل : ع وين؟
نجد بخوف ورجفه: بروح انام
فيصل وهو مبتسم ويشيل شعرها عن وجها : ليه؟ يوم جيت تبين تنامين
مسكت يده وشالتها عن وجه : وشتسوي اتركني!
سحبها للجدار بقوه وغصب عنها : نجد وافقي علي
نجد بخوف ودموع : ابععدد!!
كانت تحاول انها تقاومه لكن جسمها ضعيف جداً وما كان فيه مجال بدت تبكي وتترجاه يبعد عنها بس ما كان
يستجيب لها وكل كلامه ( وافقي )
غيث -
صحى فجأه من نومه وكان ناغزه قلبه واستغرب ان فيصل مب موجود معهم ونايم قرر يطلع السطح توقع انه فيه ، لمن دخل شاف منضر خلاه يفقد اعصابه ويجن جنونه نجد وفيصل وفيصل كان قريب منها وجداً ونجد كانت تبكي وتحاول توخره عنها وكانت نضراته لها مرعبه وغيث وقتها ما شاف شي قدامه مسك فيصل وبدا يضرب فيه ضرب هستيري ويصارخ باعلى صوته ونجد منهاره مكانها تبكي من الخوف ومن الموقف الي صار لها
ضربه غيث باقوى ما عنده ولا فكه وكان يحس بغضب جديد انه لمس نجد ومو بس لمسها كان مقرب منها وجداً من قوه سبه لفيصل وضربه سمعو صوتهم النايمين وكل العيال قامو الى السطح يشوفون وش صار
غيث : يالخسيس يالكلب ذا وحن مدخلينك بيتنا الله لا يحللك عطاه ضربه بوجهه ما تستاهل يالحقير توقعتك تبت ! بس ماينفع معك الطيب ياخسيس وكمل عليه
صهيب وهو منصدم من الي صاير : وش فيكم!!!
قام يحاول يفرع بينهم وبعده ليث ويحاول يفرع وجاء خالد وكانو كلهم الثلاث مب قادرين على ان يبعدون غيث عن فيصل طلع الجد وفهد ومهد
فهد شاف بنته بحاله غريبه كانت تبكي بشكل هستيري وغيث يضرب فيصل؟ حس بشي ركض لنجد ومسكها من يدها ونزلها تحت
الجد : وش صايررر هنا!!
غيث كان كانه مو مستمع لهم ومكمل ضرب بفيصل
مهد حاول يفرع ولا فيه اي فايده
مرت نص ساعه وحطو غيث بغرفه وفيصل بغرفه
غيث : لييشش !!!
الجد : فهمناا طيبب !!
فهد بعصبيه : ابي اعرف وش جاب بنتي بينكم؟
ليث : غيثث تكلم؟
غيث : ليه تشيلوني عنه كنت بموته ع يدي الليله
خالد : ياغيثث حن وين وانت وين ، نقولك شصااير!!
فهد بعصبيه: غيثث اكلمك انا؟؟
الجد : ياغيثث علمناا؟
مهد : نجد وش جابها بينكم؟؟
فهد : ياغيثث حن نكلمك !
غيث بعصبيه : تبي تعرف ؟؟
فهد : ايه
غيث بعصبيه وباينه بعيونه : لحالك
فهد : تعال معي
راحو غيث وفهد
الجد : وش ذي المصايب
خالد : من جاء وانا مب مرتاح
-
جنان : يانجد فهمينا !!
نجلاء : شفيك يابنت ؟
نجد كانت ترجف وتبكي
رغد : نجد تكفين لا تخوفيني قولي شصارر!
عنود : تكلميي ؟
نجد وهي تبكي وبلكلكه بالكلام : فيصل ففيصل
وجدان بخوف ، قربت من نجد : وش سوا لك !!!
نجد وهي تبكي وتشرح لهم
انصدمو كلهم وكل وحده تناضر بالثانيه
وجدان وهي تبكي وترجف وواقفه تشرح: قلت قلتتت اخووي واعرفه قلت لكم يبنات حاولتت افهمكم اخووي يتعاطى يتعاطى!!! مب ب عقله اخوي مب سند لي ابداً وخسيس وكلب حاولت والله افهمكم كنت ابيكم تبعدون ما كنت ابيه يسكن معكم !
جنان وهي ترجف : وجدان اخوووك وش ؟
وجدان وهي تبكي : يتعاطى ياجنان
رغد : ايش ؟ مستحيل مستحيل
نجد وهي تبكي : ذي مب سوات واحد عاقل
نجلاء وهي تمسح ع ضهرها ودموع بعيونها : خلاص يانجد خلاص
كانو كلهم مصدومين من الشي الي سمعوه
-
فهد : تكلم ياغيث!
غيث : (دخلت بالسطح وشفت فيصل مقرب من ) سكت وتنهد بقوه وعصبيه ( مقرب من نجد وكانت نجد تبكي )
فهد بعصبيه : وش تقول اانت!!
غيث : عشان كذا !!! ضربته ؟؟ ولو بيدي اموتتته
تركه فهد وراح لفيصل ، بعصبيه وصراخ : الله ياخذك كذا سواتك وحن مدخلينك بيتنا ومعتبرينك بحسبه ولدنا ! مسكه من ثوبه وطلعه برا باب البيت ( الله لايردك )
الجد : ليييه!!
صهيب : وش سوا للبنت ما تتكلمون انتم؟
فهد : يخسي من يلمس بنتي ولا يلمس شعره منها وينزل دمعه منها! وذا تمادى وبزياده ويستاهل الي جاه مني ومن غيث
خالد : يستاهل
الجد : هين يافيصل
غيث بعصبيه : مدخلينه بيتنا وذي سواته!
مهد : الحمدالله انك طلعت
لطيفه : خلاص يانجد هدي
مها : طردوه يانجد طردوه
هنوف : حبيبتي ما سوا لك شي غير انه مقرب منك صح!
نجد وهي تبكي : كان بيسوي لو ما جاء غيث
شموخ : الحمدالله انه جاء ولا كان محد درا!
لطيفه وهي تبكي : حلاص ياحبيبتي خلاص
غروب : وقح
وجدان : سامحينيي !
نجد : مو ذنبك !
وجدان : سامحوني كلكم
جنان : وجدان مو ذنبك ! ذنب اخوك
وجدان : انا امشي واحمل اخطاءه
هنوف : لا مو ذنبك تحملين اخطاءه !
وجدان : وش اسوي !! لو تبون تطردوني اطردوني ابسط شي تسوننه
غروب : انتي مالك دخل ؟؟؟
وجدان : طيب وش اسووي!
رغد : لا تسوين شي هدي هدي
جنان وهي تشرب مويه : ماتوقعته وصخ لذي الدرجه
رغد وهي تغسل المواعين : من جاء وانا مب مرتاحه له مع نجد
جنان : بس ما توقعت لذي الدرجه!
غيث وهو داخل بعصبيه : وين نجد؟
رغد : ليه!
غيث : سألتك سوال جاوبي !!
رغد : بالغرفه
غيث : من معها؟
جنان : عماتي
غيث : كلميها ابيها
جنان وهي تناضر فيه بحده : نعم؟
غيث : كلميها!
جنان : انت شايف حالتها؟
غيث : ما يخصني ابي اكلمها الحين
رغد : شوضعك انت اي كلام! خلاص غيث بكرا
غيث وهو يلتفت ع رغد : قلت الحين!
نجد وهي داخله المطبخ بحزن : نجد جات
جنان طلعت من المطبخ ورراها رغد
غيث : سوا لك شي ذالحقير!
نجد بتنهيده : لا ، بس الي شفته
غيث : اسمعي !! حن لازم نتزوج لازم تصيرين حلالي
نجد : اخطبني طيب
غيث : قدرت؟ كل ما زانت خربت
نجد : اخطبني بكرا !
غيث : اليوم!
نجد : لا ، ماينفع كلهم معصبين اليوم خليها بكرا !
غيث : متأكده
نجد : ايه خلاص
غيث : زين
نجد وهي تشرب مويه : ليه معصب مني
غيث : مو معصب منك
نجد : الا واضح
غيث : لا انا معصب من شي بداخلي يغلي !!
نجد وهي تحاول ترقع الجو : احط بداخلك طفايه حريق ؟
ابتسم غيث من بعد كانت ملامحه عصبيه
نجد : ياخيي اضحك! اخيراً
غيث : تضحكيني ياخي !
نجد : تراني بكيت لايغرك بس قدامك تغيرت
غيث : انا اغيرك؟
نجد : لا
غيث : الا
نجد : لا
غيث : الا الا
نجد : زين انت تغيرني خلاص ؟
غيث : حتى انتي تغيريني قبل شوي كنت معصب وضحكتي وضحكت
نجد : يعني مب عشان ذبتي !
غيث : لا ، انتي ضحكتك تخلي الواحد يضحك معك
نجد : والله؟
غيث : اي والله
نجد : حتى انت مب لايق عليك الزعل ! اذ شفتك زعلان وانا بعد زعلانه اغير جوك
غيث وهو يبتسم : يحلوك حلواه
نجد : مين؟
غيث : انا يحلوي
نجد : زين
غيث : انتي يحلوك يحماره
نجد وهي تأشر على نفسها : انا حماره!
غيث مسك اصبعها واشر ع نفسه : انا حمار
نجد : عارف نفسك
غيث : مانقدر نقول شي
جنان : خلصتو ؟ لن صدق ابي اكل الاكل الي سويته
نجد : كليه
جنان : يمه ! قبل شوي كنتي تبكين
نجد : شنسوي عاد
جنان : لا تقولين ان ذا القرد ضحكك!
غيث : انتي القرده
جنان : طس بس
نجد : وش مسويه لعمرك
جنان وهي تاكل : شي مو حلو
نجد : وشهو طيب
جنان : مو ذوقك ما بيعجبك
نجد :طيب وشهوو!
جنان : مب لازم مب لازم
نجد : وريني وشهو ؟؟
جنان : وخري
نجد : اهااا ، سويلي!
جنان : لا تناضريني كذا !
نجد : انا اختك سويلي
جنان : اف طيب خذي ذا وانا اسوي لنفسي
نجد : كفووو ذي بنت العم
غيث : مسحوبن عليه
جنان : انت معنا اصلاً ؟ نسيتك
غيث : والله؟
جنان : اي والله ، شيسون ذول
غيث : مين ؟
نجد : ناضر الدريشه
غيث : حي يا ذا العين ! وراح لهم يلعب معهم
جنان : اوف غسان يعرف يلعب كوره
نجد : افا عليك !!
جنان : شدخلك انتي
نجد : اخته
جنان : زين
وجدان :وهي تشرب شاهي : من فاز؟
نجد : محد لسى
جنان : اونوو
رغد : اهيب ياوجهك!
عنود : وجعاه شلون
جنان : خلكم اغبياء متعرفون تلعبون
نجلاء : يحلوي انا ووجدان ريحنا روسنا وما العبنا
رغد : خلصتو الشاهي
وجدان : الحقو عليه بس
نجد : صبيلي
وجدان : ابشري ، خذي
نجد : شكراً
رغد : وشصار ع عمه مزون؟
نجد : اي والله شصار
نجلاء : بسالها
عنود : خلاص دقيت
وجدان : الله مشتاقه لها
مزون : هلا
جنان : اشتقنالك
مزون : انا اكثر
وجدان : شصار عليك يامزون!
مزون : والله تعبت اليوم شويه بس عادي يهون
لعيون الي ببطني
رغد : يروحي هو
نجد : حبيناه قبل يجي
مزون وهي تضحك : ياخي تضحكوني
جنان : والله ياعمه وجهك تعبببان
مزون : شنسوي عاد
وجدان : وجهك حلو
مزون : انتي الحلوه والله
نجلاء : زين شخباره
مزون : مين؟
نجلاء : صقر
مزون : طيب والله
عنود : يعني نقصد يجيب لك الي تبينه!
مزون : اي والله من ذي الناحيه تعب معي الصدق
نجد : غصباً عنه
جنان : اي والله
وجدان : عنده مزون وما يدلعها
مزون : ياروحي والله انتم
رغد : وش جنسه
نجد : يحماره مب الحين يبان
جنان : شعرفك انتي حملتي !
نجد : كل انسان يعرف ذا الشي
مزون : صدق يعني وش ذا الجنس الي بيبان من ثاني شهر!
نجد : بقر بقر ما يفهمون!
مزون : انتي بنت
جنان : من؟
مزون : نجد
نجد : هلا
مزون : شفيك ؟ وجهك مخطوف مرا
نجد وهي تضحك : مافيني الا العافيه
تحولت ملامحهم لضيق
مزون غمزت ل رغد ان تقولها بسناب
رغد هزت راسها بمعنى تمام
مزون : يلا انا بسكر جاء صقر
نجلاء : مع السلامه
مزون : مع السلامة
وجدان : يحلوها
جنان : اشتقت لها
رغد : كليوم عندنا وتقول اشتاقت لها
جنان : شسوي
غسان : غيث العب معنا
غيث : افكر ياولد خلني
قعد جنبه غسان : بوش ؟
غيث : شي
غسان وهو مبتسم : نجد صح
غيث التفت له : شلون عرفت
غسان : باين من عيونك ، بكره حن بنروح بيتنا
الي بالحاره ذاك ! واخطبها بيجون عماتي وكذا
غيث : تهقا وقت زين؟
غسان : زين زين ، قبل لا تطلع مشكله ثانيه بعد
غيث : اي والله
غسان : هيا يالله قوم العب ولا ما يهنى لي اللعب
غيث وهو يضحك : ابشرر
-
لطيفه : متى؟
فهد : مدري
لطيفه : ترا ضايق خلقها مرررا
فهد : وش اسوي يعني ! حتنا ضايق خلقي عشانها اروح اغصب ليث وغيث يجون!
لطيفه : بكره يوم زين بنروح بيتنا وبيجون هم
فهد : شكله بكرا تصدقين
لطيفه : اي اي بكرا شكله
فهد : بس ماكلمت ليث
لطيفه : وليه؟
فهد : اقوله يلا تعال اخطب بنتي !
لطيفه : عادي
فهد : يمكن مايبي؟
لطيفه : الا هو بنفسه قايل لشموخ
فهد : وشموخ ؟
لطيفه : تبيها بعد
فهد : انشاءالله ربي يكتب فيه الخير
-
شموخ : متى!!
ليث : بكرا
شموخ : لا تأجلون يكفي؟
ليث : لا خلاص صدق بكرا
شموخ : واذ ما صار؟
ليث : يابنت الحلال قلت لك بكرا
شموخ : نشوف
رغد : عن ايش تتكلمون؟
شموخ : نجد وغيث
رغد : اي خلاص ترا غيث مل
شموخ : كلهم ملو
ليث : بكره بكره وانا قد كلامي انشاءالله بكره بنروح لهم اصلاً اليوم هم بيروحون بيتهم صح؟
رغد : اي اي ، وقتت مناسببب حمااسس
شموخ : الحمدالله
-
غيث : يبه
ليث : الله جابك يلا مشينا نصلي صلاه الجمعه معهم سبقونا
غيث : زين زين ، بس بكلمك
ليث : كلمني بالطريق
غيث : زين
ليث : يلا قول الي عندك
غيث : يبه خلاص ابي اخطب البنت !
ليث : اي كلمتني امك ع ذا الموضوع وقلت بكرا
غيث بفرحه : صدق!!!
ليث : اي صدق
غيث : يبه احبببك تكفى!
ليث : انهبل الولد
غيث : مب مصدق!!!! اقرصني تكفى
ليث : اقرصك ؟ احسن اضربك هههههه
غيث : لا خلاص صدقت
ليث : يلا بس خش
غيث : بدعي بصلاتي
غسان : يلا ياغيث انتضرك من اول
غيث : حتى بالصلاه ينتضرني يحلوك
غسان : اي شفت كيف ادعي لنا طيب
غيث : لمين
غسان : لي ولوحده
غيث : لك ولجنان؟
غسان : ايه ايه ادعي انت بس
غيث :  زين بس بدعي لنفسي اول
غسان : طيب يلا
قامت الصلاه وصلو
الجد : ياليثث
ليث : هلا
الجد بهمس : احم متى؟
ليث : بكرا ان شاءلله
الجد : مو تأجلون! خلاص نبي نفرح
ليث : لا مافيه تأجيل بكره بكره
الجد : الحمدالله
-
شموخ : بكراً يالطيفه
لطيفه : وش هو
شموخ : مسرع نسيتي؟ بكراً بيخطبون نجد
لطيفه وهي فرحانه : بذمتك!
شموخ : اي والله
لطيفه : زييين احلى خبر
شموخ : والله طلعت روحي من كثر التأجيل
الجده : تتسارسون ع وش
شموخ : غيث ونجد
الجده : متى!
شموخ : بكراا
الجده : الله يبباررك لهم
- بالمغرب تحديداً بالسياره ( رغد ، غيث ، الجد ، الاعمام ، ليث ، شموخ ، مها ، غروب ، هنوف ) 👉🏻الموجودين
-
الجد : هم بالبيت ؟
رغد : ايه كلهم
الجد : نجد تدري
رغد : لا
الجد : يمكن ماتبيه؟
غيث : مب على كيفها
ليث : وشو؟
غيث : على كيفها على كيفها
الجد : الله يكتب الي في الخير وان رفضتك عادي
ليث : البنت لولد عمها
الجد : محد يدري
غيث : ياجد لا تحطمني
الجد : اقول يعني توقعات عشان ما تنصدم
رغد : لا ان شاءلله
ليث : رغد خشي معي احسن شفيك معلقه هنا
رغد : تحمست معكم بالسالفه يعني
ليث : زين ، وصلنا
غيث : رغد بنت
رغد : هاه
غيث : شكلي مرتب؟
رغد : كنك اول مرا تشوفك ، اي مرتب مرا حلو
غيث : زين يلا خشي
رغد : زين
-
جنان: بتوافقين؟
نجد : ايه
وجدان : كذا بسرعه ؟ فكري
نجد : والله فكرت من اول
نجلاء : ياربييي فرحانه !! اخيييراً
عنود : اي والله مره فرحانه لكم
نجد : احبكم مرا
جنان :نموت فيك
لطيفه وهي داخله : ترا جو
نجد: والله؟؟
لطيفه : ايه
الجده : زين زين يلا يانجد
نجد : وشو؟
لطيفه : مب الحين
الجده : اجل!
لطيفه : توهم جو
الجده : احسب من اول جو
جنان : متوتره !
نجد : مرا
نجلاء : مب اول مرا تشوفينه
نجد : بس الحين مختلف بيخطبني!
مزون : ماعليك شكلك مرررا حلووو وانتي حلوه مرا وبتنخطبون وتتزوجون وصدقيني مابتلقين احد يحبك مثل غيث!
وجدان : اي والله شكلك مرا حلو ومرتب وهادي وبعد مره حلوه علاقتهم ما عن تو ادري
نجد : ياروحي احبكم والله
عنود : معليك اصلاً محد غريب هناك لا تتوترين عماني وغيث وجدي وبس
نجد : ايه بس مدري احسني توترت اوافق؟؟
رغد وهي داخله: توافقين غصباً عنك
نجد حضنتها : رغد متوتره !
رغد وهي تمسك شعرها : ماله داعي التوتر محد غريب هناك وتعرفين غيث اصلاً ببيت واحد
نجد : لالا  موعن كذا ، متوتره احس خلاص ذا قرار حياتي!
رغد : مو انتي تبينه؟
نجد : اييي
رغد : خلاص اجل ، ماعليك
- اختصار للاحداث ( ماعرف ايش ينقال وقت الخطبه )
-
فهد : انشاءالله وانت ياغيث ونعم فيك وبحسبه ولدي واحسن من الغريب ولد عمها ومحد بيصونها كثرك ، بجيبها هنا وهي بتعطيك الرد وانا عن نفسي موافق ومليون موافق وما ابي ل نجد غيرك !
غسان : بناديها اجل
الجد : يالله
غيث وعيونه بتطير من الفرحه
نجد : وش ؟
غسان : تعالي
نجد : وين!!
غسان : وش وين ؟ تقولين اذ موافقه ولا
نجد : عادي من عند الباب
غسان : يابنت محد غريب عماني وجدي وغيث بس ! اقول تعالي
نجد : يوه
غسان: يلا عاد
فهد : اي وجت نجد  ، نجد يابنيتي
نجد وهي مرخيه راسها ومستحيه ل ابعد حد : سم يبه
فهد : موافقه على ولد عمك غيث؟
الجد : نجد يايمه ذا قرار حياتك
نجد : موافقه يايبه
فهد : الله يتمم لكم على خير يارب
غيث بفرحه : امييين ! يبه ؟ انا خطبتها
ليث بهمس : غيث هدي شوي ، ايه ايه الله يتم لكم ع خير يارب
رماح وهو مبتسم : تبين قهوه؟
نجد : لا وراحت من الفرحه
غيث : صدق !
غسان وهو يضحك : شفيك انت بعد
صهيب : فرحتنا عاد انتم
الجد : اي والله اول اثنين من حفايدي بيتزوجون
-
رغد : مب مصدقه ابدا !!! الحمدددالله تعالي نحضنننك
نجد وهي تركض لهم بفرحه : اخيييرراً الراس اليابس ما يكذب بوعده !!
جنان : الراس اليابس جاب راسك والله
وجدان : انتي الي جبتي راسه ! كل شي فيك حلو
عنود : والله فرحانه لككمم مرا
نجلاء :  اخيييرراً
نجد : احبكم مره انتييي الحلوووه ياوجدان ! مراا سعيده
جنان : دوووم الفرحه!
لطيفه وهي جايه تحضن بنتها : اخيرا يانجد ! والله وكبرتي
شموخ : انتي الوحيده الي ابيها لغيث
هنوف : الله يتمم لكم على خييير يارب
مها : اخيراً مابغيتو! الى متى وحن نستنى الله يتمم لكم ع خير
غروب : اي والله اخيراً
نجد : والله كبرت يا يمه ! الله يخليكم لي كلكم تشاركوني فرحتي دايم
شموخ : انشاءالله يارب
-
غسان : الله يتمم لكم ع خير ياغيث والله انك بتاخذ نعمه كبيره عندي ولها معزه بقلبي ! ما بوصيك عليها ما تحتاج اوصي لو الف الكون كله ادور رجال لا اختي ! بلف وبدور وبرجع انت نشمي وكفو واعطيناك اختي وحن عارفين ان محد بيصونها كثرك
غيث والفرحه باينه بعيونه ويحضن غسان : انتم عطيتوني نجد وانا اعتبر انكم عطيتوني الكون كله ! الفرحه مب سايعتني احسني ملكت الدنيا كلها واحس اخيراً !
غسان : الله يجعلها دوم ذي الفرحه وجعلكم تفرحون بعيال عيال عيالكم والله يتمم لكم عقبال الزواج والملكه يارب
غيث : امين يارب
الجد وهو جاي مع عمان غيث : والله كبرت ياولدي ! اذكرك هنا ماسكك بيدي وكنك اصبعي والحين خطبت وبتتزوج وبشوف عيالك ان ربي احياني ، الله يبارك لك و
الله يتمم فرحتنا فيك على خير
ليث : الله يتمم لك على خير عقبال الفرحة الكبيرة واللهو يجمع بينكم ب الرضا و المحبه يا رب ، والله كبرت وصرت رجال وخلاص خطبت وبعدها زواجك وبعدين عيالك وعيال عيالك !
مهد : الله يتمم لكم على خير ياولدي وفرحتنا فيك ماتنوصف
صهيب : اي والله ان فرحتنا لك انت ونجد ماتنوصف
خالد : اوعدني بس انك تحطها بعيونك! شف هاذا وانتم باقي ما تزوجتو نوصيك عليها ، والله ما يحتاج نوصي خابرينك كفو والله يتمم لكم ع خير
غيث : اللهم امين ، والله يخليكم لي ولاتوصون عليها تراها بعيوني هاذي قبل هاذي
الجد : يالله عالبركه ! باقي الزواج
غيث : قريب اناشاءلله
الجد : بعد بكره بنسوي حفله هنا بالحوش بيننا لكم وتعقدون فيها عقد القران زين؟
غيث : تمام
غسان : بعد بكرا؟
الجد  : ايه ، وحن بنرجع البيت والبنات وفهد هنا وما بتشوفهم الا ليله الزواج
غيث : اوف ! ليه
الجد : خاطبها وتشوفها؟ خلاص تغطو عن بعض وبعدين بزواجكم شوفو بعض
غسان : كانهم ماكانو شايفين بعض
خالد : ايه ماينفع بعد تخيل خاطبها ومع بعض بالبيت شالفايده يعني
غسان : صادق فيه منطق ياعم
غيث : زين زين الي تشوفونه
الجد : هيا يالله مشينا
صهيب : يالله
-
جنان : يعني بنقعد هنا؟
رغد : ايه لمن ليله الزواج
وجدان : حماس
جنان : يوه
مزون : بس انا بروح طبعاً
نجلاء : بس بتجهزين معنا صح؟
مزون : اكيد
عنود : لالا تعالي بطولك وبعرضك بعد بكرا وليله الزواج بعد كلهم
مزون : يليل
لطيفه : مزون ترا صقر برا ينتضرك
مزون : تمام
رغد : يلا مع السلامة
مزون : مع السلامة ياحبايبي
جنان : مع السلامه
راحت مزون
نجد : وش اسوي؟
جنان : يلا عاد من الحين نجهز التنسيقات وكذا
وجدان : بالحوش صح؟
رغد : ايه
وجدان : حلو عندي حساب وحده تسوي تنسيقات وديكور وكذا
نجد : وريني
وجدان : زين
نجلاء : وانا عندي وحده حقت فستاين
نجد : ارسلي لي حسابها بعد
رغد : خلو لي الباقي انا وجنان ونجلاء
نجلاء : تم
جنان : جويي
مها : وش سويتو؟
نجد : بنختار الحين
مها : فستانك تبينه شلون
نجد : هادي مابي عفاشه
نجلاء : اجل خلاص كلنا فساتيناا من ذا الحساب ! مرا حلو
نجد : اجل تم
مها : اي احسن بس حن لا تحسبون حسابنا عندنا
رغد : زين زين
نجد : ذا حلو!
جنان : اي مرا
وجدان : ووش تحط عليه؟ يعني حرف او اسم
رغد : اسم احسن صح؟
عنود : ايه
نجلاء : غيث و نجد
وجدان : تم ثبتو!
نجد : اي خلاص كلميها ع بعد بكرا
وجدان: تمام
نجلاء : والفساتين؟
نجد : كل وحده تدور لنفسها واذ خلصت ناخذ راي بعض
عنود : حلو
جنان : وعمتي مزون؟
نجلاء : اي صح يمكن تبي
رغد : نرسل لها الحساب
وجدان : ايه ارسلو لها اكيد تبي حتى هي
نجد : بنات في مسكه ورد؟
جنان : اكيد اي عقد قران لازم البنت معها مسكه ورد
رغد : ايه
نجلاء : عندي عنديي
نجد : حلوو!! ابيها بنفسجي الورود
نجلاء : تم
وجدان : احس بتطلع مرا حلوه!
نجد : يارب
جنان : ماعليكم ماعليكم بيطلع كل شي حلو
نجد بتوتر : بنات مدري خايفه
رغد : عادي عادي ذا الخوف طبيعي
نجد : زين وش اسوي
جنان : نامي خلاص
نجد : الفستان ؟
جنان : نخلص ونام
اختارو الفساتين ونسقو للحوش الديكور وكل شي تمام يوم الخطبه بالصباح :
جنان : اكب مويه عليها!
وجدان : لا علامك حرام
رغد : الا احسن مابتقوم! بيجون العمال حقين الديكور
نجلاء : كبي امسكي
كبت المويه جنان على نجد الي كانت من قوة التوتر ماتبي تصحى
نجد بتأفاف : ياربي منكم ! وشفيه؟؟؟
مزون : اول شي الفساتين بتوصل ثاني شي العمال جو! ثالث شي اليوم عقد قرانك
نجد : وشو؟؟ عقد قراني ؟ يممماه وش اسوي طيبب
عنود : شفيها ذي
مزون : طبيعي طبيعي
جنان : يابنت هدي
نجد : ياربي !! وش اسوي ؟؟؟
جنان : خلاص عادي الفساتين بتوصل والميكب عندك والعمال جو والامور تمام
نجد : الحين عقد قران مين؟
رغد : جدتي حبيبتي
وجدان : عقد قرانك!
نجلاء : مفهيه
نجد : كيف؟
جنان : مدري قبل امس وحده انخطبت
رغد : مانعرفها صح
جنان : لا وين
نجد : صدق بنات!
مزون : اشربي عصفر يهديك
جنان : راسي صدع انا من العصفر
مزون : صدق يهدي!
نجد : مابي
وجدان : لا تخافين العمال واقف ع راسهم عمي فهد
نجد : زين خلاص ترا هديت ، الفساتين متى بتجي؟
نجلاء : بتجي هي والمسكه بعد شوي
نجد : حلو
عنود : دق علي سيف يقولي انهم كلهم نايمين
نجلاء : كلن على همه سرا
مزون : صادقه ، ماعندهم هم يجون بطولهم وعرضهم
نجد : حتى غيث؟
عنود : لا يقول صاحي من قبل ماتشرق الشمس
مزون : ياحلوه
رغد : اخص
جنان : وين جدتي؟
مزون : بالصاله هي والحريم
-
نجد  : هلا جده
الجده : الله يتمم لك على خير يابنيتي ، اليوم يوم عقد القران! والله اني فرحانه لكم فرحه ماتنوصف
مها : كلنا والله
غروب : اي والله
نجد : ياروحي ياجده امين يارب
لطيفه : كل شي تمام؟
جنان : ايه لا تشيلون هم
نجد : بدون البنات كنت ضايعه
رغد : خيرر!
نجلاء : لاتقولين كذا يانجد حن الي بدونك نضيع
عنود : حن نسند بعض
جنان : ايه مستحيل نخليك ضايعه
وجدان : ياحلوكم
مزون : تراك من العيله يعني حتى انتي!
نجد : اقصدك معنا ترا!
وجدان : ياروحي
هنوف : شكلهم خلصو؟
نجد : اما؟ مسرع
لطيفه : ترا كل شي جاهز هم بس يحطون
فهد من ورا الباب : يانجد يابنات
نجد : جاين جاين
-
فهد : كيف؟
نجد وهي مذهوله ان كل شي حلو : يهبل!
جنان : مرره حلو
رغد : احلى من الي توقعته
نجلاء : اي مره يهبل
مزون : وش ذااا مرررا حلو والله ماكذب
نجد : الحمدالله ياخي
فهد وهو يبوس راس نجد والدمعه بعينه : كبرتي والله
نجد وهي فيها الغصه : يبه! تكفى لا تبكيني
فهد وهو يضحك : ادمع من فرحتي لك
البنات جنب بعض يتأملون غيث وابوها جنان : اخ يحزن
وجدان : ليت ابوي موجود
قامت مزون حضنت وجدان وحضنوها كلهم : ابوك لو موجود بيفرح لك اكبرر فرحه ! وبعدين فهد بحسبه ابوك ومحد يجي بمكانه ابوك
وجدان :الله يخليكم لي
نجد وهي جايتهم : الفساتين؟
جنان : شوي وتوصل
نجد : زين