كَنت أتمنى يجي ويقوُل وش ذنّبي ؟

بارت ٢

فهد : وش الطلب يعيون ابوك
نجد : ابوي ابي اروح المزرعه منزمان م شفت الخيول
فهد : م اتوقع جدك بيوافق
نجد : انا بكلمه بس انت وافق يبوي تكفى ببوس راسك
فهد : خلاص طيب روحي كلمي جدك تلاقينه بالحوش يحلب النياق
نجد : سم من عيوني

نجد : جد وينك صرعتني الشمس
نجد : يمه خرشتوني وش تسون
غسان : نحلب النياق تبين تشربين
نجد : لا يع وين جدي
غيث : وشتبين به
نجد : خصوصيه بين الجد وحفيدته
سيف : يمه منك يدلوعه جدو
رماح :هههههه
الجد : شتسوين هنا يانجد
نجد : جد تكفى بطلبك
الجد : تدللي
غسان : اي اي دلعها وحن نحلب النياق
نجد : جد ابي اروح المزرعه عند الاسطبل من زمان م شفت الخيول
الجد : والعزيمه؟
نجد : لا بروح ذحين وبجي بسرعه م بطول واتجهز
الجد : انا مقدر اروح معاك وعمانك وابوك مشغولين روحي مع غسان
نجد : غسان؟
غسان : يوه م فيني
نجد : انت دايم م فيك
الجد : غيث روح معها
غيث : ابشر يا جد
نجد وهي تبوس راس جدها : الله لا يحرمني منك
الجد : ولا منك يلا روحي البسي وتعالي
غيث : بسرعه ولا ترا ابطل ههههههههه
نجد : جيت جيت يلا
غيث : اركبي
نجد : غيث مر البقاله تكفى
غيث : لا
نجد : ليه معصب
غيث : مو معصب
نجد : تمام
غيث : يلا انزلي
نجد : مو انت قلت لا؟
غيث : مقدر ازعلك
نجد : اطلق ولد عم بس انزل معي
غيث : عشان ادفع اعرف ههههه
نجد : هههههه فاهمم
نجد : بشتري كودرد لي بس وش ارخص يمحمد
راعي البقاله : هاذا ٣ ريال هاذا ٧ ريال
نجد : وشوله ذا كله يمحمد خلاص انا اخذ ب ٥ ريال
راعي البقاله: خلاص عشان انتا بس
غيث : يلايلا بسرعه خذ بكت الدخان حاسب معه
غيث : روحي السياره
غيث وهو يشغل السياره : مب لازم تتكلمين مع العامل صح ولا؟
نجد : عادي تراه م يعرفني يعني
غيث : واذ م يعرفك ليه تتكلمين معاه
نجد : يوه عادي عادي يلا مشينا
غيث : اخر مره
نجد : اف طيب
نجد : غيث من متى تتدخن ؟
غيث : من اول ليه تسالين
نجد : جدي يعرف وعمي؟
غيث : لا
نجد : تراه مضر ياغيث
غيث : والكودرد؟
نجد : محد يدري اني اشربه الا البنات
غيث : اجل وعد م نعلم احد ؟
نجد : انا ع نفسي م بعلم احد عن الدخان وانت؟
غيث : مانيب معلم احد عن الكودرد بس بطليه
غيث : وصلنا انزلي
نجد : شداددد وحشتني
غيث : حطي الطرحه
نجد : ليه مين فيه؟
غيث : محد
نجد : اجل خلاص
غيث : اذ تبين اركبي
نجد : اكيد بركب ليه شهر م شفته
غيث : (شعرها الطويل يلامس خصرها رزة فرس ماطالها كل خيال )
شعرها يطير بالهوا وابتسامتها وكيف تلعب بالخيل عجزت اشيل عيوني عنها تاكدت ان حب الطفوله موجود للحين
نجد : غيث غيث
غيث : عيونه
نجد : تكفى اركب وصايف وخلنا نتسابق
غيث : م اقولك لا
نجد : يلا واحد ثنين ثلاث
غيث : نجد انتبهي انتبهي
نجد : ابي احط يدي بالهواا
غيث : نجددد نجددد اقعدي لا تتطيحين
نجد : م بيصير شي اخ حمااس هههههههه
غيث : خبله ههههههه
نجد :وين ذا المكان
غيث : مدري شكلنا ضعنا
نجد : وشوو؟؟؟ يلا نرجع
غيث : شفيك م بيصير شي المزرعه يصغرها
نجد : غيث تكفى قولي تعرف مكانها
غيث : نجد بقولك شي
نجد : وشو
غيث الصراحه معرف المكان
نجد : لااا ببكييي
غيث : يبنت وشفيك ههههه امزح معاك عانيه هناك
نجد : غيث م يضحك روعتني
غيث : يلا اقتنعني من شداد
نجد : ايه ايه بس بودعه
غيث : حطيي الطرحه
الصبي : هاذا شداد بس يسوي مشاكل مع وصايف
غيث : انت ليه فجاه تدرعم فيه بنت هنا
الصبي : معليش انا بس شفتك انت
غيث : يلا معليه انتبه لهم
الصبي : وين عم مطلق م يجي المزرعه
غيث : مشغول والله
الصبي : سلم لي عليه
غيث : يوصل يلا مع السلامه

غيث : شفتي يانجد قلت لك حطي الطرحه ع راسك م تسمعين
نجد : يوه منك
غيث : الساعه ٣ تتوقعين تلحقين تتجهزين ؟
نجد : اي بلحق ساعه تكفي مهو عرس
الجد : اخيراً وصلتو يلا تجهزو
نجد : ابشر ياجد
لطيفه : قلتيني عليك وينك يانجد
الجده : تاخرتي
نجد : معليش والله بس واحشني شداد
شموخ : يلا اطلعي تجهزي مع البنات
عنود : اعطييني الروج ولا بتوطى ببطنك
جنان : انا ماخذته قبلك ومو حقك
نجلاء : المشكله لاهو بحقك ولا بحقها
رغد : حق نجد الحين تجي يويلكم منها كلشي الا ذا الروج تحبه
نجد : جيت جيت ولا وحده تحطه ذا حقي انا بس
عنود : يالبخيله
نجد : اي بخيله ع روجي بس
رغد : نجد سويلي شعري تكفين
نجد : يوه بسرعه انا م تجهزت باقي
رغد : خلاص خلاص تجهزي وسويه لي م عاد بقي لي الا شعري
نجد : تمام
جنان : بنات البس ذا ولا ذا ؟
نجلاء : ولا واحد البسي الازرق جده تبي لبس قديم
نجد : لايكون بعد بتخلينا نلبس براقع
رغد : ذي الحقيقه يانجد
نجد : بذمتك؟
نجلاء : اي والله وتبي كلنا لبسنا قديم
نجد : انا خلصت بقي بس اللبس يلا يرغد
جنان : نجد ماشاءالله عليك اسرع وحده تسوي ميكب وشعرها
نجلاء : اي ومدري ويطلع حلو بعد
رغد : اي والله يحلوكم كلكم طالعين تهبلون تفتتف بحسدكم
جنان : شعندها ذي تمدح وامس تسفل فينا ههههه
رغد : انتي على شحم بس
نجد : تبينه كذا ولا كذا؟
رغد : لا ابيه ع ورا
لطيفه : يبنات م تجهزتو ؟ نستانكم تحت كلنا وجدكم معصب
نجد : اي اي يا يمه خلصنا بس بقي البس ونتعطر الحين جاين
رغد : شكرا نجد ع شعري ضبطتيه والله
نجد : عفواً انا بروح البس
جنان : بنات دايم نجد تضحي عشاننا م تجهزت وسوت لرغد شعرها
عنود : هي كذا نجد دايما
نجلاء : بنات شرايكم ؟
رغد : تهبلين مرا
نجد : بنات خلصت شرايكم ؟
جنان : تهبليين وتهبلون كلكم يلا ننزل