كَنت أتمنى يجي ويقوُل وش ذنّبي ؟

بارت ٢٣

بعد ساعتين وهم بنفس مكانهم وكل واحد مغبون اكثر من الثاني :
صهيب : بالي م يرده ! تبكون عشانه؟
غسان : ياعم؟ تربينا معهم ذول اخواننا
مزون وهي تبكي : يابوي تكفى هدي لا تعصب عشاني
الجد : بعد م تربو عندي يجي يشيلهم كذا الله لايبارك فيه
الجده وهي تبكي : وش الي غيييره!! وش الي غيره علينا؟
غسان : محد غيره! هو كذا
لطيفه : لا ما كان كذا
نجلاء : بيوم وليله تغير عمي ليث
عنود وهي فيها الغصه: وش ذنبهم! يبونا ونبيهم وذا يبعدهم عنا لابارك الله فيه من عم
فهد : الفلوس ؟ الفلوس غيرته طمع
الجد : الله لايبارك فيها من فلوس ليتني م وزعتها
الجده باستغراب : ايت فلوس؟
الجد : وزعتها عليه هو وفهد وطمع فيها
صهيب : خسيس
فهد : عشان كذا؟ تهاوش معي عرفتو!
غسان : فلوس؟ اخص عليه وراح طلع برا البيت
جنان وهي تبكي عند نجد : نجد خلاص قطعتي قلبي !
نجد وهي مب قادره تتكلم : ما عاد بنشوفهم
لطيفه : جنان طلعي نجد الغرفه
جنان : زين
رماح : الفلوس تغير واحد من عيال مطلق ياسلام
سيف : ماعمري توقعتها منه
مهد : بكيفهم! نجبره يقعد معنا؟ شال عياله وبكيفه
خالد : وانت صادق ، ابوي وامي خلاص هدو مافي شي يسوا !
الجده : شلون مافي شي يسوا ذا ولدي ولدي حملته ببطني ٩ شهور ربيته انا وابوه ع يدنا عيشناه وعيشنا عياله ببيت واحد بعد م كبرو وصار عمر غيث ٢٠ سنه جاء ياخذهم بارده مبرده عشان فلوس يكرهنا ؟ شلون ما يسوى
مزون : يايمه يايمه خلاص
هنوف : خلاص ياعمه ارتاحي!
مها : نجلاء جيبي مويه
نجلاء : سمي
-
جنان وهي تبكي : يانجد والله قطعتي قلبي خلاص
نجد والغصه بحلقها : غيث ياجنان غيث
جنان : بيرجع والله م يهون عليه فراقك
نجد : شلون شلون ! م بيرجع خلاص م شفتي عمي ليث
جنان : يقول الي يقوله عمي ليث غيث بيجي صدقيني
نجد : لا ياجنان لا تكذبين علي
جنان وهي ترمتي بحضن نجد : نجد لا تضيقين بتهون
نجد وهي تبكي : خلاص بيروح ويتزوج غيري
جنان وهي تمسح ع راس نجد : يخسي يانجد ! م يقدر يقعد يوم بدونك
نجد وهي تبكي: اخ انا كنت داريه ومتاكده ان مالنا نصيب مع بعض
جنان : لا تقولين كذا ؟ بنفرح فيكم صدقيني
نجد : خلاص ما عاد فيه امل شالهم وراح لا بشوف غيث ولا بشوف رغد
جنان : لا تخوفيني يانجد مابي افكر كذا !
نجد وهي تبكي : ذي الحقيقه
جنان : لا آن شاءالله لا
-
غيث : يبه ؟ وش ناوي عليه
ليث : انت اسكت تبيع ابوك عشان جدك وعمانك؟
غيث : ابوي اصحى!! ذول ربوني ٢٠ سنه عندهم بعد ماصارو عيال عمي اخواني وجدي ابوي وعماني اعتبرهم ضهري تشيلنا وتقول خلاص نقطع علاقتنا فيهم! كذا بذي السهوله كانهم شي عادي؟
ليث : واذا؟ انا ابوك الي ابيه يصير
غيث : يبه فكر بعقلانيه لا مات جدي من القهر وش بتستفيد
سكت ليث وبنص الطريق كان بيصدم بشاحنه كبيره مقابلته وكان هو الغلطان مو الشاحنه لنه مشى غلط كان بيصدم لولاً الله ثم غيث الي مسك الطاره وحركها ع ناحيه الجبل ووقف السياره
شموخ : شفت؟ م لحقت خير من دعوة اختك الي بحرقه ! شلون تبي ربي يوفقك وانت مسوي كذا بامك وابوك
غيث : يبه انت مب صاحي
عطاه كف ليث : انا مب صاحي؟ تماديت كثير ياغيث كله من عمانك غلطتي اني ربيتكم ببيتهم
غيث : زين يايبه زين
ليث : تهدد؟
شموخ : ما هدد ! انت ناوي شر حتى على ولدك؟
ليث : ولدي كيفي ! وكمل الطريق
-
بعد شهرين : دخلت جنان على نجد وهي عند الدريشه وتكتب بدفترها ودموعها تنزل
جنان : خلاص يانجد والله حرام الي تسوينه بنفسك!
جنان : زين اكلمك طالعيني؟
جنان : نجد قرب عرس عمه مزون لا تصيرين كذا افرحي لها كفايه هي حزينه اساساً
نجد : شلون؟ اقولك غيث ما بيتزوجني شلون اصير سعيده! تعلقت فيه انا
جنان : الي صار صار وصدقيني للحين عندي امل انه بيرجع هو ورغد
نجد : للحين عندك امل؟
جنان : ايه ، قومي يانجد خلينا نفرح عمتي شوي ونساعدها باشياء الزواج قومي
نجد : عشان عمتي بس ولا انا مالي نفس
-
مزون : نجد اخيراً شفناك؟
نجد بابتسامه : وش صار ع العروسه؟
نجلاء : العروسه ذوقها صعب
نجد وهي تقعد جنب عمتها : ياحلوها والله
عنود : عمه ذا حلو والله!
مزون : من جدك؟ خايس
نجد : ذا ؟
مزون : يجي منه
بوسط ضحكهم واختيارتهم للعرس نجد تاهت بتفكيرها ب غيث وكيف بتنساه وهل هو بيجي ولا خلاص ما عاد فيه امل صاير يرد عليها بعد ثلاث ايام واحياناً ما يرد ! ورغد غابت عن نجد من لمن راحت من ابوها شلون بتنسى حب طفولتها؟
مزون: نجد نجد اكلمك
نجد : هلا فهيت شوي
مزون : ذا كيف ؟؟ عجبنا كلنا
نجد : والله مرا حلو
مزون : خلاص اجل تم ع ذا
نجلاء: اخيراً
عنود : مابغيتي ؟؟
غسان وهو داخل البيت : مافيه خبر
مزون اختفت ابتسامتها : لا ياغسان خلاص
غسان : فيه امل ان شاءلله بيجون وطلع غرفته
اختفت ابتسامتهم وطلعت نجد للغرفه وكملت كتابتها عن غيث ودموعها تنزل
جنان : البنت ذي تكسر خاطري !
مزون : اخ يالله
نجلاء : يلا نكمل عمه
مزون : ما عاد لي نفس انا بطلع انام
جنان : ياربي
عنود : مب مكتوب نفرح!
جنان : الباب يدق روحي فكي
عنود : زين
عنود : مين؟
عناد : فكي
عنود : يليل اصبر
جنان : خذي ذي الطرحه
عنود : زين زين فكينا
عناد وهو مرخي راسه : خذي
عنود : لمين؟
عناد: لك
عنود : شكراً ماقصرت
عناد : عفواً
جنان : منهو ذا
عنود وهي مبتسمه : عناد
جنان : اخص
باليوم المنتضر زواج مزون :
لطيفه : اضحكي يامزون!
مزون : ما بيجون؟
الجده : خلاص افرحي اليوم عرسك
نجلاء : غابو وماهم براجعين ياعمه
مزون : كنت اتخيل رغد تفرح معي وشموخ وغيث
جنان : عمه ما نكفي حن؟
مزون : الا ، بس ناقصني هم!
عنود : يالله ياعمه قربت الزفه اضحكي؟
مزون : بيجون صح؟
هنوف : مزون خلاص زفتك
مها  بهمس لمزون: عشان خاطر عمتي انتي فرحتها !
مزون ابتسمت ونزلو هم عشان الزفه
نجد وهي تتامل عمتها وهي تنزف ودموعها نزلت كانت تبي رغد جنبهم وتضحك معاهم وغيث عند الرجال يلعب سامري ويضحك ابتسمت نجد يوم شافت عمتها عيونها عليهم بعدها ابتسمت مزون
الجده : الله يهينك يافرحتي انتي
لطيفه وهي مبتسمه : ما بغينا نفرح فيك يامزون
مها : ياعمري هي
- بالبيت
جنان : فرحت فيها بس ناقص فرحتنا رغد
نجلاء بتنهيد : لا هم الي براجعين ولا شي
نجد طلعت غرفتها وبدت تبكي :
رحلت عن دارك وانا خاطري فيك
رحيل حاكم دولتـه مستحله
حاولت اکابر وانسى ماضي لياليك
جتني طيوفك زادت الطين بله
سالت دموعي فوق خدي تناديك
عقبك ترى دنياي صـارت ممله
شف حالتي وشلون لا حل طاريك
هلي على طاريك دمعي اهله
أبتعد عنك وانـا خاطـري فيـك