كَنت أتمنى يجي ويقوُل وش ذنّبي ؟

بارت ٢٤

رجع من المستشفى الجد
صهيب : اقعد يابوي
جنان : شفيه ؟
مهد : ارتفع عليه الضغط وقلبه وتعب علينا ووديناه المستشفى
حطيت يدها ع فمها الجده : ياويلي
سكتو كلهم لن عرفو السبب
تنهد الجد : بموت وانا ماشفت عيالي ! ولا شفت ولدي
نجلاء وهي تبكي : لا تقول كذا ياجدي
الجد وعيونه دموع : ياليتني ماطردته ما كنت بحس بذا القهر والخيبه!
دمعت عيونهم كلهم واولهم فهد : بسببي انا
غسان : يبه!
خالد : مالكم ذنب انتم ، ليث غلطان وبيعرف غلطه
الجد : متى بس ؟
رماح : هدي ياجد
سيف : سكرو السالفة خلاص
-
لطيفه : حن رايحين ل ام غزيل تروحون معنا؟
جنان : روحو انتم نجد بغرفتها انا بقعد هنا
مزون : زين بس ودعيني لني برجع بيتي بعدها
جنان وهي تحضنها: مع السلامه
الجده : مع السلامه
جنان : نجد؟
نجد : هنا
جنان وهي تقعد جنبها : بتوافقين بخطبتك لفيصل ؟
نجد : لا
جنان : اي احسن
نجد وهي عيونها على الدريشه : وينهم؟
جنان : راحو ل ام غزيل
نجد : صدق ؟
جنان : ايه
نجد : اروح معهم
جنان بفرحه : اكيدد ، اخيراً بتطلعين برا البيت؟
نجد بابتسامه خفيفه : ايه حتنى ابي اغير جو شوي كرهت نفسي
جنا : زين تسوين ، يلا
قامت نجد ولبست عباتها ونزلت برا  سكرت باب الشارع وباول خطوه لها تأملت الدكاكين والناس وهم يمشون من بينهم كلهم لمحت طيف وزول غيث ! نزلت عيونها على الارض وهي تحاول تستوعب الي شافته وكانها بحلم حست انه خيال وهي قاعده تتوهم كملت طريقها بعدها التفت وكان غيث فعلاً ! رغم انه بعيد عنهم الا انها قدرت تميزه ؟  وفجاه قلبها عورها وحست برجفه بجسمها اتجهت على طول على البيت وقامت غسلت وجها وهي تحاول تتسوعب الي شافته ! كان غيث
جنان : بنت ؟ شجابك مو كنتي بتروحين
نجد بلكلكه : غيرت رأيي بطلع الغرفه
جنان : بسم الله شفيها؟
نجد طلعت الغرفه واول ماطلعت التفت على الدريشه وهي تدور غيث وانصدمت انه قدام باب بيتهم! كان واقف وعيونه دموع ويتامل البيت من فوق لمن تحت وهو متلثم بشماغه ولابس جكيت بعدها ركب سيارته وراح! (م انتبه لنجد هو) نجد حاولت قد م تقدر تفهم وش فيه ماقدرت ؟ انسدحت ودموعها سبقت كلامها بدت تبكي وتشهق وهي مب مصدقه ان غيث رجع بس خلاص وش فايده الرجعه ! تزوج بكت بكت لمن دخلت جنان عليها معها عصير سوته تبي نجد تجربه
جنان بفرحه : نجووده تعالي جرب ، تبكين؟
شهقت نجد : لا
جنان: ذا كله وماتبكين!! شفيك
نجد : ولاشي ، تذكرت الماضي عطيني اجربه
سحبت العصير جنان : اول شي قولي لي ليه تبكين؟
نجد وهي تبتسم تسليك : قلت لك ! تذكرت كيف كنا بالماضي وبكيت
عطتها العصير جنان وباين ان مب مصدقتها : كيف الطعم؟
نجد : مره حلو ، انا بنام جنان
جنان : زين انا بطلع السطوح ، تصبحين ع خير
نجد : وانتي من اهله
طلعت جنان من الغرفه كملت بكي نجد
-
ليث : شفتهم؟
غيث وهو داخل البيت : ماقدرت اخش البيت اكتفيت باني اتامله من برا
ليث : شلون ابوي بيرضى ! سويت غلط كبير وندمت
غيث : يبه توك تحس ؟ لنا تقريباً سنه بعيدين عنهم اناتغيرت صرت شخص ثاني ! غيث الي بس كان يضحك تغير قرب من اذن ابوه وهمس له انت ضيعت لي شي اكبر من كل شي ممكن تتخيله توسعت عين ليث لمن سمع كلام غيث وكيف الغصه بحلقه
ليث مسك غيث من كتفه: غيث ، وش الشي!
غيث: حب طفولتي ؟ انت ضيعته بيدك كرهتني الحين بسببك
ليث باستغراب وخوف : مين؟
غيث : نجد ؟ وعدتها يصير عمرها ٢٠ اخطبها ! خربت انت كل شي بعدتنا عن بعض !!
ليث ودموعه تنزل : سامحني والله اسف ياولدي
غيث : مسامحك ، بس وش يفيد الاسف؟
ليث : انا بروح لهم بخلي ابوي يسامحني بتاسف لفهد بخطب لك نجد منه وعد مني وعد !! والله اسف
غيث بفرحه : بتتسامح مع عمي فهد!
ليث : اي
غيث : بيقبل؟
ليث : بسوي اي شي عشان يقبل ، انا ندمت
غيث : متى؟
ليث : بعد ثلاث ايام بدخل بيتهم وبخلي ابوي يسامحني ونرجع مثل قبل
غيث  بفرحه: ولو انك تاخرت بس انك اخترت الشي الصح
غيث بعد ما راح ابوه :
مب مصدق !! بخطبها ؟؟ انا مستحيل اكذب بوعدي ولو كان ايش مايكون ! ومع نجد ؟ مستحييل تركت قلبي لها كيف اتركها هي ؟ اخيراً بتصيرين حلالي يانجد
-
الجد : ليته يجي ويقول اسف والله لاسامحه والله لانعيش سوا مثل اول
فهد : ليته والله بيكون يوم السعد بس قلبه قسى
الجد : ابيه بس يجي ! والله لو يجي بس لاسامحه
فهد : ابوي انت هدي
الجد : زين يلا نشوف الحلال
فهد : ابشر
-
رجع غيث للحاره وهو متلثم عشان محد يعرفه يبي يفأجهم مره وحده كان واقف عند الجبل وعيونه ع بيت جده مطلق كان يتأمله ويتذكر كل لحضه بطفولته وخصوصاً مع نجد قاطع تأمله بنت نازله من البيت وسكرت الباب وراها وكانت متلثمه عرف انها نجد من زولها قام فز وهو مو مصدق انه شافها كان وده يجي ويضمها بصدره ! كان يتأملها وهي تمشي على السوق ما تغيرت ابداً هي نجد الي اعرفها شرت شي من السوق ورجعت للبيت بعد ما تطمن انها خشت البيت ركب سيارته ورجع بيتهم
غيث : يبه
ليث : هلا
رغد : وين كنت؟
غيث : بالحاره ، عند الجبل شفت نجد!
ليث : ماشفت الباقين؟
غيث : لا
رغد : شفتها؟ كيفها
غيث : ما كلمتها يا رغد بس شفتها
وهي تشتري من السوق ورجعت
شموخ : متى ياليث ؟
ليث : بكره ! انا عطيت نفسي وعد لي سنه اجمع نفسي اعتذر ل ابوي ندمت وتعذبت بندمي
رغد بهمس : تتوقع راح يسامحك وراحت
ليث : انشاءالله نرجع زي اول واحسن !
شموخ : غيث ولدي ابيك
غيث : ابشري يايمه
-
شموخ : تعال اجلس وسكر الباب
غيث وهو يجلس جنبها : هلا؟
شموخ : غيث تحب نجد صح ؟
غيث : ايه
شموخ : ابيها لك
غيث : حتى انا ابيها! صبرت ١١ شهر بدونها بسبب مشاكلهم وانا عطيتها وعد وبكون قده !
شموخ : اول ما يتسامحون بخلي ابوك يخطبها لك
غيث : ابوي قالي
شموخ : وش قال
غيث : هو قالي بخطبها لك اول ما نتسامح
شموخ : فرحانه لك ياولدي
غيث : تتوقعين ماتبيني؟ انا قد وعدي لها
شموخ : الي يحب عمره ماينسى حبه انت وهي مضلومين بمشاكل ابوك وابوها
غيث : يارب انها فاهمتني ! ما بعدت عنها عايف
شموخ وهي تمسح ع ضهره: فاهمتك فاهمتك صدقني
طلعت ام غيث
غيث :
احاول انسی و اعيش اليوم معا بكرا
طاح حيلي ولا عاد فيني الملم ضلوعي
لاحظوني اهلي واناس والي حولي
وحاولت اخفي دموعي اخفي
الغصه الي واقفه في الحنجره
واکابر و اقول مابه شي
وانا قبل لا اكمل خنقتني العبره
بعدك يانجد لا انا غيث ولا حياتي حياه