كَنت أتمنى يجي ويقوُل وش ذنّبي ؟

بارت ٢٥

مرت ساعه وهم ينتضرون على احر من جمر واخيراً دق الباب !
الجد : هم هم
نقزت مزون تفك الباب وكلهم تجمعو حول الباب كانو هم ليث ورغد وشموخ
البيت كله صار سعاده رحبو فيهم وسلمو واعتذر ليث لابوه
اول ما جاء ليث قام نزل عند رجول ابوه وهو يبكي ويقول:
سامحني يايبه غلطت وندمت سامحني تكفى
نزلت دموع الجد وهو يقوم ليث من تحت رجوله : مسامحك ياولدي مسامحك
باس راسه ليث : والله اني ندمت وعرفت غلطي والله اسف لكم كلكم
مزون : بركه انك جيت راح الزعل ونسييناه
الجده : توو افرح تو !
نزلت نجد ووجها شاحب وهي مبتسمه : رغد !!
قامت رغد حضنتها : والله اشتقت لك والله
نجد : مب كثر شوقيي
مرت ساعتين وهم يبكون ومب مصدقين انهم بيرجعون مثل قبل
الجد : اتركوكم من البكي ؟ وين غيث
شموخ : غيث جاء من قبلنا ما جاكم؟
الجده : لا ؟
دق الباب وفتح غسان ، كان غيث وعمه فهد كانو مبتسمين وغسان حضن غيث ورجعت فرحته ورجع صاحب الطفوله !
غسان : يالله ياغيث ؟ ماتغيييررت
غيث : ولا انت ياغسان!
اول ما جاء فهد ليث نزلت دموعه وقام حب راس اخوه وتعذر منه وقبل اعتذاره فهد ورجعت ضحكاتهم واخيراً رجعو مثل قبل !  باليوم الثاني سوو العشاء بالحاره والكل فرحان لهم
بالغرفه :-
رغد : نجد
نجد : هلا؟
رغد : بكلمك
تنهدت نجد : قولي الي عندك يارغد
رغد : اسمعيني زين يانجد ، والله ثم والله اني اشهد لك ما قد شفت احد يحبك مثل غيث مو عشانه اخوي ولا بمبالغه بس ما مر يوم ما جاني ودموعه تنزل عشانك كان يقول وعدي لها ما راح يروح ! لا تكسرينه وسالفه الحطبه كلها كذب والله لا ابوي كلمه ولا هو حتى بيرضى ولو وش ! عمرك لا تنسين ان غيث يحبك لا تستهينين بحبه بيسوي اي شي عشانك ، والله انه يحبك ويبيك وكلم ابوي وابوي جاء وتسامح منهم كلهم ورجعنا مثل ما اول بس ناقصنا انتي وغيث ! الولد يحبك والله انه مانسيك ولا خطب ولا شي كله كذب
نجد وهي مصدومه من كلام رغد  وتتكلم بلكلكه: صدق ما خطب ؟؟
رغد : ولا جات بخياله حتى
من الفرحه نجد ضمت رغد : والله اني قلت ! مايسويها غيثثث مستحيل
رغد : صدقتي؟اخيييراً بترجعون مثل قبل
نجد : حتى انا مب مصدقه ؟ يارغد انا لي شهور احاول اكابر باني ناسيته ومكسوره من سالفه الخطبه وماكنت مصدقه الحمدالله صدق
رغد : لا توافقين على خطبتك من فيصل صدقيني غيث انهارر
نجد : مستحيل والله ! انا من البدايه مب موافقه بس قلتها من القهر له
رغد : الحمدالله! اليوم بنروح البر ؟ حاولي تكلمينه! دام العيله رجعت خليني افرح زياده بعد 
نجد : ابششري
جنان : سمعت كل كلامكم هههه
نجد : عادي
جنان : اجل حتى انا بقولكم شي
نجد : وشو ؟
قعدت جنبهم جنان : صار عمري ٢٠ ، غسان قال لي بعد ما غيث يخطب نجد ويتزوجون انا بخطبك !
نجد بفرحه : كذذابه!
رغد : منجددك؟
جنان : والله ، قلت له موافقه
نجد : ذا اليومم الحلووو! حضنت جنان وهي تقول اخيراً والله غسان يحبك من انتم صغارر
رغد : اي والله
مزون : دامكم متونسين خلوني اونسكم زياده بخبر
رغد : عمتي ! اقعددي
قعدت مزون : اقول ؟
نجد : قوليي !
جنان : تكفين قولي بسرعه
مزون وهي مبتسمه : انا حامل !
جنان : لااا تمززحييينن
قامت رغد نقزت من الفرحه : عمه ؟؟؟
نجد : تكفيييين الفررحه مب سايعتنييي انتي حامل
مزون : اييي
نجد قامت هي ورغد يناقزون من الفرحه
وجنان تعيد السوال مليون مرا : انتي حامل؟
مزون : يابنتي والله حامل
حضنوها بقوه وهم مب مصدقين ، جنان : عفصنا الورع
مزون وهي تضحك : اي والله انعفص !
نجد : من يدري ؟
مزون : بس صقر وانتم ببشر الباقين بالديره عشان الفرحه تكون فرحتين
نجد : مره مستانسه!
نجلا وعنود وهم داخلين : عسا ما شر؟ شفيكم تناقزوت انهبلتو
مزون : اقعدو انتم بعد
نجلاء : وشو
مزون وهي تناضر فيهم بسعاده : انا حامل
عنود : وشوو ؟ التفت على البنات ، انا سمعت غلط ولا هي منجدها؟
نجلاء : لا ماسمعنا غلط دامك سمعتي نفس الي سمعته يعني صح!
مزون : اييي صح
قامو حضنوها من الفرحه ورغد للحين تناقز من الفرحه
نجلاء دمعت عيونها : بيصير عندنا ولد عمه ولا بنت عمه اخيراً
مزون : اخيراً صدق
جنان : ذي احلى فرحه بحياتي
مزون : ياعمرري
-
غيث : غسان
غسان : عيوني ياغيث
غيث : تعبت
غسان : وش متعبك؟ رجعنا مثل قبل
غيث : رجعنا بس فرحتي ناقصة
غسان : وش ؟
غيث : اختك ياغسان ، ماعاد تبيني بتوافق على خطبتها من فيصل
غسان : وشو ؟ تخسى مستحيييل ان وافقت ابوي ما بيوافق !
غيث : وش دراني ؟ هي قالت لي انا وانت انتهينا ماجاني نوم ياغسان من التفكير
غسان : لا ما تسويها اساساً نجد ؟ انت ماتدري كيف تغيرت بعدك صارت انسانه ثانيه وتكابر كثير
غيث : يعني تتوقع تبيني ؟
غسان : ايه ، انت كلمها بالبر اليوم ! وشوف وش تقولك
غيث : انا بخطبها كذا ولا كذا بس اخاف ما توافق وتنساني !
غسان : تنسى نفسها ولا تنساك نجد اختي واعرفها
قاطع كلامهم عناد الي جاي من بعيد بفرحه : غيثث !
غيث بفرحه : عنادد
ضمو بعض وهم فرحانين
عناد : والله الحاره بعدك مب حارتنا
غيث : ياحلوك ياعناد
عناد : والله ياخي اشتقت ل ايامنا!!
غسان : رجعت الحمدالله
عناد: الحمدالله
-
الجده : مين بيخطب مين ؟
شموخ : ياعمه قلنا لك
لطيفه : نجد وغيث
الجده : متى؟؟
هنوف : ماندري بس بينخطبون
الجده وهي فرحانه : الحمدالله احد من احفادي بيتزوج!
لطيفه : الحمدالله
شموخ : ابي افرح فيهم الاثنين
مها : ان شاءلله ياربب
غروب : مين كلمكم؟
شموخ : ليث كلمني انه بيخطب لغيث نجد
لطيفه : وانا فهد كلمني ان غيث يبي نجد
هنوف : الله يكتب لهم الي فيه الخير
الجد : انتم هنا؟
هنوف : ايه
الجد : يلا يلا تجهزو بنروح البر
غروب : الحين؟
الجد : ايه يلا
لطيفه : زين ، وين البنات؟
غروب : بناديهم
غسان : يمه
لطيفه : شفيك
غيث : عشان ركضنا
غسان : وين رماح وين سيف؟
هنوف : نايمين
الجد : وانتم بعد تجهزو بنروح البر نسوي عشاء ونستانس
غسان : زين ، الله يطول بعمرك
غيث : ابشر
غروب : بنات
مزون : هلا؟
غروب : جدكم يبينا ننتجهز عشان البر يلا نسوي الاشياء
نجد : الحين؟
غروب : ايه ، وراح
جنان : زين
نجلاء : غريبه بسرعه كذا
مزون : مدري يلا مشينا
عنود : وين؟ انتي اقعدي
جنان : ايه حامل وتبين تكرفين معنا!
مزون : شفيكم ترا توني بالشهر الاول !
نجد : حتى لو
رغد : اقول اركدي بس
مزون : يدي تحكني ابي اكرف معكم
رغد : مع السلامه
جنان : بسكر عليك الباب
مزون : لا ياقرده ههههه
جنان : امزح ، بايييي خليك
مزون : وجعاه
-
صهيب :يلا انتم جهزو الاشياء عشان بنسوي العشاء هناك وسو شاهي وقهوه وجهزو الحلا
نجد : يراسي ذا كله ! مافي وقت
فهد : فيه ماعليك
الجد : ايه يلا تحركو يبنات
غسان : يلا يلا
جنان : اص انت
نجلاء : ماضنتي ياجد فيه وقت
ليث: اتركو الحلطمه وسو
غسان : يلا بسس
جنان : وجعاه
-
نجد : ياجنان لا تخليني اصفقك
جنان : مع نفسك وخري بس
نجد : بمعطك شوشتك ترا
جنان : فكي!!
نجد : فكي وافك
رغد : يليل ذول حن وين وهم وين
نجد : القهوه فكيني
رغد : طفيتها
نجد : فكي
جنان : فكيت
نجلاء : اشكالكم تضحك
عنود : يلا مافي وقت خلونا نخلص
نجلاء : ذا نشيله معنا؟
جنان : لا
رغد : عكيفك؟ الا شيليه نحتاجه
عنود : صدقو اي احد الا جنان
جنان : وجعاه
نجد : شوشتي احسها تاكلني حسبي الله
جنان : القرده تتحسب
رغد : اركدو الله
نجد : كنت راكده ذي خربتني
جنان : كذابه انتي من اول مب راكده
رغد : يناس ساعدونا!!
جنان : وش اسوي
رغد : سوي اي شي اهم شي اسكتي
جنان : تسكتوني ! هين
جنان : ذا لمين؟
عنود : وش لمين بنشيله معنا
جنان : وذا
نجلاء : بنشيله معنا بعد
جنان : اهاا ، حطيتي سكر ؟؟
رغد : ايه تطمني
جنان : نجد القهوه جهزت؟
نجد : لو تسكتين بتجهز
جنان : انا اسكت؟
غسان : هي تسكت؟ ما تسكت
جنان : منين طلعت انت
غسان : من جيبك ، خلصتو؟
رغد : قربنا
غسان : وجنان وش سويتي؟
جنان : اممم انا مسويه ذا كله
نجد : ياحبك للكذب
غسان : اي ماشاءالله سنعه
جنان : من يومي
رغد : يالسنعه طلعي الحلا من الفرن
جنان : الله ، شوف كيف ؟ انا مسويته بعد
غسان : ماشاءالله مب باين ابداً ان نجلاء هي الي مسويته
نجلاء : لا ابداً مب باين شدعواً
جنان : نجلاء : تسوي كذا؟ اتحداها ماتعرف
نجد : انتي تعرفين عاد
جنان : لا تردين بدل عنها انتي
نجلاء : انا موكلتها ترد بدالي
غسان : هههههه انحشرررتي
جنان : وجعاه
رماح : خلصتو؟
نجد : كلشوي يخش واحد يقول خلصتو خلصتو زين ساعدونا انتم
رماح : شغل بنات مالنا دخل فيه
عنود : والله؟ اقول بس
رماح : كل شي حاطينه ع رغد انتم
رغد : شفت كيف
نجلاء : وانا وعنود انكسر ضهرنا وحن نحط الاغراض شلنا كل الثلاجه !
رماح : لا انا اشوف رغد بس الي تخدم
جنان : ياي اقول بس امسك
رماح : وشو ذا
جنان : مدري
نجد : يابنتي ذا الحلا لا تعطينه هو حن نشيله
جنان : وين اوديه؟
عنود : هاتي ، انتي حتى بالخدمه ما تعرفين
ضحك غسان : اي والله
جنان بعصبيه : لا تضحك انت
رماح : اي ياغسان لاتضحك!
غسان : سمي
الجد بصوت عالي : يلا يابنات
نجد : يلا يلا بسرعه
عنود : خلصنا اصلا
نجد : يلا نلبس ونمشي
جنان مدت لسانها لغسان وهي رايحه : انت الي بتسوق
غسان وهو مبتسم ع حركتها : ياليل ذي
رماح : هيه
غسان : هلا هلا
رماح : اثقل شوي
غسان : احم يلا
-
الجد بالسياره : ها من بقى
غسان. : انا ونجد وجنان ورغد وغيث
الجد : شلهم بسيارتك
غيث : فيك حيل تسوق ؟
غسان : انت بالرجعه زين
غيث : تمام يلا
ركب غيث قدام والبنات ورا
رغد : شغل اغنيه يالكئيب
غسان : ذنوب استغفرالله
جنان : سبحااان الله
ضحك غسان : وشتبون نشغل؟
رغد : اي شي
جنان : وش ذي
غسان : ياغايبه عبدالمجيد عبدالله
جنان : اخص
رغد : يوه ذي حزينه بتحززنا
غسان : نحزن وش المشكله
جنان : يلا سكوت بدت الاغنيه
كانت نجد ساكته وغيث ساكت
رغد بهمس لنجد : شفيك؟
نجد هزت راسها بمعنى ولاشي
رغد : علي؟
نجد : ولاشي بس
رغد : بس وش ؟
نجد : مدري ، شلون اتكلم كذا عادي؟ بعد النقاش الي صار بيننا
رغد : طيب لا تتكلمون بالسياره ، اهم شي بالبر تكلمو!
نجد هزت راسها بمعنى اي ورغد التفت على جهه جنان
بدت الاغنيه تقول كلماتها الحزينه وجنان ورغد يرددون معاها وغيث ونجد اكتفو بالصمت وغسان مبتسم وهو يسوق
-
غسان : يرجال هنا احسن؟
سيف : لا والله ! قدام الصبي ؟ اقول هنا احسن
رماح : مع نفسكم ، هنا
غيث : يمين يمين
غسان : يسار يسار
سيف : ورا ورا عاشو
رماح : وقتك انت؟
الجد : يليل انتم للحين فيها وخرو وخرو
تحمحم غسان : ياجد حن نعرف
الجد : ماتعرفون شوفو كيف ؟ هنا زين
غيث : اي اي زين زين
جنان : اخيراً انكسرت رجولنا
غسان : سكتوها ذي القزمه
رغد : يناس وينننه!
رماح : وشوو
رغد : الحلاا
نجلاء : معي
الجده : ياولد لا تلعب بالتراب كنك بزر
غسان : له فوائد
لطيفه : فوائد وشو كله وصاخه
غروب : القهوه القهوه
حطت يدها ع راسها نجد : يراسي راح تعبيي فيها!
عنود : يليل ، ماشفتها ماشفتها
هنوف : يلا عادي
صهيب : وش انكبب!
خالد: القهوه
صهيب : مالقيتو الا هي ؟ ماشرب شاهي
ليث : مافي بن هنا؟
نجد : لا
جنان : الشاهي اطلق منها
الجد : كيف مافي قهوه؟ اقول ماتحلى الطلعه الا بالقهوه
نجلاء : صدق ، وبعدين فيه حلا شلون ناكل حلا مع شاهي
غسان : يجي عادي
مزون : يجي عندك حن لا
الجده : ياولدددد !!!
مزون : ياويلي
رماح : ضهررري
مهد : خلك خلك تسعى ورا وشو
غيث وهو يضحك : هات يدك بس
رماح : ضهري ما احس فيه شكله انكسر
غسان : لا معليك خلاف ضهرك من حديد
سيف وهو يضحك : الله يقطع بليسكم
غيث : يشيخ ذا لو اصنه بحديد ماينكسر ضهره
رماح : اذكر رببك اهيب ياوجهك
جنان : يلا نولع الحطب
خالد: مهبوله انتي ، ما غربت الشمس
جنان : يليل
مزون : هيا خذلك !
غروب : يالله
نجلاء : انا اتعب بالحلا ! وفالاخير يصير كذا
الجده : وشذي الطلعه
الجد : اقول احمدو ربكم بس
نجد : راسيي !!
فهد : انتبهو انتم م تعرفون تلعبون
غيث : ذا غسان
غسان : اسف نجد
نجد : وجعاه صدعت
لطيفه : علامك؟
نجد : يمه صدعت ماشوفكم
مزون : الضربه جت بعينها ترا
غيث فز لها : غمضي عيونك وافركي جبهتك لمن يروح
لطيفه : اي صح يايمه سوي
مها : ها كيف ؟
نجد ابتسمت لغيث : راح الالم
ابستم غيث وراح كمل لعب
صهيب : العبو بعيد
-
ليث : ابوي بدت تغرب الشمس
جنان : ايه يلا شبو النار
مزون : اي والله برد
لطيفه : ذول للحين يلعبون
غروب : وينهم؟
مهد : ماعليهم خلاف شكلهم راحو الجبال ولا عند الصبي
ليث : ايه
جنان : اخ اخيراً
نجد : اي والله
مزون : يازين ريحه الحطب
الجد : شكله ناقص حطب
نجد : انا بجيب
الجد :ثقيل
لطيفه : خليها
نجد : عادي
الجد : زين
غيث : قدنكم شبيتو؟
الجد : ايه بس ناقص حطب
فهد : راحت نجد تجيب
غيث : بجيب معها ثقيل
ليث : زين
-
نجد : وجعاه شوكه! بغت تخش بعيني لو ما انتبهت
غيث : انتبهي مره الثانيه
فزت نجد والتفت وراها : غيث؟ خرشتني
غيث : ايه شتسوين
نجد بلكلكه: اجيب حطب
غيث : مب هنا
نجد : وين؟
غيث مسك يدها : جوا
نجد : ذا هو
غيث : ماودك تتكلمين ؟
نجد وهي تحاول تشيل الحطب : ب وش ؟
غيث : انا مو خاطب !
نجد : ادري قالت لي رغد
غيث : طيب ؟ تبيني ولا
نجد بابتسامه ؛ بتفرق ؟
غيث : وشو
نجد : اذ قلت لك ما ابيك بتتركني ؟
غيث : لا
نجد : الاجابه ابيك
غيث بفرحه : يعني مب زعلانه مني
نجد : بالبدايه فهمتك غلط بعدين رغد قالت لي وندمت اني فهمتك غلط الحين مب زعلانه ابداً
غيث : امانه؟ ترا كلمت عمي فهد
نجد : ب وش ؟
غيث : قلت بخطبك ولا تخليها توافق ع فيصل وقالي تم
نجد بفرحه : بتخطبني !!
غيث : اييي شفتي اني قد وعدي
من الفرحه ضمته : احبببك مرا يالراس اليابس
غيث وهو يضحك: الراس اليابس قد وعده طيب !
بعدت عن حضنه : كفو عليه!
الجد بصراخ : الحطب
غيث : ابشر ابشر
نجد وهي تضحك : امش بس
غيث : حطيتيه كله علي ! ورحتي هين