كَنت أتمنى يجي ويقوُل وش ذنّبي ؟

بارت ٤

عند الرجال :
ماشاءالله تبارك الله ذول احفادك ؟
الجد : ايه ذول هم غيث وغسان وسيف ورماح وذول عيالي
ماشاءالله الي بالنص يلعب زين
الجد : ذا غيث ابوه كان يعلمه وهو صغير
ايه ايه الا م عندكم بنات ؟
الجد : ليه تسأل
بزوج ولدي
الجد : تعال لعند باب بيتنا واسال مب هنا
صهيب : يابوي انا رايح هاه
الجد : على وين ؟
صهيب : والله عندي شغل
الجد : طيب مع السلامه
غيث : اي يابدر تقولي معرف العب ؟
بدر : ههههه لا تعرف ماشاءالله عليك
غسان : الا تقلي وش سبب سجنك
بدر : اصحاب سوء
رماح : واصحاب السوء ذول م قدرت تبعدهم عنك
بدر : صار الي صار عاد
غيث : محد بيقبل فيك اذ كذا
سيف : غيث!
غيث : وانا صادق
بدر : لا بتقبل
غيث : منهي؟
بدر : عيب نتكلم عن اعراض الناس ولا؟
غيث : اذ من بناتنا قولي باذني
بدر بهمس : الحلوه الا شافها فيصل
غيث بعصبيه : ولد كلاام يوصلك ويتعادك انت والوصخ فيصل ان شفتكم تدورون حول البنت والله م يفكني منك الا لمن اشوف جثتك قدامي لا تخليني اذبحك بيوم عزيمتك واكسر قلب امك مره ثانيه
رماح : غيث هدي يولد
غسان : مين الي جبت طاريها اتكلم !!
بدر : فكني
سيف : خلاص يعيال جدي يطالعنا
غسان : والله م افكك الا لمن تقولي مين
بدر : اختك نجد
غيث : لا تجيببب اسمها ع لسانك!!
غسان : هيا والله م يفكك مني الا الموت
جاء بيهجمون عليه غيث وغسان الا يدخل بينهم عمهم خالد
خالد بهمس : يعيال هدو شوي ترا اليوم عزيمه وم نبي جدكم يتفشل
خالد : صلح شماغك ي غيث وفك الولد
رماح : يلا نكمل لعب
غيث : الله يلعنك يابدر ويعلن عزيمتك الزباله ذا تهديدي لك ان شفتك تجيب طاري وحده من بناتنا لا اتوطى فبطنك
سيف : بدررر ع وين !
خالد : غسان الحقه
الجد : شسالفه ليه راح غيث وغسان
خالد : مافيه شي يبوي لا تشغل بالك
غسان : غيث وقف شوي يرحملي امك رجلي انحفرت من التراب
غيث : وشتبغى ؟
غسان : هو تكلم عن نجد ولا يكذب ؟
غيث : اي لعنه الله عليه عن نجد
غسان : ايا النذل حطيته براسي ذا الكلب
غيث : من اول مب عاجبني وجدي وجدتي يمدحون فيه
غسان : ويقول اصحاب سوء خربوه تلاقيه هو السوء بنفسه
غسان : غيث
غيث : ها
غسان : ليه احسك انفعلت مرا رغم انها مو رغد
غيث : تستهبل؟ نجد اختي زيها زي رغد
غسان : متاكد ؟
غيث : اجل ؟؟ وش تقصد ؟
غسان : سلامتك يلا مشينا الحين يزعل جدي
الجد : اسمع ياغيث لا تفشلني قدام الناس ولا تتهاوش خلك ساكت
غيث : اه ياجدي لو تعرف السبب م كان قلت كذا
ليث : غيث وجهك مقلوب وش وراه؟
رماح : عمي لا تشغل بالك
غيث : ولاشي يابوي

عند البنات
لطيفه : نجد وش قالت لك ام بدر
عنود : اكيد نشبت لها ع بدر
جنان : نوت كرامه
نجد : ناشبه لي كان م فيه بنت الا انا
الجده : وليه م تبينه؟
نجد : جده!
لطيفه : م بزوج بنتي الحين
الجده : ذا السن الي يزوجون فيه
لطيفه : وعنود ونجلاء اكبر من بنتي م قلتي بتزوجيهم؟
الجده : بنتك بنتي يالطيفه انا اقول لا يضيع عليها الولد
نجلاء : جده وشبك ؟
شموخ : رغد ونجد قد بعض ولا قد سمعتك تقولين بزوج رغد شفيك ع نجد
غروب : البنت توها صغيره ولا امها وابوها يبونها تتزوج
نجد : يوه كل م قعدت معاك ياجده جبتي طاري الزواج
رغد : خلاص انسو السالفه وكملو العزيمه
نجد : انسدت نفسي بطلع برا الاستراحه
جنان : نجد ع وين ؟
نجد : برا
لطيفه : يوه يانجد انتبهي !
نجد : وهي تحط رجلها بالمسبح وش يفهمهم ان م اشوف بعيني الا غيث ؟
فيصل : نجد شتسوين
نجد : يمه وش جابك؟
فيصل : جابني الا جابك
فيصل : كل البنات يرقصون الا انتي محزنه وقاعده عند المسبح وش وراك
نجد : ذولاك بنات
فيصل : وانتي وش ؟
نجد : بنت
فيصل : طيب ؟
نجد : بس مب زيهم كل همهم الزواج والرقص والخطبه والحريم يخطبونهم
فيصل : ذا حلم كل بنت
نجد : هي شفت؟ ليه ذا مب حلمي
فيصل : انتي م تبين بدر صح
نجد : ونعم فيه بس انا
فيصل : انتي وش ؟ تحبين صح
نجد : معسلامه فيصل انا بخش جوا ذحين يجي احد يشوفنا
فيصل : استني
نجد : فيصل لا تمسكني مب محرم لك!
فيصل : اسمعيني طيب !
غيث : فيصل !! وش تسوي هنا يالكلب
نجد : فكنييي
غيث وهو يضرب فيصل : تبيني انهي حياتك هنا الحين يالوصخ !!!
نجد : غيث خلاصص فكه فكه
غيث: خشييي جوااا لا اتوطى ببطنك
نجد : غساانن رماح
رغد : وش فيييه ! غيثثث فك الولد لا يموتت
رماح : ياولددد شفيييك فككه
غيث : احرق روحك ان تمسك شعره منها مو تمسكها هي يالكلبب والله م يفكني منك الا الموت
غسان : نجدد ؟ تخلينه يمسكك وتسولفين معاه!
رماح : اترك البنت انت الثاني وخلناا ف ذا مب راضي يفكه !
فهد : ولد ! وشفيك انت منت بصاحي من اليوم فك الولد مره بدر مره فيصل
غيث : مسك بنتك وتبيني اتركه!
فهد : نجد ؟؟
نجد : والله يبوي هوو هوو مب اناا
غسان : رغد ادخلي انتي ونجد جوا ودوا ذا الكلب ودواك يانجد عندي
فهد : نجد م تخلي احد يمسكها !
رماح : يعم ساعدنييي بيموتت الولد بيد ذا
مهد : وش فيه ! اصواتكم وصلتنا ولد غيث !
غيث : رماح فكني خلني اموته الليله
مهد : صاحي انت ؟؟ فك الولدد
فهد : غسان وديه البيت ذا م ينفع بالعزيمه

عند البنات :
نجد : والله يارغد هو مسكني هو والله
رغد : يروحي مصدقتك هدي هدي ذا فيصل نواياه وصخه اعرفه
جنان : شفيكم؟ ليه نجد تبكي !
رغد : جنان جيبي مويه وافهمك
نجد : والله توصل السالفه لجدي ويفهموني غلط
رغد : انا اكلم غيث م يعلم احد معليك
جنان : امسكي اشربي وش السالفه ي رغد !!
رغد : نجد كانت قاعده لوحدها عند المسبح وجاها فيصل ولمن جت بتروح مسكها وشافهم غيث وتهاوش مع فيصل وجو عماني الاثنين
جنان : اح ! فيصل النذل والحين وين غيث ؟
نجد : شاله غسان البيت
جنان : هدي انتي يا نجد م بتوصل السالفه لجدي وبعدين م سويتي شي غلط!
نجلاء : شفيكم!! غبتي نص ساعه يانجد وجيتي تبكين انتي محد يخليك لحالك
نجد : تكفين يانجلاء لا تزيديني
نجلاء : وش فيك ؟
رغد : فيصل الوصخ
نجلاء : انا قلت لك ابعدي عنه الا انتي صديق الطفوله صديق الطفوله
جنان : نجلاء شفيك ؟ م تشوفين حالتها
نجلاء : وش السالفه فهموني طيب !!
نجد : الحين امي لوحدها وبتحس
نجلاء : عندها عنود وعماتي
جنان : تعالي نجلاء
نجلاء : وشو ؟
جنان : مو نجد قالت بتقعد لحالها؟
نجلاء : ايه؟
جنان : جاها فيصل ويوم جت بتروح مسكها وتخيلي من شافهم؟
نجلاء : لا تقولين غيث !
جنان : غيث
نجلاء : يوهه عاد ذا يقيم حرب وينهيها
جنان : وجاء ابو نجد وغسان وعمي بعد وصارت هوشه غيث يضرب ب فيصل
نجلاء : يستاهل ذا الخسيس دايم نواياه شينه وانا دايم احذرها منه
جنان : يخوفي توصل السالفه ل جدي
نجلاء : نجد ابوها واثق فيها ويعرف ان بنته م تخلي احد يمسكها ولاترضى
جنان : وجدي وش يفهمه؟
نجلاء : جدي قصه ثانيه عاد
جنان : يحياتي يانجد الحين وش نسوي ؟
نجلاء : بنحاول نهديها عشان جده وامها م تحس ونرجع البيت كان م صار شي وهي تتفاهم مع غسان وعمي فهد
جنان : خلاص تم
رغد : يابنت الحلال هدي خلاص م بيصير شي !
نجد : والله ان مو انا هو هوو
جنان : نجد مصدقينك وابوك مصدقك والكل يدري عن خبث فيصل
نجلاء : هدي هدي غيث بينسى السالفه ومستحيل يعلم جدي
رغد : اي اخوي واعرفه
نجد : وغسان؟
جنان : غسان انا اكلمه بيفهم السالفه انتي مالك ذنب
نجلاء : امشي نرقص بس طز فيهم
رغد : قومي يابنت فهد مو لايق عليك الزعل !
الجده : وينكم طولتو؟
رغد : كنا نعدل شكلنا
لطيفه : ذا كله تعديل شكل ؟ وانتي وشبك يانجد وجهك مقلوب
نجلاء : خش الكحل بعينها ودمعت عشان كذا منتفخه معليك انتي ياخاله