مالك : إنت بتعمل ايه تحت السرير يا حازم
حازم من تحت السرير: إلحق يا مالك حرامي على هيئه عفريت أيوة أنا عارفه شوفته قبل كدا في فيلم
مالك : بتستخبي بتحت السرير من الحرامي مش في حاجة إسمها بوليس تتصل بيه
ملك جت عليهم و هي بتقول بضحك: ايه دا الكريم شانتيه طلع ورور
مالك : اطلع يا أ*هبل دي الخدامة الجديدة
حازم: خدامة إية يا مالك بقولك حرامي شوفلك صرفه معاه بقي
ملك : ايه يا سعاده البيه كريم شانتيه انت هتخاف مني وإلا ايه هو انا فيه في حلاوتي ولا في جمالي أنت بس اللي مش واخد على الحلاوه من كتر ما بتشوف ناس مش حلوه
مالك : اطلع يا ز*فت منظرك بقي زباله أوي
حازم خرج راسه من تحت السرير أول ما شاف ملك صر*خ و رجع تاني
مالك : ابعدي من خلقته هتجيبي للولد صر"ع
ملك و هي بتبعد: الله و أنا مالي يا سعادة البيه الحليوة مجتش نحيته انا دا انا لسه كنت هقوله انا الخدامة الجديدة لقيته بيصر*خ كدا
مالك خرج حازم من تحت السرير و حازم واقف خايف مستخبي ورا مالك
ملك : اعملك حاجة تروق بيها دمك يا سعادة البيه كريم شانتيه
حازم بصدمة:- الحرامي طلع أنثي لا و معجبه بيا بتقولي كريم شانتيه يا عم
مالك بسخرية: بقي حرامية و هتعجب بيك على إية يا معفن معفـ'ـن
حازم بعد عنه و حط ايده في وسطه و قال: و متعجبش بيا ليه يا اخويا كنت ناقص ايد وإلا ناقص رجل دا انا البنات في الكلية هيمو*توا نفسهم عليا بس انا اللي مطنش
ملك : صح يا سعادة البيه كريم شانتيه
حازم مش كدا يا اسمك ايه انتي
ملك : خدامتك جميله يا سعادة البيه
كلهم قالوا في نفس واحد كريم شانتيه
حازم في سره : جميله ايه بس دا انتي ميتـ.ـه ست مرات قبل كدا
مالك : بطلي تقولي علينا كدا يا ملك لحسن هطردك
ملك : إن شالله اتص في نظرك ما اقصد و مش انا أصلا اللي بقول كدا
حازم باستغراب و توجس اومال مين : لساني دهون هو اللي بيقول لكن أنا مليش دخل ابدا و بصت لـ مالك و قالت : تحبوا تتغدوا ايه يا سعادة البيه الحليوة
مالك ضحك جامد و كانت أول مره يضحك كدا من زمن قال : اعملي اللي عندك في التلاجة يا جميله
ملك : حاضر يا سعادة البيه الحليوة
-------
سها : تتوقعي ملك تكون مسيطرة
أسماء: يا بنتي هو حد هيبص في وشها بعد اللي عملناه فيها
سها: هههههههههههه مش قادره كل أشوفها افتكر اللي بتقول عريييس يا ابوي بالجلبية الرجالي اللي هي لبساها دي
أسماء بضحك : لا و تشوفينا و إحنا بنطلع مواهب الميكب ارتست اللي موجوده جوانا هههههه
سها: وإلا اللينزيز اللي هي حطاه يختاااي مخلي عنيها زي عيون البجره هههههههههههه
أسماء: يلا ربنا معاها
سها : يا رب و تخرج منها على خير
-------
ملك واقفة تطبخ و بتغني بصوت بشع جداً هي صوتها حلو لكن مش بتحب تغني قدام حد
ملك : و اقولك على اللي سهرني يا رجب و أقولك على اللي بكاني يا رجب و اصورلك حياتي من غيرك يا رجب و ااااااه يا رجب
مالك : بااااااس
ملك : يلهوي مش تكح و انت داخل خضيتي يا سعادة البيه الحليوة
مالك : مسكها من قفاها و هو بيقول: دا صوت انا عاوز أسألك بزمتك مقتنعة إن دا صوت
ملك : انت عاوز تدفن الموهبه اللي جوايا أصلا انت شكلك منهم أعداء النجاح
مالك بصدمة: أعداء النجاح و كمل يغيظ طب خلصي الأكل خلصي و مش عاوز أسمع نفسك مفهوم
ملك: مفهوم يا سعادة البيه الحليوة
مالك أول ما خرج ملك قالت في سرها كنت وصلت لحد فين و اه و بقت تغني في سرها يا رجب يا نور العين يا أحمر خدود على الخدين
حازم بهمس زيها: مين رحب دا
مالك : عاااا خضيتي يا سعادة البيه كريم شانتيه دا ايه العيلة اللي بتخض دي بس
حازم: برضوا معرفتش مين رجب
ملك : كلام في سرك
حازم : قولي
ملك : البوي فريندس بتاعي
حازم : من صدمته خرج من المطبخ خالص
----------
وليد داخل البيت و هو بيقول: طالعة في دماغي نروق شوية شم ريحة الأكل دخل يشوف مين بيطبخ في و هو مكمل غني أول ما شاف ملك كان بيغني عدي عليك هههههه وقف متنح فاتح بوقه و لا بيصد و بيرد
ملك : مقدرش يقاوم جمالي
يتبع
همسات ليلة
حكايات آخر الليل
خادمة قلبي
بقلم زهره عصام
