الفصل الرابع خادمة قلبي
وليد بص لـ حازم بصدمة و همس :-
هي وصلت للبكيني يا حازم ؟ قولي هي قفشتك بيه فين و إزاي مدريش عليا أنا أخوك و ستر و غطا عليك
حازم بص لية بزهول و قال:-
إنت بتقول اية يا وليد إنت مصدق اللي المتخلفه دي بقوله ؟
رهف بصت ليه بغيظ و قالت:-
والله ما في متخلف هنا غير يا بتاع البكيني يا معفن
بصت للسكرتيرة و قالت:-
سبيني خلاص أنا تمام مش هتعصب تاني
السكرتيرة سابتها بحذر و رحف بصت لـ حازم بغضب و قالت:-
التليفون بتاعي طاهر و هيفضل طول عمره طاهر ، أنا تشوف على موبايلي نسوان لابسة بكيني ، بس تصدق بالله الغلط مش عليك الغلط على اللي بيتسرمح معاهم هنا و فخور أوي بإنجازاته المخلة للاداب ، طب طلاق تلاتة لكون داعمة مالك أكتر من كدا و هخليها تتجوز بعده .
أخدت نفس عميق و قالت للسكرتيرة:-
إلحقيني و حيات أمك بشوية ماية بسكر لحسن دوخت و نفسي اتقطع من النمرة اللي عملتها
حازم بص لـ وليد و قال:-
ورحمت أمك لتسبني عليها عشان دي مش هتيجي غير بعلقة مني ، سبني يا وليد بقولك
رهف إتعصبت و قالت:-
تضرب مين إلهي يجيلك ضربت شمس يا بعيد ، طب قرب كدا و شوف اية اللى هيحصلك ، و إن كنت تعرف ملك و منه فإنت متعرفش رهف يا عنيا
وليد زفر بحنق و قال:-
ما خلاص بقي يا رهق هدي الدور ، أنا يا ستي آسف ليكي ها اية تاني
رهف بصت لـ ضوفرها و قالت:-
الأخ اللي إنت ماسكة دا يعتذر ، دا بيقول عليا بشنب يا وليد
وليد بص لـ رهف و قال بسرعة:-
طب ما هو عنده حق
رهف برقت ليه و قالت:-
نعم ؟ إنت قصدك عليا أنا ؟
حازم ضحك بسخرية و قال:-
و شهد شاهدا من أهلها ، كلمة الحق بتطلع الأول و أهو قال عليكي جعفر
رهف أخدت نفس و كتمت الكلمة جواها و قالت:-
أنا هوريكوا جعفر دي هتعمل اية ، قربت منهم و نتشت الفون من حازم و هي بتقول:-
واحد فاسق فلاتي و بتاع البكيني ، مصاب بمراهقة متأخرة ، مش أنا جعفر ورحمت أمي لأفضحك في الشركة بتاعتك دي
حازم عينه وسعت و قال للسكرتيرة:-
إلحقيها بسرعة يا أمل دي هبلة و تعملها
أمل جريت ورا رهف و وليد و حازم وراها بس للاسف محدش لحقها
رهف كانت واقفة في نص الشركة و قالت بصوت عالي:-
إسمعي يا شركة مفيهاش مُدير محترم ، الواد اللي إسمه حازم طلع فلاتي و بتاع بكيني ، عنده مراهقة متأخرة أنا قولت أقول ليكم عشان إحنا إخوات و أسرة في بعضينا
بصت لية بانتصار و خرجت بره الشركة و هي بتقول:-
ماشي يا حازم الكلـ ـلب أما وريتك مين هي جعفر مبقاش أنا رهف
مشت شوية و قالت:-
لا أنا مش قادره أستحمل أنا دمي محروق أوي هروح أشرب عصير قصب يمكن يطري على قلبي شوية
......
حازم في مكتبه مش طايق حد و متعصب على الآخر ، وليد كاتم ضحكته بالعافية و قال له :- ما خلاص بقي يا حازم عيلة و غلطت يا أخي متكبرش الموضوع
حازم بعصبية:-
الموضوع كبير أصلا يا وليد دي فضحتني في الشركة كلها ، قال بتاع بكيني قال ، إنت عارف أنا لو مسكتها هطلع زمارة رقبتها في ايدي
وليد بضحك :-
إخص عليك و تسيبها تمشي من غير زمارة ؟ طب هتفضحك في مصر كلها إزاي
حازم بص لـ وليد و قال بعصبية:-
إنت بتهزر يا وليد دا بدل ما تشوف ليا حل في المُصيبة اللي حصلت دي ؟
وليد بهدوء:-
بسيطة إتجوزها
حازم برق و قال بصدمة:-
أتجوز مين يخويا جعفر ، دا لو طلعلها شنب هتبقي أرجل مني يا وليد
وليد في محاولة لإقناعة:-
بص يا حازم جوازك منها متوقف عليه حاجات كتير ، خُد عندك يا سيدي هنتيح فرصة أكبر إن ملك و مالك يشوفوا بعض و يحلوا المشكلة اللي بينهم
منال هترجع تاني زي الأول و الحُد اللي قيماه علينا دا هتشيله
الفضيحة اللي حصلت في الشركة هيعتبروها خلاف على حاجة و كانت مضايقة منك فقالت الكلام دا
طب تأخد بقي الكبيرة يا زوما
البت دي بتحبك ، لا دي دايبة في هواك دوب يا حازم ، و بتغير عليك كمان
حازم بص لـ وليد و قال:-
حُب ؟ حُب اية اللى إنت جاي تقول عليه يا وليد ، بقي جعفر دا يعرف معني الحُب ، إنت بتبالغ مش أكتر
وليد بابتسامة هادئة :-
بكرة تعرف يا حازم إن كلامي صح ، رهف بتحبك و بتغير عليك ، تقدر تفسرلي لية إضايقت من صور البنات اللي إنت شفتهم و على فكرة هي زعلت من كلمة جعفر و التريقة اللي إحنا عملناها عليها
حازم عقد حواجبه و قال:-
و إنت إيش عرفك يا فصيح عصرك و زمانك ؟
وليد إتنهد و قال:-
عشان منه و ملك زيها يا حازم لما بيزعلوا مش بيحبوا يعرفوا حد زعلهم و بيكتموا جواهم و رهف نفس النظام ، عنيها لـ لحظة غرغرت بالدموع بس هي قدرت تسيطر على شعورها دا كويس أوي
حازم قعد على الكُرسي و هو بيفكر ماليا في كلام وليد
......
ملك واقفة قُدام الدُلاب و بتخرج منه اللبس بتاعها و بتاخد رأي ملوك
- طب بصي دا أكيد هيبقي حلو عليا دا كان بيوقف رجالة الحارة كلها على رجل لما كُنت بلبسه و أنزل بيه
ملوك هزت رأسها بالنفي و هي بتشاور بصُباعها بـ لا
ملك نفخت بضيق و قالت:-
لا مهو مش هينفع كدا أنا لازم ألقي حل للموضوع دا ، عاوزة لبس حلو عشان أعرف أروع الإنتر فيو
ملوك نفخت بضيق و راحت بصت على الدُولاب طلعت منه دريس أبيض فيه ورود بامبي و اديته لـ ملك بملل
ملك بصت لية بفرحه و قالت:-
آه يا بنت اللظينه انتي عارفة الدريس دا أبوكي كان
محرج عليا ألبسه
خطرت على بالها فكرة و قالت:-
طب والله فكرة جه وقت الانتقام يا مالك يا إبن أم مالك
و بصت لـ ملوك و قالت:-
هو إنتي مش ناوية تتكلمي بقي تاني يا ملوك ؟ أنا مُشتاقة أوي لصوتك ، بس انا مش هسكت هوديكي لـ دكتوره تخاطب تبدأ معاكي من تاني ، و باذن الله هترجعي تتكلمي تاني و تصدعينا
ملوك حضنتها و فجأة لقوا باب الأوضة بيفتح و رهف داخلة زي القطر
ملك بصت عليها و قالت:-
سلاما قوما من رب الرحيم ، اية يا بت داخلة زي القضا المستعجل كدا لية ؟
رهف بحزن :-
و النبي يا ملك سبيني يختي في حالي ، أنا اللي جرالي مجراش لحد ، و أنا دلوقتي زعلانة و مقهورة و شوية و هعيط
ملك بصت لـ ملوك اللي هزت كتافها بمعني لا أدري و راحت قعدت جنب رهف تطبطب عليها
ملك بحيرة:-
أيوة يعني اية اللي مزعلك أوي كدا
رهف إنفجرت فيها و قالت:-
الوا.طي السا.فل بتاع البكيني ، اللي عنده مراهقة متأخرة ، بيقول عليا جعفر بقي أنا جعفر يا ملك
ملوك هزت رأسها بايجاب و ملك قالت:-
إنتي أول مرة تعرفي يا رهف إنك جعفر ؟
رهف عيطت و قالت:-
النبي لوريكوا لكلكم ، حتي إنتي يا ملوك عليا ، ساد و رب العباد
ملك بخبث :-
قوليلي بس ايه حكاية البكيني دي و بعون الله حل جعفر عندي
رهف بلهفة:-
بجد يا ملك ؟ هتشوفي ليا حل ؟
ملك هزت رأسها بايجاب و قالت:-
عيب عليك يا بنتي دا إحنا إخوات
رهف بحماس:-
شوفي يا ستي أصل الواد حازم شاف صور المُزز اللي مالك متصور معاهم و اتعاركت معاه بعد ما قال عليا جعفر
ملك بغيظ:-
بصي بقي عشان أنا جايبة أخري من الموضوع دا ، و الحقيـ ـر طليقي متصورلي مع شوية أجانب عشان يغيظني بس انا مش هسكت و أنني كمان مش لازم تسكتي لازم تعرفهم إحنا مين وإلا اية يا ملوك
ملوك شاورت بصابع الإبهام بمعني تمام و هزت رأسها بايجاب
رهف بشر :-
عندك خطة نعملها وإلا لا ، أينعم إنتي رديتي على مالك بقوة بس برضوا إحنا مش لازم نسكت عشان دول عالم محتاجة تربية من أول وجديد و إحنا بعون الله هنربيهم
منال دخلت عليهم و قالت بخبث :-
أموت أنا في جو الساسبنس دا ، طب مش تفطموني على الحوار دا انا منولة برضوا
ملك بخبث:-
تعالي يا منال إقعدي و إتفرجي عليا و أنا بلعب بقي ، هما اللي بدءوا و البادي اظلم ، و أنا مش هعمل حساب لا لقريب و لا لغريب
....
مالك قاعد هيفرقع من كلام ملك و حاسس أنه إتسرع لما طلقها فجأة لقي واحدة من اللي كان بتصور معاها بتغمز له و بتقرب منه
ملك في نفسه :-
ينهار إسود و منيل هي اللعبة هتقلب بجد وإلا اية ؟
البنت قربت منه و ميلت على ودنه ، مالك أخد خطوه لورا بس البنت قربت منه و قالت بعربي مكسر :-
هستناكي في أوضة ٦٦ خبيبتي
مالك لوي شفايفه بتذمر و قال :-
احيييية احيييية طلعت شمال ، تصدقي و تأمني بالله قولي لا الة الا الله
مينفعش معاكي غير ملك و العلقة اللي كُنتي هتخديها لو كانت هنا ، عشان تبقي تعملي حاجة حرام تاني يا منيلة
.....
ملك أخدت رهف على بيوتي سنتر و قالت:-
هنا بقي يا رهف هيعملولك صنفرة لكُل حاجة ، بمعني أصح هيشيلوا جعفر و يحطوا مكانه رهف البنت الكيوت
رهف دخلت البيوتي سنتر و بقت تبص لكل حاجة بإنبهار
جت صاحبه المكان و قالت:-
تأمري بإية يا فندم ؟
ملك شاورت على رهف و قالت:-
عوزاها عروسة ، لا ملكة جمال
المُديرة هزت رأسها و قالت:-
فهمت طلبك
أخدت رهف اللي بصت لـ ملك بخوف و قالت:-
هيعملوا فيا اية
ملك ضحكت بخبث و قالت:-
سمعتي عن المثل اللي بيقول تبات بوصة تطلع عروسة
رهف هزت رأسها بحذر و ملك كملت :-
هما بقي هيعملوا معاكي كدا يا رهوووف
رهف صوت و قالت:-
لا مش عاوزة أنا مليش دعوه بكلام البنات الفاضي دا ، أنا شعاري في الحياة اللي ميحبناش على طبيعتنا ميستهلش طبيتنا
ملك قالت للبنات بحزم :-
خدوها
البنات أخدوا رهف و بدءوا يعملوا معاها اللازم و ملك بصت في المراية و قالت:-
محتاجة أغير تسريحه شعري بس مش دلوقتي كدا كدا أنا لابسة الطرحة
و بعد ست ساعات قضتهم رهف في البيوتي سنتر خرجت لـ ملك و هي بتعرج و قالت:-
الهي تنستري دُنيا و آخرة روحيني
ملك بصت لـ رهف بإعجاب و قالت:-
صحيح الفلوس بتغير
.....
تاني يوم الصُبح رهف دخلت الشركة بثقة و خطواط ملك علمتها ليها و الكُل مبهور بيها و مش عارفينها
دخلت على مكتب حازم علطول و أمل وراها و بتقول:-
مينفعش كدا يا فندم
حازم بص عليها بإنبهار و قال:-
في اية يا امل و مين الأستاذة
رهف بمرح :-
مش عارفني يا زوما أنا جعفر هيهيهي
حازم فتح بوقه بصدمة و قال:-
ينهار ألوان يا جدع دي شكلها بدأت تندع
.....
مالك بيبص في في موبايلة بملل فدخل يشوف صورة ملك لقاها مغيرة صورة البورفيل و كاتبة عليها حاجة فوق بصدمة و قال:-
اه يا بنت الجذمة
الكاتبة الجميلة user21457441 بتنزل روايات جميلة أوي إدخلوا تابعوها 😍
يُبتع
همسات ليله
حكايات آخر الليل
خادمة قلبي
بقلم زهرة عصام
