وصلوا الشركة و منه دخلت عليهم الإجتماع فجأة و قالت:- ينهار منيل على دماغكم و بصت عليهم و بقت تمشي براحة لحد ما قعدت قدامهم و قالت:- كملوا كملوا اعتبروني هوا
وليد بلع ريقه بتوتر و بص لـ مالك اللي واقف على الباب و رفع ايده بمعني مليش دعوه و شاورله و خرج
وليد حاول يتجاهل وجود منه و يكمل شغل عادي و بيدعي ربنا إن مفيش حاجة تحصل
ديما بهمس لـ وليد :- منو هذا وليد
منه بلوية بوز:- المودام يا عنيا اية البعيدة عميا
وليد بحزم :- منه
منه :- بلا منه بلا بتنجان بقي أنت خليت فيها منه ؟
ديما بدلع:- مو مشكلة وليد بنكمل
وليد هز رأسه و قال:- تمام
ديما بقت تقرب من وليد و هو بيبعد و تبص لـ منه تلقيها متلهية في تليفونها بس الحقيقة إن منه كانت مشغلة الكاميرا و بتتفرج عليهم منها
منه :- آه يا بنت الصر'مة تمام أوي كدا
ديما حطت ايديها على ايد وليد و قالت بصوت منخفض:- انت مو ناوي تحنن هدا الجلب عليا وليد انت تعرف إني كتير بحبك
وليد اتصدم لما سمع منها الكلام دا و خصوصاً قدام منه اللي مش متوقع رد فعلها
وليد لسة هيتكلم سمع صوت رزع ايد على الترابيزة و صوت منه بيقول:- خلاص طفح الكيل بقي و شمرت ايديها و قالت:- استعنا على الشقا بالله
وليد في سره:- استر يا رب دا كرشها تلاتة متر قدمها
وليد:- منه حبيبتي اسمعيني يا روحي
منه بلوية بوز :- بلا روحي بلا كبدتي بلا فشيتي انت حسابك معايا بعدين يا معلم لكن دلوقتي في حساب هنا لازم يتصفي مع المودموزيل اللي مفكرالي نفسها صغيرة على الحب دي
وليد :- ينهار منيل منه اهدي مش لازم تـ
منه بصتله بتبريقة و شاورت باديها بص لـ ديما و قال:- ربنا يخلصك منها على خير انتي اللي جبتيه لـ نفسك
ديما بخوف:- شنو في
منه :- كل خير يا حبيبتي كل خير قولتيلي بقي كنت عاوزه اية اه تتجوزي جوزي قربت منها ببطئ و مسكتها من شعرها و هي بتقول:- تعال بقي يا انتي البغبغاء انتي
منه ضربتها برجليها في ركبتها وقعتها على الأرض و قعدت فوقها و هي بتقول:- أنا داخلة عليكم القي البعيدة شوية و هتقتد على رجلة و قولت اصبري يا بت يخلص شغل الأول لكن البعيدة شكلها متعرفش منه لا اصحي اوعي تكوني مفكراني بنت ناس كلاس لا يا روح امك دا انا تربية منال
وليد :- و مالك بتقوليها بفخر كدا دي منال يا منه منال
يدوب خلص الكلمة منه بصتله بتبريقة و قالت:- انت بتغلط في أمي قدامي كمان كدا احلوت أوي يا وليد حاضر أنا هفرجك و رجعت تضر'ب في ديما تاني
ديما:- خلص بيكفي راح أمو'ت بيدك
منه :- و انتي مفكراني عشان بتتكلمي تركي و هندي هضعف قدامك صحيح أنا بحب الناس التركيين لكن انتي لا تعالي بقي
ديما:- وليد ليك راح تمو'تني يا امي دخيلك
منه بشهقة:- انتي بتشتميني بأمي كمان طب تعال بقي دي منال و لازم أخد حقها دلوقتي حالا اه معلش إحنا بنتكلم
ديما بقت تصرخ جامد و وليد واقف فاتح بقه من الصدمة و اللي شايفة
وليد:- منه انتي بتعملي اية
منه بلا مبالاة:- انا بس بشيل الأكسجين من شعرها أنت عارف إني مبحبش اللون دا
وليد في نفسه:- اومال مين كان عاوز يصبغة اللون دا و أنا رفضت
ديما:- ليك وليد مو وقت ضياع خلصني من المتوحشة هيدا
منه :- أنا متوحشة طب تعالي بقي و نزلت عض فيها و ديما تصوت
❈-❈-❈
مالك كان راجع تاني عند وليد لقي السكرتيرة و كام واحدة واقفين عشان الصوت
مالك بحزم :- كل واحدة على شغلها و دخل المكتب لقي وليد بيحاول يشيل منه من على ديما لكن منه ماسكة شعرها مش راضية تسيبه
منه :- سبوني وربنا لكون شدا شعرها كله بنت الصر'مة دي
وليد:- خلاص بقى يا منه و زعق و قال:- خلاص بقي انتي زوتيها أوي
منه بصتلة بصدمة و قالت:- أنت بتزعقلي عشان دي
ديما بصتلها بشماتة و وليد كان على آخرة
وليد :- إنتي اية اللى جابك أصلا اتفضلي يلا على البيت
منه :- و كمان بتطردني طيب يا بشمهندس طييب
مالك :- اية اللى أنت عملتوا دا يا وليد إنت مش عارف إنها حامل و هرمونتها تكبر المشكلة اكتر
وليد:- زهقت يا مالك عقلها صغير أوي و واخدة الدنيا بلطـ ـجة
ديما:- يرضيك هيك سنيور مالك
مالك :- إن كان عليا فـ يرضيني أوي يعني و بص لـ وليد و قال:- روح صالح مراتك يا وليد
وليد بلا مبالاة:- مش دلوقتي مش فايق ليها أصلا
مالك بشماتة:- يبقي انت حر بقي في اللي هيجري ليك
❈-❈-❈
ملوك قاعدة على الكنبة و حاطة ايديها الاتنين على خدها و منال قاعدة قصادها
منال:- مالك قاعدة زي المطلقين كدا لية ؟!
ملوك :- دلوقتي مامي جوه زعلانة و مش هتخرج و منه راحت تنكد على وليد و انتي قاعده متنحة انا أعمل اية
منال:- أنا متنحة
ملوك:- أيوة متنحة يا منال مهو مش راضية تلعبي معايا
منال بسخرية:- لا و انتي مستنية الصراحة قومي من وشي يا بنت ملك لحسن هنزل فوقك بالشبشب
ملوك لسة هترد لقوا الباب بيخبط جامد و منال فتحت لقت منه معيطة
منه دخلت و قالت:- انا عاوزه أطلق يا ماما
منال ضر'بت على صدر'ها بحركة شعبية و قالت:- تطلقي لية يا بنت منال
منه داخلة اوضيتها و بتلم في هدومها و قالت:- الأستاذ مش عاجبة حاجة لا و كمان كرشني من الشركة عاجبك كدا يا منال ؟
ملوك :- لا مش عاجبها انتي لازم تسيبي البيت
منه :- صح أنا فكرت كدا برضوا
ملوك بانشكاح: و تاخديني معاكي
منه :- بتاعت مصلحتك دايما يا بنت الكـ ـ ـلب
ملوك :- متشتميش بدل ما اعيط و انكد عليكم
ملك خرجت معيطة و بتقول و هي شادة شنطة ورا ظهرها مش قعدالة فيها أنا هغضب في بيتنا القديم و بصت على منه لقتها بتلم هدومها و بتقول:- أنا يقولي ارجعي البيت عشان الصفرة اللي معاه و يزعقلي و أنا بكرشي و شايلة ابنه انا غضبانة أنا كمان
ملوك بصت ليهم الاتنين و قالت بضحك:- و أنا غضبانة معاكم أنا ميرضوش يفسحوني ولا يطلعوني من البيت استنوا الم هدومي في شنطة المدرسة و جريت تلم هدومها
منال:- و هو أنا كمان مليش نفس اغضب يلا مش هسيبكم لوحدكم و هغضب معاكم و دخلت تلم هدمها
ملك :- أنا ميرضاش يديني موبايلة أفتش فيه مهو من كتر الخيانة والله يا مالك لـ اربيك من أول و جديد
