الفصل الثامن خادمة قلبي
الفصل اللي فات وصلنا إن البنات سابوا الشباب و راحوا عند منال بسبب روزيتا
حازم
- شفولي حل اخليها تنسي البكيني الاحمر دا بدل مهي قايمة عليا الحد كدا
- وليد بص ليه بسخرية و قال:-
كان القرد نفع نفسة يخويا دا البت منه لمت هدومها و طفشت من البيت نهائي
- حازم بتسرع:-
ما إنت اللي عينك زايغة يا وليد إحنا مش هنضحك على بعض
وليد وقف و حط و قال بعنف :-
عين مين اللي زايغة يا محترم إنت نسيت إني أخوك الكبير
حازم بخبث :-
الكبير كبير أفعال لا أقوال يا حبيبي
مالك وقف و قال:-
خلصوا يلا نروح الفيلا وونفكر بهدوء كدا هنعمل اية في أم الليلة دي
خرجوا لكنهم اتصدموا لما لقوا روزيتا لسة قاعدة
مالك قرب منها و قال:-
إنتي بتعملي اية إنتي لسة ممشتيش
روزيتا:-
كله مشي و ساب روزيتا مالك ختي المتوحشة اللي ضربتني مشيت و أنا مش عارف يروح فين
مالك نفخ بضيق و قال:-
يستحسن إنك ترجعي على بلدك لانك مش هتاخدي من حد فينا اللي إنتي عاوزاه
روزيتا:-
بس مالك
مالك قطع كلامها و قال:-
بلا مالك بلا بتنجان بقي افقلوا الشقة و حصلوني
حازم بصلها بقرف و قال:-
كله منك انتي ربنا يسامحك يا مالك يعني عشان تضايق ملك تخربلنا حياتنا كلنا
روزيتا:-
بس أنا حبيته كتير هازم
حازم بصلها من فوق لتحت و قال:-
و النبي يختي ما بياكل معايا جو المحن دا ، هو أنا حبيت سيد قشطه اللي هناك دي من شوية
عدي كدا يا ولية الله يسترك عاوز أقفل الباب و اصالح البت بدل ما يتاخد عليا غلط تاني
روزيتا نازلة على السلم بضيق و هدوء و حازم قفل الباب و نزل وراها زقها على جنب و قال:-
هي مش ناقصة مرار طافح غوري من وشي و عديني كدا خلينا نخلص بقي
..........
ادخلي يختي منك ليها يا آخر صبرك يا منال واحدة مطلقة و التانية غضبانة و هتطلق و التالتة هتعنس جنبك
رهف نفخت بضيق و قالت:-
بقولك ايه يا منال النبي سبينا في حالنا كفاية اللي إحنا فيه مش شايفين قدمنا من كتر الخوازيق اللي بتتحدف علينا
منال بصت ليها بسخرية :-
كل واحدة كان دا اختيارها مش عوزاها ترجع تندبلي و تقول سبيني في خالي ، أنا سبتكم براحتكم وانتم اختارتوا و جبتوهم و قولتوا عاوزين حصل وإلا محصلش
التلاتة في صوت واحد:-
حصل يا معلمة
ملك قعدت على الكرسي و حطت رجل على رجل و قالت:-
اتس اوكاي يا منال شيلي ايدك مني خالص أنا عارفة هجيب مالك راكع تحت رجلي إزاي ركزي مع الاتنين دول
منال بصت ليها بسخرية و قالت:-
النبي يختي بلاش النفخة الكدابة دي دا أنا لسة جيباكي من حضنه ، دا لو جه قالك يا ملك مش هيكمل اسمك هتقوليله مسمحاك يا حبيبي و هتروحيليه راكعة
منه قعدت و الدموع في عينيها و قالت:-
أنا لازم أطلق أنا مش هفضل على زمة البني آدم دا أكتر من كدا ، بني آدم بصباص و ميملاش عينه التراب
رهف قعدت جنبها و طبطبت علي كتفها و قالت:-
متزعليش يا حبيبتي بكرة يعرف قيمتك الحيو.ان دا
منه بدموع:-
متقوليش عليه حيوان أنا لسة بحبه ولا أقولك قولي براحتك هو ميستاهلش إني أدافع عنه أصلا
منال قعدت و حطت رجل على رجل و قالت:-
محدش ضربك على ايدك عشان توافقي واحد جاي يخطبك بـ باكوا شاي العروسة متوقعة منه اية ، أنا أصلا مكنتش موافقة على الجوازة دي فعلا ديل الكلـ ـب عمره ما يتغير
رهف بتسلية:-
اهدي يا منال اهدي يختي ليجرالك حاجة
منال ضحكت بجنب و قالت:-
مين دي اللي يجري ليها حاجة يا بت ، دا أنا اوديكوا انتوا السته البحر و ارجعكم تلهثوا من شدة العطش
ملك بضحك:-
يا واثق إنت يا واثق
بصوا بقى إحنا عاوزين حد يكون ثقة يبقي معاهم و ينقل لينا الأخبار أول بأول و لازم الحد دا يكون مننا
كل الأنظار اتوجهت لـ رهف اللي قالت بخوف :-
في اية يا جدعان أنا والله أغبي من إنكم تحطوني في مكانه خطشيرة و مهمة زي دي
منال ابتسمت باتساع و قالت:-
بالعكس دا انتي انسب خيار لينا دلوقتي ، اسمعي يا بت الكلمتين دول و تحطيهم حلقة في ودنكم اللي عاوزة تنضيف دي
طرقعي عنيكي و فتحي ودنك دبه النملة هناك أعرفها
بصت لـ بناتها لقتهم بيبصولها فرجعت في كلامها و قالت:-
قصدي يعني نعرفها كلنا ما إحنا تيم مع بعض أسرة في بعضينا
ملك سألتهم و قامت و هي بتقول:-
أسرة واطية يا منال أنا قايمة اتخمد عشان ظهري مش قادرة و الحمل تاعبني أوي النهاردة
منال بسخرية:-
و هرمونات الحمل التي تحتاج إلي حضن حنين يداوي الحب الحب الشوق الشوق
منه و رهف بصوت الليمي بلوبيف بلوبيف
ملك بصت ليهم بغضب و قالت:-
والله العظيم إنكم شوية عيال ها
منال بصوت عالي:-
حاسبي بس على نفسك لحسن الشوووووووق الشوق خلاني ارجع من تاني و انسي كل اهانتي
ملك بصوت عالي من جوه بعد ما قفلت الباب:-
ماشي يا منال ماشييييي
رهف بتسائل:-
المهم يعني دلوقتي يا منال أنا هرجع لحازم إزاي مهي دي الطريقة اللي ممكن ابقي معاهم اغلب الوقت بيها و مش بعيد كمان نرجع مالك و ملك بيها
منال فردت دراعها و قالت:-
لا سكسكيوز مواه بقي أفهم الأول إزاي ترجعي الحلاليف دي و بعدين أقولك هترجي إزاي للاهبل التالت
- يعني يا منال في خطوبتي أنا و حازم فرح الحورات دي اكيد مالك هيبقي موجود و ملك كمان كدا نديهم مساحة أكتر يكونوا مع بعض فيها
منال ابتسمت بخبث و قالت:-
و يجي يطلبك مني و هنا في بيتشي و وقتها أنا هعرف أطلع عليهم القديم و الجديد و يبقوا يوروني هيعملوا اية يا أنا يا انتم يا شوية كلا.ب
بصت لـ رهف و قالت:-
المهم دلوقتي إنتي لما الواد حازم يكلمك تتقلي عليه بس مش أوي و تفتحيله مجال يصالحك و ترمي ليه كلام عاوزك يجي يطلبك هو و أخواته مني و تديله مهلمة من وقت ما يكلمك يوم واحد فقط لاغير فاهمة يا بت
رهف بضحك :-
عُلم و ينفذ يا منال
منال بخبث :-
أنا أنا انطرد من البيت و يقول عليا اُس المشاكل ، أنا أنا يبصص للبكيني الأحمر و يسيب بنتي في سبوع ابنهم ، أيوة أنا اللي هبقي حماتو الحرباية صبركم عليا صبركم عليا ، أما ربتكم من أول و جديد ميبقاش اسمي منال .
.........
كانوا قاعدين مع بعض في الجنينه و كل واحد بيفكر في حاله لحد ما حازم نفخ و قال:-
- أنا دماغي وقفت و مش لاقي حل للمشكلة الشنيعة دي ، أبوس ايديكم شفولي حل اصالح بيه البيت و بعدها هبقي اشوفكم و اساعدكم ترجعوا مراتاتكم
وليد بشامتة:-
والله محدش طلب منك مساعدة و زي ما عكيتها لوحدك صلحها لوحدك يا فصيح و اذكي أخواتك
حازم باعتراض:-
لا دي مبقتش عيشة دي يعني أنا أساعدك تتجوز البت و تخلف منها سحلـ ـية صغيرة و لما اجي اظبط مع بنت خالتها تعترضلي و مش راضي تساعدني ، مهي الخناقة و العاركة اللي حصلت بينا دي بسببكم يا شوية اوباش
وليد ضحك بسخرية و قال:-
لية كنا ضربناك على ايدك و قولنالك اتغزل بجمال البت قدامها ، و لا قولنالك عاند معها و هي العناد اتخلق عشانها
حازم بيأس :-
لا أصل أنا شفتكم بتعملوا كدا قولت البنات كلها بتيجي كدا فعملت زيكم ابقي انا غلطان
مالك بقلة صبر :-
غلطان و غبي و محتاج ضر.ب الشبشب كمان يا حيو.ان ، هو إحنا كل حاجة نعملها تقلدنا مش يمكن الحاجة دي غلط ؟ طب و الزفت و ليد و عارفين إن من يومه فلاتي و بتاعي نسوان ، تقد مين تقلدني أنا ؟ طب أنا عارف أنا بعمل اية و هعمل اية مع ملك ، حضرت جنابك هتعمل ايه دلوقتي ؟ ساكت ليه ما ترد ؟ أهي بقت خراب على الكل يا فصيح عشان تبقي تشغل دماغك تاني في حاجات إنت ملكش دعوة بيها و لا تعرف عنها حاجه
حازم بصله بصعبانية و قال:-
ما خلاص بقي يا مالك إنت هتقعد تفطم فيا كدا كتير ، دا بدل يا أخي ما تشوفلي حل ؟
مالك بسخرية:-
يبني إنت لي غبي كدا أهو إنت الوحيد اللي مشكلتك محلولة ، هتكلم رهف و كلمتين حلوين و هتنسي ، متخافش يسطا إنت ملحقتش تعكس أوي
حازم بصله بترقب و قال :-
دا بجد يا مالك يعني لو كلمتها دلوقتي هترد و الأمور هتبقي تمام وإلا هتف في وشي و مش هتسال فيا
وليد بسخرية:-
إنت اهبل ياض قوم كلمها و حل عن سمايا و سبني أفكر هتعامل إزاي مع منه اللي حالفة عشرين يامين إنها تطلق
حازم ابتسم و قام جري على اوضته أما وليد قال:-
يا بختك يا ابن المحظوظه ظبط أمورك في مينت
مالك بخبث :-
متقلقيش أهو الاهبل دا اللي هيسهل لينا الأمر
وليد انتبه لكلامه و قال:-
أيوة كدا احبك و إنت بتفكر اشجيني و قولي اللي بتفكر فيه .
- بص يا ابني عشان تخلي حد يحبك لازم تبقي قدامه علطول ، و عشان منه تتنيل تسامحك لازم حضرتك تبقي قدامها و تحاول على الأقل معاها ، و جوازة حازم من رهف هي اللي هتسهل لينا الأمور دي
وليد بضحك :-
اما إنت جرئ والله و بجح كمان ، بس أموت في تفكيرك و دماغك السم دي
..........
- رهف حبيبتي والله مكنش قصدي دا أنا كنت بناكف فيكي بس مش أكتر
رهف بضحك مكتومة لكن سيطرت عليها :-
بص يا حازم أنا مش هفضل كدا ولا يخويا يعجبني الحال المايل عاوزني بيت منال مفتوح غير كدا لا و اه مقدمكاش كتير برضوا هنا أربعة وعشرين ساعة و بس
- بس يا رهف كدا مينفعش إنتي مش مدياني وقت أفكر نهائي
رهف بصدمة مصطنعة:-
تفكر في اية في جوازك مني إنت مبتحبنيش يا حازم اقفل و اعتبر الموضوع دا مغلف للابد سلام يا سعاده البيه كريم شانتيه
رهف قفلت الخط و حازم بص في الموبايل و قال مجنونه بس بحبك ، جايلك يا رهف يا بنت أخت منال جايلك و جايب الحرب معايا
..........
تاني يوم الصبح ملك صحيت من النوم لقت البيت كله نايم فلبست و نزلت الشغل و قالت بخبث :-
استعنا على الشقا بالله
دخلت الشركة بخطواط واثقة و منها على مكتبها علطول و بدأت تترجم الإيميلات و تخلص الشغل اللي عليها
- مدام ملك بشمهندس فادي عاوزك في مكتبه
ملك هزت راسها بملل و قالت:-
تمام دقايق و أكون عنده
ملك أخدت موبايلها و دخلت لـ فادي اللي بصلها بإعجاب و دا خلي ثقة ملك تزيد في نفسها و قالت:-
- حضرتك طلبتي يا بشمهندس ؟
فادي هز رأسه بإجاب و قال:-
أيوة حضرتك ترجمتي الفاكس اللي وصل من شركة*****
ملك هزت راسها بإجاب و قال:-
أيوة يا بشمهندس فاضل بس مراجعة بسيطة عليه و هسلمه لحضرتك
موبايل ملك رن و كانت منال و ملك استأذنت ترد
- أيوة يا منال في اية
منال بزعيق:-
إنتِ فين يا بنت من الصبح مالك و الشاب جايين بليل يطلبوا ايد رهف
ملك بصدمة:-
قولي أقسم بالله كدا و حصل أمتي الكلام دا و إزاي ليه عين يجي عندنا البيت هنعمل ايه يا منال
فادي لاحظ معالم وش ملك و قال:-
هو في حاجة يا استاذة
ملك بخجل :-
لا والله مفيش حاجه مجرد مشاكل عائلية
منال بخبث:-
بت يا ملك ادي المدير الموبايل كدا
ملك بتسائل:-
لية يا منال ؟
منال بعصبية :-
ما تخلصي يا بنت الجذ.مة إنتي اديلن الموبايل
ملك مدت اديها بالموبايل لـ فادي و قالت بخجل :-
مامتي عاوزة تكلمك يا بشمهندس
فادي فضل يسمع كلام منال و ابتسم و قال:-
حاضر يا أمي اللي انتي عايزاه
ادي الموبايل لـ ملك و قال:-
تقدري تاخدي باقي اليوم إجازة و الفاكس ابعتيه لحد يراجه و يجيبه
ملك هزت راسها ببلاهه و قالت:-
بركاتك يا منال باخد إجازة من أول يوم شغل ؟
.....
عدي سبع ساعات و الشباب جهزوا و اتحركوا لبيت منال و أول ما وصلوا اتصدموا من وجود فادي و صوت منال اللي بيقول ليهم
فادي راجل البيت و اللي هيتقف لـ رهف
مالك بصدمة و صوت مهزوز:-
را اية يختي راجل البيت
يتبع......
همسات ليبية
حكايات آخر الليل
بقلم زهرة عصام
