عشقني في ماضيه.. ميفو السلطان

الحكايه الخامسة

#عشقني_في_ماضيه
#حكايات_mevo
البارت الخامس..
كانت داليدا حالمه تتذكر ايهم وتظل مبتسمه وتهمس اه حلو اوي اوي.. وتبتسم بحالميه.
لتقوم دنيا وتلف حولها.. تيرارارا تيرارارا.  لما شفتك قلبي دق تلات دقات.. اصلي انا حبييييييت......
لتفيق داليدا وتقوم تجري ورائها ودنيا تضحك وتغني وتكمل الاغنيه لتهجم عليها لتقول.. خلاص خلاص والله خلاص..
لتصرخ داليدا بطلي بقله ادبك هو انا خفيفه زيك..
لتنظر اليها دنيا.. وتغمز لها ماهو النصيبه انك مش خفيفه يبقي الواد جامد.. عموما هو هيجي حقه يادي الهنا اما اروح بقه اشوف هلبس ايه..🌿 استغفروااااا 🌿
لتقطب داليدا حاجبيها.. ماتحترمي نفسك بقه هو ايه ده بطلي بقله ادبك دي هيقول عليكي ايه دا واحد غريب وعيب علي فكره.
لتنظر دنيا بخبث. طيب طيب بالراحه.. هسيبهولك. قصدي هسيبه ماتخافيش لن امارس عليه نعومتي وهيامي.. بس الله في سماه لو طلع بتاع اللوحه لاخده من نن عينك وتروحي تجبيلك واحد غيره...🌛 ميفو ميفو 🌛
لتنظر اليها داليدا بغضب. انت يا بت مجنونه تاخدي مين هو انت تعرفيه ربنا يشفيكي.
لتهتف.. حتي لو ماعرفوش ولقيته هوه ماهعتقوش وربنا.. واهو نعرفه عادي ويعرفني ويدخل اللوحه بقه يا خرابي وحشني موت اعمل ايه هموت وارشق في حضنه
لتنظر اليها داليدا مذهوله.. يا خيبتي في اختي ربنا يشفيكي ياختي. اما اروح بدل ما انجلط.. بس بحذرك الواد لما يجي تحترمي نفسك والله ماهسكتلك.
لتبتسم دنيا.. يا بت لو عينك عليه خلاص هسيبهولك ما تقلقيش واستني انا بقه واصبر بس خليكي فاكره الجمايل🌿 استغفروااااا 🌿
لتهز داليدا راسها.. اما اروح اتخمد اصلك ماهتجيبهاش لبر انا عارفه.. وتتركها لتلتفت دنيا للوحه وتنظر اليها.. تصدق ما كنتش اعرف يا واد انك صعيدي.. اه حبيبي صعيدي وقلبي حاسس. واقف عالنيل وقمر كده مش قمر والنبي.. انت فين يا قمري..
كان ادهم يقف بقرب القصر علي النيل يشاهد المراكب ويجلس يفكر بحالهم الذي تغير والهم الذي تلبس العائله ليحس بحنين الي اخيه فهو كان سنده وكان يحس انه المسئول فكان ينام قرير العين ليفقده ليفقد الراحه والهناء ويفقد معه نفسه الحنونه ليجلس علي احد المقاعد ويشرد في المنظر الرائع ليريح قلبه المتعب.. انكتب عليك الهم يا ادهم طحن في  طحن لا جريب ولا حبيب وخلاص دنيتك اسودت حتي العيل اللي نفسك فيه زهدته الصدر الحنين زهدته ماعتش بتدور علي حاجه عايش جحود يوجع انت عايش دنيا مش دنيتك بس مالكش الا انك تعيشها.. يا رب جلبي موجوع وحاسس بنفسي طابج عليا هكمل اكده كيف ليقترب منه فايز ويربت عليه كتفه.. ويقول.. عارف انك شايل كتير يا اخوي بس اني جارك وهفضل طول عمري جارك يا اخوي وجريب هوصل لولد الَمحروج ده ولا هعملش حاجه واصل الا اكده..🌿 سبحان الله وبحمده 🌿
ليصدح صوت مليحه.. واني مستنيه يا فايز يا ولدي جيبتك للواغش الي خد جلب ولدي حتي لو عميت بكي حتي لو راح عمري هستني واملي ان ولدي يعاود.. ايهم روحي واني حاسه ان روحي هتعاود ليا يا ولدي..
ليهتف فايز.. دا ندر عليا يا اماي اني اجيب حج اخوي.. ايهم اخوي ابن امي وابوي حتي لو اني مش هواري مأصل.
لتقطب مليحه وتتذكر كلمه ايهم فايز هواري جول لابوك فايز مكاني.. لتبتسم وتفهم مجصد ولدها لتهتف. اني عارفه انت مين يا ولدي وعارفه انك ولدي وعشان اكده هطلب منك طلب عشان تجعد اهنه كيف ايهم وادهم اني عارفه انها هتبقي حاجه غريبه انك تسمعها بس ايهم ولدي كلمته اني واعيالها وخابره هو عايز ايه.. اسمع يا ولدي انت صوح مش هواري مأصل بس الله عالم انت عندينا ايه وانت كيف ولدي واكتر. ودلوك انت ولدي التالت ما ولدي الاول موجود وهيعاود وبجولكو انه هيعاود.. انا رايده انك تتجوز بتي فريده.. لينصعق فايز من طلبها وينظر اليها ادهم مبتسما.. لتقول.. وهكون ليا الشرف ان بتي تتجوز راجل زيك..عشان تخش الدار وتمسك حالنا مع ادهم ادهم ما يجفش لحاله.. انت هتجف وهنسيبلك حالنا يا ولدي انت بقبيت مكان الغالي..🌛 ميفو ميفو 🌛