عشقني في ماضيه.. ميفو السلطان

الحكايه التاسعه

#عشقني_في_ماضيه
#حكايات_mevo
البارت التاسع..
كان ايهم يقف الغيره تنهشه عندما عرف ان هناك من يريد داليدا ليهب مقهورا بلهفه
ليهتف ايهم.. مين عماد يا دنيا.
لتهتف... دكتور زميلها يا سيدي.. ليقطب جبينه لتنظر اليه بخبث.. بس ايه عينه عليها.
ليهتف بقهر ... بتجولي ايه انت.
لتهتف... اه والله عايزها وعايز يتجوزها  وهيا رافضه واتقدم ميت مره.
ليهتف بلهفه.... ورافضه ليه.
لتهتف.. بومه فقر.. عماد ده واحد طول بعرض وغني ودكتور وكامل مكمل وبرضه مش عايزاه.
ليهتف.. كل ده طب ومش عايزاه ليه..🌿 سبحان الله وبحمده 🌿
لتهتف وتقترب منه.. اصلها مش حساه عايزه راجل يقدرها يا ادم يحترمها لا بتبص لفلوس ولا مركز ولا عيله عايزه واحد يحبها ويحترمها داليدا مش زي اي حد مش بتاعه لا مظاهر ولا منظره.
ليسهم قليلا.. مش عايزه فلوس ولا مركز عايزه حد يجدرها.. ليضع يده علي قلبه.
لتبتسم دنيا وتقول.. بس انا بفكر اذن عليها توافق هيا مش عارفه مصلحتها.  ميفو ميفو..
ليندفع.. لاه لاه دي زينه البنات وعارفه كل حاجه.. تزني ليه مالك بيها ماتسيبيها دي العجل كلياته.
لتهتف بخبث.. اه والله عاجله جوي يا ولد ابوي ومستنيه الفارس اللي هيحطها في عنيه.
ليهتف ساهما وقلبه يدق.. يحطها في جلبه مش عنيه.
لتخبطه دنيا.. هو مين يا عم.
لينتفض.. هاه لاه مفيش مفيش واستدار مسرعا تاركا اياها لتضحك.... والله واقع لشوشتك بس دماغك لاسعه وفيك حاجه منعاك بس علي مين دانا دنيا لتذهب وراءه.. استغفروااااا
ذهب ايهم يجلس في الصاله مبهوتا ماهياش عايزاه مابتحبوش ايوه وعايزه راجل يصونها.. ليتنهد بقهر طب ماني هصونها واحطها بعيوني والفها برموشي.. انا هغطيها بجلبي.. هيا اصلا تتحط جوات الجلب.. طب اعمل ايه دلوك اخطفها واجولها بعشجك.. ماتتشجع وتجول هيا ماهياش زي البنته جايز توافج. داني جلبي هيموت عليها. لينهر نفسه توافج علي ايه يا حزين انت مين اصلا اتلم واكتم ليجدها تدخل ليرجف قلبه يا مري لابسه ايه دي جلبي هيجف كانت داليدا قد نزلت. لبست فستانا قصيرا الي حد ما كت يظهر ذراعها ليسهم فيها وفي جَمالها وقلبه يرجف.
لتهتف دنيا انا  خلصت الاكل.
لتهتف داليدا... طب هجيب شويه خضره.  واندفعت للخارج ليحس بنار بداخله ففستانها قصير وبالخارج العمال يتجمعون ليندفع ويقف امامها ليهتف لاه ماتخرجيش اكده اني هجيب كل حاجه..
لتقطب جبينها.... اخرج اكده يعني ايه.... بص انا بفرح لما بلم الخضره لتندفع للخارج وتتركه يقف والغيره تنهش قلبه ليندفع ورائها وينظر حوله.. لتهتف انت بتتلفت حواليك ليه كده زي ماتكون عامل عامله فيه ايه.
ليهتف ساخطا.. لاه مش اني اللي عامل زفت.
لتنظر اليه باستغراب مالك يا ادم.
ليقف خلفها يحجزها عن مرمي العمال لتهز راسها باستغراب وتدور تقطف الخضره وهو ملاصقا لها كلما استدارت يستدير لتنتهي لتهتف اخيرا.. لااا انت لسعت فيه ايه بتلف حواليا زي الدبور ليه كده محسسني اني عامله عمله فيه ايه.
ليهتف ساخطا.. مش خلصتي يلا من سكات..صلوا على الحبيب
لتنظر اليه غاضبه هو ايه اللي يلا من سكات فيه ايه.
ليظل ينظر اليها بحسره ليقترب احد العمال ليهتف.. ست داليدا ماقولتيش ليه اجمعلك اللي عايزاه..ميفو ميفو
لتبتسم له.. مانت عارف يا مجدي اني بحب اجمع الخضره.
ليهتف مبتسما وهو ينظر اليها بسعاده..  لا مش عايزين نتعبك.
ليتدخل ايهم والغضب ينهشه.. مش مستنينا جوا والا هتقفي تحكي اسبوع.
لتنظر اليه غاضبه لا تفهم مابه لتستدير وتذهب للبيت وما ان دخلت وهو ورائها لتستدير.. انت فيه ايه بتحرجه ليه وتكسف الراجل.
لينظر اليها غاضبا ولا يعرف ان يمسك نفسه ليهتف.. ماهو مايصحش اكده الله مش شايفه نفسك هو فيه ايه دا حاجه تحرج الدم.
لتهتف.. شايفه نفسي ادم انت عقلك خف.
لينظر اليها وياكل نفسه ويستدير هاربا حتي لا يقول شيئا ليس من حقه ليهتف.. اني هغور ارتاحي اهه.
لتبهت من انفعاله لتهتف.. انت رايح فين انت  اتخبلت تعالي ناكل.. هو اتجنن والا ايه فيه ايه ماله والع كده.
لتاتي دنيا فيه ايه لتحكي لها لتضحك دنيا.. المز غيران يا عسليه يا لهوي علي جمالو.. يا بختك يا دولي بحسدك عقبال ما اقابل مزي ويغير عليا.
لتبهت داليدا.. ادم غيران عليا انا.. بتقولي ايه انت اتهبلتي لا مفيش كده.
لتهتف دنيا.. دا كده وابو كده وزمان الدخان تصاعد وعايز المطافي.. يلا ياختي يلا مش ولعتي فيه بدراعاتك العسليه دي اهوه مشي. لتظل داليدا واقفه ساهمه لتبتسم دونا عنها وتهمس غيران.. بجد ده.. معقول لتتنهد وتظل تفكر به.ميفو ميفو
عند ايهم كان هائجا.. طب ايه مش جادر لابسه ايه دي ومبينه حالها يا مري الواد مجدي فاتح بجه عالاخر والسعاده هتهبله ماهي جمر ودراعتها باينه ورجليها وحته جشطه واجفه تتمخطر وتلم الخضره.. اروح فين كت هسود عيشتها بس لميت حالي هتجولي مالك بيا عاد مالك يا حزين ماتخليك في حالك..
ليتنهد وياكل نفسه. لاه مش عارف حاسس انها بتاعتي ماحدش يوعالها. ومين سي زفت طين عماد ده راخر اللي هيموت عليها هو فيه ايه هموت محصور اكده هيا محساش بيا واصل اعمل ايه دلوك محروج وباكل روحي ودي تجولي اتخبلت.. ايوه خبلتيني يا شيخه وجلبي انهري.. اتنيل خليك في حالك وكل روحك وبعد عنيها لا هي ليك ولا تجدر عليها دي عاليه وانت ماحدش يعرفك.. ليظل ساهما يفكر فيها والقهر ياكله.سبحان الله العظيم..
لتدخل عليه داليدا ليبهت مره اخري لتهتف بمكر ممكن اعرف مالك زعلان ليه كل ده عشان شويه خضره ألمهم طب قول وانا كت خليتك تلمهم وانا اقف اتفرج. لينظر اليها غاضبا مشتعلا من منظرها لتقترب وتخبطه.. مالك يا واد اتجننت مش احنا اخوات ماتقول... ميفو ميفو
لينظر اليها ساخرا.. اخوات..ليقطب جبينه ليهب ويهتف ايوه اخوات واني بجه اخوكي وبجولك لبسك ده ماينفعش.
لترفع حاجبيها َتنظر اليه وتهتف لبسي ماله لبسي..
ليصرخ... ماله دراعاتك باينه واجصير وضيج تخرجي ليه اكده والحزين واجف راشج عينه فيكي ماجادرش اتحمل اني. كان مشتعلا..لاحول ولا قوة إلا بالله..
لتبتسم في هدوء.. طب براحه عادي فيه ناس بتلبس اكتر من كده.🌿 استغفروااااا 🌿
ليستدير مشتعلا.. يا مري عايزه تبيني ايه تاني عايزه تحصريني.
لتهتف بدلع.. ايه يا ادم مش بنوته صغيره وعايزه افرح
ليستدير.. تفرحي بايه عاد بفرجه الناس اعجلي اكده ماينفعش  اكده.
لتهتف.. طب مالك زعلان كده يعني عادي.
ليهتف بحنق.. عادي كيف داني والع وحاسس اني هنجلط
لتبتسم وتهتف.. طب ليه طيب ليه تنجلط.
ليرتبك.. هاه.. اااا.. اصل.. اه مش خوات اياك واني صعيدي وماطيجش علي حرمتي حاجه.
لتنظر اليه بحب.... حرمتك
ليهتف منفعلا.. ايوه حرمتي لا حد يبصلها ولا يوعالها.
لتنظر اليه بخبث.. مش زياده شويه كلامك ده
ليحس باندفاعه.. ليهتف هاه.. اه.. لاه.. انت اختي ومأمنيني علي حالكو وانتو حالي يا بت الناس وبطلي عاد تلبسي اكده
لتركن علي الباب وتهتف.. امر يعني يا سي ادم.
ليهتف مندفعا.. لاه محبه والله..
لتهتف ودقات قلبها تدق.. محبه
ليرتبك ويبتلع ريقه.. اجصد اجصد اه اجصد محبه لاهل البيت اللي شالني ومااطيجش عليه حاجه.
لتهتف....بص هو عموما مستنيه الراجل اللي يجي ويغير عليا ويلبسني بقه ويكون حمش كده ساعتها هقول ايه ما اقدرش
ليهتف.. لاه تتخبي من دلوك ماتبينيش حاجه واصل ماهجدرش اكدجه انت غاليه عندي وماحبش حد يوعي لطرفك.
لتقترب منه.. انت يا ادم لو حبيت بجد هتبقي رومانسي اوي وتغير علي مراتك حمش كده وبتخاف عليها ماحدش عاد بيعمل كده
ليهتف مندفعا عشان مابيحبوش بجد َاللي بيحب مابيتحملش علي حبيبه.🌿 استغفروااااا 🌿
لتسهم وتقول.. ادم هو انت لو حبيت واحده هتعاملها ازاي..
ليسهم قليلا ويتخيلها في احضانه.. اعاملها.. داني اجبلها الدنيا كلها اجبلها من السما حته ومن القلوب كفه داني العشج جواتي يضلل عليها ولا يوم يزعلها وطول روحي في جتتي اراعيها.. اخدها في حضني وجت زعلها واجولها فداكي الدنيا يا نواره جلبي ماهيا نواره جلبي ليصمت ويظل ساهما..
لياكلها قلبها تائهه في كلماته لتهمس يا بختها يا ادم بجد انت حد جميل اوي
لتبتسم و َتهتف.. طب عموما حاضر ماعتش هلبس كده فيه حاجه تاني.
ليحس براحه ويتذكر مجدي ليهتف منفعلا.. اه والواد زفت طين ده ماتكليمهوش تاني وان كان عالخضره اني هجطعها كل يوم.
لتهتف.. زفت مين.
ليهتف المسخوط مجدي اللي فاتح بجه ونازل بص وحبحبه
لتضحك وتهتف.. انت بتتكلم جد.. مجدي بتتكلم عن مجدي
ليهتف مش راجل اياك.
لتهتف مجدي عامل في المزرعه بقاله سنين بتقول ايه.
ليحس بقهر.. اه عشان عامل يعني مهتبصلهوش ولا تخافي منيه اه مانت دكتوره هتبصي لعامل.
لتبهت من كلامه.. ادم ايه كلامك ده انا كده اخص عليك. وابص ايه ومابصش ايه انت عقلك فيه ايه
ليهتف.. مفيش عجلي مافيهش حاجه واصل ولا هيبجي فيه ولا هينفع يبجي فيه من اساسه. حجك عليا يا بت الناس ماعتش هنطج انا بنطج ليه من اساسه والا ليا ايه انطج عليه... ليظل ينظر اليها مقهورا ليقول اني رايح اشوف شغلي. ليتركها ويرحل مذهوله هو اتجنن هو جراله ايه لتنصرف وتعود الي بيتها وكلامه ونظراته توجعها لتهمس ايه موجوع ليه كده انت اتغيرت ليه وجواك حاساه مالك وليه كده بس.. يا ربي ايه ده قلبي موجوع عليه ليه اوي كده.. لتتنهد وتعود لبيتها لا حيله لها في دواخله.
مرت الايام والاسابيع و ايهم  تعافي تماما  كان قد بدا الاعتناء بامور المزرعه لينذهل الاب ان له خبره واسعه في الزراعه وينذهل هو ايضا لتمر الايام ليقترب من الاب والاب يحبه بشده فايهم كان حنونا مراعيا له كان يعامله كوالده ويهتم لكلامه ولنصائحه كان يعطيه اهميه الكبير ويراعيه والاب قد انتعشت صحته ولاحظ الكل ذلك فايهم لا يكف عن مراعاته والسهر علي راحته ولكنه تغير تماما اصبح منزويا اكتر في وجود داليدا كانت تذهب الي العمل وتعود لتدخل عليهم لتجده واختها يتحدثون بمرح وعندما تدخل ينزوي علي نفسه ولا ينظر اليها....
في احد الايام دخلت داليدا منهكه متعبه لتحدف حقيبتها وتجلس بتعب وحزن فايهم لا ينظر اليها ولكن يبدو عليها التعب ليقترب منها ويهتف.. انت كويسه.. كان قد مر كثير ولم يكلمها..
لتنظر اليه وتهز راسها ليقترب منها طب حاسه بحاجه فيكي ايه..
لتتنهد وتهتف.. ولا يهمك هبقي كويسه..
ليهتف ولا يهمي ازاي ما تجلجنيش والنبي..
لتبتسم وتقول.. ايه هتقلق بجد..
ليتنهد ويهتف.. امال انت فاكره ايه عاد..
لتقترب دنيا انا هروح احضر الاكل واياك اجي الاقيك مشيت..
لتهتف داليدا ماتغصبهوش يا دنيا.. ادم ماعادش بيتحمل حد يخنقه.. لتقوم وتدخل الي الداخل ليذهب ويقف امامها لتنظر اليه.. بوجع وتهتف ايه فيه حاجه..
ليهتف مين جال اني مغصوب والا اتغيرت والا مخنوج..
لتهتف وترفع حاجبيها... لا ابدا مش عايزه اجبرك انك تقعد يعني..
ليهتف... تجبريني بتجولي ايه عاد دانا اتمني اجعد واجعد.. لتبتسم وتقترب منه.. صحيح يا ادم بجد..
ليرتبك ويهتف.. اه طبعا.. انتو زي اخواتي.. ميفو ميفو
لتطرق وجهها وتتنهد وتهمس.. اخواتك.. طب يا ادم تصبح علي خير.. سبحان الله وبحمده
ليهتف بلهفه مش هتاكلي ماتناميش بلا وكل..
لتنظر اليه لفتره وتتنهد وتقول... ماعادش ليا نفس لحاجه عن اذنك..
ليظل واقفا ينظر اليها بقهر.. طب اعمل ايه عاد جلبي بيوجعني عليها اكده وهيا ما خبراش اللي بيا.. اجول ايه عاد هم وغور واكتم حالك..
ظل واقفا محصورا يشعر بالقهر انها لم تاكل ليمر الوقت وينصرف الي حجرته ليجدها بعد فتره تخرج وتجلس بجانب البيت ليظل يراقبها يتمني ان يذهب اليها يجلس َمعها ليندفع غصب عنه ويهتف بلهفه.. كلتي حاجه.
لتنظر اليه وتتنهد و َتهز راسها.. ليقول طب ليه اكده هتجعدي من غير وكل ماهتحملش اكده استني دجيجه لينصرف ويصنع لها بعض السندويتشات ويقترب لتنظر اليه باستغراب ليهتف دول من عندي ايه ماهتاكليش من يدي بتجرفي اياك.
لتهز راسها وتتنهد وتاخذ احد السندويتشات وتاكله وهو ينظر اليها لا يعلم ماذا يفعل فشكلها يوجع قلبه ليهتف بتحبيه..
لتقطب جبينها لتستدير وتسال.. بحبه هو مين
ليهتف.. الدكتور اللي بيحبك شكلك زعلانه يكونش بينكو حاجه ماللي بيحب بيزعل علي زعل حبيبه..
لتفكر في كلامه وتحس فعلا انها زعلانه علي زعله لتطرق وتصمت.
ليهتف منفعلا جولي بالله عليكي بتحبيه.
لتتنهد وتهتف.. بتسال ليه يهمك..
ليهتف.. ايوه يهمني انت تهميني كلك يهمني.
لتنظر اليه وتهتف.. انا لو اهمك كنت تسال عليا مش تبيعني كده من غير سبب.
ليهتف منفعلا ويشد يدها.. ابيعك داني اكون ميت لو حوصل دانت الدنيا اللي دخلتني دنيا.. ويهمني والله يهمني جولي ريحي جلبي.. ليرتبك ويكمل عايز اطمن عليكو كلكو يعني ما بحبش حد يتوجع واسيبه.
لتهتف.. عماد بيحبني اوي بس انا مش حساه خالص
ليهتف منفعلا.... يبجي مابيحبكيش اللي بيحب بيحس ان ده نصيبه بتاعه روحه يموت حاله عليه رايد العشج منيه وبس
لتبتسم.. انت بتتكلم كانك بتحب كلامك يلمس القلب.
ليتنهد ويصمت لتهتف ربنا يعمل الخير
ليهتف.. يعني عماد ده مابتفكريش فيه..
لتهتف عماد اناني بيحب نفسه َيحب يتحكم ويسيطر حتي لو بيحبني عايز ياخدني علي اد عقلي ويمشيني بعد كده وانا ماينفعش معايا كده
ليهتف.. لاه ماينفعش انت ينفعك راجل زين ياخدك جوات عيونه َجلبه وينيمك جواه.
لتتنهد ودا اجيبه منين.
ليندفع موجود والله. لترفع عيوونها وتظل تنظر اليه لتري نظرات حانيه في عينيه لتهمس انت حنين اوي يا ادم.
ليحس بقلبه سينفلق ليقوم مره واحده.. طب كملي وكلك بجه واني.. اني.. اني هروح اعمل شويه حاجات وهرب من امامها مسرعا لتظل جالسه تنظر في اثره وبداخلها مشاعر متخبطه......أما في الصعيد.  
دخل ادهم الي حجرته يغير ملابسه واخذ حماما ولبس لبسا بيتيا مريحا ليذهب الي سريره ليحاول ان يرتاح وينام فضغوط العمل تهلكه وفقدان اخيه قد تعب قلبه ليغمض عينه ليسمع باب الحجره يفتح ويرزع ليفتح عينه ليجد زوجته غاضبه لتقترب منه وتصرخ لا بجه اني ماعتش متحمله لا افتح تلافزيون ولا اجيب صحباتي نجعدو ونتسامرو والا ادخل الحنانه ايه المرار ده هو ايه هنفضل في الهم الناجع دعه لامتي..
لينظر اليها ولا يتكلم فهو لو قام سيفلقها نصين من قهره.. لتصرخ انت مابتنطجش ليه عايزين تكتمونا في البيت ايه المرار ده اني عايزه الحنانه تاجي واجيب اصحابي مال مرت عمي تزع فيا ليه ما خلاص اللي راح راح هنجعد بقه ننوح العمر كله اني ما هتحملش اكده..
ليقوم ادهم من سكات ويتجه للباب لتهجم عليه وتصرخ انت رايح فين ومهملني هو ايه بهيمه بتتكلم هتروح فين وتهمل مجعدك انت كل شويه تهملني عايز تفضحني ويجولو طفشان من فاتن.... استغفرالله العظيم
ليمسك يدها يعتصرها ويهتف بغل..هتعلي صوتك هسخمط عيشتك اتلمي احسنلك بدل مالمك  انت ايه يا شيخه هو كان حد جالك ان جتتي مابتحسش ماليش اعيش يوم راحه وكل اللي في دماغك يجولو علي فاتن وبس ما َفيش الا فاتن وبس.
لتتهتف.. امال عايز ايه انت ناجصك ايه
ليصرخ.. ناجصني. مره ناجصني حنيه ناجصني ست اخدها في حضني ناجصني جلب يحن عليا داني لو كلب كان حن عليه انت جايبه الجهر والجساوه دي منين جهرتيني يا شيخه اروح فين
لتهتف بغضب.. اني مش ست داني ست الناس كلياتها  انت اللي مش شايف ان فاتن مالهاش زي.
ليهتف فاتن فعلا مالهاش زي في الجساوه وجله الحنيه انت واحده تطفشي العفريت.
لتنظر اليه وتهتف.. ايه مالك حرنان اكده وغضبان ايه لو عايز نجضي ليله مع بعض يلا  انتو الرجاله اكده لما بنحوش نفسنا شويه بتجلبوها حريجه يلا نخلصو من الليله دي عشان تروج وتبطل نح الله ماحشتش نفسي عنك اهه كيف ما بيجولو. .
لينظر اليها مصعوقا.. ليهتف.. انت جبله مابتحسيش.. ليله ايه اللي هتخلصي منيها منك لله هو حد جالك اني طور عايز انام وخلاص مابحسش دا ايه الجرف ده دانت لو ايه ماهجربش منك يا شيخه دانتي تجهري اللي ماينجهرش.
لتهتف بغضب طب انت حر والله ماهجولك تاني تجرب ولو جربت ماهديكش حالي داني فاتن.
ليصرخ.. الله يخربيتك الله يخربيت فاتن لبيت اليوم اللي شفتك فيه ماهتدينيش حالك ومين جالك اني عايزه من اساسه والا بفكر فيكي والله ماعت شايفك حرمه من اساسه دانت لو بتحسي كت موتي حالك.
لتهتف بغضب.. انت اللي مش طبيعي الله اعملك ايه بجولك هنام اهه من سكات دا ايه المرار ده..؟.ميفو ميفو
ليهز راسه بقهر.. هنام من سكات ليه بجرتين هينامو من غير حس ولا مشاعر.. هو فعلا مرار والمرار اني مكمل فيه ولا عارف فيه ايه.انت بالنسبالي زي الحيطان ماعرفش انت ايه من اساسه ولا جنسك ايه ولا عارف مكمل في الجهر ده ليه بس اهه زهدتيني الدنيا وما فيها جعادك زي رحيلك بس جعادك بقي غم ومرازيه . ليستدير ويفتح الباب لتصرخ انت رايح فين ومهملني
ليهتف.. هغور في داهيه جايز ربنا ياخدني دا ايه المرار ده كت عبد اسود اشترتيه يا شيخه دانت عيشتك مرار ليرزع الباب ويتركها وينزل لتظل تشتمه  لتركه لها..
نزل ادهم مقهورا عند مقعد النيل ليجلس مقهورا يا رب تعبت يا رب اعمل ايه عاد اطلجها واجلب عليا عيله هواره اعمل ايه بس ماعتش طايجها ولا طايج شوفتها دا عيشه مرار ليغمض عينه.. خلاص يا ادهم ارمي طوبتها كنها ميته.. اعتبرها ميته  خلاص اكده او مجنونه وعايزه تتعالج.. مرتك انجنت ورمحت يبجي اكده ارتاح يابن الناس لا عاد ليك مره ولا يحزنون هملها من سكات تعمل مابدالها لحد اما اشوفلها يوم اغورها من اهنه مشي حالك وشوف امورك وانسي ان لك مره من اساسه.. ليحس براحه غير عاديه انه سيتجاهلها ولا يقربها ليخرج تليفونه ويعبث فيه ليحس بشئ بجانبه ليجدها احد القطط ليبتسم ويحملها وينام علي ظهره ويحتضنها  وظل يمسد عليها ليهمس.. ايه الجمال ده لتنام القطه علي صدره ليبتسم اكثر ويبدا في التمليس عليها ليهمس والله انت فيكي حنيه ماشفتهاش في مرتي ولا تعرفي عنها حاجه.. كان يملس عالقطه وبدا في الدندنه وكان الليل رائعا والنجوم تلمع والقمر ساطعا والمراكب تسير بهدوء والقطه تداعبه ايبتسم اهو اني عايز جط اصغير زيك اكده حنين وطيب ماهعوزش لا مال ولا جمال عايزها جلبها يخاف عليا ويديني حنيه نفسي فيها نفسي اخدها في حضني تحس اني بني ادم مش طور ماحدش يحن عليه.. والله حتي الحيوانات بتحس اني ماليش احس.. عايز بنيه يا رب طيبه ماهطلبش الا حنيتها وبس ماهعوزش الا روحها وجلبها وبس.. اطولها واحطها في نن عيني.. جوايا حنيه كتير وكاتمها لحد ما انجهرت يا رب مش طالب حاجه عفشه طالب حنيه بحلال ربنا ليدندن من بين شفتيه
انا نفسى احب احب واتحب
. بحلم بحد... يطبطب عليا.. ويمسك ايدي ياخدنى معاه... واحس بدفاه يكونلى حبيبى... ويبقى نصيبى ياقلبى دق مرة خلينى احس بيه
ديه الوحدة صعبة مرة ...اعملها الله يخليك.. شوف حب جالك... وافتحله بابك.. واديله عمرى وخلص عذابك يطبطب عليا... ويمسك ايديا
ليتنهد ويظل يمسد علي القطه التي استكانت في احضانه ليهمس خلاص اكده جلبي ارتاح وانت هتبجي الحنيه اللي هحن عليها َاديها من جواتي لحد ماتاجي اللي هتنور دنيتي بس مش خابر لميته هفضل اكده لحد اكده تعبت نفسي في ونيس يجيلي. جلبي بيوجعني.. يا رب ابعتلي الحنيه يا رب ماتسيبنيش اكده.