(صوتو وتفاعلو حتى استمر حبايب♥️)
ليش طالبت بجِفاهم
وليش من راحوا بچيت ؟
وليش من طموا سِچچهم ما رضيت ؟
وليش من عَشگوا سمارك ضيّعتهم
وليش من رادوا دفو ضلوعَك وطنهم
تيّهتهم ؟
وليش من غيرك خَذاهم
دوّرتهم ؟
وليش من جَهروا محبتك
ما رِدتهم ؟
صارحت ساعي البريد وگتله كِلشي
گتله أحبهم
وقربِّت ساعي البريد وبَعدتهم
وإنتَ تدري الرايدَك مو بالرسايل
ليش مو حنّوا اديك أحلى الجدايل
ليش تعتِز بغلطتك ؟
ليش تزعل وإنتَ عايل ؟
آخ ، مو فاتوك ربعَك
وإنتَ لا ضميت إديك
ولا رضيت أتحني أصبعَك
ليش صَدگت بحچيهم وآنه گتلك خالفه
وإنتَ تدري السالفة المابيها شاهد، سالفَة
ليش تهوه الذكرى ليش ؟
ليش هسة تگلي أحبهُم وبوكتهم من سألتك
گتلي طيش !
ليش ضيّعت التريدَه ؟
شبيك تايه مَدري وين ؟
شبيك شارِد من قَصيدة
وترجع تطيح بقَصيدة
چيموا يمّ نارك وترفض حطبهم
وعطشت وإنتَ تعرف شط بدربهم
وعلى دربك فتحوا دروب السواچي
ورفضت تشرب عذبهم ،
ليش تزعَل ؟
ليش تزعل من شِفت غيرك شربهم
والتگتلك باب باب أنفتحَن ورافض تطب !
ليش ويّ روحك حَرب ؟
ترسم العثرة بطريقَك وين
ما صَحلك درب .
أنفال...بدت الأيام تتوالى واني على نفس النمط ماكو شي جديد اروح اتعلم اسوق ويه مرتضى والدراسة اخذت من وقتي وصار كل وقتي ويه الأستاذ أمجد
جنت كاعده ادرس وفجأة خطرت على بالي فكرة كلت النفسي ليش ما اخذ أستراحة واعتني بنفسي
كمت من الصالة واتجهت الغرفتي وطلعت الماسكات والحبشكلات مالات البشرة وبديت اجيب واحط
داسوي قناع بشرة الأسود وجان يدخل أخوي التفتت عليه ونز من مكانه ووجهة صار اصفرر:هههههه معرفتك هيج جبان
تأفأف وكال
:ليش غير صابغه وجهج بزفت وطالعه جنج قرقوز شنو تتوقعين مني؟
تحمحمت ورجعت لتفتت على المراية
:اي وشعدك هنا اليوم مو ثلاثاء حتى تجي تعلمني السياقة
حچه:اي مو اني البنگلادش مالت ست أنفال وقت متريدني اجي اجي ووقت متريدني اروح اروح
كملت البيدي ورحت كعدتت بصفه
:شفايتلي لو صدك انت بنگلادش جان عشت أميرة زماني
ضحك بصوت وضربني على علباتي
:ليش هسة انتي تحرثين تحصدين اشو مگضيتها نوم وأكل
تمتمت بوجع :خرب ايد لو رافعة شسالفة..وبعدين اني سادس سادسسسس تعرف شنو سادسسس
هز ايده وعوج حلگه وبقى يقلد علية
:اوووي مرتضى اني تعبانه فدوة خلي نرجع وبعدين علمني .....بابا أني سادس سادسس
لج ماما عيوني انتي مداكدر اتحمل الجدرية ثگيله
أنت تقرأ
غرست الاقدار أشواكها بقلبي
Romanceعيوني تحركني من الدموع وجهي صاير خريطة من الضرب أحاول اقاوم بس ماكو فائدة صرخاتي بدت تعلى شي بعد شي بس لا حياة لمن تنادي:أحلفك بخدر زينب عوفني عوفنيييي ليشش دتسوي هيجج أني بنتك بنتك يا ظالم داسوي قناع بشرة وجان يدخل أخوي التفتت عليه ونز من مكانه وو...
