#غرست_الاقدار_أشواكها_بقلبي
#للكاتبة_بنين_الاسدي
شايف من تفارك وانت لسه تغار
ويصفن بيك لونك والهظم يحتار..
"بنين"
:_أنـةِ بس لسان بس وگت الجدية تتبخر قوتيِ وتتحول سراب أنـة ضعيفة داخليٍ وخارجيٍ،وماخذة الناس بـ لساني
مختنگة مابيدي شي أسوي وأمي إذا گالت كلمة يعني تسويها وأنـة خايفة من أصرارها هل مرة
أبوي موافق علة زوجي من سيف وحتى الولد وعود منتظرين جواب مني وأنـة سبقاً وگلت الامي أنـة رافضة أتزوچ بس ماكو فايدة أمي حطتني ببالها
وكل كلامها چنةٓ سهام وتنهش بـفادي نهش كلساع وگايلة:_ليمت أشوفن أولاد بناتي
سجى ومريم يچون عليهن ناس بس أنـة مادري ليش أمي خلتني ببالها الةَ تزوچني
صافنة وأفكر وتالي شراح يصير وأنة شني مصيري
ودگ الموبايل شلتهَ وجاوبت
أچاني صوت أية تبچي وأنة هنا تخبلت شبيها احس گلبي نمرد من أسمعها تناشغ وماتگدر تحچي
صرخت بيها أريدها تحچي:_أيةةةة أحچي شبيچ مو فتيتي گليبي بت الاوادم
جاوبتني وهية تجر بنفسها جر:_بنينة أنـةٓ أنتهيت خلاص أهلي مقررين يزوچوني
سكتت أستوعب المصيبةٓ ثواني وصرخت بيها
:_شنييي تسودنووو شني يزوجونج وأيوب وينهٓ عنچ ليش يردون يزوجونج
ردت بصوت مبحوح من البچي:_شني جديدة عليچ يگولون أنـة كسولي ولازم أتزوج شني فايدتي إذا رسبت وأيوب يگلي تزوجي يعني حتى أيوب مايريدني
فرگت وجهي بعصبية أحس نار موچرة بروحي وگلبي مغيم أنة أخس وأنگس من حالها بس مايهون علية أشوفنها تبچي هيج
أية وية النفس تصعد وتنزل نأكل سوة نلعب سوة نبچي سوة وإذا كلش زعلنا من بعض نص يوم ما نتحمل ونرجع نسولف وية بعض مثل الأول واحسن بعد
حچيت بصوت واهن:_يبعد روحي روحچ ولچ أيويتي أمسحي أدموعج لا أجي أحرك عشيرتچ واحد واحد وأنتي صيري قوية وتنحل أن شاء الله
أية ببچي:_ولچ شتنحل شتنحل أبوي گايل الاهل الولد بنيتي موافقة والنوب المصيبة الولد شوية ويغبط ال40 سنة
تنهدت بنفس عالي:_مادري مادري أية أنة مثلچ أمي حاطتني ببالها وتعرفين إذا رفضت أتزوج أمي راح تسود عيشتي
أية:_اخخ يابنين ليمت نرتاح ليمت البنية تگدر تختار الحياة التناسبها بدون خوف وبدون أجبار ليش أنة وياچ لازم ننجبر نعيش حياة أحنةِ مارايدنها ليششششش؟
تبچي وتحچي وأنة أبچي وياهة وعيوني غوشن بالدموع ونفسي بالكوة أجرة
بنين:_ليش يايوم البنية بالعراق ارتاحت...الولد إذا غلط وية أبنية گالو هذا زلمة ماينعاب والبنية تنگتل...والبنية إذا رادت تشتغل گالو هاي بنية مو ولد وعيب البنية تشتغل.... وإذا الولد گتل واحد ورادو يخلصونة من الدم والقتل گالو راح نطي فصلية.....وإذا نحلت مشكلة چبيرة البنية لازم تصير گبش فداء ويطوها هدية...وإذا رادت تختار أبسط شي وهوة شريك حياتها هم راح تنظلم وراح تنجبر تعيش حياة كامل وية أنسان ماتريدة
أنت تقرأ
غرست الاقدار أشواكها بقلبي
Romanceعيوني تحركني من الدموع وجهي صاير خريطة من الضرب أحاول اقاوم بس ماكو فائدة صرخاتي بدت تعلى شي بعد شي بس لا حياة لمن تنادي:أحلفك بخدر زينب عوفني عوفنيييي ليشش دتسوي هيجج أني بنتك بنتك يا ظالم داسوي قناع بشرة وجان يدخل أخوي التفتت عليه ونز من مكانه وو...
