#غرست_الاقدار_أشواكها_بقلبي
#للكاتبة_بنين_الاسدي
من كتلي اجيك ابحلم غمضت واهل الكهف ما نامو بكدي••
مقتدى الحديدي
"إيهاب"
:_وأقتربت منها شلتها وخليتها على الكرسي ورجعت سديت السيارة وعيوني على هذا الحقير صاير وجهة على الباب وأني وگفت السيارة بعيد عن البيت
بشوية أكيد ما أنتبهلي دفعت الكرسي مال أمي ووصلت يم هذا وحطيت أيدي على گتفة التفت
وجان أشوفة هذا حمادة العار شعنده هنا
أبتسملي بأرتباك
حمادة:_هلا والله جنت منتظرك صارلي ساعة أدگ بالباب وو هاي روان قافلتة
تطمنت من ناحية روان بس راح أغسلة غسل هسة لزمتهٓ من أيده بدون كلام ووخرته من نص الباب
وطلعت المفتاح وفتحت الباب ودخلت أمي الي ما نطقت بحرف والضاهر تعرف شنو راح يصير
أجة يدخل وسديت الطريق عليه بيدي ورفعتلة حاجبي:_خير؟
تحمحم وضحك بأنحراج:_ خير أن شاء الله خير بس شكو واگف هيج وخر خل أطب
عدلت وگفت ونگتت ملابس وعدلت الياخة مالت القميص وأني أحچي:_ليش وين الخير بشوفتگ...روح حب أمي متفيدتك ماعدها فلوس الحل والربط بيدي ولا تحلم إيهاب ينطيك
أوباعله عيونة نطت وعرگ وجهة
حمادة:_على بختك إيهاب ليش منو طالب منك فلوس...بالعكس أني جاي على شوفتكم
ضحكت وطلعت وسديت الباب وراي وصرنا أثنينة واگفين بالشارع:_ترى سوالفك توصلني يالغالي أول بأول شنو أضنك نسيت لو أذكرك أني إيهاب لي دعم الة واحد بالدراجة وطفر يوو أضنك نسيت مو ؟
الصدمة أنرسمت على وجهة بهذا البسمار الچگيته بي حمادة:_شنو قصدك إيهاب شنو تهددني؟
أبتسمت بسعادة وهزيت رأسي وهوة رجع گال بعصبية
حمادة:_ماعرفتك هيچ إيهاب صاير أنسان خبيث تستغل الناس ليش تسوي هيچ وياي ترى أحنة لازم نكون سند البعض ؟
خرب عرضك ورطت نفسك يالغالي وأنتٓ متدري گتفت أيدية وميلت رأسي ونفخت براطمي بزعل عود أني متأثر
إيهاب:_مم تصدك حمادة أحاسيسي الجياشة نخدشت وتلوث وأنا أتذكر كيف كنت تسندني وتقف معي تذكرت كيف أحرقت قدمي بالزيت وووو تذكرت كيف ضربت أمي وكيف تحرشت بجنات أبنت أختي
عدلت وجهي للجدية وهوة وجهة ينطي الوان
إيهاب:_لو من ضميت علية أبوي متزوج لو من تبوك الفلوس الجيبهٓ بتعبي حتى أصرف على أمي لو من تسب وتغلط وتعايرر بية گدام الناس والمدرسة وأصدقائك أني بلا أبو وأبوي عافنا وشردد
أنت تقرأ
غرست الاقدار أشواكها بقلبي
Romanceعيوني تحركني من الدموع وجهي صاير خريطة من الضرب أحاول اقاوم بس ماكو فائدة صرخاتي بدت تعلى شي بعد شي بس لا حياة لمن تنادي:أحلفك بخدر زينب عوفني عوفنيييي ليشش دتسوي هيجج أني بنتك بنتك يا ظالم داسوي قناع بشرة وجان يدخل أخوي التفتت عليه ونز من مكانه وو...
