#غرست_الاقدار_أشواكها_بقلبي
#للكاتبة_بنين_الاسدي
أنت يل أسمك دوه بحسبات أهلنه '
أحنه واحد وأنت كلنه
إيهاب:_بعد ما لگيت شيء يوصلني ألاحسان ضاع من أيديهٓ ولي قاهرني مالهٓ أثر وكنو فص ملح وذاب
شغلت كل الفرق والضباط إلي تحت أمرتي
وماكو نتيجة
وبعد تحريات هواي عن أحمد إلي هوة يكون أبو روان الي عايشة عندي حالياً
طلع عنده أخو وعايش بالبصرة رحت بنفسي وسألت عنه وگالو أنُ عايش بأبو الخصيب
وعنده عائلة وعايش حياتهٓ وماكو عليه شي وسمعتهٓ نضيفة
رچعت للبيت وأستقبلتني داده سليمة وگالت
:_الله يساعدك وليدي إيهاب
رديت عليها ببتسامة:_ويساعد بختچ
كملت كلامي وأني أدخل للبيت واباوع منا ومنا أريد أشوف روان الي صارلها ثالث يوم ببيتي وطول ماهـيـهٓ هنا تتستقبلتي ويهٓ داده سليمة
دخلت وبوجهـي للصالة وكالعادة لگيت الحچية كاعدة ولازمـهٓ سبحتها
حضنتها وبوستها
إيهاب:_شلونج أمي شلون صار ضغطچ
ردت علية وهي تباوع وراي
حنان:_بحفظ الرحمان وليدي وروان ما قصرت سوتلي ليمون وزعفران ونزل ضغطي
التفتت للهجة لي تباوع عليها،والگاهة مبتسمة وگالت
روان:_الله يساعدك سيدي
طبعاً بطلت تگولي عمو لأن أصير عصبي عليها عبالك عمري 50 سنة وتصيحلي عمو
إيهاب:_ويساعدج شلونج اليوم؟
روان:_زينه الحمد الله
هزيت راسي الها
إيهاب:_عود خوش
روان:_أباوع عليه بحلگة حچي بس واضح ميريد يحچي كدام أمة وأكيد شي يخص الخطة الگال عليها
أستغفر الله شسوي هسة ليمـتـهٓ أبقى عايشة هشكل ولا والنوب عد ناس غريبة والله أحس نفسي مقيدة وأبسط شي أستحي أدخل للحمام
كمت وية داده سليمة وصبيت التمن وغسلت الخضرة وحضرت الخواشيگ قابل أبقى كاعدة وأكل بدون شغل
أنت تقرأ
غرست الاقدار أشواكها بقلبي
عاطفيةعيوني تحركني من الدموع وجهي صاير خريطة من الضرب أحاول اقاوم بس ماكو فائدة صرخاتي بدت تعلى شي بعد شي بس لا حياة لمن تنادي:أحلفك بخدر زينب عوفني عوفنيييي ليشش دتسوي هيجج أني بنتك بنتك يا ظالم داسوي قناع بشرة وجان يدخل أخوي التفتت عليه ونز من مكانه وو...
