غرست الاقدار أشواكها بقلبي

البارت الثالث

"إيهاب"

دخلت وأني كلي ثقة أن بعد تعب چبير حصلت على خيط يدلني على أحسان الكلب وعصابته ،دفعت باب المكتب بعصبية ودخلت ورحت بمباشرة على مكتبي أدور سجلات السجناء إلي شكينا بيهم الهم صلى بهل قذر

:يوسففففف يوسففففف

جنت عصبي بشكل رهيب لأن ضحك علينا واحد من جماعة أحسان وطلع من القضية مثل الشعرة من العجين وهذا ميصرف عندي أني مو أي أحد أني إيهاب مينضحك عليه بسهولة

دخل للمكتب واحد من الشرطة وضربلي تحية

يوسف:سيدي محتاج شي؟

:لا بس صحت عليك علمود نلعب دعبل!

يوسف بأرتباك:س..سيدي

رديت عليه بصياح:روححح بسرعةة صيحح  الملازم مجتبى بسرعةةةة

عيد وجابه العباس الملازم مجتبى غلط والغلطان يتحاسب ووالله واجه يومك يا مجتبى

جنت مخبوص بالي كدامي وشلون بيان(واحد من المشتبهين أنه من عصابة أحسان)كدر يزور هل أوراق بدقه وأحتراف ولا الادهى من هذا مسوي نفسه دكتور ومدبر اله عياده حتى يبعهن بروسنا

قاطع خبصتي طرقات على الباب سمحتله بالدخول،ضرب تحية

:تحياتي سيدي...نزل ايده وكال...كالو طالبني

كمت من مكاني وتجهت له وعيوني يردن يطگن من الحراره البيهن

:حسب علمي قضية أحسان القذر أنت المسؤول عنها صح؟

مجتبى:أي سيدي وما زلت مسؤول عنها وبأذن الله نگدر نجيبه هل كلب

بستهزأ:تجيبه؟ههه ليش وين جنت من نقللل دفعه جديدة من البنات حتى يبعهن؟

بتوتر:بس سيدي أني أريد أوصل لخيط بسيط حتى يدلني عليه وأن شاء الله وصلت وو...

حضرته متهاون كلش بالقضية وكلش ما مهتم وجاي يحجي برهاوة هم

قاطعته بصياح:لككككك كدامك هل زفت الخيط جان بين أيديكككك وين راحححح بححح أنت أطلقت سراحه ولا وأنت الممنون

يوسف:مافهمت سيدي ؟

:حقك يابه حقك ليش قابل المخطوفات والي يتجارون بيهن أخواتك لو مرتك أكيد متهتم..... على العموم قضية أحسان تنسحب منك وعلى تهاونك راح تتعاقب بقطع رأتبك وراح تنزل واجب بالموصل ويلا ادعبل

:بس س....

:لا بس ولا خس ويلا تفضل أطلع

ضرب تحية وطلع،لزمت راسي بوجع صار أيام أرقب بيان لأن جنت معارض خروجه،بس ماحبيت أتدخل بالقضية بما أنو مجتبى المسؤول عنها هوة الي راح يتحمل مسؤوليتها ،بس معا ذالك ماكدر أكبت فضولي وتحريت عن بيان الي صانع اله

عالم خاص بي حتى يغطي عله شغله الحقيقي والي فجأني أنه دارس كلشي بدقه چبيرة،وهاي الدقة ماتجي من شخص واحد