غرست الاقدار أشواكها بقلبي

بارت 13

#غرست_الاقدار_أشواكها_بقلبي
#للكاتبة_بنين_الاسدي

الكل يبحث عن الشخص المناسب له وينسى أن يجعل من نفسه شخصاً مناسباً لأحدهم..!

"بنين"

:_"الحياة ضالمة كلش وبيها العدة حظ وبيها الحظة زفت" هذا مفهوم بعض من الناس أنُ الحياة ضالمة

والحياة بيها حظ مقسموم علة الناس چان هذا تفكيري چنت أفكرن هيچ وأگول الحياة ظلمتني وأنة ماعدي حظ

لحد ما أجة هذا اليوم الغير تفكيري والخلانة أؤمن أنُ ماكو شي أسمة حظ لأن رب العالمين مستحيل يظلم شخص ويطي حظ سيئ ويطي الغيره حظ جيد

وفهمت أحنة النظلم أروحنا بأختيارتنا ورب العالمين مخلينا مسيرين مو مخيرين

عيوني علة الكتب الگدامي چانت أية تدرس وياي وتطيني عزم ونضحك ونسولف بس كلشي تغير منهد لمن

كل وحدة بينا صارت تحت مسمى الزواج،تغيرنا من ناحية مانلتقي سوة دوم بس ماتغيرنا من ناحية وحدة تسأل علة الاخرة

أما زوجي سيف هوة والعدم ماكو مايجي أو يسأل من يوم الخطوبة وهوة ما بين

وأنة فرحانة عبن ما يشوفني رگعت وجهة،گطع صفني صوت حمدان الگعد گدامي

وهوة يتنوع وجهي أبتسمت آلة وهوة أبتسملي
حمدان:_شگاعد تدرسين؟

رفعت الكتاب
بنين:_فيزياء

هز راسة
حمدان:_بنين أريدن أگولن شي بس مو تفهمين قصدي غلط

خفت خير أن شاء الله شني من مصيبة مسوية أنة
بنين:_دحچي شفهم غير كون أعرفن السالفة حتى أحكم

ضحك وتطبگ المخدة وأرتچة عليها
حمدان:_شوفي بنين أحسچ مو بنين الأولية صرتي منعزلة عنة وماتضحكين ما تسولفين يعني أنتي ضايجة عبن سيف ما يسأل عليچ لو مايخابرچ أحچي

اووف ياخوية أتمنى أضوج مثل البنات علة هيچ سوالف

أقتربت منة وأبتسمت
بنين:_يععع خوية شني شگالولك علية أنة يذبةةة أضوچن علة زلمة لا لا هاي ما مرچية منك

هوة أنة گلت هيج لو بتليت بقى يچوعر چنة جاموس ويضحك من كل گلبة وأنة مبتسمة علة ضحكتة

حمدان:_نعلعلة بليسچ أنة هم مطي وأچي أسئلنچ عبن خايف بس صدك أنتي والحب والحزن شني حتى تضوجين علة سيف

أي لي يدري يدري ولما يدري حبت عدس ،أبتسملتة مجاملة وأجة بالي بت عمي

بنين:_خوية عوفگ من هلخريط وگلي شني بت عمنا لگاها أبوي لالة؟

عدل گعدته والحيرة نرسمت علة وجهة
حمدان:_والله حيرة يبت أبوي سالفة بت عمج سالفة أبوي ما خلة مركز ببغداد وما راحلة وقدم بلاغ حتى يلگونها ناس تگلة يمكن شاردة وية حبيبها وناس تگول تلگاها ميتة