#غرست_الاقدار_أشوكها_بقلبي
#للكاتبة_بنين_الاسدي
"إيهاب"
:_بعد أختفاء أحمد طلعت فرقة كشف كاملة للبحث عنة والاستكشاف مكانة چنت بقدر الامكان أحاول ما أخشن خاطر روان الي واضح عليها ما حابة تواجدها ببيتنا رغم
تصرفاتها مابيها شي بس ملامحها تضهر عكس تصرفاتها تماماً
گلت الامي يوم خلي أخذها لعمها بس أمي رفضت هذا الشي:_لا يمة إيهاب شلون تاخذها ألهم وهي ماتدري عدها عم يمة خاف مو زينين وهي أمانتك بعد ومسؤوليتك
كل محاولتي باتتت بالفشل بس موضوع أحسان الوحيد الي گدرت أتقدم بي
لگيت مجموعة يسموها مجموعة القائد وهذا أيد أحسان الايمنى
وچيت والله چابك
دخلت للمكتب سلمت على الكل وگعدتت واني جامع الضباط الي أثق بيهم وهمة راح يكونون بهاي العملية
وللمعلومة همة ضباط أستخبارات
جليت صوتي
:_اليوم عارفين بشنو نتناقش لو اعيد الكلام
أنتفض مهيمن بهمة
:_لا سيدي شسالفة شنو هي زيارة ورحمة الله من عادها
جاوبتة ببتسامة:_وصدقت ياهذا.....تحمحمت..المهم أحنة لازم نلزم أحسان بأسرع وكت والي تعرفو لگينا الذيل مالتة
حچة كاظم بستغراب:_ياذيل سيدي؟
رفعت حاجبي:_كويضم أستيعابك هل فترة بخطر...على العموم ذيل الچلب من يلزم نندل صوت نباحة وذيل أحسان هوة قائد أو الملقب قائد
يشتغل تحت أجناح أحسان وهوة المشرف على كل عمليات البيع سواء بنات مخدرات أعضاء بشرية مشگل يا لوز فاتح بسيط منعول الصفحة
وزايد واعيد هل عملية تكلفنا حياتنا كلنا من أني الي عبد الله
همهم عبد الله:_سيدي ذول ما عارفين وية منو ديلعبون وإذا ما الزم لك هذا قائد ما يطلع أسمي عبد الله
كاظم:_اي مو حضرتك باتمان ومنعرف أستقر وهم مو بس أنت راح تشتغل أحنة گولنا أيد وحدة
عجبني كلام كاظم أبتسمت تك حد
:_لكك أبو جاسبب كلامكك ذهب
رجعلي الابتسامة بثقة:_سيدي أعجبك
مهمين:_سيدي العرفة والمعلومات التوصلني تگول القائد مايثق بس بأثنين واحد أسمة غسان والثاني أشرف وذول هم حلقة الربط الي راح توصلنا لقائد ومن قائد ل أحسان
خذاني التفكير ورجعت ذاكرتي على روان من گالت أجوي ناس وأبوي راد يبعني الهم معقولة هي شايفة واحد منهم
جاوبتة :_هسة العليكم تلگون طريقة توصلون بيها لغسان وأشرف وبعدها ننتقل للخطة الثاني والاهم من كل هذا الهويات تتغير وأمكان السكن تتغير مفهومم
أنت تقرأ
غرست الاقدار أشواكها بقلبي
Romanceعيوني تحركني من الدموع وجهي صاير خريطة من الضرب أحاول اقاوم بس ماكو فائدة صرخاتي بدت تعلى شي بعد شي بس لا حياة لمن تنادي:أحلفك بخدر زينب عوفني عوفنيييي ليشش دتسوي هيجج أني بنتك بنتك يا ظالم داسوي قناع بشرة وجان يدخل أخوي التفتت عليه ونز من مكانه وو...
