(A/N:ဒီနေ့တော့ ပေါ်တိရဲ့ မွေးနေ့မို့ one shotလေးဘဲ တင်တော့မယ်နော်♥)
ဒီနေ့က ရှောင်းကျန့်ရဲ့ အကြိမ်နှစ်ဆယ်မြောက် blind dateပါ။သို့သော် ဒီတစ်ခါလည်း သူမအောင်မြင်ပြန်ပါဘူး။ဘာလို့လဲဆိုတော့ သူက ဆင်းရဲလို့ပါဘဲ။
သူက မိဘမဲ့ဖြစ်ပြီး သာမန်ဘွဲ့လေးဘဲရထားတာမို့ အလုပ်အကိုင်ကလည်း စားဖို့နေဖို့ဝတ်ဖို့ တတ်နိုင်ရုံလေးပါဘဲ။ဒါ့ကြောင့် ဘယ်သူကမှ အနာဂတ်အတွက် သူ့လိုလူကို မရွေးကြပါဘူး။
ဒါပေမဲ့ သူကတော့ ကျိန်းသေပေါက် အိမ်ထောင်ပြုမှာပါ။မိန်းမ မရတော့လည်း ယောကျ်ားပေါ့။ချက်ချင်းဘဲ အကျိုးဆောင်အင်ဂျင်စီကို ယောကျ်ားလေးတွဲဖက်ရှာပေးဖို့ ဖုန်းဆက်လိုက်တယ်။
"ဟဲလို...မန်နေဂျာအမ...ကျွန်တော် ရှောင်းကျန့်ပါ"
"မောင်လေးရှောင်းကျန့်...ဒီတစ်ခါတော့ အဆင်ပြေပြီမလား"
"မဟုတ်ပါဘူး"
"ဟင်...ဒါဆို အမကို ဘာပြောမို့ ဖုန်းဆက်လိုက်တာလဲ"
"ဟို...ဟို...ကျွန်တော်...မိန်းကလေးအစား ယောကျ်ားလေးတွေနဲ့ဘဲ တွေ့တော့မလို့ပါ"
"......"
"ပြီးတော့ ကျွန်တော့်ရဲ့အချက်အလက်တွေကို ပြောင်းလို့ရမလား...ဟိုဟာလေ...ဆင်းရဲတယ်ဆိုတဲ့ဟာကို ချမ်းသာတယ်လို့ ပြောင်းပေးလို့ရမလား"
တီ တီ တီ
တစ်ဖက်လူက ပြန်မပြောနိုင်တော့သည်မို့ ဖုန်းချသွားပေမဲ့ သူကတော့ ဝမ်းမနည်းပါဘူး။အခုဆို ခဏခဏကျရှုံးနေလို့ မန်နေဂျာအမနဲ့က မောင်နှမတွေလို ဖြစ်နေပါပြီ။သူမကလည်း သူ့ကိုထပ်ပြီး မကျရှုံးစေချင်တာမို့ အချက်အလက်တွေကို သေချာပေါက် ပြောင်းပေးမှာပါဘဲ။
နောက်တစ်နေ့မှာ သူမက သူ့အတွက် 'ဒီတစ်ခါ နောက်ဆုံးဘဲ'ဆိုပြီး blind dateစီစဥ်ပေးတယ်။ဒီတစ်ခါတော့ သေချာပေါက် အောင်မြင်မယ်လို့ ယုံကြည်ပါတယ်။
............
ဝမ်ရိပေါ်က blind dateကို ၂၅ကြိမ် ငြင်းဆိုပြီးပါပြီ။အမြဲတမ်း သူ့ဘက်ကဘဲ ငြင်းနေရတာပါ။ဘာလို့ဆို သူက အရမ်းချမ်းသာလို့ပါဘဲ။သေဆုံးသွားတဲ့မိဘတွေရဲ့အမွေရယ် သူ့လက်ထက်မှ တိုးတက်လာတဲ့လုပ်ငန်းတွေကြောင့် သူက တရုတ်မှာ အချမ်းသာဆုံးစာရင်းဝင်ပါတယ်။
