جـمـيلة حـارث

اعلان

قصة جديدة بعنوان جديد ، بسرد جديد ، إليكم بعض المشاهد من الروايه :

مشهد 1 :

شمس .. صارت بسرعه انا انصدمت لمن اجه كال اكو بنيه اريد اخطبها ورحت شفت لبنيه وتمت الموافقة وبعد يومين العقد ..

.. واخوج بهسرعه مستعجل على الزواج
.. جميلة حجيت وياه بس يكول اريد هاي البنيه
.. تمام الله يهنيهم

عفت التلفون نزلت دموعي .. هسه ليش ابجي عليه ... انا الثوله حبيت واحد ما معبرني .. من عمري 7 سنين وانا اباوعله كأنو بابا بس لمن صار عمري 12 سنه تغير كلشي

لمن بديت انضج .. ضليت احس شعور غريب اتجاهه صرت مااريد يعوفني .. من يسافر اضل ابجي .. ولمن جنت اشوف نضراته الي .. جنت اكول هو يحبني .. بس هسه كل آمالي انكسرت .. مدرييي شنو اسوي ...

مشهد 2 :

شاف التلفون ع الميز راح اخذه واجه عليه
.. فتحي
بدون مااحجي فتحته لان دخت ودموعي زادت
.. والله اخذتي راحتج من رحتي لبيت خالج علمود على طيحان الحظ صرتي تنزلين برامج .. بس وداعتج رح اربيج من جديد

.. لا تحجي ع بيت خالي وكتلك مابينا شي
.. شنو مابينكم شي وانتي طالعه بالصخام وبدون عبايه
.. يي اختنكت وطلعت وتصادفت وياه
.. جان دخلتي ليش ضليتي
.. يعني هو سلم وانا رديت السلام

.. كله جذب انتي حتى دليل ماكو
.. شوف بيدك التلفون شوف اذا اكو محادثات بينا او رقمه عندي
.. طبعاً غير تمسحينهن
.. حارث بهاي فعلتك جاي تهيني
.. اهينج ! لج كاعده تتمعشكين من وراي لو احد غيري جان كسرج بس انا ساكت عنج لان منا العالم

.. ها يعني لو ماكو جان كتلتني
.. كافي سكتي مااريد اسمع منج شي انطيني دليل وكتها رح اصدك بس انتي ماعندج شي واللي تحجينه كل جذب

زادت دموعي اكثرر .. هو وصل يم الباب كتله
.. الدليل انو انا احبك وماحبيت احد غيرك راحت طفولتي كلها وانا احبك هذا دليلي

شفته وكف ودار عليه اجه تقرب عليه
.. لا تكولين احبك وانتي تجذبين بيها
.. هههه انا الثوله وحبيت واحد مثلك مااعرف شنو اللي خلاني احبك ، اكره نفسي لان حبيتك

مشهد 3 :

.. شنو تردين تضمين روحج مني
.. شنوتقصد
.. انتي تعرفين قصدي
.. حارث لا تجي زهراء وخر
.. واذا اجت
.. لا تصير أناني فكر بيها تره هيه عدها مشاعر
.. ليش ماتنزلين جوه وكت اكون موجود
.. لان جاي ادرس
.. بس من اطلع تنزلين يعني ماعندج دراسه بس اذا انا اجي يصير عندج دراسه

.. استغفرالله تريد الصراحه مااريد اشوفك
.. وليش ماتردين تشوفيني
.. حارث عوفني

.. مااعوفج
.. حارث انته ليش هيج تسوي فهمني شنو تريد
.. اريدج
.. لمن اجيت احجي وياك كلت مااريدج هسه شنو تغير

.. جنت مزعوج منج ومااريد احجي وياج
.. وهسه شنو اتغير
.. كتلج اريدج
.. عوفني حارث عندي دراسه

عافني وكال
.. انتي الخسرانه

يتبع ...

ان شالله في 2022/8/25 نزول البارت الاول .