التامور (مملكة الأبطال)الجزء الاول [جاري تعديل السرد والحوار]

اقتباس

بعد عده ايام.

نزلت بيان إلي الأسفل لتناول الطعام مع إيلاف وجلست وبعد دقائق من الصمت.

بيان:هو هيجي امتي بقي انا مش هفضل متزنبه هنا كتير.

إيلاف:يبنتي انتي مستعجله أنه يجي ليه.

بيان:عشان امشي من هنا.

إيلاف:خلاص يا بيان كل حاجه انتهت بالنسبالك حياتك القديمه خلاص انسيها وانسي عيلتك كمان.

بيان:يعني ايه الكلام ده.

إيلاف:يعني مش هتعرفي تخرجي من هنا.

بيان:أما يجي نبقي نشوف الكلام ده.

بعد دقائق.

إيلاف:دلوقتي اقدر اقولك أنه جه فعلا.

بيان بإنتفاضه:نعم فين.

أشارت لها إيلاف علي الباب ثم اتجهت الي الدرج أمام الباب ووقفت بإنتظاره،فذهبت بجانبها بيان بإرتجافه ونظرت إلي الباب وهي تتمني أن لا يأتي.

بعد دقيقتان.

بيان بفرحه:ايه ده شكل إحساسك غلط.

ثواني وكانت الرياح الشديده تفتح الباب فطارت بيان ووقعت علي الدرج ثم وقفت بتأوه من ظهرها ونظرت بتعجب إلي إيلاف الواقفه أمامها وكأنها حديد لم تفعل لها الرياح شيئاً،نظرت الي الباب وجدت هاله سوداء تحيط به ثواني ودخل نفس الشخص بنفس هيئته.

الشخص:إيلاف.

نظرت له إيلاف وحركت رأسها ببطء علامه ترحيب.

الشخص:غلطتي وانا عارف ان اللي بيقعد معاها لازم يغلط فهعديها المره دي.

صمتت إيلاف ونظرت للأرض.

الشخص:اتفضلي علي اوضتك.

صعدت إيلاف إلي الاعلي ببطء،وتوجهت أنظاره إلي الواقفه تنظر إلي ما حدث بذهول شديد.

بيان بتوتر:احم استأذن أنا.

وصعدت مسرعه إلي الاعلي تحت أنظاره الساخره.