التامور (مملكة الأبطال)الجزء الاول [جاري تعديل السرد والحوار]

البارت التاسع والثلاثون

             (بِسْمِ اللَّـهِ الرَّحْمَـٰنِ الرَّحِيمِ)

_______

بعد مرور 8 شهور.

في منزل صخر.

والده صخر بصراخ:مينفعش...مينفعش تقعد كتير الناس هتقول ايه وانت بنفسك اللي ملاحظ محدش بيسيب حد في حاله.

صخر بحزن:طيب ايه يا ماما اكيد مش هنرميها في الشارع وهي حامل دي قربت تولد.

والده صخر:هتتجوزها.

صخر بصدمه:نعم،لا مستحيل دي متجوزه.

والدته:جوزها اكيد ميت هي بتحلم بيه علطول وهو ميت،هي قالتلي كده.

صخر:ولو مش ميت.

والده صخر:مفيش احتمالات دلوقت الاكيد انك لازم تتجوزها،بعد الولاده هتتجوزوا.

صخر:بس يا ماما...

والدته بمقاطعة وصوت عالي:مبسش دا اللي هيحصل.

صخر:طيب خلاص وطي صوتك هتسمعك وتزعل.

والدته:لا متقلقش هي نايمه وتعبانه.

صخر:حاضر يا ماما هتجوزها،ممكن اروح المعرض بقي.

والدته:تمام.

في المشفي.

بداخل حجره تيم.

"لو مت هتجوز غيرك....سامع...تتجوز....بيان...هتتجوز..
هي....مراتي...أنا...أنا....بيااااان"

وأخيراً تحركت الأعين وهي مغلقه وتحركت الأيد ولكن توقف القلب عن العمل،ليدخل الأطباء قائمون بعملهم محاولين إنقاذ ذلك الجسد الراقد لمده طويله ومع الانتفاضه السابعه عاد القلب للعمل مره اخري،ونظر الأطباء لبعضهم البعض بفرحه فلم يعمل القلب فقط بل عادت روحه مره اخري ليفوق وينظر لهم بتشوش.

بعد مرور بعض الوقت.

اتي شيب مسرعاً بعدما اتصل الطبيب يخبره بإفاقه تيم،فتح الباب ليدخل مسرعاً محتضناً إياه.

تيم:خلاص يا شيب هتموتني.

شيب:بعد الشر عليك،حمدالله علي السلامه.

ابتعد شيب عنه ينظر له بحب اخوي.

شيب:يلا نروح البيت،انا كلمت كله وكلهم مستنينك.

تيم:طيب طيب يلا.

شيب:انا هطلع للدكتور اخلص الاجراءات في السريع واجيلك اساعدك ونمشي.

تيم:طيب.

بالفعل ذهب شيب ولكن لم ينتظره تيم فقام وارتدي ملابسه التي اتي شيب بها له وجلس بإنتظار شيب الذي اتي وآخذه واتجهوا إلي المنزل الذي يجمعهم.

وصلوا ودخل شيب وتيم،ويحاول شيب إسناده ولكن تيم يقول إنه بخير ولا حاجه لذلك،فتح شيب الباب ودخلوا ليقف الجميع،ليليا ببطنها المنتفخه فهي علي وشك الولاده وكذلك سيلا التي علي وشك الولاده أيضاً فليليا تسبق سيلا بأسبوعين فقط،ونزار الذي تظهر علي ملامحه الحزن وكذلك سراج،وإيلاف المشتاقه لتيم ولوح وكذلك مراد الذي من الواضح إبعاده لأعينه عن أعين تيم ولم يخفي هذا الشئ علي تيم.