التامور (مملكة الأبطال)الجزء الاول [جاري تعديل السرد والحوار]

البارت الحادي عشر

في مصر.

في شركة نزار.

بمكتب نزار سمع طرق الباب ثم دخل شخص ما.

نزار:كنت فين كل ده يزفت.

مراد:بصيف.

نزار:يراجل.

مراد:كنت مشغول شويه.

نزار:طيب ارجع الشغل بقي عشان انا تعبت.

مراد:ليه مانت كنت بتتفسح ف فرنسا.

نزار وهو ينهض ببطء:بأيه.

مراد:بتتفسح في فرنسا.

نزار وقد اقترب منه:وبتعيد تاني اه يا كلب.

ثم ركض مراد وركض نزار ورائه حتي مسكه من ياقه قميصه من الخلف( من قفاه).

نزار:بقي انا كنت رايح لصفقه في فرنسا وانت هنا مشغول بمعرفش ايه وفي الآخر تقولي بتفسح يمعفن.

مراد:سيبني ياعم ايدك من علي قفايا كده برستيجي.

نزار:بأيه برستيج مين ياخويا.

مراد:ايه يا نزار حسن ألفاظك كده انت كنت في فرنسا حتي متعلمتش من الأخلاق هناك.

نزار:وهو اللي يشوف خلقتك يبقي محترم حتي لو راح جزر المالديف.

مراد:نزار بجد عيب كده اوعي ايدك دي.

تركه نزار وهو يبعد الحصي الوهمي من علي كتفه.

نزار:إلا قولي انت كنت فين.

مراد:..

قطع حديث مراد دخول فتاه المكتب.

سيلا:ها يا نزار هبدأ امتي.

نزار:اترزعي هنا.

سيلا:الله وأنا مالي يا لمبي.

مراد:والنبي يبنتي دا بيخانق دبان وشه من الصبح مش عارف ليه.

نزار:مراد.

مراد:ينعم.

نزار:نعم الله عليك تعرف تخرج دلوقت.

مراد:نخرج يخويا يخربيت اللي يجي مكتبك تاني.

خرج مراد واتجه لمكتبه حيث أنه شريك نزار في الشركه
بينما نظر نزار إلي سيلا بضيق.

سيلا:مالك.

نزار:مليش.

سيلا:لا بجد مالك.

نزار:حاسس ان مراد متغير شويه.

سيلا:يمكن عنده مشاكل.

نزار:لا لو عنده مشاكل كان هيحكيلي لكن طالما محكاش يبقي كده فيه موضوع تاني في دماغه مش مشاكل.

سيلا:يمكن فتره ويحكيلك.

نزار:مش عارف مش مطمن.

سيلا:طيب أبدأ شغل.