التامور (مملكة الأبطال)الجزء الاول [جاري تعديل السرد والحوار]

البارت الحادي والعشرين

               (بِسْمِ اللَّـهِ الرَّحْمَـٰنِ الرَّحِيمِ)

_______
وصل نزار فرنسا واتجه مباشره الي تلك المشفي التي أخبرته بها ليليا وسأل عن الغرفه ثم صعد الي الطابق الموجود به بيان وجد تيم يقف أمام إحدى الغرف اتجه إليه وعلي وجهه علامات الغضب ثم وصل وامسكه من ياقه قميصه.

نزار:عملت ايه في اختي يا تيم.

نظر له تيم بصدمه كيف علم ما حدث ولم يتحدث.

نزار بغضب:بقولك عملت ايه عملت فيها ايه حسبي الله ونعم الوكيل حسبي الله.

تيم بحزن:انا اسف.

نزار بسخريه:اسف لا شكرا كنا محتاجين اسفك هل ده هيرجعلي اختي ها انطق اسفك هيرجعها من الغيبوبه.

تيم:انا...

قاطع حديثه لوح التي أتت منذ قليل وسمعت ما حدث واتهام نزار لتيم فقررت قول الحقيقه لأخيها.

لوح:انا السبب.

التفت اليها كل من نزار وتيم ثم أشار لها تيم بعينه علامه تحذير فلم تهتم واقتربت من نزار الذي أخذ يشبه عليها ويشعر أنه رآها مسبقا غير هذه المره التي رآها فيها مع شيب وليليا في المطعم.

نزار:انتي قصدك ايه بإنك السبب.

لوح:احم انا هحكيلك كل حاجه.

تيم بتحذير:لوح.

لوح:لا يا تيم مش هسكت انا غلطت وهعترف بغلطي.

نزار بحده:اتكلمي.

لوح:انا اسمي لوح حسام وابقي بنت خاله تيم وشيب وايلاف يعتبر اتربيت مع ايلاف لكن تيم وشيب كنت بعيده عنهم وإن كنت شوفت حد فيهم فهو كان تيم وشيب مكنتش بشوفه خالص أما ابتديت اكبر وأشوف تيم اعجبت بيه ومع الوقت حبيته وقولتله اني بحبه بس هو مهتمش بالكلام ده ومهتمش لاي حد في عيلته اصلا عشان يهتم إذا كنت بحبه ولا لأ المهم أنا بعدت وسافرت مصر والكلام ده كان اما امي ماتت وسافرت بعدها علطول وكان عندي 20 سنه وكملت كليه هناك في مصر وغيرت اسمي وكنت بعرف كل فين وفين معلومات عن تيم وشيب وبعديها بخمس سنين عرفت معلومات أن تيم اتجوز ساعتها اتضايقت جدا واتخنقت وسألت نفسي اشمعني اللي اتجوزها ليه متجوزنيش انا...انا بنت خالته وأولي بيه وبحبه ساعتها شيطاني عماني وقررت أبعدها عنه بأي طريقه ففكرت كتير ازاي ائذيها ومأذيهاش في نفس الوقت بس في يوم الصبح كنت بتمشي علي الشاطئ ولقيت شاب قاعد علي الشاطئ وفي أيده آله ساعتها جات في دماغي فكره أما سمعت كلامه مع نفسه كان بيقول نجحت نجحت عرفت أنه اخترع الآله دي فكرت وقولت اخليه يخترع آله تأذي بيان فروحتله واتعرفت عليه وعرفت أنه فعلا بيعرف يخترع فعرضت عليه فكرتي وأنه يخترع آله اشعه بحيث اشحن الجهاز بالاشعه واسلطها علي اي حد وهو وافق وأما سألني ليه قولتله أنها هتبقي مشروع تخرج لصاحبتي وعرفته بنفسي اني اسمي نور وبعد فتره كان خلص الجهاز وأما خلصه خدته وجيت هنا علطول وبدأت خطتي وأما بيان كانت بتتخانق مع تيم انا سلطت جهاز الاشعه عليها وأدي الي أنها وقعت وكمان أما وقعت وفاقت انا استغربت قوتها ودا غاظني اكتر فسلطت الاشعه علي النجفه ووقعت بس برضو مش عليها وفي النهايه بيان وقعت علي الترابيذه الازاز وأما ساحت في دمها انا فوقت وحسيت باللي عملته بس بجد انا عمري ما كنت وحشه انا عملت كده عشان بحب تيم وعارفه أنه مش مبرر كافي انا اسفه بجد واتمني تسامحوني.