يا اهل العذاري يا اهل العيون الكحيل

يا اهل العذاري يا اهل العيون الكحيل بارت 28 ،

= يا اهل العذاري يا اهل العيون الكحيل بارت 28 ،
'
ام سعود بهدوء : اعرف الي صار ببنتك واعرف شصار ذيك الليله وحتى لو وضحت لك و بررت عن ولدي راح تصدقين اعرف لكن الناس مستحيل يصدقون هُم يصدقون الي شافوه ما يصدقون الحقيقه ،
ام منال : ماراح احط اللوم على ولدك لانها حتى بنتي غلطت الاثنين غلطانين لكن انتي ولدك الي غلط اكيد ماراح تحسين بشعوري لاني انا ام لبنت ،
ام سعود : لا صدقيني انا حاسه بشعورك واعرف هالشعور وانا بعد عندي بنت ومابي بسبب غلطه من اخوها يتدمر حياتها و تقعد عانسه طول حياتها انا ولدي غلط وانا جايه اصلح غلطته و اطالب بيد بنتك منال لولدي سعود واتمنى توافقون ،
ام منال انصدمت وهي تناظر لـ ام سعود ،
'
ابو منال : طول حياتييي كنت اخاف بيوم اسمع كلام عن بنتي لكن شف اليوم بسبب ولدك الناس يتكلمون بشرف بنتييي!
ابو سعود تنهد بضيق : ماراح اقولك ولدي مو غلطان هو فعلًا غلطان لكن راح اقولك ولدي تربى بين يديني وانا ابوه و اعترف هو غلطان بس صدقني ما تعمد يغلط ،
ابو منال : هو تعمد ولا ما تعمد يا ابو سعود بس حياة بنتي الي تدمر شسوي فيه! كنت اخطط لـ مستقبلها بعد شهر عرسها و شف الحين طول حياتها تجلس عانسه لا مستقبل ولا هم يحزنون والسبب ولدك! غلطه منه دمر حياة بنتي!
ابو سعود : هو دمر حياته وهو الي راح يرجع لبنتك حياتها انا جيت اليوم عشان اطالب بيد بنتك لولدي سعود ،
ابو منال صد : مالي وجه عشان ارفض ولا لي وجه اوافق ،
ابو سعود : لا تقول كذا عالاقل نقدر نوضح انهم كانو مخطوبين محد عارف بنتك كانت مخطوبه لاحد نقول انه سعود كان خطيبها نقول اي شي ونسوي عرسهم ويعيشون حياتهم ويتحملون افعال غلطتهم هُم احنا ليه نتهرب من الناس! و ندفن انفُسنا بالبيت عشان ما نسمع كلام الناس! هم الي غلطو وهم الي يتحملون وهذا نتيجة افعالهم ،
ابو منال بهدوء : صح كلامك وانا لو رفضتك و تكبرت ماراح يخرب الا حياة بنتي وولدك غلط وهو يعدل غلطه ف اعتبر اني موافق ماعندي اعتراض ،
'
ترفه بحدها : قل ان شاء الله يوافقون بس ،
سعود بصدمه : وليه اقول ان شاء الله! جعلهم ما يوافقونن ابويي قاعد يدمررر حياتييي يا ترفه بدون موافقتييي!!!
ترفه : وانت دمرت حياتهااا هييي ،
سعود : انا قلت لكم اني مو موافق وعلى اي حال هالعرس ماراح يتم ولا راح اوافق وقلت كلمتي وانتهى ،
ترفه : صدقني ابوي ما ينتظر موافقتك !
سعود : ليه شيسوي بالضبط! لو ما اوقع ماراح يتم هالعرس ،
ترفه : ولا ابوي الي راح يتم عايش بهالحياه لا تنسى يا سعود هو عانى كثيررر من نجود لا تكرر غلطة نجود!
سعود : ليهه يااا ترفهه ليههه تحطونييي بموقف صعب ليهه!
ترفه : طب ايششش سبب رفض مو بالنهايه راح تتزوج!!
سعود : اييي لكن مو بهالطريقه يااا ترفه انا مُخطط كثير اشياء لحياتي واحقق احلامي واشوف حياتي !
ترفه : دامك غلطت ف تحمل النتيجة مو بيدنا شيء ،
'
هزاع ناظر لاسماء الي ما وقفت بكاء تنهد بضيق والتفت لها وهمس : خلاص يا اسماء لا تخلين سلطان وخالد يشكون بشي! انسي خلاص اعتبري ما صار شيء ،
اسماء صدت : كيف اعتبر ما صار شيء يا هزاع! تكفى انت علمنيي مينن هيي امي هي فعلًا حيه!
هزاع صد : لا توجعين قلبك هالكثر يا اسماء خلاص!
اسماء بدموع : تكفى هزاع علمني و اوعدك ماعاد اسال ،
هزاع : طلقها عمي والغلط مو منها من ابوكِ يا اسماء كان كل ليله عن وحده كان انسان فاسد بس بعد ما ولدتي و امك حطك برقبته وقته تعدل وخطب خالتي وهي ربتك ،
اسماء نزلت راسها ورجعت تبكي : ليهه ماااا قتلتنييي ليهه حطتنييي برقبتهه ليههه !!! و فزت وناظرت لـ هزاع و دموعها تنزل : ءءتذكرت عشان كذاء لما كنا في بيتنا ءءسكتت وهي تبكي وتصارخ : لااا مووو عشانن كذاا يا هزاع مو عشانن كذا ،
هزاع بصدمه : اسماء شقاعده تقولين شصايررر؟؟
فجاه دخلت ام سلطان وناظرت بصدمه وهي تشوف هزاع جالس جنب اسماء : مااا كفاككك الييي سويتهه فيهااا !!!
هزاع قام وقف وناظر فيها : خالتي انا ما سويت شي و..سكت وهو يشوف ام سلطان : اطلععع براااا ،
اسماء قامت وهي تناظر لامها : انتيييي الييي طلعيييي انتييي خبيتييي عنيييي مااا علمتينييي ليههه ليههه!!!!
هزاع سحب نفسه وقام طلع لبرا ، وهو يسمع صراخ اسماء ،
اسماء ببكاء : ليهه ما علمتينييي ليههه عشاننن كذاا عمتييي هناك رفضتتنيي اتزوج من ولدهاا لانييي مو وحده شريفهه!!!
ام سلطان صدت وهي تمسح دموعها ،
اسماء دفتها : اطلعييييي برااا اطلعييي بسببك كل شييي بسببكككك انتيييي الييي دمرتييي حياتييي انتيييي ،
'
كحيله كانت منسدحه على الكنب وهي تتذكر سوالف البنات ابتسمت بهدوء لكن فزت وهي تشوف عجلان فتح الباب و دخل ناظر فيها : تجهزي بنطلع لمشوار انتظرك تحت ،
كحيله بهدوء : ءءوين نطلع؟
عجلان : قلت تجهزي ما قلت اسالينيي!
كحيله تنهدت ومشت بهدوء فتحت الدولاب تطلع ملابس
سحبت فستان اسود لكن وقفت وهي تسمع ،
عجلان : تلبسين هذا؟
كحيله ناظرت فيه وهز راسها بـ اي ،
عجلان : ليه اخذك لـ عزاء انا؟ صد عنها ومشى وهو يناظر لملابسها و سحب فستان ازرق وناظر فيها البسيه ،
كحيله اخذته منه وصدت ومشت ،
عجلان مشى جلس على السرير وهو يطقطق بجواله وينتظرها ، بعد دقايق طلعت كحيله ومشت وهي تعدل شعرها عجلان ترك الجوال و التفت لها : اخلصي ،
كحيله تجهزت وخلصت عجلان مشى كحيله لحقته
عجلان نزل وهو يشوف لطيفه جالسه بالصاله و التفت لوراء ومسك يد كحيله ونزل : حنا رايحين ونتعشى برا لا تنتظرينا،
لطيفه استغربت الصباح كانو متهاوشين والحين ياخذها ،
لكن عجلان عرف انها تشك بشيء لذلك قرر يطلعون مع بعض
عجلان ابتسم بخفه و سحب يد كحيله وطلعوا ،
'
هزاع : عمي عرف بشيء؟
متعب : لا وقلت لخالتك ما تعلمه لانه لو عرف راح يزيد المشاكل وانت تعرف ابوك ماله حيل لشيء بعد كحيله ،
هزاع : كنت معها وحاولت اواسيها ،
قاطعه متعب : تواسيها في ايش؟ تقول لها والله امك كانت وحده شريفه و ابوك كان انسان كفو ؟ ايش راح يسوي فيها مواساتك التافه يا هزاع!
هزاع صد : عصبت من حركاتها وما توقعت الموضوع يوصل لـ كذا ولا توقعت امي تسوي كذا ،
متعب : حلو لكن الحين ايش يصلح علاقة امك وخالتك؟ و كيف ترجع اسماء تتقبل اهلها وكيف ترجع لحياتها! كل هذا بسببك يا هزاع وتحمل اي شي يصير فيهم بسببك ،
هزاع بصدمه : انا م..سكت وهو يشوف متعب صد ومشى ،
'
عجلان كان جالس بالسياره ويطقطق بجواله والسياره واقف
كحيله كانت تحس بالحر : متى نمشي؟
عجلان التفت لها : ليه انتي مصدقه اخذك لمشوار ومعي! كل هذا عشان امي ما تشك بشيء ولا انا مو فاضي اروح مع وحده زيك صد وهو يطقطق بجواله كحيله كانت منصدمه منه ،
'
ابو سعود بصراخ : راحححح تتزوج منهاااا وبسسس فاهمم!!
سعود بعناد : واناا قلت ماراح اتزوج منها وهذا قراري،
ام سعود بصدمه : تعاند ابوك!
سعود : اي اعاند اذا هالشيء يخص حياته اذا عناده اني اتزوج منها فانا عنادي ماراح اتزوج منها ! يمه الزواج مو لعبه الزواج اني اعيش معها كل حياتي! وانا مو مستعد لهالشيء ،
ابو سعود : طيب اجل اذا هذا قرارك الباب قدامك ومن بعد هاليوم لا اعرفك ولا تعرفني وانسى امك واختك ،
سعود بصدمه : يبهه كيففف تسوي فينيي كذا عشاننن وحده! ماهي مننا ولا فينااا ولا نعرفها ولا نعرف اصلها وقبيلتها !
ابو سعود : انت قلت قرارك وانا قلت قراري والي تشوفه صح سويه بس قسم بالله يا سعود اني اتبرا منك لين يوم الدين ،
ام سعود فزت من كلامه وناظرت لسعود الي كان معصب ووجه معرق ، ترفه ناظرت لسعود : سعوددد خلاصصص ،
سعود صد : تتبرا مني عشانها صح! طيب اجل يا يبه راح اطلع من هالبيت و خلها تفيدك هي و اهلها وصد بيمشي مسكته
ام سعود : سعودد شقاعددد تقوللل منجدككك!!!
سعود : اسالي ابوي الي شيقول يتبرا مني !
ام سعود ناظرت لابو سعود : اتركه و روح انا اتفاهم معه ،
ابو سعود : بس قولي له لا يناديني ابوي اذا يكسر كلمتي ومشى، سعود صد بقهر : يمه شصاير لابوي!!
ام سعود ناظرت لـ ترفه : روحي لغرفتك انتي ، ترفه استغربت ومشت ام سعود ناظرت لـ سعود : اجلس! سعود جلس ،
ام سعود جلست جنبه وناظرت فيه : ليه تسوي كذا في ابوك ؟ ايش راح يصير لو وافقت! هو خايف على حياة ترفه انت علمني مين الي يرضو ياخذ وحده اخوها غلط مع بنت!
سعود بقهر : يمهه انا ما غلطت مع..قاطعه ام سعود وهي تناظر فيه : لا تعصب وهذا كلامك انت يا سعود اما الناس كلامهم غير ويقولون كلام قذر ولا احد يقدر يوقفهم! و ترفه صغيره باقي وراها حياة وانا مابي بسببك يخرب حياتها ! ابوك ماعاد فيه حيل كل مره يتهرب من مكان لمكان يا سعود!
سعود بحزن : يمه ادري والله ادري وماكان قصدي اني احزنه او اكسر كلمته و اكسر بخاطره بس انا مو مستعد اعيش حياتي مع وحده معرفها ولا اعرف عنها شيء!
ام سعود : مو مشكله ياولدي راح تعرفها بعدين هذا انا وابوك تزوجنا وحنا صغار ولا نعرف معنى الزواج بس قدرنا نعيش وانا اعرف انتم في زمن مو زمننا لكن بنفس الوقت فكر بحياة اختك اذا ما يهمك حياة منال ف اكيد همك حياة اختك!
سعود تنهد وهمس : يمه معرف والله ولا هي بخاطري ،
ام سعود ابتسمت بهدوء : ما يهم الحين هي بخاطرك ولا لا لكن متاكده راح تجي بهالبيت وتحبك وتهتم فيك وتجيبون اطفال حلوين وتملون هالبيت بسعادة و احفاد شف بعد نجود كيف صاير حياتنا ما ذقنا فرحه من بعدها عالاقل انت فكر ب ابوك واحترم عمره و تعبه و وافق على كل شي يقول و راح تجي منال و تقعد معها و تتفاهمون الحياه مو كذا ياولدي زي ما انت مفكر احلامك و كل شي في بالك راح تقدر تحققهم وانت معاها بعد وهي جت عندنا وانا شفتها محترمه وحلوه وامها بعد انسانه طيبه لا تفكر انها وحده مو زينه تطمن انا شفتها واختك بعد جلست معها وشافتها وحبيناها ،
سعود سكت وهو يناظر لامه ،
'
فارس كان منسدح على الكنب ويطقطق بجواله و يوسف قدامه يلعب نجود مشت شالت يوسف تغير له ،
فارس ناظر فيها : ودك نطلع نتمشى؟ فاضي اليوم ،
نجود هزت راسها بالنفي : لا مو بخاطري ،
فارس : من امس مو بخاطرك شي ليه شصاير؟
نجود : مو صاير شيء بس تعبانه شوي ،
فارس : اجل خلينا نروح المستشفى نشوف سبب التعب ،
نجود فزت بخوف : ءءلا لا ما يحتاج مستشفى ،
فارس : طيب براحتك انا طالع اشوف عجلان اجلس معه ،
نجود صدت : مو ناوي تبعد عن هالكافر ؟ كل ما رحت عنده اقعد خايفه اخاف تصير زيه ،
فارس بهدوء : مو زيه ولا راح اصير يا نجود وانتي تشوفيني وانا اصلي و اروح المسجد بوقتي واذا عن حركاته مع البنات ف صدقيني جعل ينكسر يديني اذا لمست غيرك لكن ايش الي كافر يا نجود! انتبهي على الفاظك وانتي تتكلمين ،
نجود : ليه هو مسلم يا فارس ! لا يعرف ربه ولا يصلي والي ما يصلي عمره ما صار مسلم الي ما يصلي كافر يا فارس و صديقك كافر حتى لو تنكر وانت تدري هو  طول حياته ما سجد ولو سجده وتقول عنه مسلم! لو يعرف ربه ما سوا كذا بالمسكينه ،
فارس بصدمه : هي قالت لك شيء؟
نجود صدت : اي وقت جت اشتكت لي بس ما علمتك ،
فارس : كنت عارف انها اكيد اشتكت لك بس كذبتي علي ،
نجود : تكفى فارس طلعه من حياتك ولا تقابله ولا تاخذ يوسف عندهه من تجيبه من عنده وهو ريحته كله دخان عالاقل قدام الطفل لا يدخن!!
فارس بهدوء : نجود عجلان ماله ذنب بشيء الحياه الي حدته لا تلومينه على شيء هو ماله ذنب ،
نجود صدت : واحد يشرب ويدخن ولا يصلي ولا يذكر ربه تقول الحياه حدته! هذا زين لو هالحياه باقي مخليه يعيش ،
فارس : مافيني اناقشك اكثر عنه ولاعاد تجيبين طاريه ،
نجود : وانت بطللل تروح له وتاخذذذ ولدييي انا مستحيللل اعيش معك اكثر طول ما انت رايح وجاي مع هالكافر ،
فارس بحده : نجوددد شصايررر لعقلككك!!! ولا التعب متاثر عليكِ! روحي نامي صد ومشى فتح الباب وطلع ،
نجود انقهرت وسحبت يوسف ومشت تغير له ،
'
عجلان ناظر فارس كان يتصل وناظر لـ كحيله : خلاص انزلي روحي البيت واذا امي سالت منك عني قولي لها رحت مشوار و راجع ، كحيله صدت ونزلت وتنفست براحه ومشت للبيت ،
بهاللحظه فارس وقف سيارته ونزل مشى ركب سيارة عجلان والتفت له : وين رايح؟
عجلان : ولا مكان جالس هنا اريح نفسي من العذاب ،
فارس : غريب تريح نفسك من العذاب لوحدك؟
عجلان ضحك وناظر فيه : ليه يعني لازم اكلمك تجي؟
فارس : ماعلينا اكيد الزواج غيرك ،
عجلان صد : ليه كل مره تعيد هالكلام وانا من قبل ما تغيرت عشان الحين اتغير وتسميه زواج هالعلاقه؟
فارس : ابد اعرفك ماراح تتغير واذا ما اسميه زواج ايش اسميه و توقيعك كان ايش؟ عجلان صد وهو يولع الدخان ،
فارس : متى ناوي تعقل وتبطل ؟
عجلان : على جثتي ،
فارس : ماراح تتغير طول عمرك بس بالنهايه لازم تفكر يا عجلان حاولت معك كثير و ارجع احاول حلا مالها غيرك!
عجلان : ليه صاير تجيب طاريها هالكثر ؟
فارس رفع كتوفه : معرف يمكن خايف تجيب منها بعد ،
عجلان : اووه عشان كذا تذكرني بـ حلا يعني توضح لي حتى لو جبت هالمره راح يطلع نفس حلا؟
فارس بصدمه : عجلان ليه تفهم مقصدي غلط!! مو قصدي كذاا اعرف حلا والي فيها لكن وربي ما قصدت كذا!
عجلان : تعرف شي يا فارس امس جت على بالي وقلت ليتني ما عطيتها الحُب كان حلا الحين ما عاشت هالعيشه ، الغلط مني يا فارس ،
فارس صد : الغلط منها انها وافقت على حبك التافه ووافقت تاخذ واحد زيك يا عجلان اذا انت تعرف طبعك وتعرف افعالك ليه جبت هالمسكينه علمني؟
عجلان ناظر فيه : هي كانت تبي مو انا ،
فارس : لانها كانت متوقعه انك كفو بس خيبت ظنها وانت من سرير لسرير لين عافتك وعافت الحب والزواج منك ،
عجلان صد : لكن انا الى الان اعترف ما حبيت احد كثرها هي الي وصلتني لهالحاله ،
فارس بسخريه : والي يرحملي والدينك اسكت خلاص اي حب تتكلم عنه وانت حتى زواجك منها ما وفيت معها !
عجلان : ليه متعمد تحط كل الغلط علي؟
فارس : لانييي اشوف الغلططط منكككك يااا عجلانن انت الغلطان بكل علاقهه بس طلبتك يكفي بطل خلاصصص ،
عجلان : ليه ي فارس اشوفك متغير هالايام كل مره تذكر لي اشياء اهرب منه لا تاخذنا لورا طلبتك خلني بواقعي ،
فارس : اذا خليتك بواقعك ف انت تنسى الي وراك والي بانتظارك والي امله فيك بهالدنيا والي مالها غيرك!
عجلان : اعرف حلا مالها غيري وانا مستعد اضحي بروحي عشانها يا فارس بس سكت والدموع تتجمع بطرف عيونه و صد ،
فارس بحزن : اسف يا عجلان مو قصدي اوجع قلبك عليها واعرف انت تحبها ومستحيل تنساها عشان اذكرك فيها بس الي ضايق خاطري انك ليه للحين تاركها بالغُرب؟
عجلان بهدوء : فارس الله يخليك فكني من هالضيق والهم خلاص خلني اهرب قد ما اقدر ،
فارس : اهرب يا عجلان اهرب بس مردك ترجع لورا تتذكر الاشياء الي طيحتهم وانت تهرب و اولهم حلا ،
عجلان سكت وهو يدخن فارس كان ساكت يناظر فيه ،
'
ام سلطان ناظرت لـ مريم : روحي شوفي اختك ،
مريم : بس يمه كيف اتركك لوحدك وانتي بذي الحاله؟
ام سلطان بهدوء : مافيني شي روحي انتبهي لاختك شوفي اكلت شي ولا لا من الصباح مقفله على نفسها ،
مريم قامت بهدوء ومشت لغرفة اسماء لكن وقفها هزاع وناظر فيها : للحين زعلانه؟
مريم : اي ومو راضيه تاكل شيء من الصباح ليتك ما طولت الموضوع هالكثر ، هزاع تنهد وناظر فيها : اشوفها انا روحي انتي شوفي خالتي ، مريم مشت هزاع مشى بهدوء وفتح الباب اسماء كانت واقفه عند الشباك وتناظر بصمت هزاع مشى بهدوء ووقف جنبها وناظر من الشباك : ايش تشوفين؟
اسماء صدت : اشوف اذا طحت من هنا اموت ولا هالحياه يخدعني وما يجيب لي الموت نفس ما خدعني ب..سكتت من تكلم هزاع : حتى تفكيررر لااا تفكريننن فاهمه!
اسماء ناظرت فيه : اخاف ارد وترجع ترفع يدك!
هزاع بقهر : ماكان قصدي بس تعرفين ما احب احد يعاندني!
اسماء بدموع : بس تصدق انا مو زعلانه و زين الي سويته عالاقل عرفت قيمتي وعرفت حدي وعرفت حقيقتي ،
هزاع : خلينا من هالموضوع قولي ليه ما اشوفك بالحوش؟ وليه مريم تقول ما اكلتي ايش مزعلك من الاكل؟
اسماء صدت : مالي خلق لشيء بس ابي اعرف ابوي ليه سوا فيني كذا ليه م يجي هنا!
هزاع : مشغول مع ابوي و ايش تستفيدين تكلمينه وتكسرين قلبه بدون فايده ؟
اسماء : ...
'
'