يا اهل العذاري يا اهل العيون الكحيل

يا اهل العذاري يا اهل العيون الكحيل بارت 31 ,

= يا اهل العذاري يا اهل العيون الكحيل بارت 31 ,
'
= يوم جديد على ابطالي =
'
منال طول الوقت قعدت صاحيه ولا ذاقت لذة النوم من التوتر فجاه دخلت امها وناظرت فيها : جهزتي اغراضك كلها؟
منال بهدوء : اي بس ءراح ياخذني اليوم؟
ام منال : ايي وقالو راح يجون بعد شوي اهله ،
منال مشت جلست على السرير وهي متوتره رفعت راسها وهي تناظر بالسقف ، فزت وهي تسمع صوت ترفه وامها ،
ام منال ابتسمت وهي تحضن ام سعود ،
ترفه : بناخذ عروستنا اليوم خالتي ،
ام منال بهدوء : ايي يا بنتي الله يكتب الي فيه الخير ،
ترفه دخلت لغرفة منال وهي تشوفها جالسه تعدل شعرها ومشت حضنتها : جيت اجهزك اخوي راح يدخل يشوفك ،
منال فزت بخوف : ءءليه يشوفني؟
ترفه : مو تلبسون الخاتم لبعض؟
منال سكتت وهي تحس التوتر زاد اكثر ،
ترفه مشت وهي تعدل لها شعرها ومكياجها ،
'
سعود وقف وهو يعدل شماغه ابو سعود ناظر فيه ومشى وقف قدامه : كنت ادري ماراح تكسر كلمة ابوك ،
سعود بهدوء : انت تعرف يا يبه اني طول عمري كنت اركض ورا رضاك وما يهمني غير سعادتك انت وامي ،
ابو سعود ابتسم وحط يده على كتف سعود : الله يوفقكم ويهنيكم ويجعله بداية خير لحياتكم ،
سعود ابتسم بهدوء وطلعو توجهو لبيت ابو منال ،
ابو منال ناظرت لـ سعود و صد وهو يسلم على ابو سعود ،
'
ديم بقهر : اليوم عقد قرانها وعزمتني بس مقدر اروح احس بالم بظهري واخاف تزعل مني ،
ام عساف : مو قلتي عرسها بعد شهر؟
ديم بكذب : اييي بس فجاه قررو اليوم عقد القران ،
ام عساف : غريبه بس ماعليه اعتذري منها ،
ديم : بروح انام وادري راح تزعل مني ،
فجاه دخل فيصل وهمس : شصاير ومين تزعل منك؟
ديم : صحبتي منال اليوم عقد قرانها وانا تعبانه مقدر اروح ،
فيصل : اجل اعتذري منها او وصلي لها ورد و باركي لها ،
ديم فزت بفرح : ايييي تكفى فيصللل وصل لها انت ،
فيصل : تستهبلين السواق موجود او كلمي مندوب ،
ديم : لااا تكفى انت روح وحط الورد قدام بيتها و دق الباب واكتب اسمي على البطاقه عشان تعرف ،
فيصل تنهد : يلا عشانك تعبانه مقدر ارفض لك ، وقام طلع و توجه لمحل الورد واخذ وكتب على البطاقه زي ما طلبت ديم و توجه لبيت منال نزل ومشى وقف عند باب بيتها ،
وصور لـ ديم : هذي شقتهم ؟ ديم ردت عليه بـ اي ،
ترفه : يلاا رايحه اجيببب من بيتنا القهوه ، فيصل قرب وحط الورد عند الباب و قرب يدق الباب لكن فز من ترفه فتحت الباب وبسرعه عطا ظهره للباب ، ترفه انصدمت وهي تشوف شخص طويل وواقف فزت و رجعت من لمحته ،
فيصل قام نزل ترفه حطت يدها على قلبها بخوف ،
'
سعود قرب وهو يوقع بهدوء و قراو الفاتحه وخلصو ابو منال قام مشى لغرفة منال وناظر فيها : وقعي واخلصي بسرعه ،
منال قربت توقع و دموعها تنزل ، ابو منال كان معصب منها،
ابو سعود قام وهو يحضن سعود : مبروك ياولدي ،
سعود ابتسم بهدوء لكن سمع صوت جواله وامه تتصل اخذه و رد بهدوء : هلا بنمشي؟
ام سعود : وين تمشي باقي تجي تشوفها و تلبسها الخاتم ،
سعود : يمه مو فاضي لذي الخرابيط خلاص اشوفها في البيت،
ام سعود : اسكت واطلع لبرا انتظرك ، سعود تنهد وسكت ،
ترفه مشت عند منال : يلا تعالي اخوي جاي ،
منال مسحت دموعها ومشت معها وطلعت للصاله ،
ام سعود ابتسمت وحضنتها وباركت لها ، منال جلست على الكنب ، ام سعود مشت تنادي سعود ،
سعود : قسم بالله يمه انكم فاضين خلاص اشوف..سكت من ام سعود سحبته : اسكت ويلا تعال ، سعود سكت و نزل راسه و دخل للصاله ام منال مشت تبارك له وسلم عليها ،
ومشى بهدوء وقف قدام منال ولا ناظر فيها ،
ترفه مدت له الخاتم سعود اخذه وناظر لـ منال الي كانت ترتجف بخوف قرب مسك يدها وهو متوتر وقرب لبسها الخاتم منال حست ببرود يده و رجفة يده وسحبت يدها بسرعه ،
ام سعود مدت الخاتم لـ منال سعود مد يده منال لبسته الخاتم بدون ما تلمس يده ،
'
نجود ناظرت لـ يوسف كان يلعب وفارس مشغول وبيده الاوراق ويناظر لـ لابتوب وواضح منزعج من شغل الشركه ،
ومشت بهدوء حطت قدامه كاسة مويا : اسوي لك قهوة؟
فارس هز راسه بالنفي : لا بس كوي لي ثوبي عندي مشوار ،
نجود : راح تتاخر ؟
فارس : مدري والله اشوف ، نجود مشت بهدوء ،
يوسف كان يلعب ومشى عند فارس عشان يشيله لكن بالغلط دف الطاوله وطاح كاسة المويا على الاوراق فارس فز وناظر لـ يوسف وبصراخ : شسويتتتت و لا شعوريًا عطاه كف ،
نجود فزت من صراخ يوسف وهو يبكي وصراخ فارس ،
و ركضت طلعت : شص..سكتت وهي تشوف انه يوسف كب المويا على اوراق الشركه ،
فارس رجع ضربه و دفه لوراء يوسف طاح على الارض وهو يبكي نجود مشت شالته وهي ،
فارس بصراخ : شتسوينننن انتييي مااا تشوفيننن انيي قاعد اشتغلل تتركينهه عندييي!!!
نجود بخوف : ءرحت عشان اكوي ثو...سكتت وهي تسمع صراخه : الحيننن ايشششش اسويييي ايششش اجاوبببهممم والله ولدييي كب على المويا على الاوراققق!!! وناويهه تجيبينن الثانيي بعددد انتييي ..صد وسكت ومشى للغرفه وقفل الباب بكل قوته ، نجود ناظرت لـ يوسف الي ما وقف بكاء حضنته وهي تسكته ومشت شالت الاوراق وحطتهم قدام المكيف وناظرت لـ يوسف : وانت بعد يا بابا ما تغلط الا لما ابوك يكون معصب! يوسف كان يبكي نجود تنهدت بضيق وهي تحاول تسكته مشت فتح الشباك وناظرت ليوسف : شف القطوه ،
يوسف صد وهو يصارخ ، نجود خافت انه فارس يعصب من صراخه و صياحه ومشت فتحت الباب الخارجي وحطت يوسف عنده : شف شف القطوه وين رايح ،
يوسف ضحك وهو يشوف القطوه وبنفس الوقت يبكي ،
نجود ضحكت من ضحكته وقربت وهي تبوسه وتمسح دموعه ،
'
منال ودعت امها ودموعها بعيونها وناظرت لـ ترفه ومشت معاهم سعود كان برا ينتظرهم والتفت وهو يشوفهم يطلعون منال مشت مع ترفه للبيت سعود كان واقف ينتظر ابوه ،
ام سعود التفتت له : امش انت روح لزوجتك ابوك يجي بنفسه ، سعود تنهد و لحقهم ودخل البيت وقفل الباب،
ترفه ناظرت لـ منال : هذي غرفتك اخوي بيجي الحين ،
منال بخوف : انتي اجلسي لا تروحين ،
ترفه : والله بروح اغير فستاني تعبت منه انتظري اخوي عاد لو هو جاء طردني ، وضحكت ومشت طلعت ،
منال جلست وهي متوتره ولا غيرت فستانها فزت من انفتح الباب و دخل سعود ونزلت راسها وهي تناظر بالارض ،
سعود فصخ شماغه وحطه على الطاوله ووقف وهو يفصخ ساعته وهمس : مو ناويه تغيرين فستانك ،
منال فزت وناظرت فيه : ءءالا بس ءءانتظر ترفه ،
سعود : الحمام هنا يسارك و ترفه بالمطبخ مع امي ،
منال قامت بهدوء وهمست : ءءوين اغراضي؟
سعود تذكر انه حطهم بالصاله وقام طلع بهدوء مشى سحب شنطة ملابسها و دخل حطه بالارض : تفضلي ، ومشى وهو يفصخ ثوبه وعلقه ورا الباب ، منال فتحت الشنطه وطلعت لها ملابس و رجعت تقفله لكن عجزت تقفله كان مليان ملابس ولا يتقفل سعود مشى جلس على السرير وهو يناظر فيها ويرجع يناظر بجواله منال تركته وقامت مشت غيرت وطلعت ومشت بهدوء وهي مو عارفه كيف تجلس جنبه بالسرير ،
سعود رفع نظره لها : لما كنت ناوي اكلمك ليه رفضتي؟
منال ناظرت فيه وهي ماعندها جواب سكتت وهي تناظر بيدها و تفرك يدينها من التوتر والخوف ،
سعود : طفي الضوء و نامي و عطاها ظهره وانسدح لكن فجاه اندق الباب سعود التفت لها : افتحيه ، منال مشت بهدوء وفتحت الباب ترفه مدت لها صينية الاكل : تفضلوا ،
منال اخذتهم منها ترفه شدت انتباهه سعود الي كان نايم استغربت ومشت ، منال حطت الاكل على الطاوله ،
سعود بهدوء : كلي وبعدين طفي الضوء ،
منال : لا مو بخاطري ،
سعود : لو امي عرفت راح تزعل عشان كذا كلي شوي ،
منال سكتت ومشت جلست على الكنب والاكل قدامها ،
سعود غمض عيونه ونام بتعب ،
'
ابو سلطان ناظر لابو هزاع الي طول الوقت نايم ولا تحرك استغرب وناظر للساعه كان وقت صلاة الفجر تنهد ومشى توضى وطلع : سُليماننن قم تاخرت على الصلاه ، استغرب انه ما قام ولا تحرك قرب وهو يحركه لكن فز من شاف انه ما يتنفس : سليمانننن قام يحركه لكن لا حياة لمن تُنادى ،
تجمد بمكانه من الصدمه وطلع وهو يصارخ الكل تجمعو و ابو تركي ركض للمقلط العيال انصدمو و ركضو لهم ،
'
تركي كان واقف يتوضى لصلاة الفجر فجاه طلعت زليخه ومشت ناظرت فيه : ابي اروح للبنات العصر ،
تركي ابتسم : تمام ابشري ،
زليخه : الحين تاخذني لما كانت كحيله في كنت يالله تاخذني.
تركي : لانها كانت موجوده وكنت اظن تكون موجوده للابد الحين ما بقى غير جدران بيتها الحين اخذك ومنه ازور بيتها و اتذكر اللحظه الي كنت اشوفها واقفه هناك ،
زليخه تنهدت بضيق وهي تناظر فيه بحزن ،
'