يا اهل العذاري يا اهل العيون الكحيل

يا اهل العذاري يا اهل العيون الكحيل بارت 39 ،

= يا اهل العذاري يا اهل العيون الكحيل بارت 39 ،
'
= صباح يوم جديد على ابطالي =
'
طلعو من القريه و توجهو للرياض وفعلًا وصلو ،
الحريم كلهم كانو راكبين ورا و ابو تركي و ابو سلطان قدام ،
والعيال بسيارة متعب ،
ابو تركي التفت لـ ابو سلطان : هاه شصار؟
ابو سلطان : كلمت  قديم لي يعيش هنا وقال لي ولده العماره الي اسكن فيه في شقتين فوق فاضي يناسبكم ،
ابو تركي : اجل زين و افضل نعيش بعماره وحده ،
ابو سلطان نزل وهو ينتظر فجاه طلع من البيت عساف و توجه له وهو يسلم عليه ويحضنه : يا هلا بـ ابن الغالي ،
عساف ابتسم : كيفك يا عم اخبارك؟
ابو سلطان : والله بخير وانا عمك جيت اشوف الشقه ،
عساف : اي كلمت راعي العماره والمفتاح معي تفضل و مشو والعيال نزلو و دخلو يشوفون البيت وفعلًا نال اعجابهم ،
وقررو يستقرون فيهم و دفعو الايجار وكل شي و بداو يضبطون كل شيء من دولاب و دولاب المطبخ وغرفة النوم ،
'
عجلان مجرد ما سجد حس كل هم على كتفه انزاح! وكيف ما ينزاح وهو ساجد بين يد رب العالمين ويدعي ! لرب العباد الي قال ادعوني و استجيب لكم كيف ما يستجيب لـ عبد تاب و نادم ويطلب العفو والرضا والسماح من ربه! كيف ما يسامح وقد قال بكتابه الكريم { ۞ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ } اي هو الغفور الرحيم ! كيف ما يغفر لـ عبد التجى له وبقلبه الندم والحسره ! توبو الى ربكم فهو الغفور الرحيم وابواب السماء مفتوح ! لا يلهيكم هالدنيا ! عجلان سلم من الصلاه واخذ نفس طويل وكانه بهالطريقه بدا حياة جديد ، ونفس الشيخ مشى جلس قدامه و مد له القران وجلس جنبه : افتحه واقرا و اتبع معي واقرا بقلب صادق !
عجلان بهدوء : بس بنتي بالمستشفى لازم اروح لها ،
الشيخ ابتسم : هي مو بالمستشفى هي في امان الله ربك معها انت ما بيدك غير الدعاء ، اقرا بنية الشفاء عنها ،
عجلان هز راسه بهدوء وفتح القران وهو يردد ورا الشيخ ،
'
ديم كانت فاتحه الشباك تناظر : يمه كم عددهم ذولا ،
يوسف كان بحضنها يناظر معها ويضحك ،
ديم : واضح تضحك مصدوم من كثرهم بس ما تحس يا يوسف حياتهم حلوه شف في هالبيت مافي غيري وغيرك ! وغير ذيك الحيه الي كرهتني بحياتي ،
فجاه انفتح الباب و دخل فيصل وبيده الحلويات ،
ديم ابتسمت : هالله شف عمو وش جاب ،
فيصل : سكنو فوق جيران جُدد ،
ديم : اي شفتهم من الشباك يا كثرهم ،
فيصل قرب اخذ يوسف منها : سوي لي شاي مصدع ،
ديم : ابشر بس طمنني شصار على نجود؟
فيصل : مدري والله فارس ما يرد ،
ديم : يا قلبي عليه يارب يتحسن كل شيء ،
'
عجلان دخل المستشفى صادف الدكتور : كيفها بنتي؟
الدكتور ابتسم : الحمدلله صارت بخير وافضل من قبل ،
عجلان فز بفرح : يمديني اشوفهاا؟
الدكتور : اكيد يمديك تشوفه ، عجلان ابتسم ومشى عند حلا ناظر فيها كانت فاتحه عيونها تناظر بالسقف من شاف انه ماعليها اجهزه فز قلبه و ركض بدون شعور عندها شالها و ضمها لصدره بقوه و نزل دموعه ، حلا ضحكت من ضمها بهالطريقه عجلان ناظر فيها وهو يعدل شعرها : اشتقتتت لك يا بابا والله اشتقت لك ، حلا كانت تشوف انه يحرك شفايفه وعرفت انه يتكلم لكن للاسف ما تسمع ايش يقول ، وقربت مسكت يده و باسته بحُب ، عجلان ابتسم من حركتها وقعد يبوسها وحطها على السرير وانسدح جنبها ،
حلا ابتسمت كانت منسدحه بحضنه تناظر فيه بصمت ،
عجلان قرب يده وهو يمسح على شعرها بصمت ،
من شاف عيون بنتها السود تذكر كحيله ، قام جلس بهدوء واخذ جواله وهو يتصل على العامله دقايق و ردت ،
عجلان : عطي الجوال لماما كحيله بسرعه ،
العامله هزت راسها بـ اي ومشت عند كحيله الي كعادتها كانت جالسه بالحديقه استغربت واخذت الجوال و ردت : هلا؟
عجلان بهمس : كيفك طمنيني عنك؟
كحيله انصدمت من اسلوبه وهمست : وانت ليه تسال؟
عجلان : اتصلت اسالك سوال وابي منك الجواب فقط ،
كحيله باستغراب : اسال؟
عجلان : انتي فعلًا ما تبيني وتبين الطلاق مني؟
كحيله فزت بصدمه : ءءليه هالسوال؟
عجلان : جاوبيني واعلمك ليه ،
كحيله : ابي الطلاق مستحيل اعيش مع واحد زيك ،
عجلان : تمام جهزي نفسك واغراضك اجي و اوراق الطلاق معي و اخذك عند اهلك بس ابي منك السماح مابي بسبب افعالي تعاني بنتي و دعوه من احد بسببي تتاذى بنتي ،
كحيله : ءبس راح ءءاخوي ؟
عجلان : قصدك اخوي انا ! صدقيني بهالوقت همي بنتي متاكد عادل لو عرف ما يصدقني يكفي دمرت حياتي مابي ادمر حياته لا تخافين اتجاه هالشي وكلت امري لربي ، والي عاشته امي بسببكم ماراح يضيع شي عند ربي ،
كحيله كانت مصدومه كيف فجاه بيوم وليله الانسان يتغير!
عجلان بهمس : اعرف حرمتك من اهلك و اذيتك وانا مو حاس بشيء كنت في غفله يا كحيله معرف اي عتمه ضيعت نفسي فيه وما صحيت الا بضربه قويه صحيت على صراخ بنتي تسارع الموت صحيت على صراخها وهي تتالم وتناديني معرف وين كنت ضايع ومعرف ليه محد طلعني من هالعتمه الي ضعت فيه بس بنتي الي حست فعلًا ابوها في عتمه صحتني على صراخها و بكاءها كانت تتالم قدامي وتبكي وانا يديني مربوط طول عمري كنت اشوف عندي خير الدنيا عندي فلوس عندي بيت اكيد بنتي تكون محظوظه بس كنت ناسي ماعندي دين ضيعت ديني من يدي واليوم بنتي طايحه لا هالفلوس ولا البيت ولا الشركه يقدر ينقذ بنتي ! غير ربي اي ربي الي بعدت عنه مده طويله وكنت اتهرب من المساجد اذا شفت فارس يصلي قلت انه فاضي بس اكتشفت انا الي كنت فاضي وماعندي حياه ولا دين ولا اسلام ولا رب او بالاصح ربي كان موجود وعطاني خير الدنيا كله اي شي ابيه اشتري بفلوس بس صحة بنت هالمره ما قدرت اشتريه بفلوس ! اشتريته بصلاه و سجده و دعاء يا كحيله معرف ليه اقولك بس فعلًا قلبي ثقيل حتى انفاسي صارت ثقيل علي وانا اعرف ضريتك كثيرر بس سامحيني تكفين سامحيني !
كحيله نزلت دموعها وهي تسمع كلامه وقفلت الخط بوجهه تركت الجوال نزلت راسها وهي تبكي ، '
'
نجود كانت نايمه بغرفة ترفه بتعب بعد بكاء طويل نامت ترفه كانت جالسه حنبها تخاف تصحى ويصير فيها شيء ،
اما سعود وابو سعود و ام سعود كانو بالصاله ،
سعود بهدوء : بالنهايه هي مننا وفينا يا يبه صحيح نجود غلطت بس هي انسانه يا يبه كلنا بشر ونغلط محد معصوم عن الغلط وناظر لامه الولد الي شفناه انا وترفه ذيك المره طلع ولد نجود اسمه يوسف على اسم جدي الله يرحمه ،
ام سعود بصدمه : ولد نجود الي شفتوهه؟؟؟
ابو سعود فز على طاري ابوه : على اسم جدك؟
سعود ابتسم : اي و فيه ملامح من جدي بعد.
ابو سعود بهدوء : وينه ابي اشوفه ؟
سعود : اذا سامحتها راح تشوف يوسف شف امي سامحتها ونست كل شيء هي رجعت وهي ندمانه ايش نستفيد اذا كسرنا قلبها و رفضنا نسامحها؟
'
منال كانت جالسه بالغرفه حست بالطفش مشت اخذت جوالها وهي تتصل على ديم دقايق و ردت : يااا حيوانهه تزوجتييي ونستينااا لا سلام ولا كلام ولا هلا ولا مرحبا وعع ،
منال بضحكه : بسم الله بشويش علي والله ما نسيتك بس مستغربه من حياه الجديد الي بديته ،
ديم : اي علمينا كيف حبيب القلب سعسع؟
منال : وع وش سعسع لا تخربين اسم زوجي ،
ديم بضحكه : افااا اجل ايش تنادينه سوسو؟
منال : ديممم حيوانهه اسكتيي قولي سعود ،
ديم : اي اي سعود قولي كيفك معه؟
منال ابتسمت : زين ما توقعت يتقبل كل شي بسرعه بس طلع انسان متفاهم وكليوم يكبر في عيني اكثر من قبل ،
ديم : هالله هالله بدينا هاه ،
منال بضحكه : خلينا منه علميني شمسويه؟
ديم : تخيلووو يا بنت سكنو فوقنا جيران جُدد ويا كثرهم اربع حريم و ست رجال وعيال يا كثرهم ،
منال : لا تغلطين غلطتي وتتعرفين و تاكلينه.
ديم : مو غبيه زيك عاد وتخيلي يوسف عندي ،
منال : اشتقت له الحيوان ، فجاه دخل سعود وسمع هالكلمه ومشى بهدوء وجلس على طرف السرير ينتظرها تخلص ،
منال بتوتر : ءديم روحي شوفي يوسف اكلمك بعدين قفلت منها وناظرت لـ سعود : شفيك؟
سعود : منهو الي اشتقتي له؟
منال ابتسمت : لـ ولد اخو صحبتي كيوت صغير ،
سعود بضحكه : نجيب زيه يونسك ويطفي هالشوق ،
منال فزت من كلامه وتغيرت ملامح وجهها ،
سعود ابتسم بخفه : هاه شقلتي وتضيعين وقتك معه؟
'
عجلان كان نايم على السرير مع حلا وحلا كانت بحضنه مغمضه عيونها و لاصقه فيه وماسكه تيشيرته بخوف ،
عجلان حس بصوت الممرضات فتح عيونه والتفت وناظر للممرضه وتكلم بانقليزي : شصاير؟
الممرضه : جينا نعطيها الابره الحين يجي الدكتور ،
عجلان غمض عيونه بقهر والتفت لـ حلا الي كانت مغمضه عيونها ونايم وهمس : يصير تعطونه وقت تصحى؟
الممرصه : لا للاسف الحين وقته ،
عجلان تنهد وقرب وهو يبعد خصلات شعرها عن وجهها ويناظر فيها بحزن دخلت الممرضه وهي تشيل حلا وتجلسها وهي نايمه عجلان انصدم من حركتها وفز مسك حلا وحطه بحضنه : يصير تعطونه وهي نايمه مو مشكله صح؟
الممرضه استغربت من حركته وهزت راسها بـ اي ،
عجلان مسك يد حلا وهو يتمنى انها ما تحس بالم ،
الدكتور دخل ومشى وبيدها الابره وقرب مسك يد حلا ،
وحلا الي فزت من نومها من حست بالابره وصارخت ببكاء ،
عجلان صد وجهه وهو مغمض عيونه ما وده يشوفها في ذي الحاله ولا هو قادر يتحمل وخصوصًا انه مقهور من حركات الممرضين الي ماعندهم اسلوب كيف يتعاملون مع الاطفال ومن هاللحظه قرر يرجع الرياض ويبدا علاجها هناك ،
'
هزاع ناظر لاسماء كانت بالمطبخ ترتب المواعين دخل بهدوء وهمس : عطيني مويا بارده ، اسماء هزت راسها بـ اي ومشت مدت له هزاع اخذ المويا و شرب : فكرتي بكلامي؟
اسماء : مابي اجرحك لكن مابي اتزوج ،
هزاع : عطيني سبب مقنع طيب؟
اسماء : هزاع والله مافي سبب بس انا مابيي ،
هزاع صد بقهر وطلع ، اسماء تنهدت بضيق وكملت ،
'