يا اهل العذاري يا اهل العيون الكحيل

= يا اهل العذاري يا اهل العيون الكحيل بارت 3 =

= يا اهل العذاري يا اهل العيون الكحيل بارت 3 =
'
'
هزاع : يلا انا ماشي للبيت اشوفك في الليل ،
سعود : تمام يلا وانا رايح اشوف تركي و اروح معه ،
هزاع : تمام يلا بحفظ الرحمن اشوفكم هناك ،
ومشى متوجه لبيته فتح الباب وهو يدخل استغرب وهو يشوف كحيله واقفه عند الباب : شعندك واقفه هنا؟
كحيله : انتظر زليخه تجي ابيها بشغله ،
هزاع بهدوء : بس هي تجي؟
كحيله باستغراب : وانت شدخلك تسال؟
هزاع : ابد بس كذا سالت ومشى لداخل وهو يتمنى ترفه تجي،
ابو هزاع ناظر فيه وهو داخل : وين كنت يابوك؟
هزاع : كنت مع سعود وانت ليش للحين هنا يا يبه الكل رايحين للمقلط غريب جالس هنا؟
ابو هزاع : اي ي يبه راح اروح بعد شوي ،
دخلت ام هزاع وهي ماسكه الشماغ : هذا شماغكم احطه هنا،
هزاع : يمه انتي بعد رايحه بيت ام سعود؟
ام هزاع ابتسمت : اي ياولدي لازم اروح ،
هزاع ابتسم : انزين سلمي لي على خالتي ومشى لداخل ،
ام هزاع جلست وهي تناظر لابو هزاع : افكر اخطب لـ هزاع؟
ابو هزاع التفت لها : ما تحسين بدري على الزواج؟
ام هزاع : ما نسوي الزواج الحين عالاقل نخطب له ،
ابو هزاع قام وهو ياخذ منها الشماغ : مين ببالك؟
ام هزاع رفعت كتوفها : مدري اشوف ترفه مناسبه له ،
ابو هزاع ناظر فيها : ما ظنتي يوافق ابوها توها صغيره البنت ،
ام هزاع : بس نخطبها و راح نفكر بزواجهم بعد كم سنه ،
ابو هزاع ابتسم : وانا اقدر ارفضك؟ سمي سوي الي تبين ،
'
تركي كان واقف عند الباب : اخلصييي وينككك ،
زليخه : اصبررر شفيك مستعجل طلعت وناظرت فيه : يلاا ،
تركي : هذي اخر مره اخذك لهم خلاص اهجدي بالبيت ،
زليخه : لا تاخذني اقدر اروح لوحدي بيتهم قدامنا ،
تركي : عشان ابوي يحش رجولك امشي بس ،
زليخه : اصلًا مدري ليه يخليني اروح معك وهذا بيتهم ،
تركي لاحظ لـ سعود كان جاي من عند بيت هزاع وناظر لـ زليخه كانت متلثمه بالطرحه وعيونها واضح قام وقف قدامها وهمس : خليكِ ورا ظهري ، زليخه سكتت ووقفت وراه ،
سعود لاحظ وما حب يروح له وصارخ من بعيد : يلا انتظرك هناك في المقلط تعال ،
تركي : تمام جاي الحين ، سعود ابتسم ومشى بطريقه ،
زليخه ناظرت لـ تركي بقهر : خير تراني لابسه عبايه ،
تركي بعصبيه : اسكتي وامشي قدامي والمره الجاي لا اشوفك تحطين كحل بعيونك وتطلعين من البيت ،
زليخه وهي تنزفزه : واذا حطيت شتسوي؟
تركي : اطلع عيونك الاثنين واحطهم بيدينك ،
زليخه : هالله راح اقدر ازينهم و ارجع البسهم ،
تركي : ي طول لسانك اللهم الصبر ،
'
ابو هزاع وهو طالع : ليه ي بنتي واقفه هناك؟
هزاع وهو يضحك : تنتظر بنت اخبار التاسع وهي ماجت للحين انا تجهزت وخلصت ادخلي داخل بس ،
كحيله : ييه شف ولدك خله يسكت لا يكلمني ،
ابو هزاع : كم مره اقولك لا تتكلم مع اختك بهالطريقه ،
هزاع : معليش يبه مقدر ادلعها زيك دلعها لوحدك ،
كحيله : يبه اذا انتم رايحين فـ حنا بنروح مع مين لـ بيت خالتي ام سعود اليوم عزمت حريم الحاره كلهم عندها ،
هزاع : وش الي مع مين تروحون هذا بيتهم تطلعين تلقين بابهم عاد من كبر القريه عشان احد ياخذكم ،
ابو هزاع بحده : ما تستحي على وجهك تخلي اختك تطلع لوحدها من البيت ! خذهم انت وبعدين تعال هناك ،
هزاع : والله يبه في ايش استحي هذا بيتهم قدامك ،
ابو هزاع بعصبيه : لو بابهم داخل بيتنا ما خليتها تروح لوحدها كل شي الا بناتنا ي هزاع ما يطلعون من البيت بدون محرم بتروح تخليهم وتجيني هناك يلا سلام وقام طلع لبرا ،
هزاع : هالله هالله وانتي يلا اخلصي خليكِ من هذيك ،
كحيله : مالي دخل بقعد انتظرها ما راح امشي لين تجي ،
هزاع : اقولك اخلصييي ماني فاضي لك ترا !
كحيله بعناد : وانا قلتلك ما بمشي لين تجي هي ،
هزاع بقهر : اجل اجلسي هنا ماني ماخذك وقام طلع وقفل الباب بقوه ، كحيله انصدمت منه ومشت ركضت لداخل وهي تصارخ : ييمهه هزاع راح الحين مين ياخذنااا؟؟؟
ام هزاع : وين راح مو ابوكِ قال له ياخذنا؟
كحيله : اي مدري شفيه راح ،
ام هزاع : اذا راح ف كيف نكلمه يرجع خلاص ما بنروح ،
كحيله بقهر : يمهه تكفيننن لا والله ترفه تزعل مني ،
ام هزاع : شسوي يا بنت تبيني اطلع للشارع اكلمه ؟
كحيله : مالي دخل دوري حل تكفين يمه ،
فجاه سمعت صوت الباب ركضت وهي تفتح الباب ،
تركي كان واقف والتفت بسرعه من لاحظ كحيله ،
زليخه دخلت وقفلت الباب و مدت لها : خذي جبتيني من بيتي عشان البنس " بنس الشعر "
كحيله : شسوي شعري ما يوقف الا فيهم والحين خذيهم ما ابيهم هزاع الحيوان راح مافي احد يجيبنا ،
زليخه : لااا ي كحيله امشي ترفه راح تذبحك ،
كحيله : اقولك هزاع راح وانتي تعرفين بابا ما يسمح اروح لوحدي لمكان راح يعصب و يصارخ اذا رحت ،
زليخه بتفكير : طب اخوي تركي موجود الحين راح ياخذني وناخذ امي من البيت ونروح لهم امشو معانا ؟
كحيله بخوف : لا مُستحيل ،
زليخه : ابعدي عن طريقي انتي بروح اكلم خالتي ومشت لداخل وسلمت عليها : خالتي امشو معانا ،
ام هزاع : انتم رايحين مع مين ؟
زليخه : مع تركي تكفين خالتي امشي وخلي كحيله توافق ،
ام هزاع : بس يا...قاطعتها زليخه : خالتي مابي اسمع شي ،
ام هزاع قامت وهي تضحك : طيب اابشري ي بنتي ،
كحيله كانت واقفه وناظرت فيها : يمه ابي اكلمك ،
ام هزاع هزت راسها ومشت تجيب عبايتها كحيله لحقتها وناظرت فيها : يمههه هزاعع يذبحني لو رحت مع خويهه ،
ام هزاع : حشى ي بنتي انتي رايحه معي مو معه هو بس يرافقنا وحتى امه معه واخته معه مو لوحدنا ،
كحيله سحبت عبايتها : اذا صارخ انتي تواجهينه ،
ولبست عبايتها وتلثمت وناظرت لـ زليخه : انتي كلمتيه؟
زليخه : وليش اكلمه بيشوف خالتي وياخذنا غصب ،
كحيله بضحكه : طب هو برا ولا راح؟
زليخه : لا اكيد ما يتركني و يروح ابوي يذبحه ،
ام هزاع طلعت وهي تناظر لهم : يلا يلا ي بنتي ،
كحيله طفت الاضواء و زليخه سبقتهم وطلعت وناظرت لـ تركي كان متكي وواقف عند الجدار وناظر فيها : ما بغيتي! قاطعته زليخه : خالتي وبنتها بيمشون معانا لبيت ام سعود ،
تركي قام بيتكلم لكن سكت من شاف ام هزاع طالعه وبنتها وراها وهي تهمس : السلام عليكم ياولدي كيفكم ،
صد نظره وهمس : وعليكم السلام بخير ي خالتي ،
ام هزاع : العيال راحو وحنا قاعدين نخليك تتاخر اعذرنا ،
تركي : لا ي خالتي عادي مو مشكله ،
كحيله كانت مع زليخه تمشي معها ،
تركي وقف عند بيتهم : زليخه كلمي امي تجي ،
ام هزاع : لا ياولدي انا بروح اشوفها بعد واسلم عليها ،
تركي : تمام خالتي ، ام هزاع ناظرت فيهم : انتم اوقفو هنا ،
تركي ناظر فيهم : ادخلو للحوش الرجاجيل جاين ورايحين هنا،
كحيله مشت بهدوء زليخه لحقتها ودخلت : خير شنسوي لهم،
كحيله : اسكتي لا تتهاوشين معه قدامي بذبحك مالي خلق لكم خايفه من الوحش هزاع لا يذبحني ،
زليخه : يليل الخوافه انا رايحه اجيب شغله نسيته ومشت ،
كحيله كانت بتوقفها لكن راحت بسرعه ،
كحيله عطت ظهرها للباب وهي تعدل طرحتها و تركي برا ،
تركي توقع انها زليخه دخل ومشى وقف جنبها : ليهه جبتيهممم معك مو قلتلككك راح اتاخر على العيال ما اخذكم انتم بعد! وحلفتي تعطينها شي وترجعيننن البيت!!! وجبتيهم معك كان جبتي عمي بعد !
كحيله انصدمت من كلامه وضلت واقفه بمكانها ،
تركي مد يده وهو يسحبها : اكلمك وين راح لسان....سكت اول ما شاف عيونها هو يعرف عيون زليخه زين بس هالمره العيون الي شافهم ما كانت عيون زليخه! عيونها الواسع و رموشها الكثيف صد بسرعه وطلع من الباب ونبضات قلبه يزيد من التوتر ، كحيله كانت متجمده بمكانها ،
تركي وقف عند الباب وهو ياخذ نفس : اسف توقعتك زليخه،
كحيله كانت ساكته وواقفه ،
'
'
ترفه و ام سعود كانو واقفين و يستقبلون الحريم عند الباب ،
ترفه ناظرت لـ امه : وينننهم تاخرو كحيله و زليخه ،
ام سعود : مستغربه ي بنتي كالعاده ام تركي اول وحده تجي،
ترفه : حتى كحيله تجي من صباح الله تساعدنا ،
فجاه دخلو زليخه وكحيله و ام سعود و ام هزاع ،
ترفه ضربت بيدها على كتف كحيله : وينكممم من زماننن؟؟؟
زليخه وهي تسحب طرحتها : بروح اعدل شعري واجي ،
ترفه : شف حتى ما سلمت ولا حضنتني همها شعرها ،
كحيله ضحكت وهي تحضن ترفه : اشتقتتتت لك ،
ام سعود بضحكه : لا توقعت ماراح تجون ،
ام هزاع : انا لو ما جيت عادي لكن ام سعود لازم تجي تاخذ اخبار اهل العذاري وتنشر الاخبار الزين ،
'
ابو هزاع كان ماسك المايك وهو يقول : يامرحبا واهلين بأهل المواجيب. يا هلا بـ اهل العذاري . الله يحييكم على العز والطيب. ، تركي كان جالس بعيد و سرحان يفكر بـ كحيله
سعود مشى وهو يجلس جنبه : وينك ياولد شصاير معك؟
تركي صد : ولاشي وينه هزاع مختفي؟
سعود : مدري عنه راح بجيب مويا اتوقع ،
ابو هزاع كان واقف ويسولف مع رجاجيل القريه ،
فجاه دخل هزاع و وراه مجموعه من الشباب يطبلون ويغنون والي يصفق ابتسمو والكل يقومون يصفقون ،
تركي بهدوء : انا رايح راسي مصدع اروح البيت اريح ،
سعود مسكه من كتفه : متضايق؟
تركي هز راسه بالنفي : لا مو متضايق بس مصدع ،
سعود : اعرف صاير معك شي مستحيل تمشي بهالاجواء انت الوحيد توصل قبل الكل عشان لا يفوتك شي ،
تركي دفه بقهر : يخي خلاص قلت مصدع ما تفهم! وقام طلع
هزاع لاحظ عليه وقام بيمشي له لكن وقف من شاف ابوه متوجه له تنهد وسكت وهو يناظر لـ سعود بمعنى شفيه؟
سعود رفع كتوفه من بعيد بمعنى مدري ،
'
ام تركي : اي سمعت انهم طلعو من القريه و راحو ، '
زليخه : بنات سكتووو امي والله تفشلني تعلم كل شي ،
ترفه بضحكه : خليها يخي ي حليلها مبسوطه ،
زليخه : الحين تعلم ابوي بكل السوالف وهو ينشر الاخبار ،
كحيله : لا ماعليكِ تلقين هو بعد هناك عند الرجال يسجل اخبار عشان يعلمكم ،
زليخه : والله انك صادقه ،
ترفه : اقول ي بنات ورا ما نطلع نروح الحوش نشغل اغاني؟
زليخه : صدق شفت الاطفال ي حليلهم يلعبون هناك ،
كحيله : انتم روحو وانا بجلس اتفرج على سوالفهم ،
ترفه : من زين السوالف وحده تقول الخياطه سُعاد سوت لي جلابيتي بـ عشرين ووحده تقول انا اخذت مني عشره وجالسين يحشون بالمسكينه ،
'
'