يا اهل العذاري يا اهل العيون الكحيل

يا اهل العذاري يا اهل العيون الكحيل بارت 43 ،

= يا اهل العذاري يا اهل العيون الكحيل بارت 43 ،
'
اسماء : احس وافقي تكفين دامه من البدايه خطبك قبله ،
كحيله صدت : معرف خايفه متوتره وتذكرت اليوم الي اعترف لي فيه ببيته ومتردده ،
مريم : يااا حيوانهه هو يحبك تكفيننن وافقي ،
كحيله تنهدت : ماودي اعيش نفس الشعور الي عشته وكرهت الزواج بكبره ،
اسماء : لا تقولين كذا يخي مو كلهم زي بعض ،
مريم : منجد وخصوصًا تعرفين تركي انسان طيب !
اسماء : بابا راح عشان نكاح ترفه وهزاع وقال شوفو رد كحيله اذا موافقه ف نحقق الي بخاطر ابو تركي يبي مع بعض ،
كحيله : معرففف بنات متوتره والله وماما قعدت تقنعني ،
اسماء : خلاص وافقييي واسكتي ،
وفعلًا كحيله ما كانت مستوعبه الي صاير وماتدري توافق ولا ترفض لكن مالها الا توافق مردها تعيش حياتها ،
'
ترفه ابتسمت وهي توقع بعد ما خلصو و راح الشيخ ،
هزاع كان بالمجلس ينتظر دخلت ترفه بتوتر وسعود معها ،
هزاع قام بدون اي ابتسامه وهو يناظر ببرود ،
عكس ترفه الي كانت ميته من التوتر والخوف وجلست بهدوء،
سعود عرف انه هزاع ناوي يتكلم بشي وسحب نفسه وطلع،
هزاع التفت لترفه بهدوء : عرفتي تتهربين لكن جيتك وش كنتي مفكره تهربين وما تعلميني وماراح ادري؟
ترفه بصدمه : هزاع والله ما هربت لمكان!! و ءءابوي قال بنفسه نزور عمتي ونرجع وصار سالفة نجود اختي و..
قاطعه هزاع : ما يهمنييي يا ترفه ما يهمنيي جاوبيني بسس ليه ما تركتيي لي ولو رساله؟؟؟
ترفه تجمعت الدموع بعيونه اكبر يوم بعمرها وهذا تعامل هزاع معها وهمست : ءءما لحقت ءءطل..سكتت وهي مو قادره تكمل هزاع لاحظ عليها وتنهد بضيق وقرب حط يده بيدها وهمس : انا اسف يا ترفه وربي بدونك ضيعت صرت ضايع لدرجه فكرت اتزوج غيرك وارتاح وكل شي كان ضدي النصيب وقف ضدي وكانه ما كتب لي انسانه غيرك!
'
ابو سلطان : هاه يا بنتي ايش فكرتي؟
كحيله ناظرت للبنات الي واقفين يهزونها توافق ،
وهمست : ءءموافقه ، اسماء ومريم فزو بفرح ،
متعب ابتسم : موافقين يا عمي موافقين ،
ابو تركي كان بالمجلس و ابتسم و التفت لـ تركي الي فز بفرح وهو مبتسم و مشى حضن ابوه ، دخل ابو سلطان وقامو يحضنون  بعض ويباركون بفرح ،
كحيله ناظرت للبنات الي ركضو يباركون لها ،
ام سلطان طلعت وهي تزغرط و ام هزاع معها ومشت حضنت كحيله و اتملئ البيت بالسعاده وكحيله رفضت عرس بسبب عدم وجود ابوها فضلت عرسها نفس متعب و هزاع فقط عقد النكاح بين الاهل ،
'
= نسرع الاحداث بعد كم شهر تحديدًا =
'
هزاع و ترفه تزوجو & و تركي و كحيله تزوجو &
و زليخه حملت من متعب & و نجود ولدت وجابت بنت &
'
فارس كان يضحك وهو ماسك ماريا بحُب ،
التفت له عجلان : يتربى بـ عزكم يارب ،
فارس ابتسم وهو يناظر لـ حلا الي واقفه وماسكه بـ عجلان ضحك وقرب : هاه ما ودك تروحين عند ديم؟
عجلان ابتسم بخفه : صارت دايم تبيها تعلقت فيها ،
فارس : روحي يلا تنتظرك بالغرفه ، حلا كانت ساكته و مو سامعه شي عجلان ضحك وسكت ،
فارس : هاه مانت ناوي تتزوج؟
عجلان صد : خلاص عفت الزواج ،
فارس : اذا تبي تتزوج كلمني عروستك عندي ،
عجلان باستغراب : كيف عروستي عندك؟
فارس صد : ما ودي اقولك بطريقه تحس اني اعرض عليك اختي لكن والله يا عجلان انت صديق وغالي واكثر وبنتك زي بنتي و شفت تعامل اختي معها وكيف تحبها وانا كلمتها لو حصل و طلب يدك توافقين ف كان ردها توافق عشان حلا !
وانا مو مستحي اني اقولك هالكلام لانك زي اخوي واكثر ،
عجلان انصدم من كلام فارس وسكت بهدوء ،
'
تركي بهدوء : ما تعرفين قد ايش تعبت عشان احصل عليكِ وعلى حبك و كم مره انكسرت و انجرحت لاجل خاطرك وكيف اخوكِ وخالك زعلو مني و بغو يجلدونيي بي تحملت كل شيي هاه شوفي الحين تحملي وصبري ماراح عبث! فعلًا اليوم انتي قدام عيوني ومعي وكليوم اشوفك نايمه جنبي احاول اصحى من هالحلم بس اكتشف انه حقيقه واحاول اقنع نفسي ،
كحيله ابتسمت بهدوء : ءءوالله انا محد علمني بذاك اليوم،
تركي بهدوء : صحيح وانا عارف و مصدقك محد علمك لكن بغيت ارمي نفسي عند رجول ابوكِ بدال هالشماغ !
كحيله ابتسمت وهي تحس الدنيا مب سايعتها من الحُب ،
'
ترفه كانت نايمه بحضن هزاع ومبتسمه ،
هزاع : اي ما قلتي لي تبين ولد ولا بنت؟
ترفه بهدوء : ولد ولا بنت ما يهم اهم شي منك انت ،
هزاع بضحكه : ويطلع يشبهني ونفس طبعي تتحملينه ؟
ترفه : تحملتك كل هالسنين كيف ما اتحمل اكثر؟
هزاع : اجل علميني متى يجينا ترف الصغيره؟
ترفه بصدمه : ترف؟
هزاع : ابيها قريبه من اسمك لو بنت ولو ولد تامر برضوا قريب من اسمك ابي حتى عيالي ياخذون شي منك ،
ترفه ابتسمت وهي تدفن نفسهت بحضنه بحُب ،
'
متعب بعصبيه : كمم مررره اقولك امشي بشويش!!!
زليخه : شسوييي يخي قاعده زي الناس ،
متعب : هذا مو مشي هذا ركض الله يسامحك ،
زليخه صدت بقهر : اي من حملت وهمك طفلك اكثر مني،
متعب : نسيت انك صايره حساسك بزياده خلي عنك الدلع وتجهزي بنروح عند اختي عزمتنا اليوم ،
زليخه : ماني جايه روح بنفسك وصدت بزعل ،
متعب بضحكه : افااا ام ملاك تزعل؟ يشيخه كل شي يهون الا زعلها وقلبها سمي شتبين بس؟
زليخه ابتسمت وهي خفيفه قدام متعب وكلامه الحلو ،
'
نجود كانت جالسه تضحك وهي تشوف ابو سعود يلعب مع يوسف و التفتت لامها الي كانت تسولف مع الضيوف وطلعت لبرا عند منال كانت تجهز ديم و تعدل شعرها ،
نجود : عريسك ينتظرك ي ديموه اخلصي عليه ،
ديم ابتسمت وهب تلتفت لـ حلا الي كان جنبها واقفه،
نجود : ياحلوها ما تجي عند احد غيرك ،
ديم : بنات والله متوتره شسوي؟
نجود : ماعليه تصير تصير بدايات بعدين تتوترين من وجوده بحياتك ، ضحكت وطلعت وهي تشوف العشاء ،
عجلان كان بالمجلس و مبتسم مع فارس ، وفعلًا تم زواجهم على خير و عجلان وافق على ديم لاجل خاطر حلا و تزوجو ،
'