يا اهل العذاري يا اهل العيون الكحيل

يا اهل العذاري يا اهل العيون الكحيل بارت 29 ،

= يا اهل العذاري يا اهل العيون الكحيل بارت 29 ،
'
منال مشت وقفت عند الشباك وهي تناظر بهدوء والدنيا برد مشت اخذت الشال وضمت نفسها فيه فجاه انفتح الباب و دخلت ام منال ومشت جلست ، منال التفتت لها ،
ام منال بهدوء : اليوم جت امه وابوه بعد جاء وطالبو بيدك ،
منال بصدمه : ءءيمه ءككيف؟
ام منال : ابوكِ وافق عشان كذا ما جيت اسال رايك جيت اقولك جهزي كل اغراضك وجهزي نفسك ، منال كانت منصدمه ام منال قامت بتمشي منال مسكت يدها بدموع وهمست : يمه تكفين لا تسون فيني كذا ،
ام منال بهدوء : انتي تعرفين ابوكِ ماراح يسمع كلامي ،
منال تنهدت بضيق ومشت جلست والدموع بعيونها ،
'
ترفه ناظرت لـ سعود : وافقت؟
سعود بهدوء : دام ابوي قرر وخلص ف ليه تساليني؟
ترفه : والله ي سعود منال انسانه طيبه صدقني ،
سعود : ما يهمني لكن انا وافقت عشان امي وبس ،
ترفه فزت بفرح : يعنييي تتزوج منهااا ونسوي عرس؟؟؟
سعود صد : عرس ايش! بعد كل هالكلام اروح اسوي عرس! زين لو رحت بيتها و لبستها الخاتم صد ومشى ،
ترفه بقهر : اوففف وش هالحظ صدت ومشت جلست على الكنب ابتسمت وهي تسمع صوت الرعد فزت و ركضت فتحت الشباك وهي تشوف الدنيا مطر ضحكت بفرح لكن تلاشت الضحكه من تذكرت هزاع لما كان يجيها للشباك ،
'
نجود كانت ماسكه يوسف وواقفه عند الشباك ويوسف يضحك، فارس فز من نومه من صوت الرعد واستغرب وهو يشوف نجود مو موجوده قام طلع لبرا باستغراب ناظر فيها كانت ماسكه يوسف وتناظر من الشباك : شتسون هنا ،
نجود بفرح : تعالل شففف مطر يجنن الاجواء ،
فارس مشى وهو يناظر و ابتسم : هاه بخاطرك تطلعين؟
نجود ابتسمت : ياليت ،
فارس : انزين انا رايح البس ثوبي وانتي لبسي جاكيت لـ يوسف عشان لا يمرض من الاجواء ومشى ، نجود ابتسمت ومشت اخذت يوسف وطلعت الجاكيت من الدولاب و لبسته وناظرت لجاكيت فارس  واخذته : انت بعد البس عشان ما تمرض و ابتلش انا ، فارس ابتسم واخذه منها ولبس ،
نجود لبست عبايتها فارس قرب شال يوسف ومشى طلع نجود مشت معه وطلعوا لبرا فارس مسك يد نجود و توجه لسيارته.
نجود : لااا نروح مشي مابي بالسياره ،
فارس : تستهبلين كل هالطريق نروح مشي؟
نجود : ليه وين بنروح؟
فارس ابتسم : اركبي عشان اقولك وين نروح ،
نجود ابتسمت و ركبت فارس مشى ركب وحرك سيارته ،
'
عجلان كان يسوق والدنيا زحمه ومطر وضباب كان مو منتبه للطريق وللسياره الي قدامه قام يلف للجهه اليسار ما انتبه للسياره الي كان طالع و انصقع فيه وامتلى الشارع زحمه واتصلو على الاسعاف ماهو الا ساعات و عجلان بالمستشفى،
لكن من حسن حظه انه ما تاذى فيه شي غير يده انكسر و رجله، الدكتور : لازم تكلم احد يجي ياخذك عشان حالتك مو زين، عجلان اخذ جواله وهو يتصل على ابوه ،
'
كحيله كانت واقفه بالحديقه والشال على كتفها وهي مغمضه عيونها من البرد و واقفه تحت المطر ابتسمت وهي تتذكر لما كان يمطر بالقريه ويتجمعون بالحوش ويشربون شاي ،
فزت على صوت العامله وناظرت فيها ،
العامله : عجلان بالمستشفى ؟
كحيله بصدمه : ءءعجلان؟؟
العامله هزت راسها بـ اي : اي الحين اتصل ابوه قال اعلمك،
كحيله ناظرت فيها : مات صح ؟ يارب اي قولي ايييي ،
العامله هزت راسها بالنفي : لا قال يده انكسر ،
كحيله تنهدت بقهر : ليته انكسر كله وافتكيت ،
العامله انصدمت من كلامها ومشت بهدوء ،
كحيله مشت جلست على الكرسي والدموع بعيونها ،
'
اسماء وقفت وهي تناظر من الشباك فجاه دخلت مريم وناظرت فيها : الدنيا مطر تعالييي كلنا برا ،
اسماء صدت : مابي روحي من هنا انتي ،
مريم تنهدت ومشت طلعت لبرا وهي تناظر خالد وسلطان وهزاع ومتعب واقفين بالحوش ابتسمت وهي تشوفهم ،
سلطان : والله اذا مرضت ف انتم السبب ،
هزاع صد وناظر لـ متعب : كحيله الوحيده كانت تجمعنا بالحوش كل ما مطر كانت تسوي شاي ونتجمع هنا ،
متعب بهدوء : ما تحس انها فيها شيء؟
هزاع : ما ظنتي يا خالي الظاهر مبسوطه بحياتها ونستنا ،
متعب : قلبي مو متطمن عليها يا هزاع ،
هزاع التفت يمين يسار : اسماء ما جت غريبه؟
متعب : لا تسال بيكون افضل صد ومشى جنب سلطان ،
هزاع مشى لداخل و توجه لغرفة امه ناظر كانت نايمه ، ومشى لغرفة اسماء وهمس : تعالي برا ننتظرك ،
اسماء : مالي خلق لشيء اتركني لحالي ،
هزاع ابتسم : زعلانه حتى من المطر؟
اسماء صدت وهي تناظر من الشباك هزاع مشى بهدوء عندها وابتسم : تعالي الكل يسالون عنك.
اسماء : قل لهم اني مت وقدكم دفنتوني ،
هزاع : ما تتعبين وانتي تقولين هالكلام؟
اسماء صدت وسكتت هزاع وقف جنبها وهو يناظر من الشباك وهمس : ايش قاعده تشوفين مافي اي حماس هنا ،
اسماء : زي ما انا عايشه ومافي اي رغبه بداخلي اعيش ،
هزاع : صايره تقولين كلام اكبر منك ما عرفتك؟
اسماء سكتت وهي تناظر بصمت ،
'
فارس وقف سيارته ونزل للحديقه وحط يوسف بالارض ،
يوسف ابتسم  وهو يركض ورا القطوه ويضحك ،
فارس مد يده لـ نجود ، نجود قربت مسكت يده فارس ابتسم وهمس : كان بخاطري مكان ثاني لكن تذكرت هالنتفه معانا،
نجود : قد ايش المطر يرد الروح ،
فارس : و قد ايش انتي تردين روحي وقد ايش احبك وقته تعرفين حبي اكثر من قطرات هالمطر يا نجود وقد ايش انا اخاف عليكِ من هالدنيا واخاف افقدك او احد ياخذك مني!
نجود ابتسمت بهدوء : وانا قد ايش يوسف ما اوصف لك ،
فارس بضحكه : حلو تتكبرين بدال اسمي قلتي يوسف؟
نجود صدت وهي تضحك : اي انا اقصد يوسف مو انت،
فارس : ماعلينا قولي لي ليه هالايام زعلانه علي؟
نجود بهدوء : مو زعلانه بس يوسف يزعجني كثير ،
فارس : و ازعاج يوسف تحطينه علي؟
نجود هزت راسها بالنفي : لا حتى انت تزعلني تتاخر على البيت وتشغل بالس بـ افكار ماله داعي ،
فارس بضحكه : اعرف ايش تفكرين تحسبيني مع البنات ،
نجود : اذا صاحبك كذا ف اكيد اشك دامك تجلس معه كثير.
فارس : قلت وارجع اقول جعل يكسر يديني اذا لمست غيرك يا نجود مابي بحياتي غيرك انتي و يوسف ،
نجود فزت على طاري يوسف وهو تلتفت يمين يسار ما شافته وهمست : فارسسس ويننن يوسففف؟؟؟ فارس ترك يد نجود وهو يلتفت يدوره استغرب ما لقاها قام ركض ورا السياره ناظز فيه كان جالس على الارض ويناظر للقطوه الي تحت السياره ضحك ومشى شاله : يا حيوان خوفتنا عليك ،
يوسف قام يبكي نجود مشت اخذته منه : الله يقلع هالقطوه طيحت قلبي عليك وقربت وهي تبوسه ،
فارس : يصيح يبي يرجع له ، يوسف كان يبكي نجود حطته على الارض فارس ناظر فيه كان يركض لنفس المكان ركض وشاله وهو يحطه فوق اللعبه يوسف كان يبكي ،
نجود : ابتلشنا والله ايش يسكت صفارة الانذار ذا ،
فارس بضحكه : حتى ما يخلي الواحد يعبر عن حبه ،
نجود : المطر مسرع وقف يوم جينا ،
فارس ابتسم وهو يشيل يوسف : خلينا نمشي ،
و توجهو للسياره يوسف كان يبكي فارس ركب و مده لـ نجود وهمس : خذي تصرفييي ابلشنيي ،
نجود اخذته وهي تسكته ومدت له الرضاعه يوسف سكت وهو. يشرب فارس ابتسم وقرب مسك يد يوسف وهو يناظر للطريق وترك يده ومسك يد نجود : هذا اليد الصح ،
نجود ابتسمت : يعني يد ولدك اليد الغلط؟
فارس : ابد مو غلط لكن بنفس الوقت مو صح ،
'
عجلان وصل البيت و دخل وبيده العكاز ويمشي والجبس علو رجله و يده ابو عجلان كان وراه كحيله كانت واقفه تناظر بصمت ابو عجلان ابتسم : تعالي خذيه لغرفته يرتاح ،
كحيله قربت بهدوء ومدت يدها وهي تسنده عجلان كان يمشي بهدوء و دخل للغرفه ومشى جلس على السرير ،
كحيله صدت بتمشي وقفت وهي تسمع صوته ،
عجلان : عطيني مويا ، كحيله مشت بهدوء صبت له و مدت له عجلان اخذ بيده اليسار وهو يشرب ، فجاه دخلت لطيفه وبيدها الشوربه ومشت عند كحيله : جبت شوربه حار يفيد لصحته ومايقدر ياكل بنفسه ف قلت تـ اكلينه انتي ،
كحيله انصدمت وناظرت لـ عجلان الي كان يطالع فيها
وقربت اخذت وجلست جنبه ومدت له الملعقه عجلان قرب اكل وهو يناظر لـ لطيفه كانت مبتسمه وتناظر ،
كحيله كانت تدعي انها تروح وتفتك من عجلان ،
لطيفه : انا اروح وغيري له ملابسه ومشت ، كحيله فتحت عيونها على اخر وهي تناظر بصدمه ،
عجلان بخبث : ما سمعتي ايش قالت؟
كحيله حطت الشوربه على الطاوله : باقي ما انكسر يدك الثاني غير بنفسك انا ماراح اغير لك ،
عجلان : تعرفين هاليد الي ما انكسر اقدر اصكك كف فيه ،
كحيله ناظرت فيه بصدمه ،
عجلان : اعرف راح تجي بعد شوي وتسال ليه ما غيرتي لي! شتقولين! وانا ما يمديني اغير يدي يوجعني ،
كحيله انقهرت ومشت فتحت الدولاب و سحبت تيشيرت ومشت عنده وقفت وهي تناظر عجلان رفع يده كحيله قربت وفصخت له التيشيرت بقوه عجلان صارخ بالم : بشويششش!
كحيله صدت و رمته على الارض واخذت التيشيرت من فوق السرير وهمست : ارفع يدككك ،
عجلان ناظر فيها : ناويه تكسرينن يدي الثاني بعد!
كحيله همست بقلبها : ليت اكسرك كلك وارتاح ، ومدت يدها لبسته التيشيرت عجلان يده وهمس : خلاص خليني ،
كحيله : دخل يدككك الثاني ،
عجلان : انتي اتركيني ادخله بنفسي ، كحيله صدت عنه ،
عجلان : عدليي شعري ، كحيله تنهدت بقهر و رجعت مدت يدها وهي ترجع شعره لوراء و تعدلهم ومشت طلعت ،
عجلان انسدح و مد يده اخذ الجوال وهو يطقطق فيه ،وترك الجوال من يده وهو يناظر بالسقف فجاه دخلت كحيله وهمست : ابوك ينتظرك تحت ،
عجلان ناظر فيها : وليه ينتظرني صاير شي؟
كحيله صدت : شعرفني انا اذا نزلت وقته تعرف ،
عجلان بهدوء : طيب تعالي قومينييي ، كحيله مشت بهدوء مدت يدها حطته ورا ظهره وهي تقومه عجلان قام وسحب العكاز وتمسك فيه كحيله ناظرت فيه : امشي شفيك وقفت!
عجلان ناظر لـ بنطلونه : ما غيرتي لي البنطلون ،
كحيله بصدمه : ءءانا اغيره لك!!!
عجلان : اييي انتي وش تجاوبين لامي هي مو قالت لك غيريي لي! كحيله انصدمت وهي تناظر فيه ،
عجلان : ما قلتت ملابسييي الداخلي!عشان تناظرين كذا! وحتى لو قلت ف من حقك تغيرين لي ،
كحيله : موو مننن حقييي ولا راح اغيرر لك ،
عجلان بحده : اخلصييي بسرعهه ، كحيله انقهرت ومشت فتحت الدولاب وطلعت بنطلون اسود ،
عجلان : مابي اسوددد جيبي ليي ابيض ،
كحيله صدت : عشاننن يتوسخ وارجع اغيره صحح! و رمته على السرير مو فاضيه اغير لك كلشويي ماني خدامه عندك البس هالاسود حتى لو توسخ امك ماراح تعرف و تبلشنيي ،
عجلان صد و سكت فجاه رن جواله و التفت اخذه وهو يشوف اسم فارس و رد : لا سوال ولا اتصال ولاشي وينك؟
عجلان : والله لو اقولك شصار فيني بس تعال وتعرف ،
فارس باستغراب : ليه شصاير مقدر اجيك الحين برا مع الاهل.
عجلان : اوه ابد والله تكسرت ابن الكلب الاعمى كان جاي من اليسار وما انتبهت له ، وجلس يعلمه ، كحيله كانت واقفه ،
عجلان مد يده وهو يفتح ازرار البنطلون كحيله صدت وعطته ظهرها ،
'
متعب دخل لغرفة اسماء ناظر فيها كانت جالسه وتبكي تنهد بضيق وجلس جنبها : للحين تبكين؟
اسماء ناظرت فيه وصديت : لا مافيني شيء ،
متعب : اعرف مافيكِ شيء بس ليه مقفله على نفسك ؟
اسماء : مالي خلق لاحد ولا ابي اشوف احد ،
متعب : افااا وين راحت اسماء الي كانت تزعجني اتزوج؟
اسماء بهدوء : ماتت ،
متعب : لا عاد وينها ابيها تدور لي عروسه ،
اسماء صدت : زليخه موجوده وميته عليك ما يحتاج ادور ،
متعب : اجل من اليوم بيدك الموضوع تصرفي ،
اسماء بصدمه : خالي تمزح!
متعب بضحكه : ما امزح شوفي حتى بدا طلع لي شيب خلاص قررنا نتزوج ونشوف حياتنا لكن بشرط ترجعين اسماء الي كان قلبي يحبها ويحب ضحكتها وحماسها ،
اسماء مسحت دموعها وسكتت ،
متعب : مافي انسان ما يغلط وابوكِ غلط وعرف غلطته وامك مالها ذنب ليه تسوين فيها كذا؟ روحي اعتذري منها هي ما خبت عنك بس كانت خايفه انك تعرفين و تكرهينها او بالاصح هي ما اهتمت لذي الموضوع لانها كانت تشوفك زي مريم ،
اسماء : بس ليه ابوي سوا فيني كذا !
متعب تنهد : قلتلك انسان ويغلط ومحد معصوم عن الغلط كلنا نغلط صح؟ اسماء هزت راسها بـ اي بهدوء ،
متعب : والي سواه هزاع راح ارجع له نفس الكف اذا تبين ،
'
ترفه كانت جالسه بهدوء وتفكر بـ هزاع فجاه انفتح الباب و دخل سعود وهمس : ابي رقم منال ،
ترفه بصدمه : رقم منال؟؟
سعود : ايي اذا ما عندك روحي اطلبي منها ،
ترفه : مالي دخل ماراح اسويه اخاف تغلط وتسوي شي او تقول لها شي و ابتلش انا ،
سعود : اوعدك ما اسوي شي كذا وقومي بسرعه ،
ترفه : و اوعدني اذا صار شي راح تنقذني من ابوي!
سعود : لاحول ولا قوة الا بالله تمامم راح انقذك اخلصي يلا،
ترفه مشت سحبت عبايتها ولبست و توجهت لبيت منال ،
'
فارس و نجود كانو بالمطعم اول ما وصل الاكل نجود فزت من الريحه وحطت يدها على فمها وركضت للحمام ،فارس استغرب وقام يلحقها لكن ناظر لـ يوسف كان نايم لوحده خاف يتركه وحيد ووقف وهو ينتظرها طلعت نجود ومشت ناظرت فيه : امشي بنروح البيت مابي اشم ريحة شيء ،
فارس بخوف : شصاير فيكِ ما اكلتي شيء؟
نجود : فارس الله يخليك خلنا نمشييي بسرعهه ،
فارس دخل شال يوسف وسحب شنطة نجود وطلع مسك يدها وطلعوا توجهو للسياره و ركبو ،
فارس مد لها المويا : اشربي وخلينا نروح المستشفى ،
نجود بدموع : لا مابي مستشفى.
فارس : اجل كيفف اعرف شفيكككِ؟؟؟
نجود ناظرت فيه بهدوء : ءاخاف اقولك وتعصب ،
فارس : مجنونه انتي! ليه اعصب علميني اخلصي!
نجود ناظرت لـ يوسف الي كان حاطه راسه على كتف فارس ونايم وهمست : ءءانا حامل ، فارس انصدم وتجمد بمكانه وناظر فيها : تستهبلينننن انتييي!!!!
نجود صدت : ءلا ما استهبل وتكفى لا تصارخ ،
فارس ضرب يده على الدركسون بقهر : مو قلتييي انككك تاكلين حبوب منع الحمل!! شصاررر الحيننن!!! ومانتيي شايفهه يوسففف توهه كمل سنتيننن !!! ايشششش اليي حاملل والففف مررره قلتلكك لا تتركيننن الحبوببب!!!
نجود نزلت دموعها وهي تبكي من صراخه وعصبيته ،
فارس رجع ضرب يده على الدركسون بقهر و يوسف الي فز من صراخه وقام يبكي فارس شاله بقهر و رماه بحضن نجود ،
نجود فزت من رمى يوسف بهالطريقه وناظرت فيه ،
فارس حرك سيارته متوجه للبيت بعصبيه ،
نجود شالت فارس وهي تسكته و مدت له الرضاعه لكن ما سكت ، فارس كان معصب ومنزعج من صياح يوسف ،
'