يا اهل العذاري يا اهل العيون الكحيل

يا اهل العذاري يا اهل العيون الكحيل بارت 14 ،

= يا اهل العذاري يا اهل العيون الكحيل بارت 14 ،
'
= صباح يوم جديد على ابطالي =
'
كحيله ابتسمت وهي تحس من بعد كلام اسماء ارتاحت كثيررر رغم الخوف الي بقلبها طردته وهي تحاول تقتنع بكلام اسماء اتجاه عجلان وتبدا حياة جديد واكيد اهلها ماراح يتركونها حتى لو راحت معه بمكان بعيد اكيد يجونها وتجيهم ،
دخلت اسماء وبيدها الفستان : خالتي تقول تلبسين هالفستان؟ ولا قررتي شي ثاني؟
كحيله : احس هذي افضل والاحلا لونه ابيض ،
مريم مشت لعندهم : كحيلهه تعاليييي بسسسرعههه ،
كحيله فزت بخوف : شصايرررر؟؟؟ مريم سحبتها وطلعت للحوش اسماء لحقتهم باستغراب وطلعو لبرا ،
مريم : طالعيي بسرعه من فوق الجدار وشوفي مين ،
كحيله استغربت وقامت وقفت وهي تناظر عجلان الي كان واقف ويسولف مع ابوها ، تجمدت بمكانها وهي تحس قلبها شوي ويطلع من مكانها التفتت للبنات وهي تناظر وحاسه من قوة دقات قلبها يسمعونها نزلت بسرعه ومشت لداخل ،
اسماء وقفت على طرف اصابعها وهي ترفع راسها تناظر لكن ما شد انتباهها عجلان كثر ما شد انتباهها الشخص الي كان جالس بعيد ويناظر فيهم التفتت لمريم : مين هذاك؟
مريم : مين انزلي خليني اشوف ووقفت وهي تشوف تركي وهمست : معرفه والله يمكن احد من عيال القريه ،
اسماء ابتسمت : شكله مزيون ابحثي لي متزوج ولا لا ،
مريم نزلت وهي تناظر فيها : وخزياااه يالخفيفه ،
اسماء بضحكه : شدعوه بس ملامحه حلو يعني و طوله بعد حتى حواجبه حلو وعيونه بعد و.قاطعتها مريم وهي تدفها وتناظر فيها بطرف عينها : لو سمعك عمي يدفنك معه،
'
متعب : اقول اركب انت و علقهم ماني مستعجل على موتي،
سلطان : سبع ارواح ما يصير فيك شي صدقني،
طلع خالد والفراش على كتفه : انكسر ظهري حسبي الله،
هزاع التفت لهم : اخلصو اخلصو بس ،
سعود مشى لعندهم : يا عيال شفيها هذي ماعاد تطلع من البيت ! لو السبب منيف قسم بالله اكسر راسه ،
خالد : من يقصد هالثور؟
متعب : يقصد العراقيه اكيد من غيرها ،
هزاع : البنت ما درت عنك قم انقلع بس ،
سعود : اهم شي احبها و قريب اعترف لها ،
سلطان : اذا ما رمت عليك النعال ما اكون سلطان ،
تركي عدل شعره ومشى فتح الباب وطلع من البيت وهو يسوف العيال متجمعين والواضح يجهزون للعرس صد ومشى لمكانه المعتاد وجلس ، هزاع من حس بباب صوت بيته ما التفت وعطاه ظهره وهو يناظر للعيال وهم يشتغلون،
سعود تنهد ومشى عند تركي : سلام شمسوي؟
تركي ابتسم بخفه : ابد بشرني انت شصاير معك؟
سعود : والله مشغول مع العيال ،
تركي ؛ اي شايف الوضع ،
سعود : مو ناوي تتفل على الشيطان وتبعده عنكم؟
تركي : مافي شيطان بيننا هالمره ،
سعود : وهالزعل وش تسميه اذا مافي شيطان بينكم؟
تركي صد : هو الي فضل هالشيء وانا ما ارخص كرامتي لاجل احد الي وده يبعد يبعد والي بيزعل خل يزعل ماعاد يفرق،
سعود : اووه وكبرنا يا تركي وصار ماعاد يفرق شي؟
تركي : ليه يا سعود يفرق؟ علمني ايش غلطتي يوم انه يصد عني؟ علمني ايش ذنب قلبي لا حب اخته؟
سعود : و ايش ذنب اخته تتشوه سمعتها بسببك؟
تركي : الله واكبر يا سعود الله اكبر يوم طلبت يدها صرت اشوهه سمعتها يوم عجلان وقف بوجههكم وهدد ابوها قدام الكل وثاني يوم طالب بيدها هذا صار حُب مو تشويهه سمعه صح؟ ويوم انا بعت كرامتي وترجيت الكل عشانها صرت اشوهه سمعتها والكل يصد عني ابوي وهو ابوي يصد!
سعود تنهد وهمس : اسف مو مقصدي كذا بس اقصد وقت هواشك مع منيف بسببها ،
تركي : ما رضيت على نفسي يوم تكلم بهالطريقه ،
سعود : عالعموم الي حصل حصل ماعاد يفرق البنت راحت لغيرك وبعد بكره عرسها طلعها من راسك واتفل على الشيطان الي واقف بينك وبين هزاع واعتذر ،
تركي : لو انطبق السماء على الارض ما اعتذرت ،
سعود : مُصر على قرارك يعني؟
تركي : افهم زي ما تبغى لكن انا ماراح اعتذر ،
'
زليخه كانت جالسه والفساتين قدامها ومحتاره بينهم فجاه دخلت ام تركي وناظرت باستغراب : شقاعده تسوين؟
زليخه : محتاره ايش البس بعرس كحيله،
ام تركي بحدها : مافييي لا عرس ولا خرابيط ولا حنا رايحين،
زليخه بصدمه : كيفففف كذااا مستحيللل لازمم اروحح!!
ام تركي : طالعي بوجه اخوكِ وشوفي حالته بعدين قولي هالكلام ما تستحين وانتي للحين مبسوطه لها! بسببها اخوكِ صاير ما يجلس بالبيت كله همه يشتغل بسببها ابوكِ صارخ عليه بسببها صارت كل شي!
زليخه صدت بقهر : بس كحيله مالها ذنب بكل هذا،
ام تركي : وبكل وجه واقفه قدامي تدافعين عنها!
'
ابو عجلان ابتسم : اي ما شاء الله العيال مشغولين ،
عجلان : عمي اذا محتاجين شي كلموني اساعدكم،
ابو هزاع ابتسم : لا لا ياولدي انت اجلس هُم يتصرفون ،
ابو سلطان : وبعدين ياولدي انت اكيد مو متعود ع هالاشياء،
عجلان بضحكه : نتعلم ليش لا،
ابو هزاع : ما يحتاح ياولدي كل الي ابيه منك تحط بنتنا بعيونك الثنتين بنتي بـ امانتك وانا واثق فيك ،
عجلان ابتسم : وانا ماراح اخيب ظنكم يا عمي ،
ابو سلطان ابتسم والتفت لابو هزاع وهمس بخفه : شايف قلتلك انه رجال كفو وافق وماراح تندم،
'
كحيله : يمه بنات توترت ليه جاي هو؟
اسماء : يا عيني يا عيني على الحُب ،
مريم : اكيد جاي عشان تجهيزات العرس حماس ،
كحيله : حماس بعينك انا هنا قاعده اموت من مغص بطني متوتره وخايفه حتى شكله يخوف يا بنات ،
اسماء : اقول خلي عنك بس والله انه حلو ،
مريم : والله ما بقى غير العامل الي بشارع تحبينه يا خفيفه ،
اسماء : اذا حلو نحبه ليش لا نحب الحلوين نكحل عيوننا ،
مريم : الله يعين الي بياخذك والله ،
اسماء : الله يقوم حظي زي ما قوم حظ كحيله عاد ،
مريم : طيح الله حظك وانتي حاطه عينك على الكل ،
فجاه دخلت ام سلطان : يلا بسرعه الحقوني للمطبخ ،
اسماء : وع روحي يا كحيله اكيد يطبخون لزوجك ساعديهم،
مريم : خير تساعد هي عروسه روحي انتي ،
'
- نروح لحياة فارس صديق عجلان -
'
دخل البيت وهو يناظر لـ يوسف يلعب بالصاله ابتسم ومشى شاله وهو يبوسه : يا هلا بحبيب ابوه ،
دخلت نجود وناظرت فيه : وين كنت كل هالوقت؟
فارس ترك يوسف وناظر فيها : عند صاحبي ما حسيت بالوقت نمت بالغلط وما سمعت اتصالات الجوال ،
نجود : ما شاء الله جهزت اعذارك وجيت قلت كلشي مره وحده؟ وهالفتره كثرت طلعاتك عند صاحبك؟
فارس : ليه ايش رايك انتي اجلس زي الحريم بالبيت؟
نجود : اي اجلس زي ما انا جالسه ومتحمله!
فارس : تدرين والله اني طايق لفلسفتك مصدع ،
نجود : ابي اسافر عند اهلي هذي ثاني سنه ما رحت لهم!
فارس بحده : ما يحتاج نتناقش بنفس الموضوع كل مره قلتلك وراي دوام لا خلصت سافرنا عندهم مع بعض ،
'
هزاع قام مشى متوجه لبيت سعود وقف عند الشباك وهو يدقه بهدوء ترفه كانت جالسه تساعد امها يرتبون الملابس لكن فزت من سمعت الصوت وهي تعرف اكيد انه هزاع ،
ام سعود : شكلهم رجعو عصافيرك ،
ترفه قامت : اي بقوم اشوف وقامت مشت عند الشباك،
لكن وقفها صوت امها : ارجعي انتي انا بشوف ،
ترفه فزت بخوف : ءءيمه انا بشوف انتي اجلسي ،
ام سعود قامت مشت : اجلسي مكانك ،
'
'
كفينا ووفينا🙈💙
'
'