يا اهل العذاري يا اهل العيون الكحيل

يا اهل العذاري يا اهل العيون الكحيل بارت The end '

= يا اهل العذاري يا اهل العيون الكحيل بارت The end '
'
= النهايه والبارت الاخير ويارب حبيتو الروايه '
{ بعد سنين طويل }
'
عجلان كان يضحك وهو يربط شعر حلا ديم رمت عليه المخده : اضحككك بشويشش عبود نايم ،
عجلان : والله ضحكت من بنتك وشعرها شذا ،
ديم : والله طالعه تهبل ،
عجلان : تقول جايه من الصين حاطه لها قرنين ،
ديم : اسكت عاد لا تجرحني تعبت وانا اضبط له ،
عجلان : خلينا من حلا علميني امس ليه نمتي بدري؟
ديم : مدري كنت مصدعه من صياح عبود ،
عجلان : كنت ناوي اقولك نطلع نتمشي ونغير جو ،
ديم : وين المشكله نروح اليوم وناخذهم يغيرون جو ويستانسون وخصوصًا حلا طفشت من البيت ،
عجلان ابتسم : هذي افدييي لها بروحي بعد ،
ديم ضحكت وهي تناظر فيه بحُب ،
'
كحيله بقهر : راكاننن قلتلككك البس الجزم بسرعهه ،
راكان بدموع : ءءمابييي مابيي ،
تركي طلع وهو ينشف شعره : شفيه ولدي يبكي؟
كحيله : امي كلشوي تتصل تقول تعالو ساعدوني اليوم عمكم مسوي عزيمه وهذا يعاند ياخرنيي ،
تركي : افااا ركوني ليه تعاند ماما و التفت لكحيله وش يبي؟
كحيله : يقوللل يلبس ملابس النوم يبي يفشلنيي ،
تركي : افاا وين علوم المراجيل وانا ابوك ،
كحيله : تركي والله راح اذبحه اذا عصبني ،
تركي ومشى لعندها ومسك يدها : اذبحيني انا بداله لاني تعبت من قوة الحب الي بقلبي لك !
كحيله ابتسمت : وانا والله تعبت من ولدك مو من حبك ،
تركي : خليه يصيح وعلميني شكثر تحبيني؟
كحيله التفتت لراكان وهي تضحك : قد عدد دموع ولدك ،
تركي : الله اكبر الحين شعرفني ب عدد دموعه ،
'
و ترفه جابت توام كانت واقفه تهز يامي و نور تبكي.
هزاع تحرك بانزعاج من نومه : شفيها سكتيها ،
ترفه : يخي تعبت اسكت هذي ولا هذا حتى نوم ما نمت ،
هزاع : جيبيه عندي عطيني ياها ،
ترفه مشت وهي تشيل نور واخذتها عند هزاع ،
هزاع بصدمه : شفيكِ تبكين؟؟
ترفه بدموع : والله فيني نوم ولا نمت من امس ،
هزاع حزن عليها : روحي نامي بالغرفه الثاني و ارتاحي وخليهم عندي رايح لاخوي وهناك اتصرف فيهم بنفسي ،
ترفه : يارببب لك الحمد و ركضت طلعت تنام قبل يبكون ،
هزاع التفت لـ نور الي كانت تناظر وساكته ، و يامي الي يبكي قام شاله وهو يسكته ،
'
منال : سعود يلاا بسرعه تاخرنا متى نمشي؟
سعرد : بنمشي الحين رسلتي محمد مع امي؟
منال : اي راح بنفسه قال اروح مع جدي وشفت يوسف معاهم وهو تحمس يروح معاهم بعد ف تركته ،
سعود : زين سويتي ولا كان راح يتعبك وانتي حامل ،
منال : بس تكفى فهمه هناك لا يتضارب مع الاطفال ،
سعود بضحكه : هالولد شرير معرف طالع على مين ،
منال : والله على ابوه بدون اي تفكير ،
سعود : افااا هذا وانا حنون معكِ ،
منال ضحكت وقربت حطت راسها على كتفه وهو يسوق ،
'
= والكل تجمعو ووصلو لعزيمة ابو سلطان =
'
البيت املتئ بازعاج الاطفال يركضون ويلعبون ويصارخون ،
عجلان كان طالع استغرب وهو يشوف محمد يشد شعر حلا وصارخ : ولدددد محمدددد اتركككمهااا ،
محمد تركه و ركض هرب للمجلس ، عجلان مشى شال حلا و دخل وناظر لسعود : فهم ولدك لا اقوم اكسر ظهره بالعقال،
متعب بضحكه : وش مسوي هالشيطان؟
عجلان : شفته وهو يشد شعر بنتي ،
هزاع : انتظر يا محمد خل ولدي يكبر والله انه يلطسك بالنعال ويربيك ويعلمك كيف تمد يدك على البنات ،
سعود : ما شاء الله كلكم على ولدي الضعيف ،
تركي : تكفى قل شيطان ابليس شرير الا ضعيف استحى على وجهك وانت تنطق هالكلمه ،
سعود : ولدي حنون بس يمزح مع عيالكم وانتم حساسين وا تتحملون وشفيها اذا شد شعرها كان يحرب باروكه ولا لا ،
عجلان : والله باروكه بعينه انت وهو ،
دخل سلطان : محمدددد ويننن مفتاحيي؟؟؟
محمد بكذب : ما اعرف عند يوسف ،
فارس : اقول اسكت بس لا تكذب على ولدي الحنون ،
سلطان : سعودد قل له يطلع مفتاحيي قبل اجلده ،
سعود حس بشيء في جيب محمد كان جالس بحضنه وعرف انه مفتاح سلطان وطلعهم : هاه خذ ما ازعجتنا ،
هزاع : اعوذ بالله من ذا الادمي السارق ،
سعود : لو سمحتو ما سرق كان يجرب بس يدخل بجيبه ولا لا،
راكان دخل المجلس و ركض عند ابوه تركي وجلس بحضنه ،
سعود : هاه جاء العنيد الي ما يسمع الكلام ،
تركي : والله احسن من ولدك الشيطان ،
'
منال كانت واقفه وهي تقطع الفواكه ،
ترفه وهي ترضع بنتها : اوفف وحده تسوي خير وتاخذ مني ،
كحيله وهي تسوي القهوه : والله فكينا ما نبي ،
نجود : انا تبت من بعد ماريا طلعت عيوني الاثنين ،
فجاه دخلت ام هزاع : بسرعهه اخلصووو ،
دخلت مريم وبيدها يامي : ترفووو شوفي ولدك يصيح ،
اسماء كانت واقفه تنوم ماريا وهي تضحك على البنات ،
ديم : والله حالتنا يحزن حظكم يا اسماء و مريم ،
اسماء : حظ وشو وانتم جيتو رميتو عيالكم عندنا ،
مريم بضحكه : منجد لا و يوسخون البيت ويمشون ،
كحيله : بروح اشوف وينه هالعنيد اكيد جايب العيد ،
زليخه : والله ولدك العنيد يذكرني بزوجك لما عاند فيكِ الا و يتزوجك و تزوج منك فعلًا.
كحيله : اييي اقول لاخوكِ طالع عليك الولد و ينكر ،
ام سلطان طلعت : تعالو اجلسوو مع الحريم ،
منال : جاينن جاين خالتي ،
'
و ام عساف خطبت اسماء لولدها فيصل وقرب العرس والكل تجمعو يتجهزون للعرس ومريم الي كانت بيدها العصا تركض ورا الاطفال تسكتهم والكل يضحكون عليها ،
'
= انتهى قصة ابطالي ولله الحمد ويارب يكون عجبكم الاحداث لاني جدًا مشغوله هالايام و حاولت الحق اكتب قد ما اقدر ان شاء الله تنال اعجابكم جميعًا =
حسابي انستا : arwicx
'
'